حديثي عن الجمال

[moonlight]

السلام عليكم و رحمة الله و بركاته

أعزائي ....

قد يستغرب البعض حديثي هذا ... و ما أهميته

أو ما يجعله حديثا مميزا يستحق الاهتمام ...

ربما لأنني أشعر أننا في خضم حياتنا السريعة المليئة بالمتغيرات و المشكلات

قد فقدنا في أغلب الأحيان إحساسنا بالجمال رغم وجوده من حولنا في كل مكان و زمان

في بداية حديثي أشكر أصدقائي من شجعوني على الخوض في هذا الحديث الجديد على قسم الحوار و النقاش

و هو ليس نقاشا بل هو حوار لطيف عن الجمال بين الأعضاء

نتشارك فيه أفكارنا و مفاهيمنا عن الجمال ... ذلك المعنى الساحر و المميز

فما هو الجمال ؟؟؟ 5_1_123v.gif

هو من صفات الخالق عز و جل ... فهو جميل يحب الجمال

و هو ثالث أعمدة المدينة الفاضلة الثلاثة بعد الحق و الخير

و طالما تغنى به الشعراء و الأدباء books.gif

فكرت في لحظة تأمل في معنى الجمال فوجدتني أجد صعوبة في تفسيرمعناه ببضع كلمات

و وجدتني اشرد بفكري و أغوص في بحر من من المعاني الأفكار .... حتى وصلت إلى قناعة

بأن الجمال ليس أمرا حسيا يسهل تحديده أو وصفه ... و لكنه إحساس و شعور ينبع من داخلنا

ينبع من رغبة فينا بأن نشعر به و نتذوقه ...

فالناس لا يتساوون في احساسهم بالجمال و لا ادراكهم له

فالجمال قد نستشعره في عبارة نسمعها او ننطقها ... او حتى كلمة

و قد نستشعره في ابتسامة طفل حتى و ان كان هذا الطفل بالمقاييس العادية غير جميل

و لكن الاحساس ببراءته يضفي عليه هذا السحر المسمى بالجمال

و قد نستشعر الجمال في نظرة حانية من ام عجوز او جدة سلبها الزمان طراوة البشرة و بريق العينين

و حمرة الشفاه ... و لكن في تلك النظرة الحانية هذا السحر الذي يضفي عليها جمالا

و مما يدلل على ان الجمال احساس نابع من داخلنا و ليس شيئا نراه هو رؤيتنا لنفس الأشخاص و الأماكن

مرات عدة ... و لكننا في بعض الأحيان نراهم أكثر أكثر جمالا

av-143.gif

فالإنسان عندما يكون سعيدا يلاحظ بوضوح مواطن الجمال في كل ما حوله ... بل إنه يبحث عنها بحثا

و العكس عندما يكون مهموما فانه لا يستطيع رؤيتها ... و ذلك عن تجربة شخصية

فهل نبدأ بحثنا عن الجمال حولنا ؟؟؟ victory.gif و هل باستطاعتنا تدريب أنفسنا على الاحساس به ؟؟؟

لم ينتهي حديثي عن الجمال بعد ... و لكني اريده حوارا بيننا جميعا

و انتظر معرفة وجهات نظركم و خواطركم الشخصية عن الجمال msn-wink[1].gif

angel5.gif

[Bentmisr]

السلام عليكم ورحمة الله وبركاتة

تحية طيبة لجميلة منتدانا موووون لايت على الموضوع القيم victory.gif

الجمال مُحبّب إلى كل نفسٍ مؤمنة, وإن إدراك جمال الكون هو أقربُ

وأصدقُ وسيلة لإدراك جمال خالق الكون

فى رأى ان الجمال نوع من العبقرية ،بل هو حقاً أرقى من العبقرية

انه لايحتاج الى تفسير ، فهو من بين الحقائق العظيمة في هذا العالم ،

انه مثل شروق الشمس ،أو انعكاس صدفة فضية نسميها القمر على صفحة المياه المظلمة .

