ايه اكتر حاجه بتضايقك في حبيبك او ايه اللى بيضايقك في حبيبتك؟

[وائل جمعه]

مساء الخير عليكم

موضوعى النهارده عباره عن سؤال

ايه اكتر صفه او عاده او تصرف بيعمله الشخص اللى انتا بتحبه و بيضايقك؟

و يا ترى سالت نفسك حبيبى بيكره فيا ايه؟


عايزين الاجابه بصراحه لو سمحتم

شكرا

[وائل جمعه]

انا عن نفسي بيضايقنى فيها انها صريحه زياده عن اللزوم و ساعات بتكون صراحتها جارحه


و اللي اعتقد انها بتضايق منه فيا هو انى ساعات بتعصب جامد و بعلى صوتى ساعات

[وائل جمعه]

يللا يا جماعه جاوبونى بصراحه

[NiGhTiNgAlE]

انا مبيضايقنيش حاجه
لانو مفيش اصلا
هههههههه
مشكور يا غالى
واوعدك اما يكون في
هبقى اجي اقولك
بس يكون سر
هههههههه
لك مني تقديري واحترامي

[MidoOoOo4u]

للأسف لو كنت سألت السؤال دا من شهر يا وائل كنت جاوبتك......

امممممممممممممممممممممممم

بس انا ممكن اقول انى كنت بضايق منها ساعات و مش كتير كمان علشان هيه متسرعه جدا

و الصراحه انا مكنتش بعمل اى حاجة تضايقها

شكرا يا مان على الموضوع الرائع دا

تقبل تحياتى ,,,

[نوووسا]

اولا شكر على موضوعك الحلو اوى اوى

ثانيا بقى انا مش عارفه اقولك ايه لانى بحب كل حاجه فيه

هو ممكن اللى يكون بيزعلنى منه شويه انه بيزعل بسرعه منى وطبعا بكون انا اللى غلطانه لكن

بصراحه بنتصالح على طول لاننا بنحب بعض اووووووى اووووووى

واللى انا بعمله بيزعله هو انى ممكن اعمل حاجات مش ببقى قاصداها لكن حبيبى بيزعل منها

والحمدلله على قد ما اقدر بقيت احاول معملش اى حاجه تزعله منى

وربنا يخلينا لبعض يارب ويكرم كل اتنين بيحبوا بعض ويجعل حياتنا كلها سعادة وحب ان شاء الله

شكرا ليك مرة تانيه على الموضوع الجامد

[وائل جمعه]

نايت يا عندليب

شكرا للمشاركه و يا رب تقابلها و ماتزعلوش من بعض ابدا


ميدوووووووووو

على فكره بقى الموضوع ده فعلا مكتوب من اكتر من شهر
ده اول موضوع ليا في المنتدى بس ماجدش خد باله منه

يللا خير

عموما يا ميدو اغل بالبنات متسرعين خلى اعصابك بارده معاهم

ههههههه

شكرا لمرورك الكريم

نوووووووسسسسسسسسسسسسسسا

اول عنصر نسائي معانا في الموضوع
اولا : يا بخته ( من غير حسد)
ثانيا : مدام بتتصالحوا على طول يبقى خلافاتكوا خلافات طبيعيه و لابد منها لتنشيط العلاقه

ثالثا: ربنا يوفقكوا و يتمملكوا بخير قريب ان شاء الله


شكرا يا جماعه

[مخلب الفهد]

والله بقى انا اللى مبيعجبنيش فيها غرورها مغرورة اوى


بس خلاص بقى اللى راح راح

[loola]

مهوانا قلتلك قبل كده ان انا لسه صغنونه انت مش راضي تصدقني ليه
بس علي العموم الموضوع حلو قوي تسلم ايدك يا كبير

[وائل جمعه]

مخلب

نورت الموضوع و عموما يا عم هيا دي اخرة الغرور

اللى راح راح
والله جاى احسن منه
-------------------------
و الصغنون مش هايفضل ضغنون

بكره يكبر

ويزعل حبيبه

ههههههههههههه

---------------------
شكرا مخلب شكرا لولا

[جنات]

والله يا وائل

انا متسرعه شويه وما بتكلم الي بقلبي بسرعه وده بسببلي مشاكل معاه
وكمان بتخنق من عدم الاهتمام او يكون 24 ساعه مشغول

وكده يعني

تسلم ع الموضوع

[malake]

هو غالبا مابيحولش يزعلني بس مشكلته انه احيانا بيتقمص وغيوووووور مووووت وعصبي

وانا بغير عليه اوي واغلب مشاكلنا بسبب كده

[lo7e]

انا اللى بيزعلنى منها انها معندهاش الجرأه انها تقول انها تقول انها بتحبنى قدام اهلها مع انى بحبها اووى وهيا كمان بتحبنى وعندى فى البيت عارفين كده بس المشكله انى نفسى انها تقول لباباها انها بتحبنى والا هتضسع منى بس هيا شخصسة جميله ورومانسيه اوى وجميله وبحبها وهيا بالنسبه ليا كل حياتى ودنيتى وعمرى
والى عارف انه بيضايقها فيا انى جرئ جدا مع اهلها وصريح معاهم فى كل حاجه وانى مش مخلى موضوعنا سر لانى نفسى العالم كله يشهد على حبنا ونفسى قصة حبنا تتكتب فى كتب والناس كلها تتعلم منها وبجد ان الحب ده احساس وعاطفه فوق الخيال وكلمه بحبك دى ليها معانى كتير اوى بس بجد الحب الشريف اللى مافيهوش اى ضغوط او حاجه تلوثه
وادعيلى انها تقدر تتمالك وتنسى خوفها من باباها وتقول للناس بحبه يا بابا
وشكرا ليك يا قمر على المناقشه الجميله دى وربنا معاك ومعانا

[alfaroun_elmasr]

انا بقى اللى بيضايقنى فيها دلوقتى انا لسة عندى 18 سنة وهية عندها 18 سنة انا بحبها من واحنا عندنا 10 سنوات يعنى واحنا كنا لسة مش نعرف اصلا يعنى اية حب هية من شهريين قالت لية انت مش هتيجى وتخطبنى انا قولتلها انت بتحبينى هية ديمن تقول بحبك اوووووووووى انا بقلها انت مممكن تستننى كمان 4 سنوات وهية تقول انا مش عارفة على فكرة انا والله بحبها جدا جدا جدا جدا دى اكتر حاجة بتضايقنى لاكن هعمل اية الحب صعب جدا ومشكووووووور يا مان على الموضوع الجميل دة واسف انى طولت عليكم