لو كنت مستقبلا هؤلاء في بيتك ...

[joya]

لو كنت مستقبلا هؤلاء في بيتك ...

من منهم سترحب به وتكرمه كضيف غالي ؟ ومن سيشرب قهوته وتحاول التخلص منه فورا ؟

من منهم ستطرده شر طرده ؟؟ وأي منهم ستود أن تناقشه وتحاوره ؟





ولنبدأ بالشخصيات

(( ماذا ستسأل كل منهم ؟؟ ))


^
^
^
^
^
^



* جورج بوش

* عمرو دياب

* حسني مبارك

* نانسي عجرم

* بيل جيتس

* عصام الحضري

* أسامه بن لادن

* عمرو خالد

* عمر الشريف

* أبو تريكه

* وزير التعليم ( معرفش اسمه بصراحه )

* المذيع اسامه منير

* أنجلينا جولي

* اقبال بركه

* وأي الشخصيات الأخري كنت تود ان تستقبلها ولم تذكر في الموضوع ؟

[Mr-LOrd]

لو كنت مستقبلا هؤلاء في بيتك ...

هو بيتنا مش كبير اوى كدا ههههههههههههههههه


من منهم سترحب به وتكرمه كضيف غالي ؟ ومن سيشرب قهوته وتحاول التخلص منه فورا ؟

من منهم ستطرده شر طرده ؟؟ وأي منهم ستود أن تناقشه وتحاوره ؟





ولنبدأ بالشخصيات

(( ماذا ستسأل كل منهم ؟؟ ))


^
^
^
^
^
^



* جورج بوش

بره بيتى ياكلب


* عمرو دياب

بصى ياجويا هو الكلام للمثلين والمشاهير هايكون كلام واحد وسؤال واحد

ليه متتبرعش بجزء من فلوسك للناس اللى محتاجاها


* حسني مبارك

حبيب هارتى

ياترى انت حاسس بالشعب
عارف كام واحد بيدعى عليك كل يوم ؟

هتاخد معاك ايه وانت طالع من الدنيا ؟؟؟

فين فلوس مصر ثروات مصر فين

ويشرب قهوته ويتوكل على الله

* نانسي عجرم
مبسوطه كدا والناس بتتفرج على لحمك ؟

* بيل جيتس

يشرب ويروح


* عصام الحضري

انا معاك فى اللى انت عملته ليك حق


* أسامه بن لادن

ربنا معاك بس من غير تفجيرات فى المسلمين عشان حرام تقتل نفس مالهاش ذنب

* عمرو خالد

سمعت عنك كتير بس محاولتش اقرا لك كتب او اشوف لك دروس ممكن تكلمنى شويه عن الاسلام


* عمر الشريف

مفيش حاجه معينه

* أبو تريكه

حبيب الملايين ربنا يوفقك


* وزير التعليم ( معرفش اسمه بصراحه )

ربنا ولا بلاش ليه متهتموش بالتعليم الصناعى وتعملو ثوره صناعيه بما أننا خلاص مش عارفين الزرع بيروح فين

* المذيع اسامه منير

كلامك حلو بس للناس الفاضيه


* أنجلينا جولي

لا فى مشاكل بينى وبينها دى هههههههههه مفيش كلام هاقوله لها روحى يما افراج

* اقبال بركه

مفيش كلام معين
* وأي الشخصيات الأخري كنت تود ان تستقبلها ولم تذكر في الموضوع ؟


تسلمى ياجويا على الموضوع الجميل

وعلى فكره انا جاوبت بمرح لانى مخنوء من كام شخصيه كدا فيهم

بس مش عشان انا مستهزاء بالموضوع

تحياتى ؛؛

[joya]

تسلمى ياجويا على الموضوع الجميل

وعلى فكره انا جاوبت بمرح لانى مخنوء من كام شخصيه كدا فيهم

بس مش عشان انا مستهزاء بالموضوع

تحياتى ؛؛


كلنا مخنوقين من نفس الاشخاص دي ههههههه

وتسلم علي ردودك الجميله لورد

الحمد لله انك خدت الموضوع بمرح bigsmile[1].gif أنا خفت الموضوع يكون دمه تقيل علشان كده حطيت شخصيات مختلفه يعني مشهورين بالكوره مع السياسه مع الفن مع شخصيات اجتماعيه

welcomeani.gif

[بوسي الشقية]

