اسئله شبابيه جدا

[مخلب الفهد]

إزيكم عاملين إيه ؟؟


طبعا دينا الحنيف ورسولنا الكريم شجعوا على الزواج المبكر ,, من النقطه دي هبدأ الموضوع

و الموضوع عباره عن كام سؤال ::: وجوابه هيختلف طبعا بإختلاف وجهات نظر كل واحد فيكوا وبإختلاف اعماركوا وأرجو عند الاجابه وضع التعليل المناسب لاجابتك ,,,(( طبعا الاسئله شامله البنات والولاد ))

^
^
^
^
^
^
^
^
^

1-هل إنت بتشجع على الزواج المبكر ؟؟ ولو لأ , فإيه السبب ؟؟



2- وإيه هو بداية السن المناسب للزواج عند الشاب وعند البنت ؟؟



3- وهل إنت فعلا بتؤمن بمقولة إن البنت بتكبر قبل الولد ؟؟ مع التوضيح



4- إيه هو أقصى فرق في السن بين الشخصين إلي هيرتبطوا ببعض ؟؟



5- لو إنتي بنت ردي عليا علطول في السؤال إلي جاي ولو إنتَ ولد حُط نفسك مكان البنت وتخيل الوضع وجاوب بردو كبنت ,,,

إزاي البنت تعرف تفرق ما إذا كانت مبهوره بالشخص نفسه أو إنها مبهوره بـ إلي معاه كعربيه وشقه ومستوى اجتماعي والكلام ده ,,, ؟؟؟

وارجو انى اللى قرء الموضوع يشارك بوجهه نظرة

[lialy]

1-هل إنت بتشجع على الزواج المبكر ؟؟ ولو لأ , فإيه السبب ؟؟

1- لا سن مبكر اوى لا فى سن الجواز العادى يعنى 22 سنه لما فوق لان ده الوقت ايلى الولد او البنت يقدروا يتحملوا المسئوليه
2- وايه هو بدايه السن المناسب عند الشاب والبنت؟

للبنت من 22 الى 25 والولد من 25 الى 30
اكتر من كده كلام الناس بيكتر مع ان فى بنات اكبر من كده وماتجوزتش بس الناس مابترحمش



3- وهل إنت فعلا بتؤمن بمقولة إن البنت بتكبر قبل الولد ؟؟ مع التوضيح

ايوه لان البنت ممكن تشيل المسئوليه من سن 17 سنه ممكن تتجوز او والدتها تموت وهى ايلى تشيل مسئوليه البيت انما الولد لا مايقدرش يفتح بيت فى السن ده والبنت عموما تفكيرها بيكون سابق الولد

4-وايه هو اقصى فرق فى السن بين الشخصين ايلى هارتبطوا ببعض؟

مش اقل من 3 سنين وممكن اقل حسب النصيب بس ده المفروض


5- انا بقى بنت هاقولك لو بحب الشخص ده مش هاتفرق بقى معاه عربيه معاهوش اهم حاجه الشخص انما مابحبوش ابقى زى زى اى بنت عاوزه واحد تقدر تواجه بيه اى حد وتعرف تفرق لو كانت هى طماعه من مطالبها وهو كمان هايعرف

موضوح حلو اوى اوى

[سريتا]

السؤال الاول لاء لان فيه مضار صحية كتيرة لزواج المبكر 2- البنت مابتكون اتزان كفاية وكمان يكون الولد غير قادر علي تحمل المسوؤلية

2- اثبت الدراسات ان السن المناسب لزواج البنت بيدا من سن 18_20 لان البنت بتكون كاملة العقل ومتزنة واعلم بالحياة وقادرة علي تحمل الصعاب في حياتها الجديدة

3- نعم ودا سبب علمي لان الهرمونات الانثوية بتبدا عند البنت قبل الولد لذلك بتظهر عليها معالم الكبر اول ( قصدك يعني تنضج )

4-1_5سنين

5- سهل خالص اذا البنت لما تفكر بالشخص دا وبتفكر بما يملكه او لم تقعد تقول لاصحابها عنده كذا وكذا فهي تنتبه ومن حولها انها مهتمة بما يملك ومش بذاته ........ اما اذا قعدت تفكر بمحاسنه هو عمل كدا فهي اكيد حتكون مهتمة بشخصه

[moonlight]

هي الاسئلة دي اجاباتها تختلف من حالة لحالة بس بشكل عام يعني..........


