لنا الله فيك يا لغتنا الجميله .. [الأرشيف] - مـنـتـديـات شـقـاوة طريـقـكـ نـحـو الابـداعـ والـتـمـيـز

عرض الإصدار الكامل : لنا الله فيك يا لغتنا الجميله ..

joya

03-19-2008, 01:31 AM

اللغه العربيه أكيد مش لغه سهله حتي بالنسبه لنا (نحن العرب) لكن احيانا أري كلمات تؤلمني

انشاء الله - الله وأكبر - مصرح الجريمه - نحنو ...... والكثير من الغلطات الاملائيه الجسيمه والتي تدل علي لا مبالاه وجهل تام بلغتنا العربيه

ودعوني أنقل لكم واقعه سمعتها منذ عده سنوات

وصل خطاب لرئيس جامعة القاهرة من طالب يطلب قرد وأمام هذا إستدعوا الطالب وسألوه عايز قرد ليه يابني قالهم عشان أمي مريضة و أحتاج للمال طب مال القرد وأمك عشان أصرف عليها وطلع الطالب الجامعي يقصد( قرض )

* لماذا الكثير بفتخرون بإتقانهم لأي لغه أجنبيه
ومنهم من لا يسمح لنفسه أن يكتب أي خطأ إملائي
عند كتابه أي رد باللغه الانجليزيه على سبيل المثال؟؟
يعتير هذا عيب كبير
لكن ببساطه يسمح لنفسه ان يكتب موضوع او رد باللغه العربيه
ملئ بالأخطاء الإملائيه!!
ومع العلم أن الكثير منهم هم طلبه في الجامعات

* لماذا علينا أن نرهق عيوننا بقراءه أو رؤيه تلك الكلمات:-
لاكن - ذالك - يسئل - القرأه
ائول - المراءه - هاذا - كذالك....والكثير الكثير

هل يعقل أن كلمه "أمه" تكتب اموا؟؟! وكلمه "نفسه" تكتب نفسوا ؟؟!

مش معنى اننا نتمسك باللغة اننا نتكلم بالفصحى لكن نكون نعرف نتكلم ونكتب ... صعب مثلا ان واحد راجع من الشغل ينادى على اولاده عشان ياكلوا يقولهم (هلموا يا اولاد فقد حان وقت الغذاء) ... أنا قصدي في الأساس الأخطاء الاملائيه الساذجه الي بنشوفها احيانا

قرات تقريرا صادر من احدى الجهات للامم المتحدة لا اذكر اسمها انها خلال المئة سنة القادمة ستختفي بعض اللغات و منها اللغة العربية.

طبعا هراء فاللغه العربيه هي لغه القران وقد وعد الله بحفظ القران وفي بعض التفاسير الحفاظ المذكور هو للغة التي نزل بها القران مع القران طبعا

{إِنَّا نَحْنُ نَزَّلْنَا الذِّكْرَ وَإِنَّا لَهُ لَحَافِظُونَ }

ولتقول الامم المتحده كما تشاء

ولكن علينا التمسك بالكتابه الصحيحه للعربيه الفصحي ان كتبنا بها

وان دمجنا بين الفصحي والعاميه ( كما يفعل أغلبنا ) فبرجاء مراجعه الكلمات من حيث الغلطات الاملائيه

بالله عليكم مش الوضع محزن؟؟ ... ولا عادي وانا اللي مكبره الموضوع؟؟

يا تري شايفين ان الضعف في اللغه عندنا أساسه التعليم في المدارس ؟ أم هو مجرد محاوله مننا للتنصل من لغتنا العربيه ؟

شاركوني برأيكم قبل أن يصيبني الشلل مما أقرأ احيانا ...

