عرض الإصدار الكامل : الحلقة الثالثة ... NiGhTiNgAlE ... كرسي الاعتراف
moonlight 08-17-2007, 01:18 AM بعد انقطاع دام ما يقارب الاسبوعين عن منتدانا الحبيب
نعود اليكم بكرسي الاعتراف
مع نجم جديد من نجوم شقاوة
نجمنا اليوم شخصية متميزة فعلا
شخصية محبة الجميع... و محبوبة من الجميع
شخصية تنشر البهجة في ارجاء المنتدى
رغم الحزن البادي على ملامحها
نجمنا اليوم هو
http://up.x333x.com/uploads/28f75a246c.gif (http://up.x333x.com)
NiGhTiNgAlE
او
ميـــــــــزو
او
حمـــــــــــــــص
دعونا ندخل الى اعماق شخصية نجمنا لهذا الاسبوع
و نتعرف اليها عن قرب
منور كرسي الاعتراف يا ميزو
و كل سنة و انت طيب .... لان بالمناسبة ميزو عيد ميلاده الشهر دا
نبدا بالبطاقة الشخصية و اي معلومات تحب تقولهالنا عن نفسك
NiGhTiNgAlE 08-17-2007, 01:46 AM احم احم
اولا ميرسي جدا يا احلى حنونه
على التقديم الاكتر من رائع
اولا يا ستي انا اسمي مازن
مواليد
5/8/1989
من ليبيا
مقيم بمصر وبحاول اجيب جنسيتها
جبن الليبيه
بس مطلوب انتظر سنتين
او اتزوج مصريه
والحالتين صعبين
بس انا حاولت وجيبت الورق وكلها شهر
هسافر تاني وارجع اكون معايا الجنسيتين
كان ليا تؤام بس ربنا افتكرها من 8 سنين
عندي اخت اكبر مني بسنه
واخت عندها 5سنين
واخ عندو سنه و8شهور
بس كده
فى انتظار الباقي مشكوره لتاني مره يا حنونه ياعسل
MidoOoOo4u 08-17-2007, 03:43 AM اهلا و سهلا بيك يا مازن على كرسى الأعتراف
واحد قهوه يا وله للباشا ......بالهنا و الشفا
و كل سنه و انته طيب يا غالى معلش جت متأخره
نبدأ بالأسئله .........
ايه هوه الحلم اللى نفسك تحققه ؟؟؟
و جه نصيحه ل 5 أعضاء فى المنتدى ؟؟
و جهه نصيحه ل5 مشرفين فى المنتدى ؟؟
ايه هوه اللى نفسك تحققه فى المنتدى الجامد دا ؟؟
الباقى بعد البوفيه اتفضل معانا.........
moonlight 08-17-2007, 04:21 AM شخصية مس حمـــــــــــص
شخصية من نسج خيالك طبعا
فكرت فيها ازاي و ليه ؟؟
و لماذا لم تخفي صلتها بيك و لم تجعلها شخصية مستقلة ؟؟
و لماذا لم تستمر مس حمص في المشاركة ؟؟
جاوب يا مستر حمـــــــــــص
NiGhTiNgAlE 08-17-2007, 03:26 PM اهلا و سهلا بيك يا مازن على كرسى الأعتراف
اهلا وسهلا بيك يا باشا نورت الصفحه
واحد قهوه يا وله للباشا ......بالهنا و الشفا
الله يهنيك وميرسي عالقهوه
و كل سنه و انته طيب يا غالى معلش جت متأخره
وانتا طيب يا معلم المهم انها جت
نبدأ بالأسئله .........
اتفضل ابدأ
ايه هوه الحلم اللى نفسك تحققه ؟؟؟
الحلم اللى نفسي احققو اني ابقى لاعب مشهور والحلم ابتدي يتحقق الحمدلله
و جه نصيحه ل 5 أعضاء فى المنتدى ؟؟
اممممممممم
نبتدي بيك يا حج : ياريت تخرج من مو الحزن واللى قدر على بعدك مكانش يتمني قربك من الاول والدونيا متستاهلش
لولا : ياريت متخافيش من التحدي وخليكي ذكيه شوفى الناقص من الاعضاء وكمليه عشان تبقى انتي البارزه
جنات : ياريت تقربي من الاعضاء اكتر من كده لان انتي ليكي شخصيه مستقله فى المنتدي مش عارف ليه
هابي : بصراحه مقدرش اقولك غير انك انسان كويس
سوسكاتا : حاولى برضو ميكونش جهدك مختص بالمنتديات العامه فقط ياريت تجتهدي فى الاقسام التانيه كمان
و جهه نصيحه ل5 مشرفين فى المنتدى ؟؟
مون لايت : ابداعك كويس ياريت تستمري على كده
سريتا : اهتمي بقسمك زي مانتي مهتمه بالمنتديات العامه
وائل جمعه : ياريت ترجعلنا
الحبيب : ياريت تقرب من الاعضاء وتشوف مشاكلهم وبلاش المجامله فى الردود ومش اي موضوع ترد عليه بكلام شعر
سها : انا مش بشوفلك رد غير بكلمه موضوع رائع الففففففففف شكر تفتكري ان الكلمه ده تغني عن تعويض التعب اللى
العضو تعبو فى الموضوع ماظنش انك كده بتشجعيه ياريت تناقشي معاه الموضوع وتنتقديه وتشجعي احسن من كلمه مشكور
ايه هوه اللى نفسك تحققه فى المنتدى الجامد دا ؟؟
اللى نفسي احققو اني اشوفكو مبسوطين ومعايا مش اكتر والله
الباقى بعد البوفيه اتفضل معانا.........
الف هنا بس حضرلي الفطار الا انا هموت من الجوع
ههههههههههه
NiGhTiNgAlE 08-17-2007, 03:32 PM شخصية مس حمـــــــــــص
شخصية من نسج خيالك طبعا
لاء يا مون مش من نسخ خيالي كانت فعلا متواجده
فكرت فيها ازاي و ليه ؟؟
قولتلك انها كانت متواجده فكرت فيها عشان كنت حابب انها تبقى معايا فى المنتدي
و لماذا لم تخفي صلتها بيك و لم تجعلها شخصية مستقلة ؟؟
لم اجعلها شخصيه مستقله لانها كانت حابه تبقى مرتبطه بيا داخل المنتدي عشان لا تحصل مضايقات ليها مش اكتر
و لماذا لم تستمر مس حمص في المشاركة ؟؟
لم تستمر فى المشاركه لاني لم استمر فى صلتي بها
جاوب يا مستر حمـــــــــــص
جاوبت يا ميسس مون
تعالى كلي حاجه
سريتا 08-17-2007, 03:54 PM منوووووووووووووووور يا حج
اولا ايه ياله اهتمي بالقسم بتاعك 00000اكتر من كده حنقل بيتنا في القسم 0
علي فكرة انت مبتعرفش تقعد في المنتدي الا اذا اتخنقت معايا0000بس بقلك ايه خد بالك انا بضرب جامد و بستخدم
السلاح كمان0000السلاح ده ولا حاجة معايا ده انا بصحي من النوم بقلش لماما صباح الخير بضربلها طلقة في السما
بتفهم هههههههههههههههه00000امال انت فاكر ايه0000عشان كده قصر معايا يبني بلاش كمان يومين تبقي الله
يرحمه هههههههه0
اوكي الاسئلة بقي00000
2_ لو كان معاك الفانوس السحري000وطلب منك 3 امنيات علي وجهة السرعة 000شو بتتمني
3-شو اكتر حاجة بتعجبك في الحياة ككل و شو اكتر حاجة بضايقك
4- بتحب تقرا كتب ؟ و شو نوع الكتب اللي بتقراها ؟
5-شو بتعني الكلمات دي بقاموسك الخاص
الحب ...
الصداقة ...
البحر ...
الألم ...
البسمة ...