* جورج بوش

مش هادخلة البيت اصلا

* عمرو دياب

يالهوى دة ينور الدنيا كلها

* حسني مبارك

ممكن استقبلة بس ساعتها هاشتكيلة من اللى بيحصل فى البلد اللى خربت

* نانسي عجرم

عسولة وبحبها


* بيل جيتس
معرفوش

* عصام الحضري

قليل الاصل ولا يمكن افكر ادخل البيت بردو

* أسامه بن لادن

اعرفة واسمع عنة بس معرفش اذا كان كويس ولا لا

* عمرو خالد
ماشاء الله علية دة استقبلة استقبال حافل

* عمر الشريف

بردو بحبة

* أبو تريكه

كلنا بنموت فية

* وزير التعليم ( معرفش اسمه بصراحه )

هاطردة

* المذيع اسامه منير
دة حبيب البنات والشباب طبعا هارحب بية

* أنجلينا جولي

وهى تيجى عندى لية


وميرسي جداااا
على التوبيك الجامد دة وتسلم ايديك

[joya]

lord

بيل جيتس يشرب ويروح ليه ؟؟ ما تستغل فرصه وجوده وتخليه يصلح لك الكمبيوتر مثلا أو يحدثهولك ههههههه يعمل بقهوته الي شربها

لو فيه مشاكل بينك وبين انجلينا جولي ومحاكم وقضايا وكده -- ممكن المنتدي يقوم لك محامي كويس وكل واحد ياخد حقوقه shiny[1].gif

عمرو خالد شرايطه جميله جدا علي فكره - بالذات سلسله اصلاح القلوب ولو حد حيبدأ يسمعه أنصحه بشريط اسمه " محبه الله للعبد " أكتر من رائع

ميرسي لورد لمرورك

[joya]

بوسي ميرسي يا قمر لمرورك

يتهيالي كلنا مش حنرحب ببوش لان مافيش حاجه نقولهاله
ربنا ياخده

بس حتطردي وزير التعليم ليه بس ؟ ما تتكلمي معاه هههههه يمكن لما حد يوريله غلطه يفهم المشكله ويحاول يحل لنا أكبر مشكله في حياتنا

ميرسي بوسي منوره التوبيك

[Mr-LOrd]

لا انا مش محتاج بيل فى حاجه انا بعمل جهازى بنفسى الحمد لله


وطالما المنتدى هايقوم لى محامى ومش هادفع خلاص انا موافق هههههههههههه


وهحاول اسمع لعمرو خالد ان شاء الله فى اقررب وقت


تحياتى ؛؛

[moonlight]

نبدأ باللي هطردهم شر طردة و هم بوش و ابن لادن و اقولهم ربنا ياخدكم و ينتقم منكم

انتو اللاتنين ranting.gif


اللي ممكن استقبلهم و اتحاور معاهم الاستاذ عمرو خالد و بيل جيتس و اكيد هحاول استفيد

من خبراتهم و اسلوب حياتهم اللي قادهم للنجاح في الوصول لاهدافهم

و هضيف ليهم الدكتور ابراهيم الفقي كمان victory.gif


و بالنسبة للباقي فلا تهمني استضافتهم في بيتي و لا اتصور ان حواري معه سيكون مفيدا

فمش هستقبلهم اصلا ... shootme.gif

تسلمي جويا على الموضوع الجميل flowers.gif

[joya]

موون

ليكي حق تطردي الاتنين الي طردتيهم ... يستاهلوووا

عمرو خالد وبيل جيتس شخصيتين الواحد حيحب يتكلم معاهم لان أكيد بيتمتعوا بذكاء رهيب كل واحد في مجاله

حتوفري المشروبات birgits_giggle.gif ومش حتستقبلي حد من الشخصيات الرياضيه والفنيه هههههه

لا بجد .. معاكي حق - لان الشخصيات الي مش عاجبانا مش حتتغير حتي لو الواحد نصحها- فأحسن نوفر علي نفسنا المجهود

ميرسي علي مرورك يا قمر .. وحمد الله بسلامتك
shiny[1].gif

[joya]

* جورج بوش

لا .. ده يمشي من علي الباب
خساره فيه الكلام


* عمرو دياب

مش عارفه أقول له ايه .. ممكن يشرب حاجه ويقوم
جايز اقول له انا بحب أغانيك بس " مش بتحس ان حياتك كلها حرام ؟ لانها قايمه علي الغناء وفيه شيوخ كتير بيحرموا الغناء "


* حسني مبارك

" أحاول أكلمه من ناحيه الدين - ازاي كل واحد مننا حيقف قدام ربنا في يوم - يا تري حندافع عن نفسنا ازاي ؟ يا تري حيعمل ايه يومها انسان ظلم نفسه وظلم غيره .. "


* نانسي عجرم

أقول لها :" انتي جميله جدا دلوقتي - جمالك ده حيستمر كام سنه ؟ "