جنات

03-19-2008, 07:27 AM

اخيرا حد حد وقف للي بحصل بلغتنا
اللغه العربيه صارت كلها دلع انتي لسه شفتي حاجه

مثال كل او اغلب بنات النت وبرة النت

بكتبولك عن الصلاه سلاه

عن لحظه لحزا

ههههههههه وعن طبعا تبعن

وكل اخر كلمه بكتبولك حرف ز زي كلمه كتيرز

والله عاوزلهم قاموس ترجمه بلغتهم الغبيه دي

انا مشاركه بمنتدى اول ما سجلت وحياتك ما فهمت كلمه
فضلت شهرين او اكتر حتى استوعبت كلامهم

وبجد ليه بس نكتب انجليزي بنحاول ان الحروف او الكلمه تكون صح
بس بالعربي بنعجب تعجيب بنضرب شمال بيمين

الله يعين

تسلمي جويا

joya

03-19-2008, 03:02 PM

جنات معاكي حق .. انا ساعات ابتدي قرايه موضوع علي النت ولما بلاقي غلطات املائيه ساذجه من عينه ( قرد ) بدل ( قرض) بفقد تركيزي وأعصابي ههههه و مش بقدر أكمل الموضوع

ده غير كتير بنات صحابي يتكلموا بلهجه الدلع دي زي مثلا يقلبوا حرف ال ( ص) لـ (ث) يعني - خلاث انا زهكت يا ثاحبي -

والله أخاف ان نتحول زي دول المغرب اللي اللغه الأساسيه عندهم دلوقتي الفرنساوي .. والعربيه أصبحت ضعيفه جدا بالنسبه لهم

انا برضه مش بدعي اني متمكنه من العربيه الفصحي ودايما القواعد وتركيب الجمل بيجنني ( بالذات ان شغلي فيه ترجمه ومعتمد علي العربي بشكل كبير ) لكن علي الأقل بحاول اني محرفش في الحروف وفي اساسيات اللغه

ميرسي جنات لمرورك ولو احنا مقدرناش نحافظ علي لغتنا العربيه أكيد الله خير حافظ لها لانها لغه القرآن

M7mod 7osni

03-20-2008, 12:55 AM

السلام عليكم

شكرا جويا على الموضوع الجميل ده

على فكره لما كنت فى الثانوى كان ليا زملاء مابيعرفوش يكتبوا اساميهم صح

و دلوقتى دكاتره و مهندسين

و دى مش مبالغه

دى حقيقه

وواضح جدا ان ده عيب فى نظام التعليم

او بمعنى اصح كارثه تعليميه مش فى اللغه العربيه بس لا فى كل المجالات

و عاوز اقوك انى كتير بشوف على شرايط التشات على الفضائيات غلطات تكسف بجد
و اللى يكسف اكتر و اندهشت منه ان قناة زى أوتى فى عملوا العاميه اللهجه الرسميه عندهم و بحس بالأشمئزاز لما
بتفرج على نشرة الاخبار و اسمع المذيع بيقول ان بوش ( صهين ) على كلام ابو مازن و ( اداله بمبه ) فى مجلس الامن

كمان جريدة الدستور و معظم المجلات الفنيه تتعمد استخدام العاميه عشان توصل للقارئ من اسهل الطرق

حتى مجلة ميكى جيب غيروا لهجة الفصحى و استخدموا عاميه ركيكه و سوقيه جدا بس رجعوا وتداركوا الغلط ده

و بدأوا يعملوا لهجه عاميه محترمه تناسب الاطفال و يكون مصدرها الفصحى على قدر الامكان

و دى من وجهة نظرى طريقه لحل المعضله دى

ممكن نستخدم لهجاتنا بس بشكل محترم لان اللهجه العاميه المصريه او الشاميه او الخليجيه او المغربيه ليها جمال و رونق

خاص و دى من مميزات اللغه العربيه ان خرج منها لهجات كتير جدا و كل لهجه بتستخدم مفردات مختلفه لكن فى الاصل

المفردات دى مشتقه من اللغه الام لان كل مصطلح فى الفصحى ليه اكثر من مقابل

و ماتنسوش اننا فى المنتدى هنا و على النت عموما بنستخدم العاميات دى

يعنى مش عيب اننا نستخدما بس عيب اننا نسئ اليها

يا رب مايكونش عندى غلطات املائيه

شكرا

Mr-LOrd

03-20-2008, 01:32 AM

moonlight

03-20-2008, 03:32 AM

انا اللي بينرفزني مش انهم يتكلموا بالعامية لكن لما بيحاولوا يتكلموا بالفصحى

و هم اصلا مش عارفين ابسط قواعد الرفع و النصب فبيخرج الكلام ماسخ و مالوش طعم

من اسرار جمال اللغة العربية موسيقاها اللي طبعا مع جر الفاعل و نصب المجرور و رفع المفعول به