فلا يوجد جميل او قبيح فهنا العملية نسبية

و تختلف من شخص لأخر على حسب ثقافته و مبادئه الخاصة و العامة

فالجمال فى رأى هو جمال الروح وكل ما يحرك في أنفسنا شعور البهجة و السعادة و الإنجذاب

سواءاً أكان مألوفا أو لم يكن فهو شعور بالإلهام بالإبداع بالصدق بكل شيء طيب

وأخيرا كل الشكر والتقدير ليكى ياموووون على احلى واجمل توبيك فى قسم الحوار والنقاش

[untouchable]

الســـــــــــلام عليـــــــــــــــــــــــــكم ,


,أخيـــــــــــــــــرا وبعد طول انتــــــــــــــظار ,جاء الحديث المرتقب عن الجمال , من عضوة غاية في الجمال

وهيـــــــــــــــ : moonlight

الجمال هو من المعانى الجميلة التى نفتقد اليها في حياتنا , لا لإنعدامها ولكن لقصور في احاسيسنا


وللهثنا المستمر وراء الشهوات والنزوات , فقدنا الاحساس بالجمال


فالجمال كما قالت moonlight هو امر حسي تشعر به ححين ترى شيئا جميلا "في نظرك انت "

ليس بالضورة ان يكون جميلا , فلو كنت في امريكا , وهبطت علي منطقتك الشعبيه ستشعر مدى جمال هذه

العشوائيات رغم قبحها , ستجد فيها ابلغ معالم الجمال .................


كما ان هذه الجده بنظرتها الحانيه قد تجد فيها جمالا ودفئا لا تراه في عيون اجمل الجميلات ممكن لا تربطك بهن

ادنى مشاعر ,


كذلك والدتك في حلتها المصرية الجميله كربة منزل , أو حتى سيده مصرية محترمة تجد فيها جمالا لا تراه في أحد

فالجمال هو نسبي يتأثر بمدى احساسنا به , ويتوقف ايضا علي مدى جمال ارواحنا في الشعور به


فإذا رأيت الكثير من الاشياء حولك تنبض بالقبح , فأبحث في أعماق قلبك , ستجد مصدر القبـــح ,

وهو ســـواد , طبقات من أدخنة السواد اعمت بصرك وبصيرتك عن اى جميــــــل ,


فهؤلاء الذين يرون في مصر اسوأ بلد في العالم , هو لأانهم نظروا اليها نظرة مادية ,

فرغم انى اتفق معكم في كم الفوضي التى تعيش فيها بلادنا , الا ان فيها الكثير من مظاهر الجمال


في أوامر ابوك ونواهيه ,

في حنان امك ودعواتـــها ,

في دفئ جيرانك , في علاقاتك باحبابك ,

في شباب مصريين وشابات مصريات قد تراهم يتبادلون معك اجمل الضحكات بلا ادنى معرفة ..................

مـوضوع جميل , تعالوا سويا نجعله دعوة لرؤية مظاهر الجمال في حياتنا , ولتكن دردشة رقيقه راقيه عن الجمال


تحت إشراف الجميلة moonlight


لــــــــم ينتهى حديثى , ولي عــــودة

[sway-me-more]

بصوا ده رد واحد هنا :2smiley.php.gif



الجمال جمال الخالق تحياتى "صقرايه السلام"


الحدق يفهم good.gif

[هدير_dodo]

بجد تسلمى يا مون على موضوعك



معنى الجمال بجد الناس عمالة تغير فية


بجد معنى الجمال ممكن يكون فى كلمة بسيطة او فعل


اوحاجة صغيرة


لان بجد الصفات الجميلة عمالة تختفى


ودة بسبب الناس الى بتتغير وعمالة تغير الصفات دية


على حسب رغبتهم


وربنا يعدل الحاجات دية


بجد موضوع جميل

[fy_9920002000]

