عرض الإصدار الكامل : الحلقة الخامسه ... و الأخيرة مع وائل جمعه ... كرسى الأعتراف
وائل جمعه 09-30-2007, 01:09 AM بسم الله الرحمن الرحيم
دى مش الحلقة الأخيرة من كرسى الأعتراف
بس الحلقة الأخيرة مع وائل جمعه
واحد صاحبى كان دايما يقول ان اللقاء نصيب
فعلا
اللقاء نصيب
كان ليا نصيب ادخل على المنتدى فى ظروف غريبه و بشكل عارض
و يشاء القدر ان اتعرف على ناس عمرى ما كنت هاقابل زيهم ابدا لو ماجيتش هنا
ناس افتخر انى عرفتهم فى يوم من الايام
لكن الظاهر ان النصيب ساعات برده بيغير ملامح حياتنا
و ارجع و اقول سنة الحياة
جايز يكون الموضوع ده اخر موضوع هانتكلم فيه
لانى بعدها هابتعد لفترة بسبب شوية مشاغل
لكن طبعا عمرى ما هاقدر ابعد بشكل نهائى لانى سايب هنا جزء مهم من حياتى
و ناس عمرى ما اتخيل انى اعيش من غيرهم
انا بين ايديكم
هاستنى اسئلتكم
و باذن الله اجاوب بمنتهى الصراحه
و طبعا غيابى عمره ما هيأثر بأى شكل فى شكل و مضمون البرنامج
لأن البرنامج فيه مذيعه عظيمه هى مونلايت
و أنضم مؤخرا المحلل الرائع انتاتش
http://www.sh2ee.com/vb/imgcache/1499.imgcache (http://imageshack.us)
بحبكوا
moonlight 09-30-2007, 01:44 AM بصراحة يا وائل انت صدمتني
صحيح احنا متوقعين منك المفاجآت .... بس دايما كانت مفجآت جميلة
لكن دي مفاجأة محزنة ... و لم نتوقعها ابدا
نهون عليك تسيبنا بعد ما بقيت جزء من اسرتنا
انا طبعا كنت محضرالك أسئلة و هي جاهزة فعلا
لكن بعد المفاجأة دي ...... اول سؤال هاسأله هو ...... ليه ....؟
وائل جمعه 09-30-2007, 02:03 AM أزيك يا مون عامله ايه
شكرا على الكلام الجميل ده
و اسف اذا كانت صدمه
بس دى حاجه عادية يعنى مش مستاهله يومين و هاتلاقينى جاى بمفاجأة جديدة ماتقلقيش
اما عن السبب
فهو أن أهملت فى شغلى شوية و أصبت بكسل فظيع كان واضح كمان من خلال ندرة مشاركاتى
اللى اقتصرت على كرسى الاعتراف و بس فقررت اوقف حاجات كتير عشان اركز شوية بالأضافة لانى أنشأت مدونة ضغيرة كده و دى كمان هاتحتاج وقت كبير على النت
هيا بس كل الحكاية ممكن اقول عليها سفرية صغيرة و هارجع لبيتى على طول
moonlight 09-30-2007, 02:19 AM طيب يا وائل المهم تكون بخير و متبعدش عننا فترات طويلة
و ربنا يوفقك ان شاء الله
و احنا دايما هنفضل في انتظار مفاجآتك الجميلة
و نبدا بقى بالأسئلة .........
انت بصراحة شخصية تتمتع بقدر كبير جدا من الاحترام و الاعجاب من كل رواد منتدى الحوار و النقاش
و دي حقيقة اكيد انت لمستها بنفسك يعني مش مجاملة good1.gif
و تتمتع ايضا بقدر كبير من الغموض .........
ممكن يا وائل نتعرف على شخصيتك الحقيقية ....... بالتفصيل
وائل جمعه 09-30-2007, 02:28 AM أخجلتم تواضعنا
مبدئيا
الأسم
داليا حسين
تاريخ الميلاد
23 يوليو 1985
moonlight 09-30-2007, 02:39 AM و دي تاني صدمة ........ طلعتي بنت
لا دي شكلها الحلقة الأخيرة فعلا
طيب كملي يا أستاذة داليا دا مش بالتفصيل كدا
انتي خريجة ايه ..... و بتشتغلي و الا لسه
و احكيلنا شوية انتي بقى علشان انا متلخبطة و مش عارفة اسال
و ليه دخلتي المنتدى بشخصية ولد ........
ايه الفكرة يعني و ايه الهدف اللي كان في دماغك... و ليه كشفتي شخصيتك ؟
loola 09-30-2007, 02:41 AM هو بجد الكلام ده
انتي بنت وسايبانا بقلنا سنه فاكرينك راجل
مش مصدقه و الله
معلش معنديش غير سؤال واحد
هو انتي بنت بجد و لا ايه
وائل جمعه 09-30-2007, 02:47 AM لالالالالالالالا
بصوا
شايفين الكاميرا اللى تحت الصورة الشخصية دى
احنا برنامج الكاميرا الخفية
لو قلتوا ذيع هانذيع
هع هع هع هع هع
******
أنا
محمود حسنى كشكه
مواليد
23 يوليو 1985
خريج كلية حقوق جامعة الزقازيق
بشتغل سيناريست و كاتب صحفى على باب الله
سورى كنت بهزر معاكوا
ماتزعلوش
moonlight 09-30-2007, 03:01 AM فعلا هو موضوع السيناريست دا راكب على اللي بيحصل دا كله
بس مين ما كنت يا مستر اكس انت تعبتلي اعصابي
لاني مبحبش اتخدع خالص
Clickme 09-30-2007, 03:11 AM وائل
هو كلامك فعلا صدمة هتأثر علينا كتير خصوصا بالوقت ده
معنديش اسئله ليك حاليا هنتقابل بمشاركة اخرى لانى مشغول دلوقتى
بس مدونتك جميلة وان شاء الله تطورها
ولو احتجت مساعد فيها أمرنى
ولوحبيت عندى ليك فكره حلوه هشوفها وهبلغك بيها برسالة
سلام دلوقتى
Clickme 09-30-2007, 03:14 AM هههههههه
حكايه انك تطلع بنت ديه مش ماشية اصلا
شكلك ناوى تجننهم بالموضوع ده
طيب يحاج هجهزلك اختبار حلو هحطهولك على بالليل لما نشوف مين هيتجنن بالاخر
وائل جمعه 09-30-2007, 03:15 AM فعلا هو موضوع السيناريست دا راكب على اللي بيحصل دا كله
بس مين ما كنت يا مستر اكس انت تعبتلي اعصابي
لاني مبحبش اتخدع خالص
سورى يا مون كنت بهزر ماتزعليش يبقالك عندى كوباية شاى
حلوة مستر أكس دى
وائل جمعه 09-30-2007, 03:22 AM وائل
هو كلامك فعلا صدمة هتأثر علينا كتير خصوصا بالوقت ده
يا عم ولا صدمة ولا حاجه الموضوع بسيط
معنديش اسئله ليك حاليا هنتقابل بمشاركة اخرى لانى مشغول دلوقتى
يا مشغولياتك يا مشغولاوى ... الله يسهلو يا عم ( ايموشن بيغمز )
بس مدونتك جميلة وان شاء الله تطورها
شكرا يا باشا
ولو احتجت مساعد فيها أمرنى
من ناحية المساعدة محتاج جدا لانى ماليش فى الويب و تصميماته خالص
ولوحبيت عندى ليك فكره حلوه هشوفها وهبلغك بيها برسالة
طبعا احب و فى انتظار افكارك يا بو حميد بس اصل الافتكاسات في البلوجات دى مساحتها ضيقه شويه عشان مقيد باستايلات السايت و كده لكن لو عندك فكرة حلوة اكيد طبعا محتاجها
سلام دلوقتى
سلام يا برنس و الف شكر
و فى انتظار امتحاناتك يا ريس
loola 09-30-2007, 03:27 AM وائل انت خضتني بجد
انت لو كنت طلعت بنت و كل ده بتشتغلنا