بسسسسسسسسسسسسسس خلاص خلصت
NiGhTiNgAlE 08-17-2007, 04:12 PM منوووووووووووووووور يا حج
منا عارف مش انتي دخلتي اكيد هتكهربي الكرسي عارفك مؤذيه ههههه
اولا ايه ياله اهتمي بالقسم بتاعك 00000اكتر من كده حنقل بيتنا في القسم 0
ومالو ياختي اما تعملي كده انتي صغيره ولا صغيره ؟
علي فكرة انت مبتعرفش تقعد في المنتدي الا اذا اتخنقت معايا0000بس بقلك ايه خد بالك انا بضرب جامد و بستخدم
السلاح كمان0000السلاح ده ولا حاجة معايا ده انا بصحي من النوم بقلش لماما صباح الخير بضربلها طلقة في السما
بتفهم هههههههههههههههه00000امال انت فاكر ايه0000عشان كده قصر معايا يبني بلاش كمان يومين تبقي الله
يرحمه هههههههه0
القط بيحب خناقه بقى ههههههه ثم الكلام ده فى البيت هنا بقى ياختي فى كنترول ابقى سمعيني صوت طلقه كده
وشوفي هيحصلك ايه (( بلاش تشجعوها ده مجنونه وتعملها ههههه ))
اوكي الاسئلة بقي00000
وريني وربنا يستر
2_ لو كان معاك الفانوس السحري000وطلب منك 3 امنيات علي وجهة السرعة 000شو بتتمني
اول امنيه : اكون لاعب مشهور ومتفوق طبعا فى راستي
تاني امنيه : اوفر حياه سعيده لاهلي واسرتي وكل اللى حواليا
تالت امنيه : يكون معايا فلوس تكفيني طول عمري
3-شو اكتر حاجة بتعجبك في الحياة ككل و شو اكتر حاجة بضايقك
اكتر حاجه بتعجبني الامل والتفائل
اللى بيضايقني الكذب والنفاق
4- بتحب تقرا كتب ؟ و شو نوع الكتب اللي بتقراها ؟
بحب اقري النوع كتب خيال علمي او رعب
5-شو بتعني الكلمات دي بقاموسك الخاص
الحب ...: ماء الحياه
الصداقة ...: حب لاخيك ماتحبو لنفسك /// يعني صيقي اللى انا اتعصب عليه واشوف رد فعلو لو فضلني على نفسو اتمسك بيه طول عمري
البحر ...: صديقي الغدار
الألم ...: على وشوش كتير مرسوم
البسمة ... : منعدمه واللى بيرسمها على وشو عشان يداري الالم
بسسسسسسسسسسسسسس خلاص خلصت
لاء والنبي هاتي تاني
تعالى كلي بقي انا عازمك
(( اول ماتدخل خدو منها اى حاجه رهن عشان تدفع بعد متاكل هههه ))
نورتي ياقمر
HAPPY 08-17-2007, 10:41 PM ايه ده هو ميزو اللى منور الكنبه المره دى
وقعت و لا حدش سما عليك
بما انى منتج برنامج كرسى الاعتراف
قررت الاتى
1) صرف علاوه لعاملين فى البرنامج
2)زيادة فولت الكهربا بتاعة الكرسى
وده عشان انت حبيبى
وندخل ع الاسئله
1) انت ليه عايز تاخد الجنسيه المصريه مع ان ناس كتير مش بترضى تاخدها
2) ماذا يمثل الاتى فى حياتك
الحزن الفرح الخيانه الصداقه
3) مين اقرب الاعضاء ليك فى المنتدى و ماتقوليش كلهم عشان انت اكيد ما تعرفش الاعضاء كلهم
4) ايه اللى انت استفدته من حلقة احمد و حنان
يالا انهار و اعترف
عقبال ما اجيبلك باقى الاسئله
soskaata 08-17-2007, 10:43 PM مساء الفل يامازن وتحية خاصة لاهل ليبيا وناسها الطيبين
على فكرة خالة والدتى متزوجة ومقيمة بليبيا علشان كده احب امسى عليهم
وعلشان اعرفهم من صلة القرابة باقولك ناسها طيبين جدا
منور على كرسى الاعتراف وربنا معاك ويعينك
انا لى عندك سؤالين بس
كيف ترى مصر بعد اقامتك فيها وياترى تحب ايه يتغير فى ناسها ؟
ناوى تعمل ايه بعد حصولك عالجنسية حتكمل دراسة ولا حتدور على شغل ؟
spam.gif
moonlight 08-17-2007, 10:53 PM طيب يا سيدي ندخل في الجد بقى flex[1].gif
سؤال كتير هنا في المنتدى نفسهم يعرفوا اجابته من ميـــــزو ... دا لو حبيت طبعا
ما هـو سر كل هذا الحزن ؟؟؟
و هل له ارتباط بالماضي ام بظروف تعيشها حاليا ؟؟؟
و لماذا يميل الناس عموما الى الحزن و لا يبحثون على الاشياء الجميلة في حياتهم و يسعدوا بها؟؟؟ .... دا سؤال عام
السؤال التاني هل هناك شخصيات كان لها تأثير واضح في حياتك سواء بالسلب او الايجاب؟؟؟
و اسفة اني فكرتك بمس حمص انا والله مكنتش فاكرة ان الموضوع جد tears[1].gif
moonlight 08-17-2007, 10:59 PM بما انى منتج برنامج كرسى الاعتراف
قررت الاتى
1) صرف علاوه لعاملين فى البرنامج
هييييييييييه هناخد علاوة ... فين وائل
dance1.gifdance1.gif
2)زيادة فولت الكهربا بتاعة الكرسى
الحمد لله اني عديت من الفولت العالي
NiGhTiNgAlE 08-17-2007, 11:02 PM ايه ده هو ميزو اللى منور الكنبه المره دى
وقعت و لا حدش سما عليك
ليه بس كده هو انا اذيتك ربنا عالظالم واااااااااااااااااء
بما انى منتج برنامج كرسى الاعتراف
قررت الاتى
قررت ايه
1) صرف علاوه لعاملين فى البرنامج
2)زيادة فولت الكهربا بتاعة الكرسى
وده عشان انت حبيبى
القلوب عند بعضها وياريت تجيب ماليكان يخدمو عاللى عالكرسي بقى لان الحياه هنا ناشفه ومش لاقي مياه اشربها
وكل واح يقولى قهوه وشاي ومشوفتش منكو حاجه هههههههه
وندخل ع الاسئله
خبط قبل ماتدخل لاتكون الاسئله بتغير هدومها ههههههه
1) انت ليه عايز تاخد الجنسيه المصريه مع ان ناس كتير مش بترضى تاخدها
عاوز اخدها لان حياتي اربتبط بمصر وكل معارفي ومصالحي فيها واما سافرت ليبيا لمده 10 ايام حسيت اني
غريب وبحاول اعمل صداقات من جديد كان نفس الشعور عند اول مره انزل فيها مصر
بس انا مش مستعد اهد اللى بنيتو
2) ماذا يمثل الاتى فى حياتك
الحزن : على وشوش كتير مرسوم
الفرح : من وشوش كتير معدوم
الخيانه : خنجر يطعن من الخلف
الصداقه : حبال وثيقه تربط بين شخصين لا يقطعها سوي الموت
3) مين اقرب الاعضاء ليك فى المنتدى و ماتقوليش كلهم عشان انت اكيد ما تعرفش الاعضاء كلهم
كليك مي
سويت هيرت
مون لايت
4) ايه اللى انت استفدته من حلقة احمد و حنان
استفادت اني لازم اسرق مفاتيح الكرسي ههههههههه
يالا انهار و اعترف
اعترفت بس منهارتش
عقبال ما اجيبلك باقى الاسئله
جيب وربنا يوفقك بانتظارك
NiGhTiNgAlE 08-17-2007, 11:10 PM مساء الفل يامازن وتحية خاصة لاهل ليبيا وناسها الطيبين
على فكرة خالة والدتى متزوجة ومقيمة بليبيا علشان كده احب امسى عليهم
وعلشان اعرفهم من صلة القرابة باقولك ناسها طيبين جدا
مساء العسل والخلايا كلها ياقمر واكيد ناسها طيبه لان اهلك بيها
منور على كرسى الاعتراف وربنا معاك ويعينك
منا فعلا نورت لان هابي عمل الفولت عالي ههههه
انا لى عندك سؤالين بس
اتفضلي اسألي
كيف ترى مصر بعد اقامتك فيها وياترى تحب ايه يتغير فى ناسها ؟
مصر ارض النعم وربنا بس عيبها حكومتها ناسها مش عاوزه تغيير لانهم طيبين التغيير ياريت يكون
بالحكومه وبرواد البلد مش اكتر عاوزين جمال عبد الناصر تاني واحد يكون زيو كده
انما غير كده مش عاوزين
ناوى تعمل ايه بعد حصولك عالجنسية حتكمل دراسة ولا حتدور على شغل ؟
ناوي اكمل دراستي الي اجلتها مرتين بسبب كده
مشكوره ياقمر لاسألتك
HAPPY 08-17-2007, 11:21 PM القلوب عند بعضها وياريت تجيب ماليكان يخدمو عاللى عالكرسي بقى لان الحياه هنا ناشفه ومش لاقي مياه اشربها
