نفسك تغير ايه في مصــــــــــر

[moonlight]

السلام عليكم و رحمة الله و بركاته

طبعا هي مصـــــــــر بلدنا و بنحبها .... و مهما لفينا بردو مالناش غيرها

علشان كدا بنتمنى تكون احسن بلد في الدنيا

يا ترى نفسكم يتغير ايه في مصر.... غير الحكومة طبعا لان دي امنية مفروغ منها للجميع

لكن اقصد ايه من سلوكيات الناس اللي بتواجهكم و تلفت نظركم و بتتمنوا في نفسك انها تتغير

طبعا كل واحد فينا بيتعامل مع ناس مختلفين و كل واحد ليه ملاحظاته

ياريت تفتحوا عقولكم و قلوبكم و نتكلم سوا في الموضوع دا

و لو حد عنده افكار كمان يقولها بخصوص المسألة دي

[مخلب الفهد]

انا هارد بأختصار البلد دى عايزة كل حاجه فيها تتغير اولا السياسه الداخليه ثانيا وزارده الداخليه ياريت يلغو وظيفه امين الشرطه لان هو فاكر نفسه انه وزير الداخليه ثالتا الطرق والكبارى رابعا احنا عندنا اكتر من تسعين فى الميه صحراء من مساحة بلدنا ياريت نصها تتزرع والنص التانى يتبنى بس ده فى الاحلام خامسا الاقتصاد احنا اقتصدنا مدمر سادسا تنظيم الاسرة كل واحد بيتجوز بخيخلفله اكثر من تلات اطفال سابعا السلوك الدبلوماسى للشعب ثامنا مراعاة محدودى الدخل تاسعا الديمقراطيه ياجماعه انا لو قعدت اعد من هنا للصبح مش هنلاقى حاجه نفرح بيها فى بلدنا غير حاجه واحده انا احنا عندنا علماء مصرين ينافسو ويتفوقو على الغرب وتحياتى لكم

[yasmeen]

بجد في حاجات كتيرة في مصر محتاجة تتغير

ربنا سبحانه وتعالي قال( ان الله لا يغير ما بقوم حتى يغيروا ما بأنفسهم )

اسؤا حاجة في الشعب المصري ان معظمهم مش عايز يتغير و ساكتين وكل واحد بيقول نفسي

مش بيتمردوا علي الوضع الحالي اللي كلنا عارفينه ومش محتاجة اتكلم عليه وربنا يبعد عننا

عيون الحكومة clap[1].gif clap[1].gif

بالنسبة للشعب نفسه في حاجات كتير اوي غلط يعني مثلا الوسطة والرشوة ده بقي وجودهم امر طبيعي

حاجة تانية فينا ومنتشرة اوووي الايام دي الاستسلام والتخلف يعني اي حد يقولك مصر دي دولة متخلفة

قصدي دولة ناميةshootme.gif نقوله انت متعرفش مصر دي 7000 سنة حضارة والكلام المحفوظ ده

طيب ده زمان بس دلوقتي انتوا عملتوا ايه كسل واستسلام وتقليد الغرب في حاجات هايفة

والمسلسل الفلاني بيجي الساعة سابعة اوعي متشوفهوش ولاتؤجل عمل اليوم الي الغد اجله لبعد بكره

واجمل حاجة في المصريين التملق والنفاق مثلا لرئيسه في عمله مش مهم الشغل نفسه مش بقول الكل

بيعمل كده بس ده المعظم ومحدش يقدر ينكر

وكمان الكلام اللي مش بيتحقق وبنضحك علي بعض بيه ان احلام بكره بتاعة سعادتك نحققهالك قبل امبارح

ومفيش حاجة بتتعمل clap[1].gif وشخطبة اولاد سعادتك رسم لمستقبلنا وكل الكلام ده

بجد دي الحاجات اللي نفسي تتغير فينا الكسل والاهمال والنفاق وكل العيوب اللي انا قولتها

هو في حاجات تانية كتيييييير بس بلاش فضايح بقي احنا عارفين نفسنا اكتر من اي حد:)

بس مش معني كده ان احنا كلنا كده وان احنا كلنا عيوب ومفيش ولاميزة واحدة

اكيد لينا مميزات كتيرة وبرده مصر احسن من غيرهاty_ty.gif


معلش طولت عليكي بس الموضوع عاجبني اوووي

وحبيت اقول رايي فيه

ميرسي ياقمر علي الموضوع الرووووعة زي كل مواضيعك الجميلة بجد

وفي انتظار كل جديد منك

[Mr-LOrd]