* بيل جيتس

" يا تري كانت بدايتك ازاي وكنت كام سنه ؟ كام واحد في بدايه حياتك عارضك و سخر من أفكارك عن تطوير الكمبيوتر ؟ "
وبعدين أقدم له بيبسي ويقعد بأه يصلح الكمبيوتر عندي هههههه


* عصام الحضري

موضوعك زاد عن حده أوي وبصراحه مبقيتش فارق معايا تقعد ولا تهاجر للقمر


* أسامه بن لادن

اقوله :" اتقي الله - الاسلام دين يسر وأخلاق عليا ومش دين ارهاب وقتل مدنيين - حرام عليك شوهت صوره الاسلام وبسببك أصبح المسلم دايما متهم بانه ارهابي "


* عمرو خالد

" جزاك الله كل خير - انت كنت السبب في رجوع كتير من الشباب والشابات للتمسك بالدين وميهمكش اي حملات ضدك - كلها حملات مغرضه
بس نصيحه - لك انك تقبلها او ترفضها - خليك أبسط من كده في لبسك حتكون أقرب للناس



* عمر الشريف

كفايه عليه بيبسي أو شاي ويقوم - بصراحه مافيش حاجه نتكلم فيها مع بعض ههههههه


* أبو تريكه

أٌقول له :" سبحان الله - وشك فيه القبول ومحبه الناس ليك مش طبيعيه - ربنا يكرمك وكفايه الأعمال الخيريه الي بتعملها ودايما بتحاول تكون في السر



* وزير التعليم ( معرفش اسمه بصراحه )

هههههههههه ده بأه ممكن أتكلم معاه يومين - عن نظام التعليم وليه بيحاولوا يعقدوا الطلاب بالمناهج المعتمده علي الحفظ ؟
هل الي بيحفظ كتير اوي وبيجيب نتايج عاليه يعتبر انسان ذكي ومفيد للمجتمع بعد كده ؟ ولا ايه هدف التعليم بالظبط ؟
ده حيشرب عندي شاي وقهوه واحتمال نحضر له الغدا لان القعده حتطول ههههههه


* المذيع اسامه منير

أقول له انت انسان عايش في الدور وموضوعاتك التافهه تدل علي شخصيه صاحبها


* أنجلينا جولي

اسألها :" انتي عملتي كام عمليه تجميل في وشك ؟ " ومش بتخافي من العمليات دي علي صحتك ؟ وهل حاسه انك تستاهلي لقب أجمل امرأه في العالم ؟



* اقبال بركه

احتمال أرميها من الشباك - عموما مش حقدر أتكلم مع انسانه بتعتبر نفسها مسلمه وبتتهجم علي الاسلام بالشكل ده -



* وأي الشخصيات الأخري كنت تود ان تستقبلها ولم تذكر في الموضوع ؟


أحب استقبل العالم اسامه الباز لانه شخصيه مبهره جدا وبيبهرني بذكائه وعلمه لما ساعات أشوفه علي التلفزيون

[الجنرال العبسى]

السلام عليكم ورحمة الله وبركاته
جورج بوش
ايه اخبار كوندليزا
عمرو دياب
مبروك الكليب الاخير رائع
حسنى مبارك
الشعب بيموت حرام عليك
نانسى عجرم
اتفضلى يا قمر
بيل جيتس
صلحلى الكمبيوتر وهاتلى هارد جديد
عصام الحضرى
براحتك نام على الجنب اللى يريحك بس اعمل بالعيش والملح اللى كلتهم ف الاهلى
اسامه بن لادن
ممكن انضم للقاعدة؟
عمرو خالد
كلامك حلو بس مين يسمع ويعتبر
عمر الشريف
من ع الباب هطرده ( برااااااااااااااا)
ابوتريكه
اتفضل يا سيادة الامير
وزير التعليم
ارحمونااااااااااااااااااااااااااااااااايا كلاب
اسامه منير
انتا دماغك فاضية وبترط كتير
اقبال بركه
برااااابرااابراااااااااااااابراااااااااااااا

[joya]

ميرسي جنرال لردودك

بس عندي سؤال .. عايز تنضم للقاعده علي أي اساس ؟

[yasmeen]

اممم هضايف مين واستقبل مين لو هيجيبوا اكلهم معاهم انا موافقة

غير كده انا مش فاضية evil_lol[1].gifevil_lol[1].gif

ولا اقولك يلا كل بثوابه boxing.gif


* جورج بوش بررررره هقفل البااب في وشه

* عمرو دياب اقول ايه ده اممم ممكن اعزمه علي بيبسي علي حسابه وبعد ده امشيه

* حسني مبارك اممممم حاسة هقوله كلام كتير وهحكيله عن المشاكل بتاعة الشعب
واقوله مش هتخرج من البيت chair.gif الا لما تشوف حل للكل اللي بيحصل في البلد ranting.gif