وكل واح يقولى قهوه وشاي ومشوفتش منكو حاجه هههههههه
انت تؤمر يا غالى
انا عشان خاطرك هاجيبلك اليسا و هيفا وهبى يخدموا عليك
و ماريا تطرقعلك شوية لبان
وماريا كارى و نانسى عجرم يمسكولك المروحه
والاكل هايكون كباب و كفته و سمك و جمبرى
لو عايز حاجه تانى ماتتكسفشى
NiGhTiNgAlE 08-17-2007, 11:27 PM طيب يا سيدي ندخل في الجد بقى
اوك بس الاصول برضو نخبط قبل ماندخل
سؤال كتير هنا في المنتدى نفسهم يعرفوا اجابته من ميـــــزو ... دا لو حبيت طبعا
ايه هو اكيد احب انا مجبر اني اجاوب ههههههه موافقه بلاجماع اقصد بالاكراه
ما هـو سر كل هذا الحزن ؟؟؟
سرو اولا موت اختي لاني مش لاقي ونيس تاني بعدها تاني حاجه غدر الاصحاب واقرب الناس ليا
ولحد دلوقتي مش عارف عيب مني ولا منهم فده بقى اللى مضايقني عدم معرفتي للسبب
و هل له ارتباط بالماضي ام بظروف تعيشها حاليا ؟؟؟
الاتنين يا حنان وربنا الماضي اختي والحاضر اصدقائي
و لماذا يميل الناس عموما الى الحزن و لا يبحثون على الاشياء الجميلة في حياتهم و يسعدوا بها؟؟؟ .... دا سؤال عام
لانهم بيعتبرو ان الدونيا وقفت
يا جماعه وربنا الدونيا ده عامله زي القطر فيه اكتر من محطه
الحزن ليه محطه اكيد بنمر عليه
الفرح ليه محطه حاول انك تتمسك بيها
الحب ليه برضو محطه
الخيانه ليها محطه متقفش عندها حاول برضو انك تعديه
......................ليهم محطات حاول برضو ان انتا تتخطاها وتنسي مرها وتتمسك بحلوها القطر مش هيستناك لو انت وقفت
ويكون كده عمرك وقف عن محطه انتا مش عاوزها
السؤال التاني هل هناك شخصيات كان لها تأثير واضح في حياتك سواء بالسلب او الايجاب؟؟؟
اه فى اولا بن خالتي علمني الرجوله
اختي الله يرحمها علمتني حاجات كتير اوي
و اسفة اني فكرتك بمس حمص انا والله مكنتش فاكرة ان الموضوع جد
لاء يا مون مش جد هيا وهميه فعلا
ميسس حمص مش بنت مرتبطه بيها
كانت بنت صديقتي بس لازم احميها بس
فدخلت على انها ميسس بتاعتي
على اساس هيا مرتبطه فهتتجنب المضايقات من الاعضاء
NiGhTiNgAlE 08-17-2007, 11:35 PM القلوب عند بعضها وياريت تجيب ماليكان يخدمو عاللى عالكرسي بقى لان الحياه هنا ناشفه ومش لاقي مياه اشربها
وكل واح يقولى قهوه وشاي ومشوفتش منكو حاجه هههههههه
انت تؤمر يا غالى
انا عشان خاطرك هاجيبلك اليسا و هيفا وهبى يخدموا عليك
و ماريا تطرقعلك شوية لبان
وماريا كارى و نانسى عجرم يمسكولك المروحه
والاكل هايكون كباب و كفته و سمك و جمبرى
لو عايز حاجه تانى ماتتكسفشى
لاء شكرا بس متنساش السلطات ههههههههههه
HAPPY 08-17-2007, 11:40 PM نكمل بقى باقى التحقيق
1) انت بتقول ان عيب مصر الوحيد فى الحكومه(اللى ربنا يريحنا منها قريب قولوا امين)
طيب والشعب كله ملايكه ولا ايه
اكيد فيه برضو عيوب نفسك تتغير ياترى ايه هى
boxing4.gifboxing4.gif
2) مين اكتر شخصيه نفسك تكون زيها سواء تاريخيه او معاصره
dance1.gif
dance1.gif
3) فى الفتره اللى المنتدى كان مقفول فيها كنت بتعمل ايه
good1.gif
good1.gif
NiGhTiNgAlE 08-18-2007, 12:02 AM نكمل بقى باقى التحقيق
كمل وربنا يوفقك
1) انت بتقول ان عيب مصر الوحيد فى الحكومه(اللى ربنا يريحنا منها قريب قولوا امين)
طيب والشعب كله ملايكه ولا ايه
لاء الشعب فيه الحلو والوحش وده فى كل بلاد العالم مش مصر بس يا حج
اكيد فيه برضو عيوب نفسك تتغير ياترى ايه هى
2) مين اكتر شخصيه نفسك تكون زيها سواء تاريخيه او معاصره
صلاح الدين الايوبي بجد نفسي ابقى زيو واحرر فلسطين
او سيف الدين قطز
3) فى الفتره اللى المنتدى كان مقفول فيها كنت بتعمل ايه
كنت عالمنتدي بتاعي بس
moonlight 08-18-2007, 06:41 PM اتفضل الشاي يا حمص علشان متقلش ان حد منشف ريقك
و علشان تفوق للمواجهة الجاية
http://up.x333x.com/uploads/1d884df11f.jpg (http://up.x333x.com)
NiGhTiNgAlE 08-18-2007, 07:15 PM انا مش شايف اى مواجهات
وعلى العموم انا عاوز كابتشينو
هههههههههه
moonlight 08-18-2007, 08:22 PM اتفضل يا ميزو يعني جيت في جمل
http://up.x333x.com/uploads/988b1d3535.jpg (http://up.x333x.com)
و بعدين يعني متستعجلش على المواجهات لسه المنتدى فاضي
نبدأ بأول مواجهة
قلت قبل كدا انك ضربت بنت علشان بصتلك بقرف .... معقول يعني انا مش مصدقة انك تعمل كدا
بس دا مش سؤالي .... لسه استنى
مرة تانية قلت انك مبتحبش حد يبصلك بقرف ... مش يمكن انت اللي بتاخد الامور بحساسية و بتفسر كلام الناس ليك
و نظراتهم غلط و بتحملها معاني اكتر من المقصودة فعلا..... ايه رأيك في الكلام دا ؟؟؟
المواجهة التانية
انت في موضوع النت بتاع لولا قلت انا كلنا بنكذب و ان فيه ناس احسن مننا بيكذبوا
ايه اللي ممكن يخلي الانسان يكذب من وجهة نظرك ... و هل ترى ان الكذب ممكن يكون مباح في ظروف معينة
و لا اقصد مباح شرعا انا اقصد اخلاقيا
بس و المواجهات قادمة لا محالة.... هههههههه
NiGhTiNgAlE 08-18-2007, 08:57 PM اتفضل يا ميزو يعني جيت في جمل
الف شكر يا جميل بس انا جيت فى تاكسي هههههههه
http://www2.0zz0.com/2007/08/18/16/17808361.jpg
و بعدين يعني متستعجلش على المواجهات لسه المنتدى فاضي
نبدأ بأول مواجهة
مش مستعجل ولا حاجه يلا بينا نبدأ
قلت قبل كدا انك ضربت بنت علشان بصتلك بقرف .... معقول يعني انا مش مصدقة انك تعمل كدا
بس دا مش سؤالي .... لسه استنى
اوكي فين سؤالك
مرة تانية قلت انك مبتحبش حد يبصلك بقرف ... مش يمكن انت اللي بتاخد الامور بحساسية و بتفسر كلام الناس ليك
و نظراتهم غلط و بتحملها معاني اكتر من المقصودة فعلا..... ايه رأيك في الكلام دا ؟؟؟
بصى يا حنان هقولك على حاجه
انا الحمدلله ربنا
اداني مميزات كتيره تخليني اقدر اقول للي بيبصلي بالنظره ده
انتا مش احسن او اعلى مني فى حاجه عشان تكون ليك حق تبصلي كده
ثانيا هفسر ازاى نظرتو غلط اكيد النظره ده بتقدري تميزيها من مليون نظره تانيه
وبصراحه ده طبعي محبش حد يتكبر عليا لان اللى عندو عندي واكيد انا زياده فى
حاجه وهو زياده فى حاجه بس مش اكتر
المواجهة التانية
انت في موضوع النت بتاع لولا قلت انا كلنا بنكذب و ان فيه ناس احسن مننا بيكذبوا
ايه اللي ممكن يخلي الانسان يكذب من وجهة نظرك ... و هل ترى ان الكذب ممكن يكون مباح في ظروف معينة
و لا اقصد مباح شرعا انا اقصد اخلاقيا
بصي يا حنان مفيش سبب يحول الحلال لحرام
او يخلى الانسان يعترض امر ربنا ويكذب
بس في مواقف الفر الساذج مبيعرفش يحلها الا بالكذب
انا قولت كتير بيكدبو وكتير بنكدب
انما مقولتش كتير لازم نكدب
او حلال اننا نكدب
وثم انا فى موضوع لولا قولت رائيي
واختلاف الرأي لا يفسد في الود قضيه