بتكون نشاز جدا و غير مستساغة

يعني الفذلكة دي مش بس بتشوه اللغة لكن بتشوه الذوق و الحس

مع ان بسيط اوي ان المذيعة او المذيع يستذكر بعض القواعد البسيطة من ايام المدرسة

و الاهم و اللي بينمي الحس دا اكتر كثرة الاستماع لكلام الله و ما يتميز به من وقع ممتع و مؤثر على الاسماع

احنا عندنا حاجات جميلة كتير مش بنحس قيمتها و يمكن غيرنا بيقدرها اكتر مننا و من ضمنها لغتنا

تسلمي جويا على الموضوع المهم جدا

joya

03-20-2008, 05:37 AM

السلام عليكم

وعليكم السلام ورحمه الله

شكرا جويا على الموضوع الجميل ده

انت الي مشكور لمشاركتك الجميله

على فكره لما كنت فى الثانوى كان ليا زملاء مابيعرفوش يكتبوا اساميهم صح و دلوقتى دكاتره و مهندسين
وواضح جدا ان ده عيب فى نظام التعليم
او بمعنى اصح كارثه تعليميه مش فى اللغه العربيه بس لا فى كل المجالات

انا مش عارفه التعليم الفاشل ده حيوصلنا لايه ؟ والله انا حاسه ان كل مشاكلنا أساسها التعليم

ايه فايده ان الي بياخد 100% بيكون أكتر طالب حافظ الدروس مش مشكله بأه فاهم أو لا

معروف علي حسب احصائيات عالميه ان الطفل المصري أذكي أطفال العالم لغايه سن 5 سنوات ... لو بصينا ايه الي بيحصل له من سن 5 لغايه 22 - حنلاقي التعليم هو المسئول عن تراجع المستوي الثقافي وقله المواهب والمخترعين والعلماء

طيب علشان مبعدش عن الموضوع الرئيسي - احنا متفقين ان ضعف مستوي التعليم هو السبب في ضعف اللغه العربيه عند أغلبنا

و عاوز اقوك انى كتير بشوف على شرايط التشات على الفضائيات غلطات تكسف بجد

شرايط التشات في الفضائيات دي كارثه أساسا

و اللى يكسف اكتر و اندهشت منه ان قناة زى أوتى فى عملوا العاميه اللهجه الرسميه عندهم و بحس بالأشمئزاز لما
بتفرج على نشرة الاخبار و اسمع المذيع بيقول ان بوش ( صهين ) على كلام ابو مازن و ( اداله بمبه ) فى مجلس الامن
كمان جريدة الدستور و معظم المجلات الفنيه تتعمد استخدام العاميه عشان توصل للقارئ من اسهل الطرق
حتى مجلة ميكى جيب غيروا لهجة الفصحى و استخدموا عاميه ركيكه و سوقيه جدا

دي كمان كارثه في حد ذاتها - ان البرامج الاخباريه والجرايد تستعمل العاميه - لأن أغلب الشباب مش متعود يقرأ كتب فبتكون الجرايد والاخبار هي كل مصدره في تعويد اذنه علي اللغه العربيه .. فاذا قامت تلك القنوات بحذف العربيه الفصحي من قاموسها فـ ( عليه العوض في اللغه العربيه )

بس رجعوا وتداركوا الغلط ده
و بدأوا يعملوا لهجه عاميه محترمه تناسب الاطفال و يكون مصدرها الفصحى على قدر الامكان
و دى من وجهة نظرى طريقه لحل المعضله دى

أكيد الدمج بين الفصحي والعاميه شيء مناسب في عصرنا ده ( زي ما كلنا بنحاول نعمل في كتاباتنا علي النت مثلا )

و ماتنسوش اننا فى المنتدى هنا و على النت عموما بنستخدم العاميات دى
يعنى مش عيب اننا نستخدما بس عيب اننا نسئ اليها

يا رب مايكونش عندى غلطات املائيه

صح كلنا بنستعمل العاميه لكن في نفس الوقت مش بنستهين بلغتنا الفصحي ..

