السلام عليكم ورحمة الله وبركاته


اليوم بعد تردد قررت اكتب اول موضوع بنفسي مش نسخ او لصق ....


قد يكون الموضوع غريب..ولكن يستحق القراءه والتفكير..


كثير من الايتام..يعيشون في الملاجئ...يفتقدون لتوجيه الاب..وحنان الام

هؤلاء لا ذنب لهم..ولم يختاروا ذلك بانفسهم..


انها مشيئة خالق الارض والسماء..


كثير من الازواج حرموا من نعمة الاولاد...يفتقدون لصوت ناعم يقول "بابا" و "ماما"..او حتى بكاء لذيذ يقلق نومهم


هؤلاء لا ذنب لهم..ولم يختاروا ذلك بانفسهم..


انها مشيئة خالق الارض والسماء..

اذا تم التوفيق بين هؤلاء وهؤلاء...الا تعتقدون بانه شيء رائع...الا تعتقدون بان كل طرف سيجد ضالته..


قد لا تكون الفرحه كما لو انهم عائله حقيقيه...ولكنها تظل فرحه...ومساعده...واجر .


انا كتبت الموضوع ده بعد زيارة لملجا للايتام ..... مهما عبرت بالكلمات مش هقدر اوصف شعوري بعد مغادرته كان

عامل ازاي بجد حاجة تخلي القلب يدمي ..... اطفال زي الملائكة ذنبهم ايه يتحكم عليهم بالموت قبل ما يبدؤا حياتهم ..!!!

والمسوؤلة عن الملجا قالتلي انو الملجا بيرعي الاطفال لسن معين و بعد كده مش مسؤول عنهم طيب مصير الاطفال دول

ايه بعدين ؟ هل يا تري المجتمع هيتقبلهم ؟ اكيد المجتمع بكل ما يحمله من ظلم هيخليهم منبوذين طيب هما ذنبهم ايه ؟

الولد بالتفرقة العنصرية اللي موجودة برضو في المجتمع ممكن يعرف يعيش و البنت مصيرها هيكون ايه ؟ مش هتلاقي غير الشارع بكل

مساوئه بيرحب فيها ...!!

مش شايفين انو في حكمة من ربنا في جعل ناس عقيمة و ناس مش عقيمة عشان يتكفلوا بيتيم يملي عليهم حياتهم و

ينقذوا مستقبله او بالاصح يعملولوه مستقبل اصلا زي بقية البشر ..... ليه يا جماعة مش كل انسان قادر و ربنا مديه يكفل

يتيم و يدخل بيه الجنة الرسول بيقول (انا و كافل اليتيم في الجنة هكذا و اشار باصبعيه)

هقول حاجة اخيرة اتخيل نفسك مكان اليتيم ده محروم من حنان الابوين و من الرعاية و دفيء الاسرة و من كل حاجة

حلوة بالحياة ..... و من هنا بوجه سؤالي للجميع


ما رأيكم بـ "التبني"...في ظل حدود الشرع ؟

اعتقد حسب معلوماتي ان الشرع مبيح التبني علي شرط الا يكتب الولد المتبني بأسم الاسره التي تبنته

وطبعا الاسلام اتكلم كتير عن رعايه اليتيم وكفالته ومراعاه حقوقه وثوابها كبير جدا عند ربنا

انا مره زرت ملجأ بنات وجتلي حاله من الحزن زيك كده بالظبط وحسيت ان لازم يكون فيه مراعاه من الدوله أكبر من كده للأطفال دول
يعني زي ما قلتي - بعد سن معين - البنات دول مضطرين يغادروا الملجأ ويشقوا طريقهم في الدنيا لوحدهم !! طيب ازاي بالعقل ؟؟

ما هو يا حينحرفوا .. يا حيكونوا ضحايا لناس تحاول تستغلهم

موضوع التبني موجود في مصر سيريتا ( مش ممنوع خالص ) بس المشكله ان العائلات الي عندها استعداد للتبني أكيد عددها أقل كتير من عدد الأطفال الايتام دول