كنت هموت ناقصه عمر
يلا عندي سؤال بقي بتحبني
ههههههههههههههههههههههههه
لاء مش هو ده السؤال متخفشي او كده
السؤال ايه ظروفك العاطفيه حاليا
يلا اعترف الانكار مش هيفيدك بحاجه
وائل جمعه 09-30-2007, 03:41 AM وائل انت خضتني بجد
(ايموشن مطلع لسانه )
انت لو كنت طلعت بنت و كل ده بتشتغلنا
كنت هموت ناقصه عمر
بعد الشر عليكى لالالالا عايزك تجمدى يمكن فى مفاجأت تانى
يلا عندي سؤال بقي بتحبني
خحغقفلةاهمت
ههههههههههههههههههههههههه
لاء مش هو ده السؤال متخفشي او كده
طب الحمد لله
السؤال ايه ظروفك العاطفيه حاليا
انا يا ستى مرتبت
يلا اعترف الانكار مش هيفيدك بحاجه
ايه ده بتهددينى طب مش هارد على سؤالك
هههههههه
وائل جمعه 09-30-2007, 03:54 AM http://www.sh2ee.com/vb/imgcache/1509.imgcache (http://imageshack.us)
يللا يا جماعه وقت السحور
فاصل صغير
نتسحر و نصلى الفجر
و نتقابل كمان شوية
يعنى الصبح كده
ماتتكسفوش
مدوا أيديكوا
moonlight 09-30-2007, 06:20 AM تسلم يا وائل على العزومة الجامدة دي .....burger.gif و لو انه واجب علينا انت النهاردة ضيف البرنامج
عاوزة اسألك يا وائل عن مصادر ثقافتك الواسعة و المتنوعة ...... و اكيد طبعا القراءة اهمها
و دا السؤال التاني ........ ايه هي نوعية القراءات اللي بتفضلها ؟؟؟books.gif
و بما انك صحفي و سيناريست يبقى اكيد بتحب الروايات ......صح ؟؟؟
طيب دا السؤال التالت .... ايه نوعية الروايات اللي بتفضلها ؟؟؟
و انا عندي راي متمسكة بيه رغم اختلاف ناس كتير معايا فيه ...... ان الروايات المكتوبة اجمل بكتير
منها بعد تحويلها لافلام ........ TVsurf.gif لانها بتكون مليئة بالتفاصيل و كمان بتطلق العنان للخيال
هل توافقني الرأي ام لا ..........و ايه السبب في الحالتين ؟؟؟
هوة الموضوع بجد صدمه علينا
بس ان شاء الله برنا يوفقك وترجع تاني
وائل جمعه 09-30-2007, 04:08 PM تسلم يا وائل على العزومة الجامدة دي ...... و لو انه واجب علينا انت النهاردة ضيف البرنامج
و فيها ايه ... انا متعود فى البيت بحضر السحور .. و هنا بردو بيتى
عاوزة اسألك يا وائل عن مصادر ثقافتك الواسعة و المتنوعة ...... و اكيد طبعا القراءة اهمها
لا بصراحه النت اهم مصدر بعتمد عليه ... أنا من اول يوم دخلت عليه النت من حوالى سبع سنين و لح دلوقتى و أنا مندهش بصراحة ... و بالتحديد google .... أنا بعشق شركة جوجل بصراحة ... بس طبعا القراية حاجة تانية طبعا
و دا السؤال التاني ........ ايه هي نوعية القراءات اللي بتفضلها ؟؟؟
بحب الروايات طبعا و بحب أى كتابات أنسانية عموما .... بحب الاشعار و المسرحيات كمان
أما السياسة فبحب اتابعها من خلال الكتابات الصحفية... وبحب الكوميكس و روايات الجيب
و بما انك صحفي و سيناريست يبقى اكيد بتحب الروايات ......صح ؟؟؟
أكيد
طيب دا السؤال التالت .... ايه نوعية الروايات اللي بتفضلها ؟؟؟
لا هوا مافيش نوع معين بصراحه او بمعنى اصح مافيش نوع مابحبوش
بس قدر استمتاعى بالرواية بيكون بقدر حرفية الكاتب لخلق خيال من صميم الواقع العادى
و انا عندي راي متمسكة بيه رغم اختلاف ناس كتير معايا فيه ...... ان الروايات المكتوبة اجمل بكتير
منها بعد تحويلها لافلام ........ لانها بتكون مليئة بالتفاصيل و كمان بتطلق العنان للخيال
هل توافقني الرأي ام لا ..........و ايه السبب في الحالتين ؟؟؟
لا مش مسألة اتفاق أو اختلاف لأن الرواية لما تتحول من مكتوب لمرئى بقى عندنا نوعين من الفن
عندنا رواية
و عندنا سينيما
و طبعا ماينفعش نقارن بين فنين
الرواية لها سحرها
و السينيما كمان لها سحرها
لكن ممكن نقول مثلا أن الرواية ممكن تكون كويسه و تقدم بشكل مش بنفس المستوى فى السينيما
زى فى رأيى رواية عمارة يعقوبيان ... دى بصراحة الرواية بتاعتها تحفة و كانت تستحق تطلع احسن من كده فى الفيلم
و ممكن تكون الرواية جيدة و تتقدم بشكل اكثر ابهارا فى السينيما
يعنى مثلا رواية ( fight club ) اللى كتبها تشاك بولانك كانت تحفه و الفيلم طلع جميل جدا جدا
لدرجة أن بولانيك قال انه كان بيلوم نفسه جدا لانه شاف فى الفيلم حاجات عملها السيناريست و ماخطرتش على باله هوا شخصيا
شكرا يا مون
وائل جمعه 09-30-2007, 04:18 PM ميرسى يا جنات على شعورك الجميل
و فى انتظار اسئلتك
السلام عليكم
كيفك يا وائل .....؟
جو الكرسي عامل معاك ايه
ارجعتلك مع كم سؤال
سنك؟
دراستك؟
ساكن فين؟
مرتبط ولالا؟
حبيت قبل كدة؟
اتجرحت؟
لو حبيبك غدر بيك ولسة بتحبه تعمل ايه؟
لو خرجت من تجربة مجروح ولقيت قلب بيمدلك ايده هتعمل ايه تحاول تنسى الاول وتبدأ من جديد؟
ايه اكتر يوم حزين فى حياتك؟
اكتر يوم اسعدك فى حياتك؟
قطعة فحم صغيرة وجدار نظيف ماذا سترسم عليه ,,وماذا ستكتب تحت الصورة...؟؟
نصيحه عايز تقدمها ليا تبقى ايه؟وايه رايك فى جنات؟
احم احم اسئله كتير فيك تجاوب عليها على مراحل هع
وائل جمعه 09-30-2007, 05:14 PM السلام عليكم
و عليكم السلام و رحمة الله و بركاته
كيفك يا وائل .....؟
الحمد لله تمام
جو الكرسي عامل معاك ايه
بجد معرفتش أنام امبارح بفكر فى نوعية الاسئلة اللى ممكن تيجى
ارجعتلك مع كم سؤال
نورتى
سنك؟
22 سنه و شهرين
دراستك؟
درست قانون فى كلية الحقوق جامعة الزقازيق و أخدت الليسانس بتقدير مقبول و كان فاضللى درجتين تلاته و اجيب جيد بس الحمد لله خدت الاربع سنين فى اربع سنين مع انى ماكنتش بحب الكلية
ساكن فين؟
ساكن فى شارع ناصر - المتفرع من شارع الامام الشعراوى - ميت غمر - محافظة الدقهليه
و حاليا بنتقل للسكن فى شارع عمرو بن ربيعه المتفرع من شارع الهرم علشان الشغل
مرتبط ولالا؟
مرتبط الحمد لله ... بس لسه مش رسمى ( بواحدة انتوا تعرفوها )
حبيت قبل كدة؟
حبيت قبل كده
اتجرحت؟