شكرا ليكى على الموضوع الى زى العسل ده شكرا شكرا شكرا

[totaa]

الجمال
شئ فعلا نسبى بمعن اللى احنا نشوفة جميل
ممكن اوى غيرنا ميشوفش فية جمال

عموما الواحد ممكن يشوف كل حاجة حوالية جميلة

ان كانت نفسيتة جميلة او مبسوط مثلا


شكرا مون لايت على الموضوع

منورة دايما يا قمر

[yasmeen]

بصراحة معرفتش ابتدي منين الموضوع عايز تفكير جامد

وبعد مكتبت رد مسحته تانيsadwalk[1].gif

اعتقد ان الجمال بيكون من جوانا احنا اللي بنقدر نشوف الشئ علي انه جميل او وحش

يعني مش لازم الشئ اللي بنقول عليه جميل يكون في قمة الروعة او محصلش قبل كده

ممكن يكون شئ عادي جدا او حتي متوسط الجمال ونشوفه علي انه جميل جداا

انا شايفة انه له علاقة بالحب يعني انتي لما بتحبي حد والدتك والدك صاحبتك

بتحسي انهم حلووين جداا في نظرك حتي لو ده مش الحقيقة

بالضبط لما بتكوني بتكرهي شخص او مكان معين بتحسي انه وحش

اووي وليس له علاقة بالجمال حتي لو الكل مجتمع علي حب المكان او الشخص ده

وامثلة كتيرة علي الكره او الحب

واكيد كل واحد فينا بيصادف الموضوع ده في حياته

حتي لو مخدش باله من كده او حتي انكر فكرة ان الجمال بيرتبط بالحب او الكره

الجمال اللي انا اكلمت عنه طبعا ليس المعني الشامل للجمال

بس هو جزء صغير منه girlwerewolf.gif


مش ده الرد اللي كنت محضرة اقوله علشان انا خلاص نمت وتوقفت عن التفكيرbf_new.gif

بس قولت مينفعش اخرج من الموضوع قبل مردblushing[1].gif




بجد يابنتي انتي مبدعةicon26[1].gif

واكيد الموضوع جميل اووويgood1.gif

وان شاء الله ليا عودة اكيدة علشان اكمل بقية الحديث

[joya]

أكيد الجمال مثله مثل أي شيء معنوي هو شيء نسبي وبيتخلف من انسان للتاني

فيه ناس بتشوف الجمال في الشكل فقط وعلشان كده شايفين حاليا سباق الفنانات في اجراء عمليات تجميل لتصبح كل واحده أجمل مما هي عليه
اعتبار جمال الشكل فقط كتعريف للجمال أكيد شيء يعبر عن السطحيه أو بمعني تاني تفاهه

لكن مقدرش أقول ان تفكيرهم ده غلط لان للجمال معاني كثيره ومفاهيم مختلفه وبتختلف المفاهيم دي من شخص لآخر حسب مستواه الفكري والعقلي والاجتماعي والديني ...

منقدرش نحصر مفهوم الجمال في كلمه أو نعبر عنه بجمله واحده -- فالجمال هو الحريه ولكل انسان حريه تذوق الجمال والتعبير عنه بطريقته

فقد يجد بعضنا الجمال في الطبيعه .. في الوجود مع من نحب ... في ابتسامه طفل ... في قراءه آيه واحده من آيات القرآن مرات عديده ... في السفر .. في العباده ... في الرضا ... في الاجتهاد في العمل .. في النجاح .....