انا متفق بالكامل


بكل اللى قالته ياسمين


تحياتى ؛؛

[moonlight]

انا هارد بأختصار البلد دى عايزة كل حاجه فيها تتغير اولا السياسه الداخليه ثانيا وزارده الداخليه ياريت يلغو وظيفه امين الشرطه لان هو فاكر نفسه انه وزير الداخليه ثالتا الطرق والكبارى رابعا احنا عندنا اكتر من تسعين فى الميه صحراء من مساحة بلدنا ياريت نصها تتزرع والنص التانى يتبنى بس ده فى الاحلام خامسا الاقتصاد احنا اقتصدنا مدمر سادسا تنظيم الاسرة كل واحد بيتجوز بخيخلفله اكثر من تلات اطفال سابعا السلوك الدبلوماسى للشعب ثامنا مراعاة محدودى الدخل تاسعا الديمقراطيه ياجماعه انا لو قعدت اعد من هنا للصبح مش هنلاقى حاجه نفرح بيها فى بلدنا غير حاجه واحده انا احنا عندنا علماء مصرين ينافسو ويتفوقو على الغرب وتحياتى لكم

بيني و بينك هي وزارة الداخلية عاوز تتلغي كلها.... و انت معاك حق في كل حاجة ذكرتها فعلا

بس انت مش معايا ان العلماء المصريين بيتفوقوا لما يخرجوا بره مصــــــــر.......

يعني مصر نفسها لا بتنفعهم و لا بتستفيد منهم بعد تفوقهم ....

هي زي ما انت قلت عايزة كل حاجة فيها تتغير

[moonlight]

بجد في حاجات كتيرة في مصر محتاجة تتغير
ربنا سبحانه وتعالي قال( ان الله لا يغير ما بقوم حتى يغيروا ما بأنفسهم )
اسؤا حاجة في الشعب المصري ان معظمهم مش عايز يتغير و ساكتين وكل واحد بيقول نفسي
مش بيتمردوا علي الوضع الحالي اللي كلنا عارفينه ومش محتاجة اتكلم عليه وربنا يبعد عننا
عيون الحكومة clap[1].gif clap[1].gif
بالنسبة للشعب نفسه في حاجات كتير اوي غلط يعني مثلا الوسطة والرشوة ده بقي وجودهم امر طبيعي
حاجة تانية فينا ومنتشرة اوووي الايام دي الاستسلام والتخلف يعني اي حد يقولك مصر دي دولة متخلفة
قصدي دولة ناميةshootme.gif نقوله انت متعرفش مصر دي 7000 سنة حضارة والكلام المحفوظ ده
طيب ده زمان بس دلوقتي انتوا عملتوا ايه كسل واستسلام وتقليد الغرب في حاجات هايفة
والمسلسل الفلاني بيجي الساعة سابعة اوعي متشوفهوش ولاتؤجل عمل اليوم الي الغد اجله لبعد بكره
واجمل حاجة في المصريين التملق والنفاق مثلا لرئيسه في عمله مش مهم الشغل نفسه مش بقول الكل
بيعمل كده بس ده المعظم ومحدش يقدر ينكر
وكمان الكلام اللي مش بيتحقق وبنضحك علي بعض بيه ان احلام بكره بتاعة سعادتك نحققهالك قبل امبارح
ومفيش حاجة بتتعمل clap[1].gif وشخطبة اولاد سعادتك رسم لمستقبلنا وكل الكلام ده
بجد دي الحاجات اللي نفسي تتغير فينا الكسل والاهمال والنفاق وكل العيوب اللي انا قولتها
هو في حاجات تانية كتيييييير بس بلاش فضايح بقي احنا عارفين نفسنا اكتر من اي حد:)
بس مش معني كده ان احنا كلنا كده وان احنا كلنا عيوب ومفيش ولاميزة واحدة
اكيد لينا مميزات كتيرة وبرده مصر احسن من غيرهاty_ty.gif
معلش طولت عليكي بس الموضوع عاجبني اوووي
وحبيت اقول رايي فيه
ميرسي ياقمر علي الموضوع الرووووعة زي كل مواضيعك الجميلة بجد
وفي انتظار كل جديد منك

و الله يا ياسمينـــــــا انت قلتي اكتر من اللي كان في بالي بكتير

هي مصــــــــر جميلة انا معاكي و احسن من غيرها صح.... و حتى الناس بردو مش كلهم وحشين