انا شايفه ان الحل ( بجانب تشجيع التبني من جانب الاسر القادره ) هو اهتمام الحكومه بدور الرعايه والصرف عليها واستغلال مواهب وقدرات الاطفال دي في حاجه مفيده بدل ما ترميهم في الشارع لما يوصلوا 16 سنه

ميرسي سريتا انك فتحتي الموضوع للمناقشه

التبني هوه عمل خيري يجازا عليه صاحبه في ظل الحدود الشرعيه على ان يراعا فيه اسس التبني المشروعة في الاسلام لا ان يكون بغرض الاستخدام او الانتقام او ...........


ميرسي على الموضوع الجميل

اعتقد حسب معلوماتي ان الشرع مبيح التبني علي شرط الا يكتب الولد المتبني بأسم الاسره التي تبنته

وطبعا الاسلام اتكلم كتير عن رعايه اليتيم وكفالته ومراعاه حقوقه وثوابها كبير جدا عند ربنا

انا مره زرت ملجأ بنات وجتلي حاله من الحزن زيك كده بالظبط وحسيت ان لازم يكون فيه مراعاه من الدوله أكبر من كده للأطفال دول
يعني زي ما قلتي - بعد سن معين - البنات دول مضطرين يغادروا الملجأ ويشقوا طريقهم في الدنيا لوحدهم !! طيب ازاي بالعقل ؟؟

ما هو يا حينحرفوا .. يا حيكونوا ضحايا لناس تحاول تستغلهم

موضوع التبني موجود في مصر سيريتا ( مش ممنوع خالص ) بس المشكله ان العائلات الي عندها استعداد للتبني أكيد عددها أقل كتير من عدد الأطفال الايتام دول

انا شايفه ان الحل ( بجانب تشجيع التبني من جانب الاسر القادره ) هو اهتمام الحكومه بدور الرعايه والصرف عليها واستغلال مواهب وقدرات الاطفال دي في حاجه مفيده بدل ما ترميهم في الشارع لما يوصلوا 16 سنه

ميرسي سريتا انك فتحتي الموضوع للمناقشه


اكيد يا جويا التبني جائز بشرط الا يكتب الطفل باسم الاسرة ......... اما من ناحية انو عدد العائلات اللي عندها استعداد

اقل من العدد الكبير اللي موجود في الملاجيء بس انو لو 20% من الاسر دي قامت بالخطوة دي هيبقي حلو اوي و

الباقي ربنا لهمsad_1[1].gif و اكيد المسوؤلية الكبيرة بترجع للدولة بتوفير حياة كريمة لهم بس اذا الدولة متجاهلة الموضوع و حطاه

اخر اهتماماتها shootme.gif ...... لازم الناس تحس بغيرها و تبطل اسطوانة كل واحد ربنا يعينه علي نفسه و تحاول

تساعد و لو بمجرد ساعات تقضيها مع الاطفال دول و يحسسوهم بالحنان و الاهتمام .. تعرفي يا جويا انا دلوقتي

بقيت امنية حياتي اني اتكفل بيتيم في المستقبل بجد و يا رب اقدرها احققها

مشكوووور يا قمر ع المرور و المشاركة الجميلة

التبني هوه عمل خيري يجازا عليه صاحبه في ظل الحدود الشرعيه على ان يراعا فيه اسس التبني المشروعة في الاسلام لا ان يكون بغرض الاستخدام او الانتقام او ...........