كلنا بنغلط يا محمود وكلنا برضه بنستعمل كلمات بسيطه اجنبيه في كلامنا - العيب هو الاستهتار باللغه ومحاوله التملص منها وتفضيل اللغات الاجنبيه علي حساب لغه القرآن

شكرا

ميرسي لمرورك واسفه اني طولت في الرد

joya

03-20-2008, 05:49 AM

اولا تسلمى جويا على الموضوع الجميل

بس الموضوع انتشر جداا

بس الاساس على المدارس والتعليم

بعدين انتو بتتكلمو فى موضوع انه على النت بيكتبو مثلا كلمه خلاص بيكتوبها خلاث

النوعيه دى واخدينها كأنها استايل يعنى

بيكتبوها لبعض على النت بس

بس عموما فعلا فى ناس كتير بتغلط فى الكتابه

والاساس على البدايه وهى المدارس

لانه انتى عارفه مفيش اهتمام بالتعليم فى مصر

خصوصا الفتره الاخيره من اول ما بدأ دراسه الانجليزى من السنه الاولى فى الدراسه

كله دلوقتى بيهتم باللغه الثانيه عشان هى المهمه اما العربى بيقولو دا عربى سهل

مش محتاج طبعا دا مش عارف اقول عليهم ايه بس ................

بس فعلا

لنا الله فيك يالغتنا الجميله

تحياتى ؛؛

طبعا متفقين ان التعليم شيء اساسي في المشكله دي ويمكن هو السبب الرئيسي
وزي ما انت قلت الاهتمام باللغات الاجنبيه علي حساب اللغه العربيه ده فعلا بيحصل

لكن فيه نقطه تانيه - وهو استسهال الشباب في الكتابه والنطق

يعني في الانجليش لازم بننطق حرف ( ث ) وبيعودونا ان طرف اللسان يكون بين الأسنان في النطق وكنا بنسمع تريقه لو نطقنا الحرف ده بالذات غلط --- مين بأه بيطبق ده في نطق العربي ؟؟ مين بينطق حرف ( ث ) في كلمات زي : ثريا - ثواب ...

كمان في الكتابه ممكن نكون عارفين الحروف الصح ونصمم علي كتابه الغلط " مثلا حكايه تضحك ...مره واحد بيكتب قدامي كلمه ( عذر) فكتبها ( عزر) قلتله صلح حرف الـ ( ذ ) قاللي أصل الحرف ده بعيد أوي في الكيبورد وانا بكسل sad_1[1].gif

بالشكل ده ربنا يستر فعلا علي لغتنا

ميرسي لورد لمرورك

سريتا

03-20-2008, 11:25 AM

(هلموا يا اولاد فقد حان وقت الغذاء)

عجبتني الجملة دي هههههههههههههههه ....... احم احم نركز بقي و نتكلم بجد

بجد بجد انت تكلمتي عن موضوع انا بضايق منه اوووووووي ....... يا الهي بموت من اللي بيكتبه بالشكل ده تيب . تبعا.

انشاء االله . دونيا . حاتر .وحاجات كتير ...... تحسي انو الناس بتتكلم لغة تانية او عندها ضعف في الاملاء يا حاجة من

الاتنين بس المصيبة لما تلاقيها بتتعمد تكتب كده كنوع من الدلع .... صحيح زي ما قلتي مش عاوزين نقول هلموا و هيا بنا

و شدوا الرحال و سناخد من كل قبيلة رجلا ههههههه بس نحافظ علي قواعد اللغة البسيطة و بلاش نغير لغتنا و كلامنا

لكلام ساذج يعني انا بجد بضايق من الحكاية و بقعد اصحح ليهم عشان يتحرجوا و يبطلوا الحكاية دي بس لا حياة لمن

تنادي هما مقتنعين انهم بالطريقة دي صح و اكتر خفة ........ بس لم اياس بعد يا انا يا هما هههههه لا و بقولولك ايه سحة

و عافية ههههههههههه و الله فعلا حاجة ضحك يا بنتي بقت اللغة مسخرة بجد . ربنا يعوض علي اللغة بقي الناس بقيت

في قمة السذاجة مش تستبعدي انو اللغة تتغير ...... و لا وفي فئة من العلماء بطالب بازدواجية اللغة و يكون التدريس باللغة

