عام 2007 بالنسبه لعمرو دياب

[mostafa salah]

ياتى عام 2007 مليئا بالمعجزات فى الوسط الفنى
واهم هذه المعجزات نزول البوم الليلادى للهضبه عمرو دياب
وحصول الكينج على الميوزك اورد للمرة الثالثه
تعالوا نشوف الباقى لان الموضوع يطول شرحه



سكون الالبوم ابتدي يدخل ف مراحله الجادة وابتدي عمرو كعادته يعمل تسريب مقصود لشد الحماس الديابي وانتزاع الاهات بدري بدري قبل صدور الالبوم وكان من خلال .. ضحكت .. خليك معايا .. قالتلي قول .. عمرو كان واضح انه قرر ان الاغاني دي تكون ف كوفر البومه والكل بقا مستعد لالبوم من نوع خاص
وفجأه وبدون مقدمات اعلان وجود عمرو ف قائمه المشاركين ف حفل هلا فبراير . وبعدها تأكيد من عمرو دياب رسميا وجوده ف الحفله .. وفرحه تملي كل قلوب محبين الهضبه .. مش مصدقين ان عمرو هيكون ف حفله مذاعه ع الهواء بعد خصام سنه عن الظهور تليفونيا

ويبدأ العد التنازلي لحفله هلا فبراير 2007 .. يوم الحفله كان شبه استعدادي من الناس .. كانت المطربه ميريام فارس مباشرة والجميع يتمنو الوقت يجري عشان يقف وياخدنا للنجم .. الجميع كان ف تساؤلات ع اللوك ياتري هيغني ايه هيقول جديد ولا لآ .. وكان في رأي عام يخيم ع الفورم كله انه ياريت عمرو ما يسمعناش جديد لان عايزين الصدمه تكون مفأجاة ف الالبوم وكأن عمرو سمعنا .. نرجع تاني لحفلنا


http://www.sh2ee.com/vb/imgcache/5554.jpg


تقديم ولا اروع من نجمه قنوات روتانا للنجم الكبير جومانا .. ويبدأ محركات الفرقه ف الاحتراق لضخ الاداء الممتع لصعود الهضبه .. بداية غير متوقعه بهيتس قمرين .. واشيفين ع الدارمز محل المرحوم اشرف فؤاد احمد ربيع
ويبدأ صعود الهضبه كالعاده ثابت وجميل ومعادله الكلاسيك والجينز ف مظهر واحد .. بعد اداء عمرو لقمرين اكتشفنا حاجه هتكون عقبه لعمرو طول حفلته .. هو احمد ربيع الدرامير .. عمرو دياب نها الاغنيه بعد ما بص لاحمد ربيع وقاله خلاص ااقفل ياربيع الاغنيه .. هو مقلوش حرفيا انما بالعين

نيجي لبيت القصيد .. عمرو بقاله قد ايه غايب عن الحفلات مده كبيرة مش كده .. محتاج اكتر من مظهر وصوت عشان يقول للجميع اان هنا ومتألق مش كده ..؟؟!!.. وفعلا اللي اتمناه عمرو جاله علي طبق من دهب .. يمين المسرح خالص بعد تقديم عمرو لاغنيه قمرين الكل قال .. بص شوف عمرو بيعمل ايه .. اثناء الهتافات دي عمرو كان بيقول انه سعيد بوجوده قطع كلمته وخلي الجميع يهتفو نفس الهتاف وحياهم تحيه خاصة .. عمرو سكت متعمد عشان يقول للجميع ع الهواء مباشرة اننا موجود اننا لسه بيتهتفلي والناس مستمتعه

وبعدها فاصل من اغاني عمرو .. ونيجي لاجمل اغنيه من وجهه نظري ف الحفله .. ايام وبنعيشها .. الحضور اول ما سمع اول كلمه فا لاغنيه قال اهات واهات .. وعمرو مكدبش خبر قالها بشكل احترافي وحزين بشع .. ووصله من الاغاني لعمرو .. ونيجي للحدث الاهم والاجمل .. عمرو الانسان .. لما غنا لاحدي ذوي الاحتياجات الخاصه اغنيه سحر كسوفها .. عمرو مبينش ف عنيه أي نظر حزن وهو بيغنيلها بالعكس غنهالها وعنيه كلها فرحه عشان ما تحسش ان عمرو بيغنيلها كعطف منه .. بس عمرو مقدرش يخبي تأثره بعد ما خلص الاغنيه بان عليه قوي تأثره وفعلا كبير ياعمرو
وتنتهي الحفله وتنتهي معاها ليله الكويت وارجع يعمرو علي مصر عشان في مهمه تانيه مستنياك

