سؤال خاص جدا للشباب والبنات

[lialy]

كل البنات والشباب لازم يجوبوا ؟؟ اوك
دى اسئله مهمه اوى

للشباب ايه اكتر حاجه بتحبها فى البنت من ناحيه شكلها العام؟؟؟؟؟؟

للبنات ايه اكتر حاجه بتعجبك فى الولد من ناحيه شكله العام؟؟؟؟؟؟؟

للشباب بتحب طريقه كلامها تكون ازاى وتحبها ضعيفه ولا قويه؟؟؟؟؟؟؟

وانتى بتحبى طريقه كلامه تكون ازاى ومين يفرض شخصيته انتى ولا هو ؟؟؟؟؟

وايه بتكره فى البنت وايه بتكرهيه فى الولد؟؟؟؟؟


طبعا لازم بصراحه ووضوح

[lialy]

للبنات ايه اكتر حاجه بتعجبك فى الولد من ناحيه شكله العام؟؟؟؟؟؟؟
بصراحه بحب الواحد ايلى انيق فى لبسه وشكله يكون محترم مش لازم كاجوال بس محترم فى كلامه واحس انه راجل فعلا مش لازم يكون امور


وانتى بتحبى طريقه كلامه تكون ازاى ومين يفرض شخصيته انتى ولا هو ؟؟؟؟؟

طبعا لازم يكون خيالى شويه انا خياليه بطبعى وهو ايلى يفرض شخصيته عليه لانى بنت ولازم اكون اضعف من الولد ده طبيعى


بكره فى الولد ضحكه على البنت دى اكتر حاجه بتضايقنى

[untouchable]

شكرا يا ليالي عالموضوع اللذيذ

للشباب ايه اكتر حاجه بتحبها فى البنت من ناحيه شكلها العام؟؟؟؟؟؟

بحب في البنت اهتمامها باناقتها وثقتها في نفسها وده بيبان من مظهرها العام


للشباب بتحب طريقه كلامها تكون ازاى وتحبها ضعيفه ولا قويه؟؟؟؟؟؟؟

احبها قويه بس مش عليا يعنى تكون قويه اه
لكن ضعيفه جدا امامى


وايه بتكره فى البنت وايه بتكرهيه فى الولد؟؟؟؟؟


بكره في البنت مقارنتها بالولد واحساسها بالنقص تجاهه مجتمعيا
وكلمه مفيش فرق بين الولد والبنت............واقولها ازاى الكون فيه جنسين بينهم كثير من الاختلافات التى تميز كل جنس عن الاخر
ولمجتمعنا الشرقي عرف وتقاليد لابد من احترامها

واسمحيلي ليا تعليقات علي اجاباتك :

(بصراحه بحب الواحد ايلى انيق فى لبسه وشكله يكون محترم مش لازم كاجوال بس محترم فى كلامه واحس انه راجل فعلا مش لازم يكون امور )
انيق ماشي بس الباقي ده مش مظهر لان كلامه وانه راجل دى جزء من شخصيه بس انا فهمت ان سؤالك عن الانطباع للوهله الاولي
وانتى شايفاه مثلا واقف في مدرج كده يعنى





وانتى بتحبى طريقه كلامه تكون ازاى ومين يفرض شخصيته انتى ولا هو ؟؟؟؟؟
البنت الي تحب تفرض شخصيتها وارائها اسوأ حاجه ممكن الواحد يقابلها
لانها تخل بنظام مجتمعى واقع احنا عايشين فيه
مفيش مانع من المشاركه مع الاحتفاظ للرجل بحق اتخاذ القرار......


وشكرا ليكى ليالي وارجو انى اكون جاوبت كويس
مستنى الدرجه

[lialy]

اولا ردك 10على 10 وانا فعلا بقول على الانطباع الاول وطبعا الانطباع الاول يدوم وميرسى اوى على ردك المميز

[MidoOoOo4u]

أولا شكرا ليكى جدا يا ليالى على موضوعك المتميز دا
أما بخصوص الأسئلة :

1 - ايه اكتر حاجه بتحبها فى البنت من ناحيه شكلها العام؟؟؟؟؟؟

أناقتها فى لبسها يعنى متكونش بتلبس كل اللى فى الدولاب و لا تكون بتسيب كل الهدوم فى الدلاب
أدبها ...رقتها...أحساسها.

2 - بتحب طريقه كلامها تكون ازاى وتحبها ضعيفه ولا قويه؟؟؟؟؟؟؟

أحب تكون طريقه كلامها تدل على انها بنت يعنى تكون رقيقه فى كلامها و يكون كلامها به نبره الحنان
يكون الكلام له استطاعه انه يمتص غضبى برقته وعذوبته .