ميرسي على الموضوع الجميل


كلامك صحيح زيتو بس انو يكون التبني للاستغلال او الانتقام و غيره يبقي كارثة ....... ده الملجا ارحم علي كده يعني

يطلعو من ذل لجحيم اكبر shootme.gif


مشكور زايتو علي المرور الجميل ,.,.,

موضوع رائع سريتا

اكيد دي حاجه فعلا صعبه
وهوة لو يفكرو الناس ما عندهم اولاد بالتبني اكيد هيكون حاجه كويسه
للاطفال اللي ماعندهم اهل او ايتام

بس عندنا بالشرق او بالمجتمع العربي ما بشوف ناس كتير بتتبنى اطفال
او بلجئو للتبني بس بالمجتمع الغربي بالعكس الشي ده ظاهرة خصوصا
عند الفنانين وده اكيد شي كتير كويس وبكده يلقو ناس تهتم بيهم وترعاهم




عندنا لجيل 18 سنه الاطفال دول بكونو مسؤولين عن انفسهم
بس ليه عندكم جيل 16...؟

وزي ما حكت جويا اكيداغلب الاطفال عندهم ابداعات او حاجات بحبو يعملوها
لو الحكومه ساعدتهم ينمو الابداع اللي عندهم اكيد هيكون افضل ليهم
ولزم كل الدول تساعد الاطفال دول وتهتم بيهم وكمان الشعب نفسه يساعد
لو بجزء بسيط


تسلمي سريتا

فعلا حاجة توجع القلب انك تلاقي اطفال ملهمش اي ذنب موجودين في الملجا

مفتقدين ابسط حقوقهم ان يكون عندهم اسرة ترعاهم

وعلي فكرة الملجا كمان مش علي قد الايتام بس في ناس بترمي اولادهم

يعني انا كنت مرة بزورهم بسال المشرفة انتوا بتلاقوهم ازاي

قالتلي انهم بيلاقوهم مرمين في الشارع او حتي في صفائح القمامة

يعني في ناس بيكونوا مش مقدرين النعمة اللي في ايديهم

وفي ناس كل امنيتهم انهم يكون عندهم حتي لو طفل واحد

طبعا فكرة التبني حرام في الاسلام علشان ميكونش فيه خلط في الانساب

لكن هما ممكن يربوهم زي اولادهم او مع اولادهم

بجد لو كل واحد فكر بان الاطفال دي ملهاش ذنب وقد ايه هياخد ثواب

كبير بانه يكفلهم ويربيهم وطبعا يكون عنده قدرة مادية هتكون حاجة جميلة

في حاجة انا عارفة انها ملهاش علاقة بالموضوع بس بجد مهمة اوووي

اكيد مش كل الناس عندهم قدرة انهم يتبنوا او يكفلوا اطفال

بس ع الاقل يقدروا انهم يدخلوا الفرحة بقلوب الاطفال دي بانهم يزروهم

يشاركوهم ممكن يتبرعوا بمبلغ صغير او يجبولهم حاجات هما محتاجنها

اكيد الملجا مش قادر يوفرلهم كل الاحتياجات فعلي الاقل نساعدهم بحاجات بسيطة

بجد الاطفال دي جميلة اووي وكفاية ابتسامتهم لما تساعدهم او تفرحهم

ياريت بجد نزورهم ونساعدهم متهيالي دي حاجة بسيطة اووي بس عليها ثواب كبير

نرجع بقي لفكرة التبني انا شايفة ان المفروض الدولة ليها دور كبير

بمعني ان مش كل الافراد هيقدروا يتبنوا كل الاطفال فالمفروض الدولة

تنشئ ليهم مؤسسات ترعاهم لغاية ميقدروا يعتمدوا علي نفسهم

ياريت بجد ده يحصل


موضوع جميل اووووي ياسريتا وكفاية انك انتي اللي كتباه واسلوبك رووعة بجد

جزاكي الله كل خير

وف انتظار مواضيع ليكي جديدةflowers.gif

بالنسبة لكفالة الايتام هي عمل انساني جميل و سنة من سنن نبينا عليه افضل الصلاة و السلام

و المفروض على اي مسلم ظروفه المادية تسمح بكفالة يتيم ميحرمش نفسه من الثواب العظيم دا

