وحدى انا
07-08-2007, 07:38 PM
قريت من فترة قصة سندريلا بس بالمصرى
وعجبتنى اوى واوحتلى بالقصة دى
سنووايت بالبلدى
يحكى انه فى احد البلاد البعيدة وبالتحديد فى السيدة زينب تزوج الحج حسين من الست نحمده وبصراحة الحاج كان بيحبها اوى اصلها كانت بيضة وحلوة وتتحب
المهم وبعد سنة جابتله بنت زى القمر ومن جمالها سموها بياض التلج
ولكن الداية ام احمد نست الفوطة فى بطن نحمده وماتت الغلبانه
الحاج حسين بقى كانت عينه زايغة ام اتجوز البت نبوية الغسالة بنت الخالة نوسة
وكانت نبوية عندها مراية ستها المكسورة قصدى المسحورة
كانت نبوية كل يوم تقف قدام المراية وتقولها يا مرايتى يا مرايتى مين اجمل واحدة فى السيدة ..... ترد عليها المراية وتقولها انتى يا نونى ( دلع نبوية ) انتى اجمل واحدة فى السيدة
كبرت بياض التلج واحلوت........
وفى يوم من ايام الربيع وقفت نبوية قدام مرايتها وسالتها السؤال المعتاد ولكن المفاجاة ان المراية ردت عليها وقالتلها بياض التلج هى اجمل واحدة فى السيدة
البت نبوية اتجنت ازاى ده
وطبعا كان لازم بياض التلج تموت.....
فكرت نبوية ومالقتش غير الواد حنكش صبى الميكانيكى عشان ينفذ فكرتها الشريرة
المهم بعد ما الواد حنكش اخدله خمستين وافق يقوم بالمهمة
وفى يوم كانت بياض التلج بتشترى الخضار قام طلع عليها حنكش وفى ايده سنجة وطبعا استغاثت بياض بكل الناس اللى فى السوق بس طبعا مين حينقذها ... دى سنجة يا با
لكن دموعها رققت قلب الواد حنكش وقلها اهربى اجرى نبوية مرات ابوكى هى اللى اجرتنى عشان اقتلك وحكلها على كل حاجة
هربت بياض وفضلت تجرى من بتاع الخضار لبتاع اللحمة......
لحد ما وصلت لبيت قديم طلعت فوق سطوحه لقيت عشة صغيرة مش باين ان فيها حد وكانت مقلوبة راسا على عقب ( يعنى من فوقها لتحتها )
طبعا بياض لهلوبة راحت نضفت العشة ورشت قدامها ماية عشان التراوة وبخرت كمان عشان العين
كان فى بقى فى العشة 7 حصاير صغيرين قامت سحبتهم جنب بعض ونامت فوقيهم
على المغربية كده دخل العشة 7 بنى آدمين اللى هما طبعا الاقزام ( يعنى حيكونوا مين )
دخلوا لاقوا بياض نايمة فى عشتهم وطبعا زى ماكلنا قرينا فى القصة القديمة هما ناس قصيرين وطيبين راحوا وافقوا ان بياض تعيش معاهم واهى بالمرة تخدمهم وده لان قلبهم ابيض ومش مصلحجية
ومرت الايام فى هدوء لحد ما البت نبوية وقفت يوم قدام المراية وسالتها السؤال اياه
وطبعا عرفت من اجابة المراية ان الواد حنكش ضحك عليها وان بياض ما ممتش
المهم قامت فتحت السلطانية المسحورة وعرفت مكان بياض
اتنكرت وحطت دقن وشنب وراحت لابوها قصدى راحت لعشة الاقزام وعملت فيها ست مسكينة وقالت لبياض ربنا يخليكى يا بنتى اشترى منى حبة الحركنش دول وطبعا بياض طيبة قامت اخدت الحركنش اللى طبعا كان مسحور
قامت الحركنشاية وقفت فى زورها وسقطت على الارض فاقدة النطق
ووصل الاقزام ال7 الى البيت ولما لاقوها كده اخدوها القصر العينى وطبعا ما حدش عرف يعملها حاجة قاموا رجعوها البيت وفضلوا قاعدين جنبها مش عارفين يعملولها حاجة
وحتى الان مازالت بياض نايمة وما صحتش
وذكر فى الاثر ان اللى حيصحيها فارس
وعشان كده اكيد مش حتصحى .....
اظن مفهوم ليه
على العموم اللى يعرف حد لحالتها يبعتلى
يمكن تفوق..........