اتجرحت
لو حبيبك غدر بيك ولسة بتحبه تعمل ايه؟
هايفضل عندى هواجس غريبة بانه مظلوم
و هاثبت لنفسى ميت مره انه ظالم و مايستاهلش بس مش هاصدق
و هافضل كده لحد ما انساه هاحاول اتجنب الاماكن اللى كانت بتجمعنا سوا
الحاجات اللى بتفكرنى بيه ... كده يعنى ... بس اكيد اكيد هاستفيد من التجربه
لو خرجت من تجربة مجروح ولقيت قلب بيمدلك ايده هتعمل ايه تحاول تنسى الاول وتبدأ من جديد؟
امممممممممممم
بصراحه لاء
هاغلط و ارتبط بالقلب ده على طول
مع انى هابقى عارف انى بظلمه
و بظلم نفسى
و طبعا ده مش هايؤدى لنسيان الحب الجرح القديم بس هايزيد تمسك بيه كمان
ايه اكتر يوم حزين فى حياتك؟
مش عارف و الله انا مش بحب اصنف الايام لسعيد و حزين
لكن عموما اسؤ فترة نفسيه مريت بيها كانت شهر مارس سنه 2005
اتعرضت فيه لصدمه عاطفيه و صدمه أنسانيه و نفسيه
بالأضافة ليوم نتيجة الثانوية هههههههه
و يوم ماتش الاهلى و الاسماعيلى لما اتغلبنا 3 صفر
اكتر يوم اسعدك فى حياتك؟
بردو هاقولك في ايام كتير سعيده
يعنى مثلا
يوم لما قابلت البنت اللى بحبها .... ( اصلنا حبينا بعض قبل مانشوف بعض )
و يوم لما نزللى أول مقال فى جريدة الدستور ده كان يوم خرافى
شعور جميل جدا
و طبعا يوم ماتش السته واحد
و ماتشات الأهلى فى اليابان
و ماتش نهائى افريقيا
و طبعا ايام رمضان بتبقى كلها سعيده
و ايام وقفات الاعياد كمان بحبها اوى
ايه ده .... ده اتضح ان الكورة بتتدخل فى افراحى و احزانى كتير
قطعة فحم صغيرة وجدار نظيف ماذا سترسم عليه ,,وماذا ستكتب تحت الصورة...؟؟
هارسم هيكل عظمى لسمكه
لو طلعتى فوق السطوح عندنا هاتلاقى الجدران كلها رسومات بالفحم
هياكل سمك
شعار ام تى ام
كاوو بويز
بس مش عارف ليه دايما بحب ارسم هياكل سمك
عموما هاكتب تحتها
" بكتب يا عالم و أنا عارف أنى هاموت .... فى منفى وللا فى زنزانه و أهو كله تابوت "
نصيحه عايز تقدمها ليا تبقى ايه؟وايه رايك فى جنات؟
لا يمكّن المرء ... حتى يبتلى
أصبرى يا جنات
احم احم اسئله كتير فيك تجاوب عليها على مراحل هع
لا ياختى جاوبت عليها كلها
هع هع هع
HAPPY 09-30-2007, 06:19 PM تصدق يا وائل انا فى الاول
اتخضيت انك مش جاى تانى و اتصدمت من موضوع انك بنت
وبعد ما قريت الموضوع
حسيت بجد انى نفسى اشوفك
عشان اقتلكshotgun_killer.gifshotgun_killer.gif
وانا عادة باعلى كهربة الكرسى فى نص البرنامج
بس معاك انت يا غالى
هاعليها من الاول لحد ما شعرك يقف
مااااااااااااااااااااااشى يا وائل
وانا مش هاسالك دلوقتى
بس هاخليك وانا ع الجهاز عامل كده
http://www.up07.com/up6/uploads/ed6583af74.jpg (http://www.up07.com/up6)
moonlight 09-30-2007, 08:58 PM مرتبط الحمد لله ... بس لسه مش رسمى ( بواحدة انتوا تعرفوها )
نعرفها منين هي معانا في المنتدى....و الا شخصية عامة؟؟؟
هاسالك عن المنتدى شوية....... بتقول انه كان دخولك ليه في ظروف غريبة و بشكل عارض ......
ازاي ........ احكيلنا الحكاية ؟؟؟
ايه اكتر حاجة شدتك علشان تشارك في المنتدى ؟؟؟
و مين اكتر شخصية لفتت نظرك في الاول خالص ؟؟؟
و ميتا صاحبك هل هو شخصية حقيقية ام شخصية من ابداعك انت ؟؟؟
و بالنسبة للمنتديات عموما بما فيهم منتدانا ...... تفتكر ليه اكتر الشباب بيهتموا جدا بالموضوعات السطحية
و لا يهتموا بالمشاركة في الموضوعات الجادة رغم انك لو ناقشتهم بتلاقي ان فعلا ليهم راي في الامور دي؟؟؟
HAPPY 09-30-2007, 09:28 PM ونرجع تانى للتحقيق
دا انت هاتشوف حركات
س) ايه رايك فى المنتدى دلوقتى
س) ايه الفرق بين المنتدى حاليا وقبل كده و بالفصيل الممل و كل قسم لوحده
س)ايه اللى مش عجبك فى الاعضاء القدام و الجداد
س) ابعت رساله ل15 عضو فى مالايقل عن 4 سطور
س) كنت فين وقت ارنكاب الجريمه
هل لديك اقوال اخرى
امضى ع اقوالك
شاويش فتيحه
خد المتهم ع الحجز و هاتله عشا
و اتوصى بيه
untouchable 09-30-2007, 09:50 PM السلام عليييييييييييييييكم
عم "وائل باشا جمعه"
بجد بجد مينفعش انك تمشي , امال هنرخم علي مين slap_1gtk.gifslap_1gtk.gif
لا بجد هنفتقدك جاااااامداوى يا "وائل" , واللي هيصبرنا انك زى ما قلت
هترجعتانى اكيد لبيتك ,
بس انت يا اخى قلبك حجر......................handbags.gifhandbags.gif
ازاى هاين عليك تسيبنا مع اننا بجد كلنا "مصدومين " من قرارك المفاجئ
بس طبعا مش عايزين نكون مصدر ضغط عليك يا باشا
عالعموم انا بقترح نزود فترة الكرسي يا شباب مع وائل علشان يطول معانا
ويلا كده كام سؤال عالماشي
اوصف لنا شكلك ؟
ستايل لبسك ؟
احكيلنا عن اسرتك ؟
من اقرب الناس ليك في المنتدى ؟
أتوقع ان البنت اللي انت اللي مرتبط بيها هى اللي خلتك تدخل المنتدى , ده صحيح ؟basketball3.gif
اختار خمسه من اعضاء المنتدى , وجه ليهم نصيحة وعتاب ؟
كفايه كده دلوقتى
بس اكيد راجعلك
وائل جمعه 09-30-2007, 11:24 PM تصدق يا وائل انا فى الاول
اتخضيت انك مش جاى تانى و اتصدمت من موضوع انك بنت
وبعد ما قريت الموضوع
حسيت بجد انى نفسى اقتلك
يا باشا تقتلنى ايه بس ده واجب علينا
http://www.sh2ee.com/vb/imgcache/1544.imgcache (http://imageshack.us)
وانا عادة باعلى كهربة الكرسى فى نص البرنامج
بس معاك انت يا غالى
هاعليها من الاول لحد ما شعرك يقف
تصدق من زمان كان نفسى اعملوه صبايكى
مااااااااااااااااااااااشى يا وائل
معلش يا عم المنتج جالى عرض من روتانا ههههههههههه
وائل جمعه 10-01-2007, 12:07 AM مرتبط الحمد لله ... بس لسه مش رسمى [/color] ( بواحدة انتوا تعرفوها )
نعرفها منين هي معانا في المنتدى....و الا شخصية عامة؟؟؟
هيا عضوة معانا فى المنتدى
هاسالك عن المنتدى شوية....... بتقول انه كان دخولك ليه في ظروف غريبة و بشكل عارض ......