و مكنش ولا ضعيفة ولا قوية يعنى الوسطيه بينهما.


3-وايه بتكره فى البنت ؟؟؟؟؟؟؟

الصوت العالى و محاولتها فى لو دراعى و الأهم انها تملك القوه التى بيها تقدر تقول ( مينفعش نكمل مع بعض )..دى عن تجربة ..



***___***و لو عايزه الصراحة بطبيعة الأمر لما الشاب يحب بنت يعنى لما تبتدى قصه حب فى حاجات فى الأتنين بتبدأتتغير

مكن تتغير من غير محد يحس بيها ودا علشان القلب هوه اللى بيغير طباعهم و بجد بيبقى التغير دا دايما للأحسن فالحب بجد أعظم شئ فى الدنيا


شكرا ليكى على مواضيعك المتميزه جدا ...

تحياتى ,,,

[lialy]

ميرسى على ردك الجميل ياميدو ولو لا الحب ماكانش فى حياه

[tom&jerry]

انا بصراحه

بحب شخصيه الولد تكون اقوى من شخصيتى

لانى فعلا بحب الراجل يكون راجل بمعنى الكلمه


يعنى


الموضوع حلو اوى

[lialy]

ميرسى على مرورك ياتوم

[loola]

انا بحب في شكل الولد انه يكون راجل يعني من غير محد يزعل مبحبش ابدا الولد اللي مطول شعره ومش بحب برضه الولد الامور قوي وطبعا لازم تكون شخصيته اقوي مني بس لازم يحترمني ويحترم دماغي برضه واكتر حاجه بكرها في الولاد الغرور بس طبعا مش كلهم بيبقوا كده

[lialy]

ميرسى يالولا على مرورك

[NiGhTiNgAlE]

للشباب ايه اكتر حاجه بتحبها فى البنت من ناحيه شكلها العام؟؟؟؟؟؟

اممممممممممم اولا البشره احبها تكون خمريه
ثانيا الاناقه ده حاجه مطلوبه يعني تكون انيقه فى لبسها
مع لمسه احترام طبعا انما الشكل عموما يعني بشره وعين كده
مليش تعليق الا ان اللى يجذبني للبنت عيونها وبشرتها بس


للشباب بتحب طريقه كلامها تكون ازاى وتحبها ضعيفه ولا قويه؟؟؟؟؟؟؟


يعني طريقه كلامها هاديه والصوت العالي محبوش (( ان انكر الاصوات لصوت الحمير ههههه)) وكمان
فى مثل اسمو ((( خدوهم بالصوت لا يغلبوكو )))
الشخصيه العاديه اللى هيا تحترمني وتكون بتقدرني يعني كلامي يتسمع لو انا كنت صح
ولو هيا شيفاه غلط تناقشني فيه محبش البنت المنكسره
اللي هيا نعم وحاضر من غير مناقشه
كده ممكن تخسر اعز ماتملك لو اطاعتني طاعه عمياء
احب البنت المتحضره الواعيه اللى تناقشني وتبينلي وجهه نظرها
فى الرفض والموافقه

وايه بتكره فى البنت ؟؟؟

اكره اسلوبها الوحش يعني تبجح وكده
ولو واحد عاكسها تقف ترد عليه فى الشارع
هههههههههههههه <<<تردحلو يعني>>>

وكمان البنت اللى تقارن نفسها بالولد يعني تطلب
المساواه حتى فى التصرفات
استحاااااااااااااله


مشكوره ليالى لطرحك موضوع للنقاش زي ده
تحيـاتيـ

[lialy]

ميرسى يااحلى اخ فى الدنيا على مرورك الجميل

[جنات]

للبنات ايه اكتر حاجه بتعجبك فى الولد من ناحيه شكله العام؟؟؟؟؟؟؟

الشكل ككل ما بهمني اكتر حاجه تعجبني اخلاقه واحترامه للبنت ده اهم شي الجمال ما بعمل شي..