بس لو يغيروا سلوكياتهم في حاجات كتير هاتتغير

و تسلمي يا عسولة على المرور المتميز دايما

[moonlight]

انا متفق بالكامل
بكل اللى قالته ياسمين
تحياتى ؛؛

فعلا يا لورد هي ياسمين جابت الفايدة كلها

و تسلم على المرور الجميل

[untouchable]

يا اخوانا هناك فرق شاسع بين نقد الذات وبين التجريح
يعنى الفساد والرشوة والنفاق مش حجر علي مصر
موجوده في اكثر دول العالم تقدما
لكن للأسف احنا بس بنتقن فن نشر الغسيل القذر
وكل واحد بيغلط في مصر بيحس انه بكده بقا ايجابي
انا واحد من الناس مش عاجبانى الحاجات اللي قلتو عليها دى
بس دى مش في مصر بس.............وانظر حولك ولكن بنظرة واعيه ستجد ان امريكا
النموذج الصارخ للديمقراطيه تمارس فيها تجاوزات فظيعه وفساد كبير في كل القطاعات
والرئيس بيطرى للشعب والحاجات دى كلها.............
اتفق معكم ان مصر قد استشرى فيها الفساد
ولكن هذا خطأنا نحن
وتعجبنى قولة منير (طول العمر العسكر عسكر......بس الناس الناس كانت ناس)
فالفساد والجرائم موجوده من قديم الازل بقدم الانسان علي المعمورة
والقتل ابشع الجرائم
من اول الجرائم التى ارتكبي..........فبالله عليكم لا تحملوا مصر كل ذنوب البشر
احب مصر واعلم انكم تحبونها
والاختلاف في الرأى لا يفسد للود قضيه واكن لكل اخوانى الذين تحدثوا كل احترام
لكن هذا رأيي......................................
اما بالنسبه نفسي يتغير ايه في مصر
فهو سلوك العشوائيه والسلبيه في الناس وقله الذوق العام
يعنى عدم مراعاه الاخرين ولا النظام
والاستمتاع بخرق القوانين.................الا من رحم ربي
وهذا ليس خطأ مصر انه خطأنا

كل الشكر عالموضوع الجااااااااااااااااااااااااااااااااااااااااااااامد جدااااااااااااااااااااااا

[moonlight]

نورت يا untouchable انت فين ... كل دي امتحانات

شوف بقى انا باختلف معاك في الكلام دا .... احنا في ازمة حقيقية و لازم نعترف بكدا و الا عمرنا ما هانطلع منها

يا اخوانا هناك فرق شاسع بين نقد الذات وبين التجريح
يعنى الفساد والرشوة والنفاق مش حجر علي مصر
موجوده في اكثر دول العالم تقدما


لكن في الدول دي الامور دي مش مأثرة على حقوق الناس في الحياة الكريمة و الخدمات بصورة عامة

و كمان في محاسبة حقيقية لاي مسئول بيتكشف مهما كان منصبه

لكن للأسف احنا بس بنتقن فن نشر الغسيل القذر
وكل واحد بيغلط في مصر بيحس انه بكده بقا ايجابي


احنا لو ماعترفناش بمشاكلنا و واجهناها بصراحة عمرها ما هاتتحل

و بعدين مافيش حد غلط في مصر... و الا نكون بنغلط في نفسنا

احنا بنتكلم عن سلوكيات الناس

انا واحد من الناس مش عاجبانى الحاجات اللي قلتو عليها دى
بس دى مش في مصر بس.............وانظر حولك ولكن بنظرة واعيه ستجد ان امريكا
النموذج الصارخ للديمقراطيه تمارس فيها تجاوزات فظيعه وفساد كبير في كل القطاعات
والرئيس بيطرى للشعب والحاجات دى كلها.............