ازاي ........ احكيلنا الحكاية ؟؟؟
حاضر
انا مرتبط ببنت عايشه فى مدينة غير اللى انا عايش فيها
و طبعا فواتير التليفونات كانت مفزعه
و موبايلاتنا هيست من كتر الــ call duration
لحد ما قدرت توصل نت فى البيت و تقنع باباها و مامتها
طبعا كان فى أوقات مش بكون موجود فكانت بتدخل مواقع شات
و انا بطبعى غيور صحيح عارف انها مش بتكلم حد بشكل خاص و اغلب الحوارات بتكون عامة بس
بردو كان لازم اكون واخد فكرة عن الجو فى المكان ده
قالتلى ان الشات اسمه www.sh2ee.com
و دخلت عليه لقيت فيه دردشه صوتيه
دخلت و اتكلمت هيا ماكانتش بتتكلم مايك ولا بتكلم ولاد
بس كان في شباب عجيب من بتوع الشات اللى احنا عارفينهم اللى بيدخلوا يشتموا فى بعض و يتحرشوا بالموجودين
فطلبت منها ماتدخلوش تانى
ووافقت
بعد شهر بقولها انتى داخله على موقع ايه
قالت
www.sh2ee.com
اتضايقت طبعا
قالت لا ده منتدى و الله و عليه ناس محترمين و بيكتبوا حاجات ظريفه
و لانى كنت منتداوى قديم فكنت عارف ان فيه بردو نوعيه من الشباب اللى بيدخل يدور على ايميلات بنات
او يتمحلس و يتلازج فى المواضيع و الحاجات السخيفه دى
فدخلت عليه و كنت عارف النيك نيم اللى هيا بتستخدمه دايما
و بدأت اتابع من بعيد جو المنتدى
و لانى كنت داخل و مشحون جينات رجوله
استفزنى موضوع مش فاكر مين اللى كان كاتبه بيقول
تعملى ايه لو انتى بتبوسى حبيبك و فجأة دخلوا عليكى الأوضه و اكتشفتى انك كنتى بتحلمى
فقررت انى لازم ارد
اشتركت باسم وائل جمعه
ورديت رد سخيف
و بعدين جه فى دماغى انى ممكن بالطريقه دى اعرف رأيها فى بعض الحاجات بصراحه
و فعلا بدأت الاحظ ده
لدرجة انى كنت بكتب مواضيع و عارف انها هاترد عليها
و عارف هيا هاتقول ايه
و الاقيها تقوله
و كنت جمبها طول الوقت زى ملاك حارس من غير ماتحس
طبعا ضميرى ماكنش مرتاح لانى حاسس انى بنتهك حريتها
و انها حتى لو فرض انها ممكن تقول حاجه ماينفعش تقولهالى فمش من حقى انى اعرفها
ووصلت الدراما قمتها لما اتقدملها عريس و كانت محتارة
و عملت موضوع تستفتى فيه الأعضاء
و الغريب انى قلتلها رأيى بمنتهى الحياد
و الاغرب انها ماقتنعتش غير برأيى
و كنت لما اقابلها بفتح الموضوع عن المنتديات
ماتتخيلوش كانت متعلقه بيكوا قد أيه
بس ماكنتش بتجيب سيرة وائل جمعه ده خالص على اساس انه اقرع
و هيا ماتعرفش ان فى لاعب كرة اسمه وائل جمعه اصلا
و قررت انى اقفل ع الموضوع و انسحب بس بصراحه
لقيت انى عمرى ما استمتعت بمنتدى زى ماستمتعت هنا
فقررت انى افضل متواجد و اثبت وجودى هنا لحد ما اعملها مفاجأة و تعرف أن وائل جمعه ده هوا أنا
و أنى موجود حواليها مع كل نفس بتتنفسه
و يشاء القدر ان باباها يقرر يشيل النت
واتحكم على المفاجأة بالأعدام
ماتتخيلوش كانت مفتقدة المنتدى قد أيه
و اتقلبت الايه و بقيت انا اللى مدمن شقاوة و هيا يا عينى اللى محرومه منه
كنت نفسى تكون هيا داخله فى مرة تلاقى موضوع عنوانه
انى بطلب ايدها من طنط مون واونكل كليك مثلا
بس معلش متعوضه
و ان شاء الله الموضوع ده هاسيفه و احطه على سي دى و اديهولها
و اشكرها انها عرفتنى بالجو الجميل ده و بالأسرة الجميلة دى
بس
ايه اكتر حاجة شدتك علشان تشارك في المنتدى ؟؟؟
اولا
ان مافيش مجاملات
فى كل منتدى تلاقى شلة منعزله عن باقى الاعضاء و واكله الجو كله و عايشه بتنافق فى بعض
و العضو الجديد يا عينى يدخل و لا حد يعبره بكلمه و لو رد فى موضوع يتقاله شكرا و خلاص و لو عمل موضوع ممكن محدش يقراه اصلا
ده مالقيتوش هنا
ثانيا
الحد الادنى للثقافه عند الاعضاء مرتفع جدا
فى منتديات اقصى موضوع ممكن يتكتب فيه كلام جد
ان واحد يقول ان الحكومه وحشه و الناس تسقفله وخلاص
ثالثا
مع الوقت بدأت اكتشف ان المنتدى فيه باقة من زهرات شباب الوطن العربى مش بس مصريين
و كمان مصريين مغتربين و ده شئ جميل جدا
رابعا
المشاكل قليله و تكاد نكون منعدمه بين الاعضاء و بعض و ده بيدى استقرار و يديك امان انك حتى لو ليك ابن او بنت تكون متطمن انه داخل موقع محترم
و مين اكتر شخصية لفتت نظرك في الاول خالص ؟؟؟
sweetheart
و ميتا صاحبك هل هو شخصية حقيقية ام شخصية من ابداعك انت ؟؟؟
هههههههههههه
ميتا ده شخصية ماحدش يعرف يبدعها غير اللى خالقها
ده انتيمى و اطيب انسان ممكن تقابلوه لو كان فى ايدى ابدع شخصية زيه كنت ابدعت عشره
عشان استلف منهم براحتى و اكل هولظ بلاش
و بالنسبة للمنتديات عموما بما فيهم منتدانا ...... تفتكر ليه اكتر الشباب بيهتموا جدا بالموضوعات السطحية
احسبيها بالعقل
واحد سايب مذاكرته و شغله و اللى وراه و اللى قدامه و مزوغ من درس الفزيا و مقلب الفلوس و حاجز مكان فى السيبر او سارق وصلة نت من الجيران عشان يعمل ايه؟
اكيد مش عشان يوجع دماغه بفلسفة و نقاش و حوار
و لا يهتموا بالمشاركة في الموضوعات الجادة رغم انك لو ناقشتهم بتلاقي ان فعلا ليهم راي في الامور دي؟؟؟
لان المعدن دهب بس قشرته تراب
و الموضوع ده اكبر من مشكلة منتديات
دى مشكلة جيل
فيه عباقرة للأسف بيترموا فى معهد سنتين لانهم ماحفظوش فى الثانويه
و فيه عباقره بيشتغلوا فى الارشيف لانهم ماعندهومش واسطه تدخلهم المعامل
دى مشكلة كبيرة اوى عايزه شبكة نت كامله مش جزء من مشاركة من موضوع من منتدى
ايدى و جعتنى يا مون
وائل جمعه 10-01-2007, 01:06 AM ونرجع تانى للتحقيق
دا انت هاتشوف حركات
ايه هاتتشقلب دلوقتى؟
س) ايه رايك فى المنتدى دلوقتى
المنتدى دلوقتى ماشى فى طريقه لتربع قمة المنتديات العربيه
س) ايه الفرق بين المنتدى حاليا وقبل كده و بالفصيل الممل و كل قسم لوحده
لا كل قسم لوحده دى صعبه
و ارجوك تعديهالى
لكن الفروق كتير
يعنى مثلا كليك مى ربنا يحميه واخد باله من شغله اوى
بيشوف ايه اللى بيضايق الاعضاء و بيصلحه و ايه اللى ممكن يزيد راحتهم فى المشاركه و بيقوم بيه
على عكس واحد صاحبى عمل منتدى و شغله شهرين و و فضل سنه ماحدش بيشوف وشه
بصراحه الراجل بيتقن ابداعه
ثانيا
بدأت المواضيع الجد تظهر بكثرة و اللى شجع على كده وجود أعضاء بدأت توريك ازاى تعمل موضوع ظريف بس جد بمنتهى السهوله
ثالثا
رسميا اصبح اعضاء شقاوة عيلة متقاربة جدا من بعض ممكن تاخد رايهم فى موضوع يهمك ممكن تطلب منهم يساعدوك
رابعا
فى اهتمام كبير بالمالتيمديا الاسلاميه و الترفيهيه
خامسا
اصبح فى كل منتدى ناس متخصصين فى مجال منتدياتهم و بالجدارة المطلوب للقيام بمهام الاشراف على القسم ده
ها ... اقول كمان؟
س)ايه اللى مش عجبك فى الاعضاء القدام و الجداد
بص يا سيدى اللى بيضايقنى فى المنتديات عموما
المجاملات طبعا
و العلاقات اللى بتتكون بره المنتدى و تمتد لجواه بحيث الاقى نفسى بردلك على موضوع عشان انتا رديتلى على موضوع
بس ده للأمانه قليل الحدوث هنا
س) ابعت رساله ل15 عضو فى مالايقل عن 4 سطور
اولا 15 عضو كتير هوا فى كام واحد يعرفنى فى المنتدى اصلا
و بعدين اخاف انسى حد
بص انا هابعت و زى ماتيجى تيجى
1- هابى
مكنتش اعرف انك غلاوى للدرجادى
انا اسف يا عم
انا نفسى اروح اسكندرية اوى
و اكيد هنتقابل يا برنس
2- مونلايت
ربنا يجيبكوا بالسلامه
و يقرب البعيد
و يهون عليكوا الغربه
و يرزقكوا بالذرية الصالحه
3- كليك مى
ربنا يحميك
اتمسك باهدافك
الطموح حلو
و النجاح احلى
مش عارف ليه بفتكرك كل ما انزل الدقى
4- جنات
فى حاجات عظيمه بتبقى موجوده حوالينا و بنشوفها كل يوم
بس مابناخودش بالنا منها غير لما نركز
اتمنى تبصى حواليكى بتركيز هاتلاقى حاجات كتير عظيمه
5- ميتا
الصاحب له عند صاحبه 3 حاجات
ماتش فيفا
و باكو هولظ
و سجارة نكست
6- سويت هارت
ساعات كتير مش بفهم قصدك فى المواضيع
و اكن لك كل احترام
7- سريتا
الاصفار اللى بتزين مشاركاتك بتشعرنى بالراحه
و دمك خفيف بجد
8 - سوسكاتا
أختى الكبيرة
بتفكيرنى بخالتى
( خالتى مش كبيرة ماتخافيش دى صاحبتى)
و كانت عايشه فى السعودية بردو ربنا معاكى
ادعيلنا لو حجيتى او اعتمرتى
9- ميدو
انتا واد جدع
اهتم بدراستك شوية يا معلم
مش كله حب حب
اشطه!