-هل إنت بتشجع على الزواج المبكر ؟؟ ولو لأ , فإيه السبب ؟؟

نعم اشجع طبعا.... و السبب ان هي دي سنة الحياة

بس بالمعقول مش المبكر أوي زي اللي بيتجوزا 16 و 17 سنة لان في السن دا مش هيختاروا صح

و كمان هايضيعوا احلى ايام ممكن يعيشوها من غير مسئوليات


2- وإيه هو بداية السن المناسب للزواج عند الشاب وعند البنت ؟؟

للبنت من 20 كويس و الشاب طبعا اكتر يعني ممكن من 25


3- وهل إنت فعلا بتؤمن بمقولة إن البنت بتكبر قبل الولد ؟؟ مع التوضيح

هي دي بتعتمد على طبيعة الشخص نفسه و ظروف حياته مش شرط يعني


4- إيه هو أقصى فرق في السن بين الشخصين إلي هيرتبطوا ببعض ؟؟

هو حلو يكون فيه فرق علشان يكون في حد عاقل في البيت.... بس والله مش شرط انتوا بردو بتفضلوا اطفال كبار

يعني بشكل عام هو من 5 كويس بس ما يزدش عن 10

و عن تجربة شخصية هو 8 كويس مش وحش بردو


5- لو إنتي بنت ردي عليا علطول في السؤال إلي جاي ولو إنتَ ولد حُط نفسك مكان البنت وتخيل الوضع وجاوب بردو كبنت ,,,

إزاي البنت تعرف تفرق ما إذا كانت مبهوره بالشخص نفسه أو إنها مبهوره بـ إلي معاه كعربيه وشقه ومستوى اجتماعي والكلام ده ,,, ؟؟؟


تفرق باحساسها.... يعني لو بتحب تقعد معاه و تسمعه و هو بيتكلم و تفرح لما يكلها بالتليفون تبقى مبهورة به هو

غير كدا لو هي مبهورة بالماديات هاتبقى هي عارفة نفسها


و شكـــــــــــرا مخلب الفهد على الموضوع ..........فعلا مهم للشباب

[مخلب الفهد]

شكرا يا ليالى ويا سريتا ويا مون لايت على ارائكم الجميله دى وانا معاكم فى كل اللى انتو قولتوه وشكرا على مشاركتكم اللى نورت الموضوع

[مرفت]

السلام عليكم



موضوع جميل فيه شويه احراج لكني سوف اجاوب على الاسئلة

1-هل إنت بتشجع على الزواج المبكر ؟؟ ولو لأ , فإيه السبب ؟؟

نعم جدا اشجع عليه لانه الحل المناسب


2- وإيه هو بداية السن المناسب للزواج عند الشاب وعند البنت ؟؟

البنات 20
الشباب 25


3- وهل إنت فعلا بتؤمن بمقولة إن البنت بتكبر قبل الولد ؟؟
مع التوضيح
اكيد البنت تكبر قبل الولد وحلو كتيير ان يكون هناك فرق بين الاثنين


4- إيه هو أقصى فرق في السن بين الشخصين إلي هيرتبطوا ببعض ؟؟

بصراحة كل ما كان اكبر بظن بيكون احلى يعني امي وابي بينهم عشر سنين






إزاي البنت تعرف تفرق ما إذا كانت مبهوره بالشخص نفسه أو إنها مبهوره بـ إلي معاه كعربيه وشقه ومستوى اجتماعي والكلام ده ,,, ؟؟؟

لاني راح اختارو بدون شي هههههههههههههه يعني مفلس

[ابو ميمى19]

كانت هنا قراءة اولى للموضوع ولقد سعدت بان يكون هذا هو الطرح الاول النقاشي لك .... واود منك ان تركز على مسالة الزواج المبكر الاسباب والمسببات والتاثير على المجتمع والاسرة واطراف الزواج المبكر..