انا شايف ان فعلا احسن مننا وبيكدبو
بس و المواجهات قادمة لا محالة.... هههههههه
انا مستني اهو
el_QaYsAr 08-19-2007, 02:35 AM منور يا واد يا ميزو الانترية كلو و الله خلينا فى السوال قبل م انساه
سوالى دة مش لميزو اللى الناس تعرفة لا دة لميزو اللى انا بس اللى اعرفو
يا ترى اية وجهة نظرك فى الاتى الغدر و هتبقى اية نظرتك للى غدر بيك و الخيانة و كذلك نظرتك للى خانك
و اية اللى نفسك تغيروا فى اللى بتحبو وفى الناس و ايى اسوء موقف اتحطيت فى فى حياتك
مين اقرب الناس ليك و مين اول حب فى حياتك و يا ترى لسة مع بعض و لا سبتوا بعض
و اية اكتر حاجة بتحرجك و مين اكتر واحد بتكرها و مين اكتر واحد بتحبو
كفاية كدة و اشوفك فى مواجهة تانية و انا و انت و الاستاد كبير
NiGhTiNgAlE 08-19-2007, 05:07 PM منور يا واد يا ميزو الانترية كلو و الله خلينا فى السوال قبل م انساه
منا عارف اني منور اصلهم مكهربين الكرسي اتفضل يا باشا اسأل
سوالى دة مش لميزو اللى الناس تعرفة لا دة لميزو اللى انا بس اللى اعرفو
اه ميزو سبيشيال يعني هههههههههه
يا ترى اية وجهة نظرك فى الاتى
الغدر : خنجر يطعن من الخلف
و هتبقى اية نظرتك للى غدر بيك ؟
اكيد هبصلو على انو انسان ميستاهلش الامان او الثقه
و الخيانة و كذلك نظرتك للى خانك
نفس النظره بتاعه الغدار
و اية اللى نفسك تغيروا فى اللى بتحبو
مفيش لان حاليا مفيش حب
وفى الناس ؟
نفسي اغير حبهم لنفسهم والمال نفسي اغير انانيتهم وجشعهم
نفسي اغير تسابقهم للحصول عالسولطه
و ايى اسوء موقف اتحطيت فى فى حياتك
موقف اني كنت ماشي انا وواحد صاحبي فى يوم كان مطره كتير اوي وانا بنط من فوق حته حديده عديت
وصاحبي بينط راح واقع فى بؤره مياه بوشه المحطه كلها فضلت تطحك عليه ههههههههه
مين اقرب الناس ليك
مفيش حد فى الحياه العامه
و مين اول حب فى حياتك و يا ترى لسة مع بعض و لا سبتوا بعض
اول حب ليا كانت بنت على اسم اختي الله يرحمها
لاء سيبنا بعض من سنه ونص
و اية اكتر حاجة بتحرجك
الغدر
و مين اكتر واحد بتكرها و مين اكتر واحد بتحبو
مفتكرش اني وصلت لمرحله اني اكره حد
اكتر واحد بحبو بن خالتى
كفاية كدة و اشوفك فى مواجهة تانية و انا و انت و الاستاد كبير
ماشي والعب يا معلم
moonlight 08-19-2007, 07:17 PM يغلق الموضوع مؤقتا لحين عودة المنتدى لطبيعته
و عودة الاعضاء للمشاركة
وائل جمعه 08-21-2007, 02:27 AM http://img250.imageshack.us/img250/3914/candyparadegiftska7.jpg (http://imageshack.us)
-------------------------------------------------------------
السلام عليكم
ازيكم عاملين ايه
وحشتوووووووونى
منور الكرسي يا نايت
ومجهود ولا اروع بصراحه يا مون
بجد افتقد المنتدى انا و الواد ****
في الفتره اللى فاتت
خصوصا اننا كنا مسافرين كمان
شفتوا جبتلكوا معايه ايه؟
كل واحد ياخد شوكولاتايه واحده بس
و
حد ييجى يشيل معايا الكولا اللى ع الباب بره دى
بيتيالى كده المنتدى استقر وللا ايه
يعنى ممكن نفتح الموضوع تانى؟
------------------------------------------------------------
http://img127.imageshack.us/img127/3949/testpic08hv1.jpg (http://imageshack.us)
Shot with Canon PowerShot A80 (http://profile.imageshack.us/camerabuy.php?model=Canon+PowerShot+A80&make=Canon)
------------------------------------------------------------
Clickme 08-21-2007, 02:58 AM الموضوع مستمر
المنتدى استقر وتم تعديل كل شىء
NiGhTiNgAlE 08-21-2007, 03:43 PM ياريت الموضوع يتقفل ليوم الاحد القادم بناء على الاتفاق اللى كان بيني وبين مون لايت
moonlight 08-26-2007, 06:00 PM حمد الله على السلامة يا وائل.... ايه الحاجات الحلوة دي كلها
انا هاخد الملونة اللي في النص
NiGhTiNgAlE 08-26-2007, 06:16 PM 7_5_129.gifانا عاوز بيتزا بقى هه
مليش دعوه بقى
مش بحب الشيكولاته
هتاكلونا على مزاجكو كمان
فتحتو الموضوع كان مقفل
نسال يعني ولا ايه
NiGhTiNgAlE 08-26-2007, 06:45 PM تقدري تسألي اه
نورتي ياقمر
نورت
معاك خمس ورود لمن تهديهم ؟
من هو العضو الذي لاتعرفه الا عن طريق المنتدى وتتمنى ان تتعرف عليه اكثر؟
مارايك في المنتدى في الوقت الحالي ؟
وبس عقبالي ما اتهدى ع الكرسي هع
NiGhTiNgAlE 08-26-2007, 08:07 PM نورت
نورك
معاك خمس ورود لمن تهديهم ؟
هضع الخمسه على قبر اختي
من هو العضو الذي لاتعرفه الا عن طريق المنتدى وتتمنى ان تتعرف عليه اكثر؟
هابي // جنات // مون لايت // سريتا بس بدون ماحد يزعل
مارايك في المنتدى في الوقت الحالي ؟
حلو بس بيحمل معايا ببطئ شويه وكمان ساعات بيكون السيرفر واقع من عندي
وبس عقبالي ما اتهدى ع الكرسي هع
ههههه يارب ونزورك بكام سؤال كده
moonlight 08-27-2007, 04:51 AM ميـــــــــزو
ما شعور الانسان عندما يبتعد عن أسرته ؟؟
و إيه ممكن يدفع أي شخص أنه يعيش بعيد عن أسرته
و المفروض هما أقرب ناس ليه و أحن ناس عليه ؟؟
و هل انت ميال للعزلة بشكل عام ؟؟
HAPPY 08-27-2007, 02:13 PM ازيك يا حاج
معلش انى غبت عنك بس كان عندى ظروف رخمه شويه
وشكرا يا جميل انك ذكرتنى ضمن الناس الى عايز تتعرف عليهم
دا شرف ليا ياقمر
وبامناسبه دى انا عازم كل الناس اللى شاركوا فى البرنامج من اول حلقه ع اكلة سمك فى الاسكندريه
ماهى بلدى بقى
هاهاها
ونخش ع الاسئله
1) ايه هو لونك الفضل
2) لما بتبص ع نهر النيل بتفتكر ايه او مين
3) لما بتكون فاضى مش لاقى حاجه تعملها بتملى وقتك ازاى
NiGhTiNgAlE 08-27-2007, 02:21 PM ميـــــــــزو
نعم
ما شعور الانسان عندما يبتعد عن أسرته ؟؟
شعور بالوحده
و إيه ممكن يدفع أي شخص أنه يعيش بعيد عن أسرته
ممكن يكون انو مش قادر يعيش فى الاسره وهو شايف ان اهم فرد فيها ناقص
بمعني انو كان عايش معاهم عشان الفرد ده واما يختفي فجأه بيحس بالنقصان
او بكره لا ارادي للاسره
و المفروض هما أقرب ناس ليه و أحن ناس عليه ؟؟
هما احن الناس اه بس مبيكونوش اقرب الناس بدليل انهم مش بيلمسو احزاني ويحاولو يخففوها
الا اما انا بظهرلهم
و هل انت ميال للعزلة بشكل عام ؟؟
اها ميال لها يعني مليش علاقات كتير بناس بره النت
NiGhTiNgAlE 08-27-2007, 02:45 PM ازيك يا حاج
الحمدلله يا باشا وانتا
معلش انى غبت عنك بس كان عندى ظروف رخمه شويه
عادي ياحج لعل المانع خير
وشكرا يا جميل انك ذكرتنى ضمن الناس الى عايز تتعرف عليهم
دا شرف ليا ياقمر
العفو يا باشا ده شرف ليا انا
وبامناسبه دى انا عازم كل الناس اللى شاركوا فى البرنامج من اول حلقه ع اكلة سمك فى الاسكندريه
ماهى بلدى بقى
هاهاها
عادي ياحج البلدي يوكل
ونخش ع الاسئله
قولتلك مليون مره خبط للاسئله تكون بتغير هدومها