10- مازن
انتا شخصية جميلة
و ذكى
و مبدع
go on man
11- لولا
اختى الصغيرة
ذاكرى كويس
و حاولى تقرى كتير
بنات مصر بيبقوا اجدع بنات لما بيقروا
12- انتاتش
مسيرى هاقابلك يا معلم و نقعد نحلل سوا
انا احب التحاليل
خد بالك من الكرسى
سلمنى نضيف اسلمك نضيف
13- مجنون سينا
شكرا لقيامك بالمجهود الرائع ده
و يا رب اشوفك صاحب منتدى قد الدنيا
بس خف من المصارعه شويه يابنى اصعابك و العنف يا برنس
14- بنت مصر
يا ريت كل بنات مصر زيك
متخيلك لابسه نضاره
لازم تقرى رواية شيكاجو
15- soha
بحسدك على اشراف منتدى الكائنات الرقيقه
و بحسدك كمان على مجهودك الرائع فيه
ربنا يوفقك
بس عايزين افتكاسه جديده
س) كنت فين وقت ارنكاب الجريمه
كنت فى مسرح الجريمه هاكون فين يعنى
هل لديك اقوال اخرى
اه
حسبى الله و نعم الوكيل
امضى ع اقوالك
&(-
اصل انا بمضى فورمه
شاويش فتيحه
حوش صاحبك عنى
خد المتهم ع الحجز و هاتله عشا
انا عايز هيفاء وهبى
و اتوصى بيه
وائل جمعه 10-01-2007, 02:09 AM ازيك يا انتاتش باشا عامل ايه
شكرا على الكلام الجميل اللى قلته
و يا عم ماتكبرش المواضيع
اجاوب اسئلتك بقى
اوصف لنا شكلك ؟
لاء قبل ما اوصف شكلى قولولى متخيلينى ازاى او شبه مين؟
ستايل لبسك ؟
اممممممم
مش بحب الكلاسيك خالص
ولا البدل و لا الحاجات دى خالص
بحب البس جينز و تيشيرت
و اخر مرة كويت هدومى كان فى تانية اعدادى تقريبا
مش معنى كده انى مبهدل يعنى لا بس بحب اشترى لبس مش بيتكوى
عشان اريح دماغى
و مابحبش البس توكيلات
بس
من فترة فتحت دولابى اكتشفت ان كل الهدوم اللى عندى اسود و ازرق و بلو بلاك
استغربت اوى و كنت نازل اشترى لبس
و رجعت البيت لقيت نفسى اشتريت بلو وو بلاك بردو
بس بحاول اجدد
اشتريت بعدها تيشيرت لبنى
هههههههههه
احكيلنا عن اسرتك ؟
والدى انسان مكافح بس بختلف معاه على طول
والدتى ست طيبة جدا و بحاول ارضيها دايما
اخويا الكبير اكبر منى بعشر سنين و متجوز و عنده بنتين عفاريت
و اخويا الوسطانى اكبر منى بخمس سنين و سياسى محنك و عضو مؤسس فى حزب حركة الكرامه
و مهندس اتصالات و له فضل كبير عليا
كده كويس؟
من اقرب الناس ليك في المنتدى ؟
بصراحه كلكم قريبين جدا ليا لكن مافيش قرب شخصى اللى يوصل مثلا لدرجة مسنجرات او كده
ممكن يكون ميتا على اساس اننا اصحاب اصلا
أتوقع ان البنت اللي انت اللي مرتبط بيها هى اللي خلتك تدخل المنتدى , ده صحيح ؟
ده صحيح
اختار خمسه من اعضاء المنتدى , وجه ليهم نصيحة وعتاب ؟
كليك
نصيحه : لا تيأس
عتاب : بلاش كسل و شارك فى المواضيع كلها
مون لايت
نصيحة : أقرى شعر كتير
عتاب : ماتقلقيش كتير
انتاتش :
نصيحة : لا تندفع
عتاب : ليه ما حللتش حلقات تانيه
جنات
نصيحه : خليكى أبسط من كده مع مشاعرك
عتاب : ليه بتخافى؟
ميتا
نصيحة : لا تنتقم
عتاب : خد خطوة تجاه الناس اللى بتاخد تجاهك خطاوى
كفايه كده دلوقتى
اه و الله تعبت
بس اكيد راجعلك
مستنيك
وائل تسلم على كلام الجميل عنا كلنا
ورجعت بكم سؤال
اسئله سياسيه :..
لو حبيت انك تكون في عهد رئيس دولة غير حسني مبارك هتختار مين ؟؟
( من رؤساء قدامه يعني )
لو اجتمعوا شباب جمهورية مصر العربيه وانتخبوك المتحدث الرسمي باسم شباب مصر على ان تقابل الرئيس وتتناقش معه .. اختار 10 قضايا لتتناقش فيها مع الريس ؟؟
اسئله عاديه
لو اردتِ ان تعيش في دنيا جديده وفق ماتريد..صفها لنا؟
لو خيروك بين فراق محبوبك...وموته ماذا ستختار؟
متى تحترق من الداخل ولا يشعر بك أحـــد؟
ده سؤال عشان المنتدى
اذكر 20 عضو او مشرف من المنتدى برأيك همه أساس المنتدى......؟
ان شاء الله تكون اسئله خفيفه
وائل جمعه 10-02-2007, 02:40 AM وائل تسلم على كلام الجميل عنا كلنا
ده اللى انا حاسس بيه
ورجعت بكم سؤال
اهلا بيكى فى اى وقت
اسئله سياسية
لو حبيت انك تكون في عهد رئيس دولة غير حسني مبارك هتختار مين ؟؟
( من رؤساء قدامه يعني )
هاختار جمال عبد الناصر
ولكن مش معنى كده ان دى الفترة المفضلة بالنسبالى انى احب اعيش فيها
لو تقصدى فترة معينه
أحب أعيش فترة بدايات و منتصف التسعينيات من بعد زلزال 92 و حتى بداية الالفية الجديده
دى اكثر الفترات المحببة بالنسبالى
لو اجتمعوا شباب جمهورية مصر العربيه وانتخبوك المتحدث الرسمي باسم شباب مصر على ان تقابل الرئيس وتتناقش معه .. اختار 10 قضايا لتتناقش فيها مع الريس ؟؟
اقضايا كتير ممكن نلخصها فى
حقيقة ثروته هو و عائلته
قمع الحريات
الفساد الاقتصادى و يشمل
الخصخصه
نهب المال العام
مجموعة رجال الاحتكار و الشفط ( عز و شركاه )
تعديلات الدستور و الانتخابات
قضايا خصومه
من أيمن نور حتى أبراهيم عيسى
علاقته بأمريكا
موقفه من الازمات العربيه و بالأخص الفلسطينيه
موقفه العجيب من حزب الله
مشاكل الاقباط
التيارات السياسيه فى مصر و موقفه منها
بس مؤقتا على ما افكرله فى حاجات كمان هههههههه
اسئله عاديه
ماشى
لو اردتِ ان تعيش في دنيا جديده وفق ماتريد..صفها لنا؟
سؤال صعب اوى
عموما هاتبقى دنيا عامله زى افلام الكارتون كده
حاجه كده زى مدينة البط أو المدينه اللى كان عايش فيها كعبول و عبقرينو مثلا
طبيعة جميلة و ناس طيبه
اكيد هايكون فى شرور بس شرور ظريفه بردو
يعنى ... حاجه زى كده
لو الأجابة مش مظبوطه قوليلى و أنا أعيدها اوكى؟
لو خيروك بين فراق محبوبك...وموته ماذا ستختار؟
فراقه طبعا
متى تحترق من الداخل ولا يشعر بك أحـــد؟
لما بيكون الناس اللى المفروض يشعروا بيا هما سبب هذا الاحتراق
ده سؤال عشان المنتدى
اذكر 20 عضو او مشرف من المنتدى برأيك همه أساس المنتدى......؟
لا هما بصراحه مش عشرين
هم أقل
كليك طبعا
مون لايت
جنات
سها
انتاتش
مازن
مجنون سينا
che
yasmin
القبطان
طبعا الاختيار بشكل عملى بحت
حتى فيهم ناس مش عارفهم شخصيا
ان شاء الله تكون اسئله خفيفه
سهل ممتنع يا جنات مشكورة و يا رب اكون عند حسن ظنك
وائل جمعه 10-04-2007, 05:00 PM لو خيروك بين فراق محبوبك...وموته ماذا ستختار؟
سؤال غريب قوى يا جنات
هوة فعلا سؤال غريب اوي
انا شفته صدفه بمنتدى تاني
وعجبني قلت اسالك اياه
NiGhTiNgAlE 10-04-2007, 05:12 PM وائل
اسف عن عدم مشاركتي من الاول
بس بصراحه انتا راجل ليك تقلك
يعني صعب الاقي سؤال يستاهل
عقليتك هيكون سؤال تافه
وانا شايف اللى قبلي قايم بالواجب
بص يا حج
انا عاوز سؤالين بس
وائل بين احب ولا احب ؟
وائل يلعب دور احد الشخصيات المرموقه من يختار ......