مهمه اخري ف تاريخ نجوميته حفلات خارجيه ف كل مكان الجاليات عايزاه عايزه تستمتع بفنه وجوله سريعه من الملك وامتاع اخر ف مكان تاني .. والعودة الجميله لمصر


يالا بينا والعد التنازلي نحو حدث العام .. معكسرات شبه حربيه علي حكاية جيله والاجيال اللي بعديه .. الصحافه تطارده ف كل مكان من اجل بابا نويل الكاسيت العربي وقرب نزوله الاسواق .. تصريحت عمرو ولعت الساحه خلت الجميع ف حاله ترقب لاهم البوم ف العام وهو البوم عمرو دياب صاحب الاسم اللي بيعمل خضه للمطربين
بانت الملامح بان الكلام ان الالبوم هيكون ف شهر سبعه .. الراجل متفائل الالبوم بدل ف الصيف يبقا الصيف صيفك ياعم مين قدك
الفورم ف عالم عمرو دياب كان شبه خليه النحل الجميع ف حاله نشاط واللي مش بيفتح مواضيع بيرد ف مواضيع تانيه واللي مش بيرد خالص داخل يشوف ويتابع ايه اخر الاخبار .. واشاعات ف كل مكان

وبدون سابق انذار السمبلز نزلت .. والكل عايز يعرف حاله الالبوم ايه .. الثواني اللي نزلت اصبحت محط مواضيع الجميع ايه رأيك ف دي طب الغنوة الفلانيه .. وكل واحد اختار اغاني معنيه يفضل يحلم بتكملتها وفودافون بالسمبلز خلت الجميع يقول يحيا 010 لانها عطتنا جرعات هدوء لحين صدور الالبوم

بعدها فاصل من المسرحيه الهزليه اللي بنشوفها كل عام مع روتانا وهيا ورود اخبار عن تسريب الالبوم بالكامل وطرحه قريبا علي شبكه الانترنت .. وبعدها ب حوالي يومين او تلاته سمعنا قالتلي قول عند نهايه الكوبليه الاول .. واتاكدلنا فعلا ان في حاجه غلط زي كل سنه وكل واحد جواه يقين ان كلها كام يوم والالبوم هيكون ع النت .. فين روتانا ..؟؟!! نايمه ومحدش هيصحيها خلينا احنا ف حاله القلق( N)

نيجي من الحوادث الطريفه السنه دي .. واحد جه بالليل وقال انه شاف بوستر الالبوم بعينه متعلق علي كوبري مدينه نصر تقريبا وعمرو مش لابس في حاجه .. ساعتها قلت وبعدين بقا احنا مش ناقصين اختراعات الفكره ف حد ذاتها جريئه ومحدش يتوقعها ولا يصدقها .. اعتقد ساعتها الموضوع اتقفل .. بعدها ب كام ساعه برده نفس الكلام .. وكل الناس اتمنت تكون من سكان مدينه نصر عشان تتاكد


لحد ما جت لحظه الحسم واحد صور البوستر ونزله وكان في اريال لذيذ كده اصبح اهميته من اهميه البوستر لان كله فكر ف حلول جذريه ازاي يتشال عشان نشوف الصورة بشكل واضح عن كده .. وجميع الناس جالهم ذهول تام من اول مفأجات عمرو ف البومه البوستر اللي كان واضح انه هيكون محل جدال كبير ف فترة لا تحتمل الجدال ..!! ولكن ده عمرو دياب محدش عارفه دماغه بيدور فيها ايه عايز يخلي الصيف صيف علي حق بدون شك .. عايز يقول لجيل الشباب انا جنبكم واستفزاز مقصود من عمرو انا لسه شباب ومحدش هيعرف يقلدني او يفكر ف فكرة جريئه زي دي


http://www.sh2ee.com/vb/imgcache/5555.jpg


الكلام كتر ان الالبوم اتسرب وفعلا .. الالبوم بقا بين ايدين كل الناس والكل بيستمع ليه واللي زاد ان محلات الكاسيت عملت سي ديهات وكاسيت عشان الكل يسمع بمزاج بقا .. هتافات محبين عمرو زادت وقالت حرام شغل سنه ونصف يروح كده يوم ورا التاني والالبوم بيتحفظ ومش حيكون في أي نيه لشراء الالبوم لو اتاخر عن كده .. واخير بعد تعصب دياب علي شركته تم تقديم ميعاد النزول وفعلا الالبوم اصبح ف الاسواق بعد حدوث الهزله بحوالي اربع ايام لاسبوع .. وواجب من كل محب لعرو دياب بشراء البومه .. والمبيعات ف طريق الزيادة محدش ما يقدرش يعرف ان البوم عمرو فا لاسواق وما يجبهوش .. عمرو دياب حالة خاصة واحدة بس موجوده ومفيش زيها تاني