1) ايه هو لونك الفضل
البنفسج
2) لما بتبص ع نهر النيل بتفتكر ايه او مين
بفتكر اختي وابكي على وحدتي
3) لما بتكون فاضى مش لاقى حاجه تعملها بتملى وقتك ازاى
MidoOoOo4u 08-28-2007, 05:34 AM مييييييييييييييييييييييييييييييييييييييييييييييييي يييييييييزو
منور الكرسى حبيبى نورك واصل حد باب المنتدى هههههههههه
مش حطول عليك علشان متزهقش منى
رن رن رن رن رن رن ......برن على الأسئله قبل مدخل اهوه يا باشا هههههههه
1 *-* لو طلب منك ان تصلح بين اتنين من أصدقائك و كان واحد منهم انته شادد معاه حتوافق ولا حترفض و ليه فى الحالتين ؟؟؟؟
2 *-* أيه رئيك فى نظام المنتدى بشكل عامل من حيث الترقيات و التحديثات ؟؟؟
3 *-* أختر 10 أعضاء وقول رئيك فيهم بصراحه ؟؟؟
4*-* أختنر 5 أعضاء و قول انته راسم شكل ليهم فى مخيلتك ازاى يعنى أوصفهم كما هوه مبين فى عقلك ؟؟؟
5 *-* لديك بطاقتين حب ترسلهما لمين و تكتب فيهم ايه ......كل واحده على حدا ؟؟؟؟
معلش يا باشا اسئله رخمه نا عارف
بس متزعلش وانا جايبلك الأسئله التانيه حجيبلك معايا بيتزا ها ايه خدمه
تقبلـ أرقـ تيحاتيـ
و أستنانيـ فيـ اسئلتيـ الليـ جيهـ
loola 08-28-2007, 11:14 AM مش ممكن يا ميزو
شكلك تحفه و انت بتعترف بجد جامد موت
منور يا باشا احلي كرسي اعتراف اوعي تتكهرب بس
بص يا ميزو عاوزاك كده متشلشي حاجه في نفسك خالص و اقر بالحقيقه كلها
لان الانكار مش هيفيدك بحاجه الكرسي قافش فيك و مش هتخلص مننا خالص
يلا ادخل بقي علي طول انت مش غريب
1_ عرفت كام بنت ؟ (علي فكره ده اهم سؤال لازم تقول)
2_مواصفات فتاه احلامك؟
3_حياتك بلا معني بدون:
4_اكتر شئ يسعدك:
5_نقاط ضعفك:
6_نقاط قوتك:
7_لن تغفر ابدا لصديق:
8_اول مره اضربت:
9_تستطيع ان تقول انك منجذب الي شخص ما اذا كان :
10_اذا كان بأمكانك التبديل مع شخص اخر فمن يكون؟
11_ممكن تلخص شخصيتك في سطرين؟
12_موقف لن تنساه :
13_لو بقيت رئيس جمهوريه ايه اول قرار هتصدره؟
14_اكتر موقف محرج اتعرضت له في حياتك؟
15_خلاص اخر سؤال بس طويل شويه لو انت بتعاكس بنت الجيران اوك
و في نفس الوقت لقيت اخوها بيعاكس اختك و هو ضخم الجثه عريض المنكبين هتعمل ايه ؟
منور الكرسي علي فكره مش قادره افتح عنيا من كتر الضوء
moonlight 08-28-2007, 06:09 PM انت فين يا سي ميزو هربان ليه من الاعتراف
على فكرة انا زعلانة منك .... زعلانة اوي مش شوية
مش هقولك ليه غير لما تجاوب الاول على ميدو و لولا
HAPPY 08-28-2007, 06:19 PM ميزو اتخطف يارجاله
يالا كلنا ندور عليه
اكيد الدهاشنه هما اللى خطفوه
loola 08-28-2007, 06:24 PM ههههههههههههههههههههههههه
لاء يا جماعه ميزو النور عنده قاطع
كل لما يجاوب الاسئله قبل اما يبعتها
النور يتقطع ادعولوه
moonlight 08-28-2007, 06:34 PM هو اللي بيقطع النور ........ خايف يتكهرب
HAPPY 08-28-2007, 06:34 PM ماشى يا ميزو
انا هابعتلك 3 من مهندسين الاضاءه فى البرنامج يشوفلك موضوع النور
و ها يقعدوا معاك لحد ما تجاوب ع كل الاسئله
اه نسيت اقولك
انا زودت كهربة الكرسى
NiGhTiNgAlE 08-28-2007, 06:49 PM مييييييييييييييييييييييييييييييييييييييييييييييييي يييييييييزو
ايوووووه ايوووووووه ههههههههههه
منور الكرسى حبيبى نورك واصل حد باب المنتدى هههههههههه
منا عارف انك فرحان عشان انا متكهرب
مش حطول عليك علشان متزهقش منى
لاء طول عادي ولا يهمك
رن رن رن رن رن رن ......برن على الأسئله قبل مدخل اهوه يا باشا هههههههه
استني ياللي عالباب ان جاي اهو ههههههههه
1 *-* لو طلب منك ان تصلح بين اتنين من أصدقائك و كان واحد منهم انته شادد معاه حتوافق ولا حترفض و ليه فى الحالتين ؟؟؟؟
ازاي هصالح اتنين على بعض انا مش قادر اصلا اصالح نفسي عليهم
2 *-* أيه رئيك فى نظام المنتدى بشكل عامل من حيث الترقيات و التحديثات ؟؟؟
اكيد راضى عن حاجات ومش راضي عن حاجات بس ده راي الاداره انا مقدرش ادخل فيه
بمنع او بموافقه
3 *-* أختر 10 أعضاء وقول رئيك فيهم بصراحه ؟؟؟
مون لايت : الاشراف المتميز والشخص المناسب للترقيه
سريتا : الروح المرحه
ميدوفور يو : الملاك الحزين
لولا : الثقه المهزوزه
كليك مي : العقل السليم
هابي : سعيد ويارب يكون دايما سعيد
جنات : المبدعه
وائل جمعه : العقليه المفكره
رامي : الاداره الناجحه
4*-* أختنر 5 أعضاء و قول انته راسم شكل ليهم فى مخيلتك ازاى يعنى أوصفهم كما هوه مبين فى عقلك ؟؟؟
بصراحه انا متكلمتش غير مع تلات اعضاء وشوفتهم بس مينفعش اوصفهم
5 *-* لديك بطاقتين حب ترسلهما لمين و تكتب فيهم ايه ......كل واحده على حدا ؟؟؟؟
اول واحده هكتبها لحبيبتي الاولانيه ::: لو الحياه بدت صعبه وصارت بينا اميال تذكر ان لك احباب محبتهم توازي جبال
التانيه هكتبها لاختي الراحله ::: مع السلامه ياحبيب قلبي وسلام تعالا زورني كل ليله فى المنام
معلش يا باشا اسئله رخمه نا عارف
عادي يا صاحبي ولا يهمك
بس متزعلش وانا جايبلك الأسئله التانيه حجيبلك معايا بيتزا ها ايه خدمه
اه الا هما هنا جوعوني عالاخر اما اشوفك يامون انتي وهابي ووائل
تقبلـ أرقـ تيحاتيـ
الله يخليك ياحبي
و أستنانيـ فيـ اسئلتيـ الليـ جيهـ
مستنيك
NiGhTiNgAlE 08-28-2007, 08:10 PM 1_ عرفت كام بنت ؟ (علي فكره ده اهم سؤال لازم تقول)
اعرف كتير بس محبتش الا مره واحده
2_مواصفات فتاه احلامك؟
تكون متدينه و وتعرف ربنا وتخافو
اما الشكل تكون بشرتها خمريه وعيونها خضراء
3_حياتك بلا معني بدون:
اختي الله يرحمها
4_اكتر شئ يسعدك:
رسم البسمه على وجوه اليائسين
5_نقاط ضعفك:
حد يحلفني برحمه اختي
6_نقاط قوتك:
ثقتي بنفسي
7_لن تغفر ابدا لصديق:
خان الصداقه
8_اول مره اضربت:
من 14سنه ومضربتش مره غيرها
9_تستطيع ان تقول انك منجذب الي شخص ما اذا كان :
لازم اقول لاني لو كتمت هعذب نفسي
10_اذا كان بأمكانك التبديل مع شخص اخر فمن يكون؟
مش عاوز اكون مكان حد لاني معجب بنفسي
ممكن تلخص شخصيتك في سطرين؟
انا اسمي مازن ليبي الجنسيه عايش بمصر
بلعب كره قدم بنادي الجزيره سبورتينج الرياضي
حلمت بالجنسيه واخدها
ههههههه السطرين خلصو
12_موقف لن تنساه :
يوم احتضار اختي لانها ماتت بين احضاني
ويوم فراق حبيبتي
13_لو بقيت رئيس جمهوريه ايه اول قرار هتصدره؟
هعين شخص امين على وزاره الماليه اولا
اصلااح الطرقات
تعديل وزاره التربيه والتعليم
14_اكتر موقف محرج اتعرضت له في حياتك؟
يوم ان الكلب بتاعى وانا ماشي بيه نط في عربيه واحده
وانا فضلت اجري وراه عشان البت اخدت العربيه ومشيت
ركبت عربيتي وطرت وراها
والحكومه وقفتنا عشان الرخص
عملتلها مخضر سرقه
بس ر سيت على صلح
15_خلاص اخر سؤال بس طويل شويه لو انت بتعاكس بنت الجيران اوك