عمرو موسي ... صلاح جاهين ....... ايمن نور
وياريت تقولى سبب اختيارك بالتفصيل وايه اول القرارات اللى هتاخدها
والاجرائات سواء كانت سياسيه او شخصيه
ايه اللى اكتسبو وائل من الحياه العامه قبل النت من النواحي
الفنيه
الدراسيه
العمليه
العامه ....
ماذا تعني هذه الكلمات لوائل بدقه يصاحبي اوكي
الحب
العطف
الحريه
الابداع
الضيافه
الجمال
الصفاء
الشاعريه
الجاذبيه
فى نهايه اسالتي
عاوزك توجه ل10 اعضاء نصيحه وتعلق على رائيك فيهم وتنتقضهم
بس ياريت متقولش انك معندكش انتقاضات
هتوحشنا يا بو وائل
تحياتي
moonlight 10-05-2007, 01:22 AM وائل بما انك سيناريست فانا عاوزة أسألك شوية في الناحية دي
* ازاي اتعلمت كتابة السيناريو ... يعني هل دا كان عن طريق دراسات حرة في معهد او جامعة
او انك نميت الموهبة دي عندك بطريقة تانية ؟؟
* ما هو نوع الدراما الذي تميل اليه ؟؟
* هلى سبق لك و ان كتبت سيناريو او قصة لعمل درامي كامل ... و هل رأى النور او هو في طريقه ؟؟
* لو طلبت منك تهدي احدى بنات افكارك لمكتبة شقاوة .... باسمك الحقيقي طبعا....... هل ستوافق ؟؟
وائل جمعه 10-06-2007, 04:43 AM وائل
اسف عن عدم مشاركتي من الاول
كنت هازعل لو ماجيتش
بس بصراحه انتا راجل ليك تقلك
يعني صعب الاقي سؤال يستاهل
عقليتك هيكون سؤال تافه
ربنا يخليك
وانا شايف اللى قبلي قايم بالواجب
بص يا حج
ايون
انا عاوز سؤالين بس
اتفضل
وائل بين احب ولا احب ؟
وائل يلعب دور احد الشخصيات المرموقه من يختار ......
عمرو موسي ... صلاح جاهين ....... ايمن نور
وياريت تقولى سبب اختيارك بالتفصيل وايه اول القرارات اللى هتاخدها
والاجرائات سواء كانت سياسيه او شخصيه
امممممممم بصراحة الاختيار صعب
بس ممكن استبعد عمرو موسى لانى مش معجب بيه بأى شكل من الأشكال
لانى مش شايف انه نجح فى اى منصب سواء و هو سفير او وزير خارجيه او امين جامعة الدول
المشاكل اللى كانت موجوده قبل وجوده هيا هياها اللى فضلت موجوده بعد مامشى
مش عارف جايز هوا موظف شاطر و ابن حلال و محترم و .... بس
ايمن نور كمان راجل اكن له كل احترام طبعا لانه راجل شريف و مناضل و ربنا يكرمه و يجازيه على قد صبره على البلاء بس هوا ليبرالى و انا فكرى مستقل يميل الى اليسار احيانا
عموما عمنا صلاح جاهين طبعا يا ريت بس نكون ربعه بس
عشان ده راجل فنان بمعنى الكلمة و موهبة جبارة بشكل فظيع
على مستوى السيناريو و الحوار و الزجل و الأغانى
بصراحة كان نفسى اكون مكانه بالتحديد فى شغله الوطنى مع عبد الحليم حافظ
و اشكرك لانك فكرتنى بالفن الجميل ده انا بسمع عبد الحليم حالا اهوه
و على فكرة بنت عم صلاح متزوجة من ابن الشاعر الكبير بردو فؤاد حداد
و هما الاتنين ولادهم شعرا بردو
و خلفوا ابنهم احمد فؤاد حداد ده شاعر جامد جدا و سيناريست كمان هوا فى سنى تقريبا او اصغر بسنه
بس الظروف منعتنى اكتر من مرة من مقابلته بس هوا صديق لاصدقائى
اما بالنسبة للقرارات
اممممممممم
بصراحة كنت هاعيد نظر فى بعض الاعمال خاصة مع سعاد حسنى
مش عارف مش بستمتع بيها شايف انها كانت ممكن تكون احسن او كانت ممكن تكون احسن مع حد تانى
خاصة خلى بالك من زوزو
يعنى
ده رأيى
ايه اللى اكتسبو وائل من الحياه العامه قبل النت من النواحي
الفنيه
بص أنا كنت مضيع وقتى اصلا من صغرى على أى حاجه فيها فن
كأى طفل كنت بحب الرسم و بعدين جربت العب بالطين الأسوانى و الصلصال و نحت و كده
بعدين شوية مزيكا
و بعدين فى ثانوى بقى اشتغلت فى دماغى فكرة السينيما و كانت بشكل موهبه مش احتراف خالص
و بالتحديد لما وقغ فى ايدى مجله كان عليها مانشيت غريب اوى بيقول
كيف تصنع فيلما لوحدك
و فعلا جبت اصحابى و جبنا كاميرا و بدأنا نجرب
فى البداية كنت حابب الاخراج و طبعا كان لابد من نصوص عشان اخرجها و لان ماعندناش حد فى المجموعه بيكتب
بدأت أكتب و كل ده فى حدود التجربه و لعب العيال لحد ما فوجئت بكذا فكرة كنت فكرت فيها اتعملت حاجات مشابه ليها
بدأت اعرف انى ماشى صح
و بدأت اتعلم من مجلات و كتب و مشاهدات و برامج لحد ما كونت ثقافه محدودة بدت مبهرة بالنسبة لحد مش محترف لحد ما جه الاذن من ربنا و وقفلى ولاد الحلال اللى خدوا بأيدى عشان اطلع اول سلمه و اتعلمت منهم كتير و لسه هاتعلم اكتر
الدراسيه
بالرغم من ان الدراسة كانت بعيد عن مجال الشغل اللى انا حابه بس عموما العلم اكيد مفيد مافيش شك
و انا كنت حابب انى استفيد من العلم اللى بتعلمه حتى لو مش هاشتغل بيه يعنى مثلا فى دراسة الحقوق كنت مهتم جدا بالجزء السياسى فى الدراسة زى القوانين الدستورية و التشريعات السياسيه
العمليه
قبل ما اشتغل فى المجال ده اتمرنت فى مكتب محاماه و اشتغلت مندوب مبيعات حتى مرة و انا صغير اشتغلت صبى سباك عشان اشترى العدد الجديد بتاع مجلة فلاش
كنت بحبها اوى زمان
و اخدت يويمه خمسه جنيه و طبعا كانت مبلغ مهول بالنسبالى
بس من كل ده اتعلمت ان الانسان اللى يموت فقير بشرف افضل الف مره من اللى يموت غنى بلا شرف
العامه ....