ناس شكرت ف الالبوم ناس قالت عليه مش ده اللي مستنيينه كتر الكلام ما بين مؤيد ومعارض خدنا وقتنا وبعدها حكمنا حوكمنا .. من الواضح ان عمرو مكنش عايز اي حزن يخيم علي الالبوم زي كأنها حفله زفاف ومش عايز غير الرومانسية والاغاني الهيتس هيا اللي تكون شغاله .. بالاضافه لكده ان الالبوم نازل ف صيف والصيف كله انطلاق محدش فاضي يحزن الكل عايز يفرح


عرسان الالبوم ونجوم دخلو التاريخ ف الالبوم ده

http://www.sh2ee.com/vb/imgcache/5556.jpg

ساحر الكلمه المعديه والمسموعه والمحبوبه .. ايمن بهجت قمر رقم واحد حاليا مفيش كلام اسمه ع الاغنيه تريد مارك تخليك تعدي أي اغنيه عشان توصل لاغنيته .. صنع ف الالبوم تالت ابداعات من نوع خاص علي رأسهم . الليلادي .. بالاضافه الي نقول ايه .. وخليك معايا
صراحتا بقدمله التحيه علي خليك معايا بشكل خاص .. تلات مرات كتابه علي لحن واحد ..!! . مش هقولك غير انك مبدع

http://www.sh2ee.com/vb/imgcache/5557.jpg

الجديد والرايق واللي عنده كتير .. محمد يحيي .. خليك معايا هتكلم عليها بشكل منفرد لانها فعلا لحن للتاريخ لحن اتعمل عشان يتحب عليه .. فعلا رومانسيه واحساس بكلمه وصل الاغنيه لحته بعيدة محطوطه ف مكانه خاصه عند الجميع .. ومتوقع من يحيي كتير ف البومات عمرو القادمه ان شاء الله

http://www.sh2ee.com/vb/imgcache/5558.jpg

المظلوم فهد .. الراجل حظه كان عاثر بجد اتحكم عليه بتلات اغاني مقسوم زي كأن واحد واقف ف ركن واتحكم عليه ما يطلعش منه ده اللي حصل مع فهد .. وبرغم كده قدم اجمل مقسوم من وجهه نظري قدمه عمرو دياب هيا غنوة ضحكت .. كانت من نوع خاص الكوبليه التاني كان كارثه لكل المقاييس .. الواحد منين ما يسمع الاغنيه دي بيستنا الكوبليه التاني بفارغ الصبر من جماله واداء عمرو واللي فهد خلاه شبه فوكاليز عشان يمتعنا بعمرو اكتر واكتر

http://www.sh2ee.com/vb/imgcache/5559.jpg

بهاء الدين محمد .. بستنا منه دايما حاجه جديده حاجه جميله حاجه متميزة لانه شاعر من طراز فريد جداا اسلوب معروف وشكل قلمه متميز دائما بس اول ما يكونش نجم تأليف البوم عمرو الاول

http://www.sh2ee.com/vb/imgcache/5560.jpg

كلامك ونبره غرورك بتزعلنا وبتقلل اعمالك عندنا .. كلمه لعمرو مصطفي عمرو دياب ممكن ينجح بأي حد انما عمرو مصطفي مش هينجح بنطاق اوسع واكبر وسمعي ف كل الدنيا غير بعمرو دياب

خالد تاج الدين .. تذكير بسيط لخالد تاج الدين .. وماله قدام عيونك قصاد عيني قلت ايه ليلي نهاري .. ده خالد ودي اعماله .. ودي وفهمت عنيك مش هعقب ياتري الاعمال دي زي وفهمت عنيك . عشان نفسي افهمها


http://www.sh2ee.com/vb/imgcache/5561.jpg


عريس الليله الكبير الشاب صاحب ال 25 عام الدراس توزيع الهاوس ف امريكا ... حسن الشافعي
قدم نوع خاص وشكل جديد وعمرو خلاه شكل زي منهج هيكون معاه كل سنه عمرو تألق ف الريتم ده جداا واكب سرعه الاغنيه بشكل احترافي فذ .. الشافعي خلاص بقا ركيزة اساسيه ف كل البوم