وقد نجد الجمال في انفسنا فقد خلقنا الله في أحسن صوره وأوجد في كل منا الطيبه والرقه والحنان وكل الصفات الجميله التي لو بحثنا عنها سنجدها قد تكون مختلطه ببعض الشوائب ولكنها بالتأكيد موجوده

بالتأكيد يختلف مفهوم الجمال من شخص لآخر ولكنه موجود في النهايه وكل منا يشعر به بطريقته الخاصه

ميرسي موون علي التوبيك الجميل clapping.gif

[moonlight]

Bentmisr

رؤية شاعرية للجمال من انسانة رقيقة جدا

و اكيد بنتفق جميعا معاكي في مسألة نسبية الجمال

تسلمي يا حبيبة قلبي على المشاركة الجميلة

[moonlight]

untouchable

مصر برغم ما تعتريها من رياح الفوضى و اللا مبالاة و الفساد

و التي تعكر احيانا صفو الحياة فيها

الا انها تظل جميلة و رائعة ليس في نظرنا نحن المصريين فقط بل في نظر ابناء شعوب اخرى

شرقية و غربية زاروها و تعلق قلبهم بها لما تحمله ملامحها و ملامح ابناءها الطيبين من سمات الاصالة

و لما تتسم به طبيعتها من بساطة و حميمية

بعض المدن تذهلك بفخامتها و حداثتها و لكنك لا تشعر فيها بالروح التي تأسر قلبك

بل هي مجرد مشاهد تعجبك في وقتها و لكنها قد لا تترك نفس الاثر في نفسك

تسلم على المشاركة القيمة و بانتظار استكمال الدردشة سويا

[moonlight]

بصوا ده رد واحد هنا :2smiley.php.gif



الجمال جمال الخالق تحياتى "صقرايه السلام"


الحدق يفهم good.gif

كل شيء جميل مرده الى الخالق عز و جل

شكرا ليكي لمشاركتك

[moonlight]

بجد تسلمى يا مون على موضوعك

معنى الجمال بجد الناس عمالة تغير فية

بجد معنى الجمال ممكن يكون فى كلمة بسيطة او فعل

اوحاجة صغيرة

لان بجد الصفات الجميلة عمالة تختفى

ودة بسبب الناس الى بتتغير وعمالة تغير الصفات دية

على حسب رغبتهم

وربنا يعدل الحاجات دية

بجد موضوع جميل

تسلمي يا دودو على مشاركتك

و فعلا احساسنا بالجمال بدا يقل لعوامل كتير

لظروف حياتنا لكن لازم نفضل نحاول نحسه

[moonlight]

شكرا ليكى على الموضوع الى زى العسل ده شكرا شكرا شكرا

شكرا ليك على المرور بس كنا نحب نعرف وجهة نظرك

[fy_9920002000]

وجهت نظرى مش هتعجبك

[moonlight]

عموما الواحد ممكن يشوف كل حاجة حوالية جميلة
ان كانت نفسيتة جميلة او مبسوط مثلا


توتا عجبني تعبيرك دا جدا لان فعلا دا حقيقي

و نسبية الجمال اكيد بتفق معاكي فيها

نورتي يا قمر بمشاركتك

[moonlight]

انا شايفة انه له علاقة بالحب يعني انتي لما بتحبي حد والدتك والدك صاحبتك

بتحسي انهم حلووين جداا في نظرك حتي لو ده مش الحقيقة

بالضبط لما بتكوني بتكرهي شخص او مكان معين بتحسي انه وحش

اووي وليس له علاقة بالجمال حتي لو الكل مجتمع علي حب المكان او الشخص ده

وامثلة كتيرة علي الكره او الحب

واكيد كل واحد فينا بيصادف الموضوع ده في حياته

حتي لو مخدش باله من كده او حتي انكر فكرة ان الجمال بيرتبط بالحب او الكره

.................................................. .................................................. ........................