و في نفس الوقت لقيت اخوها بيعاكس اختك و هو ضخم الجثه عريض المنكبين هتعمل ايه ؟
انا مبعاكسش حد على فكره
ولو البنت اتعاكست يبقى عيب
منها لانها بتلفت النظر
مش هينفع اعاكس بنت محترمه يعني
منور الكرسي علي فكره مش قادره افتح عنيا من كتر الضوء
عارف انك فرحانه فيا
نورتي ياقمر
بكره تبقى مكاني
NiGhTiNgAlE 08-28-2007, 08:15 PM انت فين يا سي ميزو هربان ليه من الاعتراف
انا اهو يا ستو حنان مش هربان والله بس النت بيلعب معايا الدنيئه
على فكرة انا زعلانة منك .... زعلانة اوي مش شوية
والله ماقدر على زعلك ولو مزعلك فى حاجه سوري ياستي
مش هقولك ليه غير لما تجاوب الاول على ميدو و لولا
انا جاوبت اهو ياريت اعرف بقي
NiGhTiNgAlE 08-28-2007, 08:25 PM ميزو اتخطف يارجاله
يالا كلنا ندور عليه
اكيد الدهاشنه هما اللى خطفوه
لاء انا هنا ياجميل
ماشى يا ميزو
انا هابعتلك 3 من مهندسين الاضاءه فى البرنامج يشوفلك موضوع النور
و ها يقعدوا معاك لحد ما تجاوب ع كل الاسئله
ياريت والله يا هابي وتبعتلي حد من شركه دي داتا
اه نسيت اقولك
انا زودت كهربة الكرسى
فيك الخير وربنا يا سعيد
moonlight 08-28-2007, 10:33 PM فيه ايقونة واحد بيخبط راسه في الحيطة
ايه رايك في الايقونة دي يا ميزو ... بتعبر عن ايه من وجهة نظرك ؟؟
و ليه دايما ملازمة لكل موضوعاتك ... هل فيه سبب و الا عادي مفيش سبب معين ؟؟
NiGhTiNgAlE 08-28-2007, 11:26 PM فيه ايقونة واحد بيخبط راسه في الحيطة
اها
ايه رايك في الايقونة دي يا ميزو ... بتعبر عن ايه من وجهة نظرك ؟؟
بحس انها بتعبر عن واحد كل اما يجي يمر من جدار يصتدم فيه
و ليه دايما ملازمة لكل موضوعاتك ... هل فيه سبب و الا عادي مفيش سبب معين ؟؟
بحس انها بتعبر عني ومن زمان اوي وانا بستخدمها
حوالي من 4سنين
Bentmisr 08-29-2007, 02:28 AM ميزو منور الكرسى هلبة هلبة wavetowel.gif
دى الكلمة الوحيدة اللى اعرفها بالليبى s17.gif
مش هاكتر عليك فى اسألتى ماشى
اية رأيك فى الزعيم القذافى وابنة؟
هل انت موافق على اللى حصل فى حل قضية اطفال الايدز والممرضات ؟
لو حبيت تركب سفينة وتكون انت القبطان تحب ترسى بيك فين؟
بتعرف تقف فى المطبخ وتعمل أكل مصرى ولا مقضيها تيك اواى؟
قولى لو صادفت انك بقيت اشهر لاعب كرة انشاء الله اول مشروع تعملة اية وتعملة فين ؟
طلعت برج القاهرة ؟
اية أحلى أغنية بتحب تسمعها وممكن تدندن مع نفسك بيها؟
بيت شعر بيعجبك اوى ؟
خلاص كدة مش قولتلك مش هاكتر عليك فى اسألتى وكمان مرة منور الكرسى هلبة هلبة wavetowel.gif
وائل جمعه 08-29-2007, 04:29 AM بما أن مازن مش بيحب الشيكولاته
يبقى مش هانقدر نسأله سؤال الشيكولاته
و لذلك قررنا منحه حاجه احلى من الشيكولاته
هيا صحيح حاجه بسيطه بس يا رب تكون ذات قيمة بالنسباله
عشان يعرف احنا بنحبه أد ايه
7
7
7
7
7
7
7
7
7
7
7
7
7
7
7
7
7
7
7
7
7
7
7
7
http://www.sh2ee.com/vb/imgcache/324.imgcache (http://imageshack.us)
Bentmisr 08-29-2007, 05:22 AM الف الف مبرووووووووك يامازن على الجنسية تستحقها بجد
والف شكر وتقدير للقنصل المصرى الجامد وائل جمعة على عطفة وذوقة الجميل دة
وادى احلالالالالالالالا زغروطة
لوووووووووووووووولى
wavetowel.gifwavetowel.gif
moonlight 08-29-2007, 05:33 AM ألف مبروك يا ميزو
خلاص يا عم بقيت مصري زينا clap[1].gif
و بنت مصر بتزغرتلك كمان ....... ابسط يا عم
و يارب ياميزو تحقق كل حاجة بتتمناها في الدنيا
ty_ty.gifty_ty.gifty_ty.gif
loola 08-29-2007, 10:59 AM مبرووووووووووووووووووووووووك يا ميزوووووووووووووووووووووو
عرفت منين ان انا فرحانه فيك ده انا فرحانه بيك
يلا يا عم بقيت مصري اهوه اعزمنا علي فول بقي
HAPPY 08-29-2007, 02:39 PM مبرووووووووووووووووووووووووووووووووووك يا ميزو
وبالمناسبه اللذيذه دى
هاخدك انت و الواد وائل و مون و كل اللى شاركوا فى موضوعك
فى جوله فى اجمل اماكن مصر
يعنى الاول هاوديكوا اجمل مكان فى العالم و عشقى الاول و الاخير ( الاسكندريه) و هانقضى اسبوع
و بعدين نطلع ع الساحل الشمالى و ها نقعد 5 ايام
ومنها ع مرسى مطروح و هانقضى اسبوع
وبعد كده الغردقه و شرم الشيخ و ها نقعد 10 ايام
و بعدين الاقصر و اسوان و هانقضى اسبوع
و لما نرجع القاهره هاخدك لاحلى اماكنها
وبعدين رحله نيليه بالاتوبيس النهرى بتاعى
ها ايه رايك ياعم
loola 08-29-2007, 02:45 PM هابي انت قتلت ابوك و لا ايه
هتجيب منين ان شاء الله كل الفلوس ديه
و لا سرقت البنك الاهلي
لو البنك الاهلي علي فكره هتضرب انما لو البنك الزمالك مش مشكله
بس هتضرب برده علشان كليك زملكاوي ههههههههههههه
NiGhTiNgAlE 08-29-2007, 04:15 PM --------------------------------------------------------------------------------
ميزو منور الكرسى هلبة هلبة
ثانكس يا بنت مصر هلبه هلبه هههههههههههههه
دى الكلمة الوحيدة اللى اعرفها بالليبى
ده ليبيا اتشرفت بكلامك بلغتها
مش هاكتر عليك فى اسألتى ماشى
عادي ياقمر انا فرحت اما شوفتك هنا
اية رأيك فى الزعيم القذافى وابنة؟
بصراحه انا مبحبوش زيو زي حسني مبارك عاوز يمتلك البلد ويورث السلطه لابنو
وهيا فرقت ايه ماهي ليبيا على حدود مصر
بس هقولك حاجه لفته بسيطه عن شعور الليبيين تجاه مصر
اولا بيعتبرو المصريين كلهم فلاحين بسبب اللى بيهاجرو من عندنا لهناك
اكترهم اللى هما من الارياف اللى بيبحثو عن شغل
هل انت موافق على اللى حصل فى حل قضية اطفال الايدز والممرضات ؟
مكونتش متابعها بصراحه يابنت مصر
لو حبيت تركب سفينة وتكون انت القبطان تحب ترسى بيك فين؟
احب انها ترسي بيا على شاطئ اسكندريه لاني بحبها بس فى حته ميكونش فيها بشر
لان ناسها اكترهم وحشين وبيكرهو القاهرويه
بيقولو ان احنا بنروح نخلى الحاجه غاليه عليهم
بتعرف تقف فى المطبخ وتعمل أكل مصرى ولا مقضيها تيك اواى؟
انا حياتي كلها بعتمد فيها على نفسي وبعرف اعمل اكلات كتير اوووووووي
قولى لو صادفت انك بقيت اشهر لاعب كرة انشاء الله اول مشروع تعملة اية وتعملة فين ؟
اول حاجه هعملها هطلب اللعب بنادي الاهلى وافادتو
تاني حاجه هعمل على تطوير كل الانشطه بالنادي
وهرد الجميل لكل اللى شاركو فى اني ارتفع
وهرفض مبدأ الاحتراف بره بلدي اولى بيا
طلعت برج القاهرة ؟
كتيييييييييييير وكنت مرشح لبعثه لالمانيا على حساب الدوله
لاني كنت من الاوائل فى الالماني
اية أحلى أغنية بتحب تسمعها وممكن تدندن مع نفسك بيها؟
اغنيه بدري الوداع بتاعه خالد سليم
واغنيه يا قلبي بتاعه مجدي سعد
بيت شعر بيعجبك اوى ؟
اممممممم هو فى كتير
ارك عس الدمع شيمتك الصبر *** اما للهوي نهي عليك ولا امر.