وان يكون هذا جل تركيزك في الاسئلة الحوارية .. لان موضوع الزواج والطلاق تم مناقشته بشكل واسع ومستفيض في هذا القسم .. وهنا ارجو منك ان توجد افكار جديدة .. والا تحيد عن بوصلة ( الزواج المبكر )


وسؤالي لك للتواصل :

- ما هو مفهوم الزواج المبكر

- ما هي السن التي يمكن القول بها ان هذا الزواج مبكرا ..

- ما الفرق بين القوانين الوضعية وراي لاشرع الاسلامي في تحديد الزواج المبكر من الناحية العمرية ....

- هل هناك تناقض بين ادراجك ومفهوم حديث رسول الله صلى الله عليه وسلم ( يا معشر الشباب من امتلك منكم الباءة فليتزوج ..... ) .



دمت بالف خير صديقي


ابو ميمى

8/6/2007

[مخلب الفهد]

مرفت اولا انا متشكر لمرورك الكريم وكمان فى اجابه اول سؤال انتى قولتى وهوده الحل المناسب الحل المناسب لايه باظبط ياريت توضحى وشكرا ليكى

[مخلب الفهد]

كانت هنا قراءة اولى للموضوع ولقد سعدت بان يكون هذا هو الطرح الاول النقاشي لك .... واود منك ان تركز على مسالة الزواج المبكر الاسباب والمسببات والتاثير على المجتمع والاسرة واطراف الزواج المبكر..
وان يكون هذا جل تركيزك في الاسئلة الحوارية .. لان موضوع الزواج والطلاق تم مناقشته بشكل واسع ومستفيض في هذا القسم .. وهنا ارجو منك ان توجد افكار جديدة .. والا تحيد عن بوصلة ( الزواج المبكر )
وسؤالي لك للتواصل :
- ما هو مفهوم الزواج المبكر
- ما هي السن التي يمكن القول بها ان هذا الزواج مبكرا ..
- ما الفرق بين القوانين الوضعية وراي لاشرع الاسلامي في تحديد الزواج المبكر من الناحية العمرية ....
- هل هناك تناقض بين ادراجك ومفهوم حديث رسول الله صلى الله عليه وسلم ( يا معشر الشباب من امتلك منكم الباءة فليتزوج ..... ) .
دمت بالف خير صديقي
ابو ميمى
8/6/2007


اخى فى الله انا متشكر على ردك وعلى اضافاتك اللى حضرتك ضفتها دى ودى يمكن تكون اهم من اسئلتى فانا باطلب من الاعضاء انهم يردوا عليها وشكرا لأضافاتك الرائعة شكرا ابو ميمى

[moonlight]

- ما هو مفهوم الزواج المبكر

- ما هي السن التي يمكن القول بها ان هذا الزواج مبكرا ..


مفهوم الزواج المبكر يختلف من عصر لعصر..... و من مكان لمكان

يعني وقت ما يكون الشاب و البنت على درجة كافية من النضج لتحمل مسئوليات الزواج

يعني في المدن بيكون السن دا اكبر من الريف نتيجة استمرار اعتماد الولاد على اهاليهم لحد ما يخلصوا دراسة

لكن في الارياف مثلا بيكون تحمل البنت للمسئولية مع والدتها من سن صغير و كذلك الولد بيخرج للعمل مع والده من صغره

حتى لو كانوا بيدرسوا و بالتالي بينضجوا اسرع


- ما الفرق بين القوانين الوضعية وراي لاشرع الاسلامي في تحديد الزواج المبكر من الناحية العمرية ....