انا بعشق الناس جدا و حكاويهم و همومهم و مشاكلهم و عيوبهم و شرهم و خيرهم بتشغلنى اوى اوى اوى
خصوصا البسطاء اللى انا واحد منهم عشان كده انا متأثر بيهم فى كل حاجه و ده موضوع البلوج بتاعى
جماهير
الناس دى هيا اللى ربتنى بجد و علمتنى الاخلاق و الذوق و الكرامة و الكفاح
ماذا تعني هذه الكلمات لوائل بدقه يصاحبي اوكي
حاضر
الحب
ليس سعادة تحصل عليها من شخص اخر
و لكنها سعادة تشعر بها عندما يسعدك شخص اخر لانك اسعدته
حتى و لو بأحساس دفين
العطف
هو احساس بين الشجن و النشوه تشعر به عندما تجد ما تنتظره ممن انتظرته منه
او تعطيه لمن انتظره منك
الحريه
زهرة ... أذا فاحت بداخلك .. فاح رحيقها حولك
و ان قتلتها بداخلك ... فاح عفنها بداخلك
الابداع
ابداعك هو ما يجعلك تتسائل ... كيف فعلت أنا هذا بهذا الجمال؟
ابداع غيرك هو ما يجعلك تنحنى له تقديرا و احتراما
الضيافه
وجه من وجوه الأمان المعنوي الذى لا تراه الا اذا رفعت الحدود التى تفصلك عن مضيفك
الجمال
معيار شخصى بحت يستخدم للدلالة على الارتياح لكيان مادى او معنوى
و هو لمسة من لمسات الخالق الجميل الاعظم على كونه و مخلوقاته
الصفاء
تلك الشفافيه التى لا تشعر بها الا اذا استقرت صفحة مائك الشفافه بعيدا عن الرياح و الشوائب
الشاعريه
الحياة الخفية التى تدور فى خلايا جسد حياتنا و لا نشعر بحركتها برغم اهميتها
الجاذبيه
هى سر من الأسرار الغامضة التى تمكنك من تفسير الاقدار
( هذا ان عرفت السر )
فى نهايه اسالتي
عاوزك توجه ل10 اعضاء نصيحه وتعلق على رائيك فيهم وتنتقضهم
يا عم انتا قلت سؤالين بس
اه يا صوابعى
حاضر بس مش لازم 10 بالظبط
و نبدأ بيك
يا برنس
الاحلام يا صاحبى مش كفاية انك تحلم بيها و تتكلم عنها
خد خطوة جد عشان تحققها و بلاش كسل
انا حاسس انك بتكسل شوية
( زيى بالظبط )
مونلايت
جربتى مرة انك تقتحمى تابوهات الحياة؟
اعتقد مش كتير
ليه مش بتتمردى على معتقد شخصى و تهاجميه لحد ما تنتصرى عليه او ينتصر عليكى؟
كليك مى
حاول ان تتخلص من المسؤليات الكثيرة حتى تتمكن من الانجاز
ماتربطش نفسك بمسؤليات اكتر من طاقتك
ميتا
الحياة ابسط من كده
انتا بتفكر فى الانتقام كتير
حاول تعفو صدقنى هاترتاح اكتر
و ماعنتش تتاخر كتير عشان بقعد استناك ساعه كل يوم لوحدى ع القهوه
جنات
ماتخليش كلام الناس يأثر فيكى كتير
دى حياتك عيشيها زى مانتى عايزه
مادام ضميرك مرتاح
مجنون سينا
تعلقك بالمصارعه جامد جدا
حاول تكون ارق من كده شويه يا عم اعصااااااااابك بلاش دمويه
انتتاتش
تخلص من حماس البداية و خلى حماسك طول الوقت
انت بردو حماسك بيبرد بسهوله
بس ياريت متقولش انك معندكش انتقاضات
عموما الانتقادات حطيتهالك جوه النصايح
و لو انى اخاف اكون بقيت سخيف بكتر النصايح دى
هتوحشنا يا بو وائل
و انتا اوحش
هههههههه
يا حبيبى و انتا كمان
تحياتي
الف شكر ليك
وائل جمعه 10-06-2007, 04:48 AM شكرا يا مون على اسئلتك الجميله دى
بس دى عايزه قعدة على رواقة
معلش مضطر امشى دلوقتى علشان السحور
بس هارجع على طول
moonlight 10-06-2007, 06:12 AM مونلايت
جربتى مرة انك تقتحمى تابوهات الحياة؟
اعتقد مش كتير
ليه مش بتتمردى على معتقد شخصى و تهاجميه لحد ما تنتصرى عليه او ينتصر عليكى؟
وائل مش فاهمة قصدك اوي بس حسب ما فهمت ..... هاسالك ا زاي اتمرد على معتقد شخصي
و هي المعقتدات دي اصلا بتتكون نتيجة تجارب مرينا بيها او مر بيها ناس نعرفهم
صحيح احنا كتير بنغير من نظرتنا لبعض الامور في حياتنا ....... لكن في الغالب مش بتبقى
معتقدات كوناها مع الزمن...... و متنساش ان النشأة بيكون لها دور كبير في تكوين المعتقدات دي victory.gif
وائل جمعه 10-07-2007, 03:02 AM وائل بما انك سيناريست فانا عاوزة أسألك شوية في الناحية دى
اوكى
ازاي اتعلمت كتابة السيناريو ... يعني هل دا كان عن طريق دراسات حرة في معهد او جامعة
او انك نميت الموهبة دي عندك بطريقة تانية ؟؟
لا و الله انا ما قدرتش ادرس فى اى معهد حتى كنت متقدم لاختبارات معهد السينيما السنه دى بس انسحبت فى اخر لحظه بسبب بعض الظروف
هيا موهبة و بحاول انميها
مهنة الكتابة عموما الموهبه فيها اهم من الدراسة لان الدراسة مكن تكتسب مع الوقت و الممارسة
بحاول دايما اقرا و اسال و اتفرج و ان شاء الله ادخل المعهد السنه الجايه
ما هو نوع الدراما الذي تميل اليه ؟؟
المفروض السيناريست يكون متمكن من جميع انواع الدراما مش ميال لنوع معين
بس انا بحب جدا السايكو دراما و لقيت ان اغلب كتاباتى متأثرة بالنوع ده
و انا بحبه جدا بس هوا للاسف مش منتشر بشكل جيد فى السينيما العربيه عموما
هلى سبق لك و ان كتبت سيناريو او قصة لعمل درامي كامل ... و هل رأى النور او هو في طريقه ؟؟
كتبت فى البداية بعض الحاجات بس طبعا كانت مش بمستوى الاحتراف خالص
لحد ما اشتغلت مع مكتب ( سكريبت ) لانتاج السيناريو
و من خلاله اشتركت فى الكتابة فى مسلسلات من نوعية السيت كوم
و للاسف ماثدرتش اشتغل فى السيزون الاخير من تامر و شوقيه
بس ان شاء الله شغالين دلوقتى فى مسلسل سيت كوم لشريف منير اسمه " عائلة ابو المجد " علشان رمضان الجاى
و ده مسلسل من نوع جديد على التليفزيونات العربيه من الجيل التالت للسيت كوم
على غرار every body hates chris & scrubs & my name is earl
و ده مع شركة كرمة للانتاج التليفزيونى
و فى معاهم بردو شغل فى عالم سمسم و مسلسل من نوع المنى كوميدى اسمه " احمد اتجوز منى"
بطولة احمد فلوكس اتعرض الحلقات التجريبيه منه على mbc
و فى مجال السينيما
فى تعاون بين مكتب script و media clinic بتاعت محمد حفظى عشان مشاريغ سينيما ليا فيهم مشروع فيلم اسمه ( تشيزو ) متقدم لنجم كوميديا كبير و يا رب يتتممها على خير
فى كمان فيلم روائى قصير اسمه ( من غير سكر ) غالبا هايكون مع المخرج احمد خالد
و ربنا يقدم اللى فيه الخير
لو طلبت منك تهدي احدى بنات افكارك لمكتبة شقاوة .... باسمك الحقيقي طبعا....... هل ستوافق ؟؟
ده شرف كبير ليا بجد بس للأسف المشاريع دى حقوق ملكيتها الفكرية ترجع للشركات اللى بتعامل معاها ما عنديش الحق بنشرها
حتى فى شرط انى اسلمهم الشغل مكتوب بخط اليد و هما اللى يتولوا كتابته على الكمبيوتر
بس بوعدك اول ما اخلص كتابة الفيلم القسير هايكون اول اهداء للمنتدى طبعا
بس معايا دلوقتى مقال ساخر عن تعديلات الدستور اللى فاتت كنت كاتبه لجريدة الدستور فى صفحة شربة شمس
اقرى كده و قوليلى رأيك
ده اهداء بسيط لحضرتك و لاخواتى اعضاء شقاوة
http://www.sh2ee.com/vb/imgcache/1632.imgcache (http://imageshack.us)