بلي انا مشتاق وعندي لوعه **** ولكن مثلي لا يزاع له سر
والبيت التاني من نفس القصيده
وفيت وفى بعض الوفاء مزله ** لانسه فى الحي شيمتها الغدر
خلاص كدة مش قولتلك مش هاكتر عليك فى اسألتى وكمان مرة منور الكرسى هلبة هلبة
عادي ياقمر اسألتك جميله زيك
NiGhTiNgAlE 08-29-2007, 04:21 PM بما أن مازن مش بيحب الشيكولاته
يبقى مش هانقدر نسأله سؤال الشيكولاته
و لذلك قررنا منحه حاجه احلى من الشيكولاته
هيا صحيح حاجه بسيطه بس يا رب تكون ذات قيمة بالنسباله
عشان يعرف احنا بنحبه أد ايه
7
7
7
7
7
7
7
7
7
7
7
7
7
7
7
7
7
7
7
7
7
7
7
7
http://www.sh2ee.com/vb/imgcache/324.imgcache (http://imageshack.us)
وائل بجد انا مقدر شعورك اللطيف ده
والف شكر يا جميل عالجنسيه
واخيرا نورت موضوعي
تقدر تسأل سؤال الشيكولاته عادي
بس هات بيتزا مش شيكولاته
طماع انا صح
يلا مستنيك ياجميل
NiGhTiNgAlE 08-29-2007, 04:25 PM الف الف مبرووووووووك يامازن على الجنسية تستحقها بجد
والف شكر وتقدير للقنصل المصرى الجامد وائل جمعة على عطفة وذوقة الجميل دة
وادى احلالالالالالالالا زغروطة
لوووووووووووووووولى
الله يبارك فيكي ياقمر
وميرسي اوي علي شعورك
الجميل ده
وانا كمان بشكرو اوي على كل حاجه
وكويس انك لسه بتعرفي تزغرطي
ههههههه
NiGhTiNgAlE 08-29-2007, 04:32 PM ألف مبروك يا ميزو
الله يبارك فيكي ياحنان
خلاص يا عم بقيت مصري زينا
شرف ليا طبعا
و بنت مصر بتزغرتلك كمان ....... ابسط يا عم
كويس انها فاكره العادات المصريه
و يارب ياميزو تحقق كل حاجة بتتمناها في الدنيا
يارب ياجميل وانتو معايا انشاء الله
وشكرا اوي اوي
NiGhTiNgAlE 08-29-2007, 04:36 PM مبرووووووووووووووووووووووووك يا ميزوووووووووووووووووووووو
الله يبارك فيكي يا لولاااااااااااااااااااا
عرفت منين ان انا فرحانه فيك ده انا فرحانه بيك
هههههههههههههههه عشان كلمه منور
يلا يا عم بقيت مصري اهوه اعزمنا علي فول بقي
تعالو نروح عماد الدين ناكل فى مطعم اخر ساعه
وندخل سينما
يلا على حسابي المره ده
NiGhTiNgAlE 08-29-2007, 04:52 PM مبرووووووووووووووووووووووووووووووووووك يا ميزو
الله يبارك فيك ياجميل
وبالمناسبه اللذيذه دى
هاخدك انت و الواد وائل و مون و كل اللى شاركوا فى موضوعك
فى جوله فى اجمل اماكن مصر
يعنى الاول هاوديكوا اجمل مكان فى العالم و عشقى الاول و الاخير ( الاسكندريه) و هانقضى اسبوع
و بعدين نطلع ع الساحل الشمالى و ها نقعد 5 ايام
ومنها ع مرسى مطروح و هانقضى اسبوع
وبعد كده الغردقه و شرم الشيخ و ها نقعد 10 ايام
و بعدين الاقصر و اسوان و هانقضى اسبوع
و لما نرجع القاهره هاخدك لاحلى اماكنها
وبعدين رحله نيليه بالاتوبيس النهرى بتاعى
ها ايه رايك ياعم
تمام يامعلم
بس هتمشينا ده كلو جعانين
فين الاكل يا عم
الف شكر ياجميل
moonlight 08-29-2007, 09:01 PM على فكرة انا بختلف معاك في موضوع الاسكندرانية دا
دا جزء من حلاوة اسكندرية اهلها جدعان و دمهم خفيف و اجتماعيين و بيحبوا الناس
طب مش هنروح بعيد بص حواليك في المنتدى هتلاقي الذ ناس فيه اسكندرانية
انا عن نفسي ليا اصحاب اسكندرانية و بنحبوووووووهم اوي ههههههههههههه
HAPPY 08-29-2007, 09:09 PM شوف يا ميزو بما انى الفسحه كلها ع حسابى
اختاروا ياعم الاكل و الشرب اللى انتو عايزينه
عشان مابقاش حارمكم من حاجه
هلوو
باا ك من تاني
1_رسالة عتاب توجهها لمن ؟
2_ايه رايك بالبنت الي ما بترد ع رسائل الي ببعتوها الاعضاء بالمنتديات
بشكل عام .. وبشكل تاني ايه رايك بتعارف عن طريق المنتديات
HAPPY 08-29-2007, 09:17 PM على فكرة انا بختلف معاك في موضوع الاسكندرانية دا
دا جزء من حلاوة اسكندرية اهلها جدعان و دمهم خفيف و اجتماعيين و بيحبوا الناس
طب مش هنروح بعيد بص حواليك في المنتدى هتلاقي الذ ناس فيه اسكندرانية
انا عن نفسي ليا اصحاب اسكندرانية و بنحبوووووووهم اوي ههههههههههههه
لو انى يا مون لايت مش عارف انتى معترضه ع مين وع ايه
لكن اشكرك ع رايك فى الاسكندريه واهلها اللى انا منهم برغم انى عايش فى القاهره طول عمرى
NiGhTiNgAlE 08-29-2007, 09:21 PM على فكرة انا بختلف معاك في موضوع الاسكندرانية دا
دا جزء من حلاوة اسكندرية اهلها جدعان و دمهم خفيف و اجتماعيين و بيحبوا الناس
طب مش هنروح بعيد بص حواليك في المنتدى هتلاقي الذ ناس فيه اسكندرانية
انا عن نفسي ليا اصحاب اسكندرانية و بنحبوووووووهم اوي ههههههههههههه
بصى يا حنان
هرجع واقولك صوابعك مش زي بعضها
يعني فى اسكندرانيه كده وكده
وانا مقولتش انهم جدعان
بالعكس جدعان جداااااااااا بس بيكرهونا عشان بنغلي عليهم الاسعار
وانا بقول كده بناء على موقف حصل معايا
بصرف نظر ايه هو
NiGhTiNgAlE 08-29-2007, 09:26 PM شوف يا ميزو بما انى الفسحه كلها ع حسابى
اختاروا ياعم الاكل و الشرب اللى انتو عايزينه
عشان مابقاش حارمكم من حاجه
ياعم دخولك لعيا الموضوع وفى ايدك
شنطه تذاكر سفر بالدونيا كلها
ولو اني طماع بقى
هطلب شيش طاووق
وبيتزا وفاهيتا
عشان بحب انام خفيف مش هطلب حاجه تاني
وهات بقى معاك كابتشينو
وياريت اشوفهم بعيوني
مش تقولى من عيوني ومشوفش منك حاجه
ههههههههههههههههههههه
HAPPY 08-29-2007, 09:32 PM يلا يا عم بقيت مصري اهوه اعزمنا علي فول بقي
تعالو نروح عماد الدين ناكل فى مطعم اخر ساعه
وندخل سينما
يلا على حسابي المره ده
يعنى ياراجل يوم ما تعزمنا ع حاجه تطلع فول و فى عماد الدين يعنى منطقتى
بص يا عم انا عازمكم كلكم ع اجمل الاكلات المصريه عندنا فى البيت
والسنما كمان ع حسابى ياعم
وده مش عشان انا المنتج
ده عشان يبقى شكلى عار لما تيجوا عندى و اسيب حد فيكم يدفع الحساب
NiGhTiNgAlE 08-29-2007, 09:40 PM هلوو
هالو
باا ك من تاني
احلى باك من تاني
1_رسالة عتاب توجهها لمن ؟
هبعتها للولا
واقولها مش معني انك هتبتدي دروس
يبقى تبعدي عننا الثانويه مفيش مانع
ترفهي عن نفسك يوم او اتنين
فى الاسبوع
2_ايه رايك بالبنت الي ما بترد ع رسائل الي ببعتوها الاعضاء بالمنتديات
بصي يا جنات انا هقولك حاجه
فى طريقه انك ترفضي او تردي على نص الرساله
بطريقه مهذبه
احسن من انك تطنشي
ومتعبريش العضو نهائيا لانو ده بيخليه يفهم
انو مش محبوب او قليل فى نظر المرسل اليه
لو العضو بعت رساله تاني بيكرر فيها طلبو
تبعي الرساله اقتباس للاداره
وتبلغيهم انو بيضايقك
كده ولا تكوني ضايقتي نفسك
او زعلتيه بشكل مباشر
والاداره بقى تتصرف معاه
وده رائيي
واختلاف الرأي لا يفس بالود قضيه
بشكل عام .. وبشكل تاني ايه رايك بتعارف عن طريق المنتديات
بصى يا جنات
لو هما سنهم قريب من بعض
والتعارف ده غرضه نبيل