وانتى بتحبى طريقه كلامه تكون ازاى ومين يفرض شخصيته انتى ولا هو ؟؟؟؟؟

طبعا الصوت عالي ما بحبو كتير بحبو يكون هادي ويكون متفهم وتكون شخصيته قويه يعني مش اهبل للبنت
عشان الراجل راجل بفضل بالنهايه..والبنت بنت


ايه بتكرهيه فى الولد؟؟؟؟؟

امممم اول شي تقيل الدم...والعنيد شوي وكده يعني

موضوع حلو تسلم

[Genral HAMMED]

بجد انت شكلك متميزة فى مواضيعك وفى عنونها مع ان انا لسة جديد ودة او موضوع اقراء ليكى بس بداية جميلة

1- للشباب ايه اكتر حاجه بتحبها فى البنت من ناحيه شكلها العام؟؟؟؟؟؟

ان يكون شكلها بنت او بمعنى تكون مهتمية بشكلها وان تكون شيك واسطايل وفى نفس الوقت لبس محترم 2

2 - بتحب طريقه كلامها تكون ازاى وتحبها ضعيفه ولا قويه؟؟؟؟؟؟؟

تدل على انها عاقلة وتعرف توقف اى حد عن حدة وان تكون زى شخصيتى علشان انا محبش انى مسيطر عليها ولا هى مسيطرة عليها

وايه بتكره فى البنت ؟؟؟؟؟؟؟؟؟؟؟

ان هى تحس فى يوم ان هى مالكة الولد ومسيطرة عليه وتتحكم فية اكنة معندوش كرامة وصوتها العالى ومعاملاتها للولاد بالدراع

[lialy]

ميرسى ياجينرال واللهى ويارب تكون جينرال المنتدى


بس انت بجد عندك 9 سنين

[meta]

هاى................. بصراحه بالمظهر العام مايفرقش كتير بالنسبالى كل اللى عاوزه لما أشوفها ماشوفش غيرها و الناس الحوليا ناس هيدن يكون ليها طريقتها الخاصه فى المظهر لازم تكون اسيشيال علشان فى بعض الأحيان القليله ممكن المظهر يدل عن الشخصيه

محبش أكون سى السيد بس متكونش سايبه يعنى بحب أجادل جدا و دماغى (تييييت ) قديمه ساعات

ولو أنا فى علاقه بجد محبش البنت اللى بتزعل و تشيل على قلبها و متتكلمش أو تناقشنى فى الحته دى

و بس

ايه عندك واحده عاوزه واحد دماغه ( ريحتها وحشه )




معلش أنا فى المقابل عندى ليكى سؤال

أنتى ليه سألتى عن الصندوق و مسألتيش عن اللى جوه الصندوق ؟؟؟

[lialy]

انا بسال عن الانطباع الاول وزى مابيقولوا الانطباع الاول يدوم

[TiTo_EL7AZiN]

[size=4][font=Arial Black]انا اكتر حاجه بحبها في البنت جملها الروحي مش الشكل الشكل مش مهم في بنت شكلها حلو اوي وي روحها وحشه اوي وي كمان الشكل مش بيفرق طلامه بيحبها وي بتشدو لي حجات كتير وي انا عن نفسي الحب مش بيكون بي شكل بس اهم حاجه يكون روحها حلوه اوي وي ناس كلها تحبها وي اللي اكرهو في البنت انها تكون شايفه نفسها وي مش مهتما بي حبيبها ولا معبراه وي الشخصيه بقي تكون عاديه ولا اقويه ولا ضعيفه تكون شخصيه راسيه اوي وي حلوه وي شكرا باردو يا اخت ليلي علي موضوعك رائع ده]

[وائل جمعه]

اول حاجه ممكن تعجبنى فى بنت

عيونها

بس

بسسسسسسسسسسسسسسس

طريقة كلامها

تكون هاديه و بتستخدم مصطلحاتها الشخصيه في الكلام مش بتقلد حد او تقول الكلام اللى ماشى موضه في وقت الحوار

ولا احبها ضعيفه و لا قويه

احبها سويه

و اكره في البنت

الكدب

شكرا على الموضوع الجميل ده

[lialy]

ميرسى لمرورك ياتيتو وطبعا وائل ينور اى موضوع

[saber]

من نا حيه الشكل العام احبها تكون ممحجبه ولبسها شيك وعلى الموضه لكن يكون محترم ومؤدب مش فرجه للجميع


احب من البنت تكون طريقه كلامها فرى زى ما تكون بتكلم اخوها وبدون اى حدود او جدران بيننا

[smsm_010]

1 - ايه اكتر حاجه بتحبها فى البنت من ناحيه شكلها العام؟؟؟؟؟؟
انها تكون بسيطه فى مظاهرها وتصرفاتها.

2 - بتحب طريقه كلامها تكون ازاى وتحبها ضعيفه ولا قويه؟؟؟؟؟؟؟
يكون كلامها فى رقه مش متكلف يكون كلامها فى المتوسط.

3-وايه بتكره فى البنت ؟؟؟؟؟؟؟

اكره انها تكون فاكره انها شخصيتها قويه ومن غيرها الدنيا هتبوظ .

اشكرك ليالى على الموضوع الجميل .
تحياتى.