http://www.sh2ee.com/vb/imgcache/1633.imgcache (http://g.imageshack.us/g.php?h=518&i=2007ti5.jpg)
وائل جمعه 10-07-2007, 03:32 AM مونلايت
جربتى مرة انك تقتحمى تابوهات الحياة؟
اعتقد مش كتير
ليه مش بتتمردى على معتقد شخصى و تهاجميه لحد ما تنتصرى عليه او ينتصر عليكى؟
وائل مش فاهمة قصدك اوي بس حسب ما فهمت ..... هاسالك ا زاي اتمرد على معتقد شخصي
و هي المعقتدات دي اصلا بتتكون نتيجة تجارب مرينا بيها او مر بيها ناس نعرفهم
صحيح احنا كتير بنغير من نظرتنا لبعض الامور في حياتنا ....... لكن في الغالب مش بتبقى
معتقدات كوناها مع الزمن...... و متنساش ان النشأة بيكون لها دور كبير في تكوين المعتقدات دي victory.gif
بصى هاقولك
مثلا انا اهلاوى
بحب الاهلى
و ماعنديش اى احساس انى عايز اشجع فريق تانى
بس فجأة بروح واقف مع نفسى و أقول
ايه اللى خلانى اهلاوى؟
انى لقيت اخواتى و عيلتى اهلاوية
طب انا هاتخيل لمدة يومين انى مش بشجع كورة اصلا
و اشوف مين الفريق اللى يستحق انى اشجعه
الاحتمالات الموجوده
1- انى اكتشف انى كنت غلطان و كنت بشجع الفريق الغلط و انى لازم من النهارده اشجع الزمالك
2- انى ارجع اشجع الاهلى من تانى بعد ما اكتشفت انه احسن فريق فى مصر
طيب كان ليه م الاول
تشجيعى للاهلى بعد التفكير
اكيد تشجيع عن اعتقاد و ايمان مؤكد بانى عايز كده
ده كان مثال اوكى
بصى بقه انتى قولتى ايه
و متنساش ان النشأة بيكون لها دور كبير في تكوين المعتقدات دي
هوا فعلا دور كبير
بس مجرد دور
ماينفعش انى اعيش بمعتقدات لمجرد انى اتربيت عليها طيب لو اللى ربانى ربانى غلط
و اكيد ما كنش يقصد انه يربينى غلط
بس هوا ربانى من وجهة نظره
لازم انا اشكره على تربيته طبعا و بعدين ابدأ انا اكتشف ذاتى من جديد
ربنا قال " لا اكراه فى الدين "
و علشان كده انا عن نفسى اعدت نظر فى اسلامى
قد تكون الفكرة صعبة على حد بيقرا الكلام ده
بس بجد لمدة اكتر من سنتين كل يوم كنت بكتشف انى لو ماتولدتش مسلم كنت بردو هاختار الاسلام
( بس اوعى حد يفكرنى مرتد وللا حاجه دى افكار فى حدود التفكير )
بس طبعا الكلام ده مش من فراغ
لا
انا بقيت عارف انا مسلم ليه
تخيلى احنا كلنا بنصلى
و طبعا بنصلى 17 فرض فى اليوم
و معظمنا بيقرا قصار السور من جزء عم
بس كام واحد فينا عارف معنى كلمة
"الصمد"
او كلمة
" الخناس "
و بالتالى لم اندهش لما سمعت عن راجل فلاح بسيط فى المواصلات بيعلم ابنه الفاتحه و بيعلمهاله غلط
و ده معناه ان ابو الراجل اللى هوا الجد علمهاله غلط و اولاد الطفل اللى هاييجوا هايتعلموها غلط
و دى نتيجة العتماد على المعتقدات الثابته
فالحمد لله على نعمة العقل
و علشان عارف ان حضرتك عندك عقل راجح و مؤمن و لا اذكى على الله احدا
قلت الكلام ده
ارجو اكون وضحت رسالتى و ...
شكرا
moonlight 10-07-2007, 03:50 AM جميلة جدا مقالتك good1.gif و اسلوبك اسلوب فنان بجد
ربنا يوفقك ان شاء الله و تحقق كل طموحاتك
بس بقى متبقاش تنسانا لما تبقى كاتب مشهور shootme.gif
moonlight 10-07-2007, 03:57 AM فهمتك يا وائل و اشكرك على النصيحة الغالية دي
و أكيد هفكر فيها
سريتا 10-08-2007, 01:16 AM بسم الله الرحمن الرحيم
ازيك يا وائل ............ منور السرايا يا حج 7_5_127.gif
بص بقي انا مش هقول متاسفة اتاخرت بوضع الاسئلة لاني ما عدتش ادخل زي قبل عشان السنة ثانوية عامة 7_5_132.gif
و بتاع لاني دلوقتي قلت هههههههههه ............ و تصدق قريت الموضوع باسئلته كلها كلمة كلمة و الله .......
اسلوبك في الكتابة بيشد الواحد كده ههههههه لا ان شاء الله هتبقي سيناريست عظيم good.gif.........بس قبل
ما احط الاسئلة هعلق شوية (ما بعرفش اقعد من غير ما اعلق shootme.gif) اولا : المقال بتاعك تحفة بجد و
عجبني جداااااا .............. ثانيا: انت قلت انتم بتتخيلوني ازاي ..... بص انا اول ما شفت الصورة الرمزية بتعتك و
الاعب اللي ربنا مسهلوه من فوق ده ههههه اداني احساس انك كمان انت برضو كده ههههههههه ( استنتاج
غريب ههههه) ......... و اخر حاجة بعد العينة الجميلة دي لازم لازم تورينا حاجات تانية من كتباتك ........ و الي
الامام ووووووووووو بالتوفيق يا رب .
و اهو جبتلك شوية اسئلة حلوين من عند ابو محمد سمي و ادخل بقلب جامد baby.gif هههههههه :
1_ كل انسان له أمنيات وأمال .. يا ريت تقلنا عن الحلم اللي يراودك أو بالأحرى
الأمنية اللي تتمناها ... ؟
2_شو أصعب المواقف اللي مريت بها ؟
3_في أي قرار تتخذه هل ..... تحكم عقلك أم قلبك فيه ... ؟؟ ومن الأسبق فالتحكيم
قلبك أم عقلك ؟؟؟؟؟؟؟؟
4_هل ندمت في حياتك على شي معيّــن ؟؟؟
5_هل انت راض عن نفسك ..؟؟
6_ماهي اجمل اللحظات في حياتك ؟
7_نصيحه من والدك او من اي شخص اخر تعتبرها منهج في حياتك الى هذه اللحظه؟؟؟؟؟
8_ما هو تعريفك للمجنون؟؟
العاقل؟؟
المتكبر؟؟
المتواضع؟؟
9_ما هي الاكلة اللي ما تقدر تستغني عنها يعني لازم يوميا ؟؟؟؟؟
(سيبك من اللي فوق و ركز بالسؤال المهم ده ههههههه ......... بهزر انا قلت اغيرلك جو ........ عشان ما تقولش
حرمينك من حاجة اهو bash.gif )
يلا سلاموووووووووووووووز و مشكوووووووور مقدما blind.gif
وائل جمعه 10-09-2007, 02:10 AM اولا شكرا يا مون و يا رب دايما اكون عند حسن ظنك
نشوف بقه مين البنت اللى بتسأل دى
بسم الله الرحمن الرحيم
ازيك يا وائل ............ منور السرايا يا حج
ده نورك ياحاجه ازيك عامله ايه
بص بقي انا مش هقول متاسفة اتاخرت بوضع الاسئلة لاني ما عدتش ادخل زي قبل عشان السنة ثانوية عامة
و بتاع لاني دلوقتي قلت هههههههههه
بدأنا لماضه
و تصدق قريت الموضوع باسئلته كلها كلمة كلمة و الله
شفتى ... اتهريت اسئلة
اسلوبك في الكتابة بيشد الواحد كده ههههههه لا ان شاء الله هتبقي سيناريست عظيم
ميرسى يا جميل
بس قبل ما احط الاسئلة هعلق شوية (ما بعرفش اقعد من غير ما اعلق )
طب علقى ع الشاى بالمرة ... انتوا مش بتجيبولى حاجات حلوة ليه كده مش انا كنت بجيبلكوا
اولا : المقال بتاعك تحفة بجد و عجبني جداااااا
ده شرف ليا
ثانيا: انت قلت انتم بتتخيلوني ازاي ..... بص انا اول ما شفت الصورة الرمزية بتعتك و
الاعب اللي ربنا مسهلوه من فوق ده ههههه اداني احساس انك كمان انت برضو كده ههههههههه ( استنتاج
غريب ههههه)
يا سلام ياختى ده على كده تلاقى العرسان واقفينلك طوابير عشان صورة البنوته الحلوة بتاعتك دى
و اخر حاجة بعد العينة الجميلة دي لازم لازم تورينا حاجات تانية من كتباتك
بأذن الله
و الي الامام ووووووووووو بالتوفي |