خالى من المصالح الدنيئه
انا مش بمانع
ومفيش مانع من انك تجربي تكتشفي شخصيه الانسان
اللى هتتعرفي عليه
قبل ما توافقي
لعلى وعسي يطلع وحش
وممكن يطلع حلو
وياخد خطوه ايجابيه ويبقى احسن من انسان ممكن
تعرفيه عالطبيعه
ويطحك عليكي
صح ولا انا غلطان
NiGhTiNgAlE 08-29-2007, 09:50 PM يعنى ياراجل يوم ما تعزمنا ع حاجه تطلع فول و فى عماد الدين يعنى منطقتى
بص يا عم انا عازمكم كلكم ع اجمل الاكلات المصريه عندنا فى البيت
ياعم والله واحد
انا وانتا واحد ياحج
والسنما كمان ع حسابى ياعم
خلاص عاوز ادخل فيلم جربان احمد جربان
ههههههههههه اقصد مرجان احمد مرجان
وده مش عشان انا المنتج
ده عشان يبقى شكلى عار لما تيجوا عندى و اسيب حد فيكم يدفع الحساب
ماقولتلك واحد ياسعيد والله
MidoOoOo4u 08-30-2007, 02:33 PM ميزووووووووووووووووووووووو الله يابنى كنت حخش امبارح احطلك الاسئله اللى وعدتك بيها بس اعمل ايه
النت حلف مهوه فاتح اكتر من الصفحه الرئيسيه ههههههههههه
انا بس حقول حاجه الأهم من العزومات دى المواضلات على حساب ميييييييييييييييييييييييييييين ؟؟؟؟؟؟؟؟
و يا هابى خلى العزمه مناصفه بينى و بينك احنا عندنا كام ميزو يعنى
ادخل يا باشا فى الأسئله عارف انك مستنيها بفارغ الصبر هههههههه
1 - ايه هوه اكتر اسم مستعار فى المنتدى عجبك و لماذا ؟؟؟؟
2 - ايه اكتر توقيع شد انتبهاك فى المنتدى و برده ليه ؟؟؟؟
3 - اكتر 5 اعضاء حسيت فى مواضيعهم انها بتمثل شعورك ؟؟؟
4 -(مازن )....ماذا يحمل هذا الأسم من معنى بالنسبه لك ؟؟؟؟
5 - لو جلست على ضفه النيل و ضوء القمر ينعكس على صفحاته بماذا يبعث هذا المنظر فى داخلك ؟؟؟...تعالى بقى جربه على البحر روعه ...بسوق للسياحه فى الأسكندريه ههههههههه
نرجع تانى
6 - رمضان فى لبيا بيبقى شكله ازاى و انته متصور انك حتلاقيه ازاى فى مصر ؟؟؟؟؟؟؟؟
7 - لو معاك فلوس و حبيت تعمل مشروع يكون ايه و ليه ؟؟؟؟؟؟؟؟؟
كفايه ولا كمان كفايه كدا المره دى علشان اسيب اسئله للمره اللى جيه افرح يا عم
منور الكرسى و الله يا مازن صدقنى من كتر فرحتى بطالب رؤساء كهربه الكرسى
بتعليه فولت الكهرب علشان خلاص ميزو قرب يهرب من الكرسى ههههههههههههههه
سلام مؤقتا حبيبى
NiGhTiNgAlE 08-30-2007, 04:48 PM ميزووووووووووووووووووووووو الله يابنى كنت حخش امبارح احطلك الاسئله اللى وعدتك بيها بس اعمل ايه
النت حلف مهوه فاتح اكتر من الصفحه الرئيسيه ههههههههههه
كويس برضو النت كان حاسس بيا
انا بس حقول حاجه الأهم من العزومات دى المواضلات على حساب ميييييييييييييييييييييييييييين ؟؟؟؟؟؟؟؟
انا هجيبكو فى العربيه بتاعتي ياعم ولا تزعل نفسك بس متقولش لاء يا هابي
متقلقش معايا رخصه خاصه
و يا هابى خلى العزمه مناصفه بينى و بينك احنا عندنا كام ميزو يعنى
الله يخليك يا حج
ادخل يا باشا فى الأسئله عارف انك مستنيها بفارغ الصبر هههههههه
كويس انك عارف بس ربنا يستر عارفك اسالتك جميييييله
1 - ايه هوه اكتر اسم مستعار فى المنتدى عجبك و لماذا ؟؟؟؟
مون لايت ::: لانو بيعبر عن الهدوء والرومانسيه
واسم NiGhTiNgAlE : لانو بيدل عالمرح والسعاده لانو اسم الطائر المغرد وده يدل عالمرح
2 - ايه اكتر توقيع شد انتبهاك فى المنتدى و برده ليه ؟؟؟؟
مفيش توقيع محدد بس فى كتير حلو
3 - اكتر 5 اعضاء حسيت فى مواضيعهم انها بتمثل شعورك ؟؟؟
مش هينفع احدد ياحج لان فى كتير اعضاء مواضيعهم حلوه
سواء كانت مرح او جد لان كتير اعضاء متميزين
وانتا منهم ياميدو
4 -(مازن )....ماذا يحمل هذا الأسم من معنى بالنسبه لك ؟؟؟؟
مازن
اما من بيض النمل وهو يسمى مازنا واما من المزن واما من قولهم فلان يتمزن على قومه اى يتسخى عليهم
ده معني الاسم
5 - لو جلست على ضفه النيل و ضوء القمر ينعكس على صفحاته بماذا يبعث هذا المنظر فى داخلك ؟؟؟...تعالى بقى جربه على البحر روعه ...بسوق للسياحه فى الأسكندريه ههههههههه
يعكس الهدوء فى النفس والشاعريه
وراحه نفسيه طبعا
نرجع تانى
اوك يلا بينا
6 - رمضان فى لبيا بيبقى شكله ازاى و انته متصور انك حتلاقيه ازاى فى مصر ؟؟؟؟؟؟؟؟
رمضان فى كل حته واحد
لمه وعيله وفطار وصيام
وبعد الفطار صواريخ بتتفرقع
واصحاب بتتجمع
وزينه وكهارب وحاجات كتير اوي
وفوانيس
هو ده رمضان
7 - لو معاك فلوس و حبيت تعمل مشروع يكون ايه و ليه ؟؟؟؟؟؟؟؟؟
هعمل مشاريع كتير مش مشروع واحد
كفايه ولا كمان كفايه كدا المره دى علشان اسيب اسئله للمره اللى جيه افرح يا عم
هيه هيه هيه شوفت انا فرحان ازاى7_5_129.gif
منور الكرسى و الله يا مازن صدقنى من كتر فرحتى بطالب رؤساء كهربه الكرسى
بتعليه فولت الكهرب علشان خلاص ميزو قرب يهرب من الكرسى ههههههههههههههه
ههههههههههه ربنا يقدرك على عمل الخير
سلام مؤقتا حبيبى
انتا خليت فيها حبيبي
loola 08-31-2007, 06:33 AM منور يا NiGhTiNgAlE
عاوزه اسالك كام سؤال عالماشي كده
مين هو اكتر شخص اثر فيك؟
امتي حسيت انك اناني او بتجرح ناس بيحبوك؟
اسعد لحظه في حياتك؟
و اسوأ لحظه في حياتك؟
ساعات الانسان بتمر بيه لحظه فشل و تبقي في الوقت نفسه هي الدافع لنجاحه عمرك مرت بيك اللحظه ديه؟
ثانكس يا NiGhTiNgAlE
بجد منور
NiGhTiNgAlE 08-31-2007, 02:46 PM منور يا NiGhTiNgAlE
ده نورك يا لولا
عاوزه اسالك كام سؤال عالماشي كده
اتفضلي اسألي وخدي راحتك
مين هو اكتر شخص اثر فيك؟
اختي الله يرحمها
امتي حسيت انك اناني او بتجرح ناس بيحبوك؟
عمري مافكرت اجرح غيري انما الانانيه اكي بتمر علينا كلنا
والموقف ده كان من فتره بدون ذكر الموقف
اسعد لحظه في حياتك؟
اما عرفت اني خلاص هاخد الجنسيه
و اسوأ لحظه في حياتك؟
يوم فراق اختي الله يرحمها
ساعات الانسان بتمر بيه لحظه فشل و تبقي في الوقت نفسه هي الدافع لنجاحه عمرك مرت بيك اللحظه ديه؟
كان فى اختبارات نادي الاهلى عاملها دخلتها بس مقبلونيش لاسباب مرضيوش يذكروها
كان فى نفس الوقت المدير الفني لنادي الجزيره سبورتينج بيتفرج عالاختبارات ونادي الزمالك
اتعرض عليا اروح الجزيره او الزمالك روحت الجزيره لانو احسن وانضف بكتييييييير
جينا بنلعب ماطش مع الاهلى كسبناهم 5/2 وكنت انا حاطط 3 اهداف عرض عليا نادي الاهلى يشتريني
رفض اسيب النادي ولاسباب برضو مرضيتش اعرفهالهم
ثانكس يا NiGhTiNgAlE
ثانكس ليكي انتي يا لولا شرفتيني باسالتك
moonlight 08-31-2007, 10:18 PM في نهاية الحلقة يا ميــــــــــزو بنشكرك كلنا على التفاعل الجميل
و على صراحتك و اعترافاتك
و بشكرك بشكل خاص على كل الكلام الجميل اللي قولته عني
سواء هنا في الموضوع او في مواضيع تانية
و باتمنالك كل خير في حياتك و ربنا يوفقك
|