العامية بناءا علي انها مشتقة من اللغة الفصحي و للتسهيل و لانها اكتر استعمالا يعني اذا الفئة المتبصرة في المجتمع

بتقول كده هيفضل ايه ..؟؟؟

Che

03-20-2008, 11:55 AM

joya

03-20-2008, 09:15 PM

انا اللي بينرفزني مش انهم يتكلموا بالعامية لكن لما بيحاولوا يتكلموا بالفصحى
و هم اصلا مش عارفين ابسط قواعد الرفع و النصب
مع ان بسيط اوي ان المذيعة او المذيع يستذكر بعض القواعد البسيطة من ايام المدرسة

و الاهم و اللي بينمي الحس دا اكتر كثرة الاستماع لكلام الله و ما يتميز به من وقع ممتع و مؤثر على الاسماع

احنا عندنا حاجات جميلة كتير مش بنحس قيمتها و يمكن غيرنا بيقدرها اكتر مننا و من ضمنها لغتنا

تسلمي جويا على الموضوع المهم جدا

فعلا من الصور المستفزه المذيعين والمذيعات .. لان دول بالذات المفروض ميغلطوش - كمان المفروض ميتكلموش لغه عاميه

زمان كان بيتعمل لهم اختبارات لغه قويه جدا والي ميعديش منها ميكونش مذيع ابدا -- دلوقتي واضح انهم بيتغاضوا عن الاختبارات دي يمكن علشان واسطه او يمكن عدم اهتمام باللغه من المسؤولين

أكيد الاستماع للقرآن الكريم حيقوي عندنا الحس اللغوي ويساعدنا في نطق الحروف بطريقه صحيحه

معاكي حق مون اللغه العربيه لغه جميله ولها وقع رائع واحيانا تلاقي حروف مفخمه مثلا في القرآن متلائمه مع المعني والعكس

ميرسي لمرورك مون

joya

03-21-2008, 02:52 AM

( هلمي يا سريتا فقد حان موعد اغلاق المنتدي ) ههههههه

فيه ناس عندها ضعف في اللغه بسبب التعليم وفيه واخدين الموضوع دلع وهزار - وده ينرفز اوي
بس متيأسيش 7_5_129.gif خليكي وراهم

فعلا الي بتكلم فيه هو الفئه الجديده " المتعلمين الجهله " المفروض انهم عدوا كل مراحل التعليم الاساسيه والجامعيه ومش بيعرفوا يكتبوا أبسط الكلمات

بنت أعرفها بتكتب كلمات " الفاتحه " غلط ( مأساه يعني )

والله مهم جدا نتمسك بلغتنا العربيه كفايه انها لغه القرآن الكريم

ميرسي سريتا لمرورك

joya

03-21-2008, 03:03 AM

إذا كانت اللغات هي مفتاح العقول .. وترجمان الحضارات
وإذا تعددت اللغات واختلفت في جوانب عديدة .. وتباينت في الحقب التاريخية بين القدم والحداثة..
إذا اختلفت هذه اللغات عن بعضها في عدة أمور .. كعدد أحرفها مثلاً.. أو مخارج تلك الحروف وطرق تركيبها في كلمات ومن ثم في جُمل
فلا بد أن هناك لغة قد تميزت بمحاسن ندرت في اللغات الأخرى أو ربما انعدمت هى اللغة العربية وما هتكلم عن معوقت اللغة العربية الجارية حاليا

ميرسي لرأيك المميز تشي وفعلا لو قارنا بين اللغه العربيه وأي لغه تانيه حنلاقي مافيش وجه للمقارنه

كل لغه أجنبيه تلاقي فيها نقاط ضعف الا العربيه

يعني مثلا في الانجليزي لما تقول you مش بتكون عارف انت بتوجه الكلام لمذكر ولا مؤنث

والأرقام الفرنساوي فيها نوع من أنواع السذاجه يعني رقم 70 بيتكتب 60 وعشره ورقم 71 بيتكتب 60 و 11 blind.gif
بحس ان اللي اخترع الارقام الفرنسيه أكيد كان طفل

ربنا كرمنا بأجمل وأدق لغه وكل ما علينا محاوله التمسك بها

كان نفسي تشاركنا في معوقات اللغه الموجوده حاليا

بس مشكور علي مرورك che