مين قالك ان الامريكان مبسوطين و الا مش بيناقشوا مشاكلهم

انا واحدة امريكية قالت لي احنا عيبنا ان احنا بنتعامل مع الشعوب التانية من فوق

و دا مخلينا جاهلين بامور كتير في العالم و انتقدت نظام التعليم

دا يخليك تحترمها اكتر و الا تقول انها بتنشر غسيلهم القذر

اتفق معكم ان مصر قد استشرى فيها الفساد
ولكن هذا خطأنا نحن
وتعجبنى قولة منير (طول العمر العسكر عسكر......بس الناس الناس كانت ناس)
فالفساد والجرائم موجوده من قديم الازل بقدم الانسان علي المعمورة
والقتل ابشع الجرائم
من اول الجرائم التى ارتكبي..........فبالله عليكم لا تحملوا مصر كل ذنوب البشر
احب مصر واعلم انكم تحبونها


لو مش بنحبها مش هانتعب نفسنا و نكتب الكلام دا كله

و مش هايكون نفسنا كل حاجة فيها تتصلح

والاختلاف في الرأى لا يفسد للود قضيه واكن لكل اخوانى الذين تحدثوا كل احترام
لكن هذا رأيي......................................
اما بالنسبه نفسي يتغير ايه في مصر
فهو سلوك العشوائيه والسلبيه في الناس وقله الذوق العام
يعنى عدم مراعاه الاخرين ولا النظام
والاستمتاع بخرق القوانين.................الا من رحم ربي
وهذا ليس خطأ مصر انه خطأنا
كل الشكر عالموضوع الجااااااااااااااااااااااااااااااااااااااااااااامد جدااااااااااااااااااااااا


نورت الموضوع بمرورك المميز كالعادة.... و ربنا يوفقك في الامتحانات

[untouchable]

يا moonlight
اشكرك عالاسلوب المقنع والرد المفصل
بس انا عارف ان الامريكان بينتقدو نفسهم
لكن احقاقا للحق فانا معرفتى لثقافه الشعب الامريكى تنبع من افلامهم ولم اعايش امريكان معايشه فعليه
لكن انا هديكى مثال لطريقه نقدنا ونقدهم
فيلمين كل منهم اراد صاحبه ان ينتقد مجتمعه
فانتقدوا هم بشكل ممتع ومحترم........
اما نحن فتطرقنا للمجتمع وكأنه سله مهملات لاتوجد به ايجابيه واحده
فيلم( departed) و (عمارة يعقوبيان).
واظن ايضا ان في امريكا عندما تعانى ام من ذهاب ابنها الي حرب ومقتله لا لعقيده ولا لشئ الا انه فقير
وهذه قوانين الجيش عندهم..........فلا اظنها تحيا حياة كريمه
وايقن ان الفقراء في مصر وما يعانونه لهم نظرائهم في امريكا ولكن بفروق كمجتمعيه واقتصاديه
تتمثل في الفروق بين البلدين
لم اقل لا تنتقدوا مصر فمصر مليئه بالفساد الذى يكبلها والغباء الادارى واللامبالاة لمشاعر الاغلبيه المقهورة الصامته
وعشان تعرفو انا اد ايه مش عاجبنى الحال فانا شاعرى المفضل الان هو احمد مطر
واليكم لطمه من لطماته قصيده صغيرة جدا لا تتعدى الخمس سطور ولكنها معبرة علي واقعنا بطريقه فظيعه :
رأيت جرذا
يخطب اليوم عن النظافه
وينذر الأوساخ بالعقاب
وحوله
يصفق الذباب

طبقوها علي كل مجال ستجدونها فعاله
في مجال السياسه....الاقتصاد......وايضا في المعنى الظاهر بلا توريه عن النظافه......
ولكن يا اخوانى هذ كله ليس في مصر فقط....فحالنا حال السوريون بلا ادنى اختلاف
والعرب جميعهم يعانو ما نعانى منه مع اختلاف ان لديهم القوة الاقتصاديه التى لا يحسنون استغلالها
اؤيد نقد الذات...ولكن لا تحملونا كل ذنوب البشر...................

[untouchable]

نورت يا untouchable انت فين ... كل دي امتحانات
[color=#00FFFF]نورت الموضوع بمرورك المميز كالعادة.... و ربنا يوفقك في الامتحانات


والله متشكر جدا جدا جدا اوى عاسؤال اللذيذ ده وعالمجامله الرقيقه وعالدعاء الجميل
بس والله مش امتحانات بس انا امر بمحن حقيقيه ارجو من الجميع الدعاء لي
وشكرا مرة تانيه وتالته والف يا مونلايت

[moonlight]

رأيت جرذا
يخطب اليوم عن النظافه
وينذر الأوساخ بالعقاب
وحوله
يصفق الذباب


هههههههه.......... تعرف و الله معبر جدا الكلام دا

دايما منور بتعليقاتك الجميلة

و يارب محنك تنهتي على خير و في اسرع وقت

علشان نكون في تواصل مستمر

ربنا معـــــــــــــاك