و مش بالضرورة يكون محروم من الاطفال كتير ناس بيربوا ايتام مع ولادهم

بس المشكلة هي نظرة الناس لسه مش ناضجة للمسألة دي

و بينظروا دايما لاطفال الملاجئ و اللقطاء على انهم مجرمين او بني ادمين درجة تانية

و مش بيتصورا ان ممكن تدور الدنيا و يكون ولادهم في نفس الموقف لاي سبب

او ان هم نفسهم كان ممكن يكونوا في الموقف دا

النظرة المنصفة النابعة من تعاليم و اخلاقيات ديننا الاسلامي اكيد الاتزام بيها مع الاقتناع

ممكن كتير يغير النظرة دي

تسلمي يا سريتا يا قمر على الموضوع الانساني الجميل دا

جنات

وده اللي انا بقوله انو يتم التوفيق بين الطرفين و انا متاكدة انهم كل الطرف هيوفر لتاني السعادة اللي هوا محتاجها


و بعيدا عن السن سواء 18 او 16 فبرضو المشكلة هيا هيا مش هتتغير ....!!!!


مشكوووووووورة يا قمر عالمشاركة الجميلة

ياسمين ...........

كلامك صحيح الانسان اللي مش بيقدر علي كفالة اليتيم قادر علي ادخال السعادة لقلوبهم بانو يقضي ساعات معاهم

و بالنسبة لكفالة الايتام فهي مش حرام لكن بشروط اللي اهمها عدم تسجيل الطفل باسم العائلة اللي هتتكفل فيه لمنع

اختلاط الانساب زي ما قلتي .


مشكوووووووووورة يا قمر عالمرور و المشاركة الجميلة.


تحياتي.,.,

فعلا المشكلة الاساسية نظرة المجتمع ليهم اللي بينظر ليهم كانهم مجرمين و غلطانين و زي ما قلتي بشر من الدرجة

التانية لو كل انسان فكر انو ممكن يكون اليتيم ده و فكر و لو للحظة انو يحس بمعاناتهم اكيد هتخلف القضية و هتتغير

من جذورها .


مون مشكوووووووورة يا عسل عالمرور الجميل و المشاركة الاجمل

انا جيت الموضوع متأخر ومش لاقى كلام اقوله


هاكتفى بالشكر

تسلمى سريتا

ولا تحرمينا من مواضيعك

تحياتى ؛؛

سريتا بجد والله موضوع رائع

وجزاكى الله خيرا


وانا بجد عاجز عن الرد على الموضوع

من شده اعجابى بيه

جزاكى الله خيرا

انا جيت الموضوع متأخر ومش لاقى كلام اقوله


هاكتفى بالشكر

تسلمى سريتا

ولا تحرمينا من مواضيعك

تحياتى ؛؛


مستر لورد

ان تاتي متاخرة خيرا من ان لا تاتي ابدا ..... و كفاية مرورك الكريم اللي نور الموضوع


مشكووووووور عالمرور الجميل ......


تحياتي,.,.,

سريتا بجد والله موضوع رائع

وجزاكى الله خيرا


وانا بجد عاجز عن الرد على الموضوع

من شده اعجابى بيه

جزاكى الله خيرا



ربنا يخليك ظل ...... ده من زوقك بس,

نورت الموضوع بمرورك العطر,


تحياتي ,.,.,

اكيد مش فيه حد يرفض يتبنى
عشان الطفل ذات نفسه وعشان خاطر الثواب
واكيد مش هرفض اتبنى فى حدود الشرع

بصى انا مش عارفة اقول اية
بس انتى عندك حق
وبجد حاجة جميلة منك انك تناقشى
الموضوع دة
وياريت الناس تعمل بالكلام دة
وياريت الحكومة فعلا تهتم وتصرف على الاولاد والبنات دول
هما عندنا فى مصر هنا
ناقشوا الموضوع دة كتير
بس ولا حياة لمن تنادى
انا
مش عارفة انهى كلامى فى الموضوع دة
وفعلا هما صعبانين عليااوى والله يكون فى عونهم
وتسلم ايديك