ده الالبوم ودي ايامه وده نجاحه ودي ابرز نجومه .. واجازة راحه لعمرو دياب بعد عناء قارب ع السنتين والذهاب الي امريكا وضرب عصفورين حجر واحد غرض الاجازة وغرض تصوير كليب الالبوم نقول ايه .. وتأكيد صريح من عمرو ان الالبوم يحمل طابع الفرحه


http://www.sh2ee.com/vb/imgcache/5562.jpg

ويرجع عمرو ومعاه الكليب ونفس سيناريو بوستر الالبوم يحصل تاني بس ف الكليب .. عضو فتح ثريد انه شاف الكليب ف التليفزيون المصري ..وان عمرو كان لابس ايس كاب علي نص كم .. قلت هيا ناقصه حيرة ياجدعان احنا فينا اللي مكفينا .. وكام عضو أأكدو انهم شافو الكليب .. بس اللي شككنا ان الاعضاء كلها جديد سواء اللي ردت او اللي كان فاتح الثريد .... لحد ما خير الله اجعله خير لقينا كليب تصوير موبايل نازل ساعتها قلت اوووووووووووووبا يعني اللي قلته مكنش خيال ... وبعدها بكام يوم روتانا تذيعه . بس الفرحه الاكبر لعاشق عمرو كانت من خلال البيت بيتك وتقديم احمد شوبير للكليب ولعمرو بشكل جميل ومكالمه هاتفيه لنجم العام




نيجي للكليب .. الكليب جه صيفي ساخن للغايه في كل حاجه ..اتقدم بشكل احترافي رضا نسبيا كل جماهير الهضبه .. وعمرو كان منطلق كعادته وممتع ف ادائه بس معاه المره دي موديل من نوع خاص تحس انه مصريه ميه ف الميه بس بأداء اوروبي .. هيا وعمرو قدمو كليب راقص جميل عشان يمتعو بيه الناس
ويضيفوه لقايمه فرحه دياب 2007


http://www.sh2ee.com/vb/imgcache/5563.jpg

ندخل ف الحدث الاهم بالنسبه لمحبين عمرو ندخل ف الحدث التاريخي للمدن الساحليه .. ندخل ف الزحف من كل المحافظات .. ندخل علي حفله ال 20 سنه فاتت .. و10 سنين جايه .. حفله العمر لدياب ولينا .. حفله الصيف الرهيبه المؤرخه باسم دياب العنيف . حفله مارينا 2007
النجم نجم ده شعار الحفله .. احتشاد ما يقارب ال 30000 من كل مكان لرؤيه نجم الشباك ف البوم الليلادي وانتقاء عمرو لمدينه مارينا وتحديدا ف شاطىء لابلاج كمكان لاحتفاليته الخاصة بالالبوم
الناس اللي راحت وكان ليا الشرف اني اكون واحد منهم اليوم ده عندهم ما يتنسيش محفور ف ذاكرتهم كيوم جميل مش هيتكرر .. كلنا كنا ف حالة تساؤلات بس كان عندي احساس ان عمرو مش هيخلي دقيقة واحدة تعدي كده ف الحفله كنا الساعه اربعه هناك ف مكان الاحتفاليه وكان موجود ساعتها .. اهلاوي . وعزت .. وجرجس .. وسلمنا عليهم وكلنا بنتفرج علي استعدات الناس لاستقبال نجم مفيش مسرح يقدر يستوعب محبيه

http://www.sh2ee.com/vb/imgcache/5564.jpg

ابتدت الساعه بتمر ببطء غريب لحد ما حانت اللحظه فتح ابواب الدخول لاستقبال عشاق الهضبه .. ومناوشات ومداعبات من اعضاء عالم عمرو دياب وهتافهم لمحمد يحيي وحسام حبيب وتوما ولفرقه عمرو دياب فرد فرد بالاضافه للادمن الجميل وليد مصطفي .. حانت لحظه الصفر الفرقه كلها ف مكانها واول لحظه اشعال الالاف من البيركشن احمد الناصر والدرامير احمد ربيع ..وزئير الاسد ف الخارج بيشعل حماس الجميع .. وجت لحظه خروج الهضبه من دائرة الكواليس لمكانه المفضل مسرحه .. وتحيه شبه جنونيه وفرحة لا توصف بالنجم المدلل عمرو دياب .. وفرحه عمرو هتنط من وشه مش مصدق الحشود اللي قدامه .. المنظر ده يحكيه وليد مش انا لآنه كان فوق ع الاستتج وهو اكتر واحد يقدر يوصف المنظر من فوق عامل ازاي .. عمرو بيعمل حركات عفويه وتنطيط وتصقيف فرحان بمحبيه قوي وتحيتهم ليه .. وهو طول الحفله مقصرش مفيش حاجه قلنا عليها ما اتغنتش داعبنا كتير وشاورلنا اكتر .. كان يوم عمرو دياب مفيش كلام غنا كل اغاني البومه عمرو بيقولنا مش هغني وفهمت عنيك عشان ما تزعلوش بس .. دعابه


وتنتهي حفله العمر وينتهي صوتي معاها وقعدت عشر ايام كاملين مش بكلم بسبب التفاعل الشديد واللي عمرو بيخليك تتفاعل غصب عنك معاه


والنبأ الاخير والاهم على الساحه الفنيه لهذا العام وهو حصول النجم العالمى عمرو دياب
على جائزة الميوزك اورد لعام 2007