يمكن..........
وعجبتنى اوى واوحتلى بالقصة دى
سنووايت بالبلدى
يحكى انه فى احد البلاد البعيدة وبالتحديد فى السيدة زينب تزوج الحج حسين من الست نحمده وبصراحة الحاج كان بيحبها اوى اصلها كانت بيضة وحلوة وتتحب
المهم وبعد سنة جابتله بنت زى القمر ومن جمالها سموها بياض التلج
ولكن الداية ام احمد نست الفوطة فى بطن نحمده وماتت الغلبانه
الحاج حسين بقى كانت عينه زايغة ام اتجوز البت نبوية الغسالة بنت الخالة نوسة
وكانت نبوية عندها مراية ستها المكسورة قصدى المسحورة
كانت نبوية كل يوم تقف قدام المراية وتقولها يا مرايتى يا مرايتى مين اجمل واحدة فى السيدة ..... ترد عليها المراية وتقولها انتى يا نونى ( دلع نبوية ) انتى اجمل واحدة فى السيدة
كبرت بياض التلج واحلوت........
وفى يوم من ايام الربيع وقفت نبوية قدام مرايتها وسالتها السؤال المعتاد ولكن المفاجاة ان المراية ردت عليها وقالتلها بياض التلج هى اجمل واحدة فى السيدة
البت نبوية اتجنت ازاى ده
وطبعا كان لازم بياض التلج تموت.....
فكرت نبوية ومالقتش غير الواد حنكش صبى الميكانيكى عشان ينفذ فكرتها الشريرة
المهم بعد ما الواد حنكش اخدله خمستين وافق يقوم بالمهمة
وفى يوم كانت بياض التلج بتشترى الخضار قام طلع عليها حنكش وفى ايده سنجة وطبعا استغاثت بياض بكل الناس اللى فى السوق بس طبعا مين حينقذها ... دى سنجة يا با
لكن دموعها رققت قلب الواد حنكش وقلها اهربى اجرى نبوية مرات ابوكى هى اللى اجرتنى عشان اقتلك وحكلها على كل حاجة
هربت بياض وفضلت تجرى من بتاع الخضار لبتاع اللحمة......
لحد ما وصلت لبيت قديم طلعت فوق سطوحه لقيت عشة صغيرة مش باين ان فيها حد وكانت مقلوبة راسا على عقب ( يعنى من فوقها لتحتها )
طبعا بياض لهلوبة راحت نضفت العشة ورشت قدامها ماية عشان التراوة وبخرت كمان عشان العين
كان فى بقى فى العشة 7 حصاير صغيرين قامت سحبتهم جنب بعض ونامت فوقيهم
على المغربية كده دخل العشة 7 بنى آدمين اللى هما طبعا الاقزام ( يعنى حيكونوا مين )
دخلوا لاقوا بياض نايمة فى عشتهم وطبعا زى ماكلنا قرينا فى القصة القديمة هما ناس قصيرين وطيبين راحوا وافقوا ان بياض تعيش معاهم واهى بالمرة تخدمهم وده لان قلبهم ابيض ومش مصلحجية
ومرت الايام فى هدوء لحد ما البت نبوية وقفت يوم قدام المراية وسالتها السؤال اياه
وطبعا عرفت من اجابة المراية ان الواد حنكش ضحك عليها وان بياض ما ممتش
المهم قامت فتحت السلطانية المسحورة وعرفت مكان بياض
اتنكرت وحطت دقن وشنب وراحت لابوها قصدى راحت لعشة الاقزام وعملت فيها ست مسكينة وقالت لبياض ربنا يخليكى يا بنتى اشترى منى حبة الحركنش دول وطبعا بياض طيبة قامت اخدت الحركنش اللى طبعا كان مسحور
قامت الحركنشاية وقفت فى زورها وسقطت على الارض فاقدة النطق
ووصل الاقزام ال7 الى البيت ولما لاقوها كده اخدوها القصر العينى وطبعا ما حدش عرف يعملها حاجة قاموا رجعوها البيت وفضلوا قاعدين جنبها مش عارفين يعملولها حاجة
وحتى الان مازالت بياض نايمة وما صحتش
وذكر فى الاثر ان اللى حيصحيها فارس
وعشان كده اكيد مش حتصحى .....
اظن مفهوم ليه
على العموم اللى يعرف حد لحالتها يبعتلى
يمكن تفوق..........
يمكن..........