وان شاء الله ليا عودة اكيدة علشان اكمل بقية الحديث[/color]



ياسمينا

جميل اوي ربط الجمال بالحب ... و فعلا معاكي حق حبنا لاشخاص معينين بيخلينا نشوف فيهم ملامحهم الجميلة

و على العكس فيه ناس عندها مواصفات الجمال القياسية و مش بنحس فيهم اي جمال

و نفس الفكرة بالنسبة للاماكن زي ما وضحها untouchable

تسلمي يا عسولة على المشاركة المميزة بجد و بانتظار عودتك لاستكمال الحديث

لاني انا كمان مكتبتش كل اللي في باليshootme.gif

[moonlight]

لكن مقدرش أقول ان تفكيرهم ده غلط لان للجمال معاني كثيره ومفاهيم مختلفه وبتختلف المفاهيم دي من شخص لآخر حسب مستواه الفكري والعقلي والاجتماعي والديني ...

منقدرش نحصر مفهوم الجمال في كلمه أو نعبر عنه بجمله واحده -- فالجمال هو الحريه ولكل انسان حريه تذوق الجمال والتعبير عنه بطريقته

.................................................. .................................................. ........

بالتأكيد يختلف مفهوم الجمال من شخص لآخر ولكنه موجود في النهايه وكل منا يشعر به بطريقته الخاصه

ميرسي موون علي التوبيك الجميل clapping.gif

جويا

اتفق معاكي في ان مفهوم الجمال يختف من شخص لآخر ... لكن حتى جمال الشكل ميزته انه يكون طبيعي

لان الجمال الطبيعي او الشكل الطبيعي عموما بيكون فيه تناسق و تناسب

على عكس ما يقوم به كثير من الناس بعمليات التجميل

فاحيانا تنقلب هذه العمليات الى عمليات تقبيح لان الوجوه تفقد التناسب

فالانوف الصغيرة لا تناسب كل الوجوه و الشفاه الكبيرة قد تحول الوجه الى وجه مضحك و ليس جميلا

الجمال في التناسب و التناسق

و اكيد صعب نحصر مفهوم الجمال في جملة او حتى موضوع ... لذلك فكرت في هذا الموضوع ليكون

متنفسا لافكارنا و مفاهيمنا المختلفة عن الجمال

تسلمي جويا على مشاركتك الجميلة

[moonlight]

وجهت نظرى مش هتعجبك

أخي fy_9920002000

انا طبعا تسعدني مشاركتك و مشاركة كل الاعضاء في موضوعي

لكن قسم الحوار لم ينشأ للمجاملات و الشكر و حتى نوافق بعضنا على كل شيء

مش مهم وجهة نظرك تعجبني مادامت في حدود و لا تمس احد ... و لا تسيء الي شخصيا

دا غير انك متعرفنيش و متعرفش ايه ممكن يعجبني و ايه لا

وجهة نظرك حاجة خاصة بيك و بتعبر عن شخصيتك و لا دخل لي فيها

و اذا لم تشارك بها فلا معنى لمشاركتك في قسم الحوار

[yasmeen]

انا رجعت تاني زي موعدت اهو wavetowel.gif

بس جيت بعد ما الكل خلاص معظم الكلام عن الجمال ومسبوليش حاجة اقولها icon1366[1].gif

بس خطر في بالي جملة

ان الجمال هو سعي للكمال ==>>فيلسوفة مش كده nosweat[1].gif

طبعا الكمال لله وحده بس انا اقصد ان الكل بيحاول يوصل لاقصي درجة من الجمال

في نظره بمعني انه يحاول يكون جميل في شكله وفي مظهره وفي حديثه والي اخره

سواء اشياء مادية او معنوية

طبعا كل ده بيوصله لهدفه في النهاية انه يكون محبوب من الناس او يحقق نجاح في حياته المهنية

او الاجتماعية بشكل عام بياثر في حياته وحياة الناس اللي بيكونوا حواليه

فبالتالي كل انسان علي قد مايقدر بيحاول يوصل لاكبر قدر من الجمال

ونلخص كل ده في جملة ( جمال الشخصية )

وبس كدهblush-anim-cl[1].gif

واكيد هرجع تاني ان شاء الله لو لقيت حاجة جت في باليbf_new.gif

يلا سلام