انا شايفة ان القوانين الوضعية مش لازم تتدخل في المسائل دي خالص.... لان كل ناس و كل مجتمع و له ظروفه

و نتيجة التدخل دا بتكون التحايل بردو على القوانين ... يعني مالهاش لازمة


هل هناك تناقض بين ادراجك ومفهوم حديث رسول الله صلى الله عليه وسلم ( يا معشر الشباب من امتلك منكم الباءة فليتزوج ..... ) .


مش واضح بالنسبة لي التناقض في ايه بالظبط .... ممكن توضح قصدك؟

[مخلب الفهد]

مون لا يت هو ممكن يكون بيقصد هل هناك تناقض بين تفكيرك او مفهومك ومفهوم حديث رسول الله

وشكرا على ردك العطر

[وحدى انا]

موضوع مهم وهادف جدا
وبشكرك على طرحه

1-هل إنت بتشجع على الزواج المبكر ؟؟ ولو لأ , فإيه السبب ؟؟
اكيد طبعا بشجعه


2- وإيه هو بداية السن المناسب للزواج عند الشاب وعند البنت ؟؟

21 22
كويس

3- وهل إنت فعلا بتؤمن بمقولة إن البنت بتكبر قبل الولد ؟؟ مع التوضيح

لا ما اعتقدش الموضوع بيعتمد على الشخصية مش العمر خالص
بدليل فى بنات سنها كبير ومخها عصفورة
وولاد سنها صغير ودماغها توزن بلد

4- إيه هو أقصى فرق في السن بين الشخصين إلي هيرتبطوا ببعض ؟؟
6 سنين كفاية اوى


5- إزاي البنت تعرف تفرق ما إذا كانت مبهوره بالشخص نفسه أو إنها مبهوره بـ إلي معاه كعربيه وشقه ومستوى اجتماعي والكلام ده ,,, ؟؟؟
الموضوع يرجع للتربية
البنت المتربية على تعاليم الاسلام
وعندها ثقافة معقولة
حتبقى دايما الحاجات اللى بتبهرها فى الشخص مش شكلية ابدا
حتبقى اكيد جوهرية
دينه وعقله

مشكور مرة تانية على طرح الموضوع

[مخلب الفهد]

انتى صح يا وحدى انا

- إزاي البنت تعرف تفرق ما إذا كانت مبهوره بالشخص نفسه أو إنها مبهوره بـ إلي معاه كعربيه وشقه ومستوى اجتماعي والكلام ده ,,, ؟؟؟
الموضوع يرجع للتربية
البنت المتربية على تعاليم الاسلام
وعندها ثقافة معقولة
حتبقى دايما الحاجات اللى بتبهرها فى الشخص مش شكلية ابدا
حتبقى اكيد جوهرية
دينه وعقله


وانا بقى اللى بشكرك على المشاركة الجميله دى

[وحدى انا]

تسلم يا فهد
وما تحرمناش من مواضيعك الهادفة والمهمة

[loola]

-هل إنت بتشجع على الزواج المبكر ؟؟ ولو لأ , فإيه السبب ؟؟

طبعا انا بشجع الزواج المبكر لانه بيحمي الانسان من اي حاج غلط وكمان ده امر ربنا ورسولنا الكريم

2- وإيه هو بداية السن المناسب للزواج عند الشاب وعند البنت ؟؟

والله ده بيتوقف علي امتي يقدروا يستحملوا مسؤليات الجواز بس برضه مايزدش عن 18 او19 سنه

3- وهل إنت فعلا بتؤمن بمقولة إن البنت بتكبر قبل الولد ؟؟ مع التوضيح

لا عادي انا كل اللي مؤمنه بيه ان حرام الواحد يتجوز بعد اما يكون عجز واحلي ايامه ضاعت خلاص او اتنين يكونوا بيحبوا بعض وميقدروش يتجوزوا علشان هما لسه صغيرين

4- إيه هو أقصى فرق في السن بين الشخصين إلي هيرتبطوا ببعض ؟؟

سنتين او تلاته