* نانسي عجرم هخليها تقسم مع عمرو البيبسي shiny[1].gif

* بيل جيتس هقعد معاه قعدة عرب عايزة اعرف كل حاجة عنه وازاي كانت بدايته
واحتمال بسيط اعزمه علي عصير baby.gif

* عصام الحضري هقوله مش تستحق كل اللي الناس عملته معاك كانك مجرم حرب انت عندك حق
وكل انسان حر في حياته

* أسامه بن لادن حسبي الله ونعم الوكيل انت شوهت صورتنا قدام العالم كله وخليتهم يربطوا
الاسلام بالارهاب انا نفسي اعرف بتفكر ازاي ( كل ده من علي الباب طبعا nosweat[1].gif

* عمرو خالد هرحب بيه ترحيب جامد اووي جداا خالص وهدعيله ربنا يوفقه ويستمر في دعوته


* عمر الشريف مش بحبه

* أبو تريكه هرحب بيه طبعا وهقوله انه انسان محبوب ومحترم ومفيش مانع
اعزمه علي بيبسيbf_new.gif

* وزير التعليم ( معرفش اسمه بصراحه ) بررررررررررره من غير ولا كلمةbash.gif

* المذيع اسامه منير مش بسمعله اصلا اصلا مش هدخله

* أنجلينا جولي مش عندي كلام اقولهلها بس ممكن ادخلها

* اقبال بركه دي بالذات هولع فيها وبعد كده اطردها getOUT_2.gif


* وأي الشخصيات الأخري كنت تود ان تستقبلها ولم تذكر في الموضوع ؟

طلعت السادات بحس انه اخر الرجال المحترمين وشخصية ذكية جدا



تسلمي ياعسولة علي الموضوع اللذيذ flowers.gif

[joya]

Yasmin

انتي طلعتي كريمه جدااا كل الي جبتيه للشعب ده كله واحد عصير وواحد بيبسي عمرو ونانسي حيقسموه مع بعض ههههههه 2smiley.php.gif

أنا معاكي أولع في اقبال بركه علشان هي غايظاني أوي .. ربنا ينتقم من كل الي بيهاجم الاسلام

وزير التعليم .. والله مااعرف اسمه لان كل وزراء التعليم زي بعض - محدش بيفيد التعليم فعلا .. والي حيجي بعده حيكون زي قلته زي ده برضه
(يستاهل الطرد )

لو ناويه تعزمي طلعت السادات كمان يبقي تعالي علي نفسك وهاتي صندوق بيبسي وأمرك لله هههههه

ميرسي يا قمر لمرورك

[M7mod 7osni]

هاطرد

* جورج بوش
و
* حسني مبارك

و اطرد اسامه منير

*******************
و اطرد

* نانسي عجرم
و
* بيل جيتس
و

و اطرد أسامه منير
*******************

و بعدين اطرد

* عصام الحضري
و
* أسامه بن لادن
و
ارجع اطرد أسامه منير

******************
عمرو دياب ظريف

خليه يعمل جو

عمر الشريف غلبان و راجع منكسر من بلاد بره يقعد يريح رجله

بس الاول نطرد * اسامه منير

*****************
* عمرو خالد

ده مايطردش طبعا ده ده يتشال ع الراس من فوق بس هاعتب عليه فى الدعايه لحمله حماية علشان فيها حاجات مش عاجبانى


* أبو تريكه

يا نهار ابيض

ابو تريكه ده انا اعمله فرح ربنا يحميه يا رب
*******************

بالنسبه لأسامه منير هاطرده

*******************

* وزير التعليم ( معرفش اسمه بصراحه )

اعتقد انه مش هايسيب الريس بتاعه ينطرد لوحده

******************
* أنجلينا جولي

احم احم


أأأأأ و الله ... هيا .... مهما كان واحده ست و غلبانه و منكسره اهى قاعده ( مش كده وللا ايه؟ )

ولا يقولو علينا ماعندناش نخوه .... احنا مهما كان رجاله
*****************
* اقبال بركه

بره يامه و رينا عرض كتافك

*****************

كده فاضل مين مين مين

؟
؟
؟
؟
؟
؟
؟
؟
؟
؟
؟
؟
؟
؟
؟
؟
؟

ايه ؟؟؟؟؟؟ أسامه منير؟

؟
؟
؟
؟
؟
؟
؟
؟
؟
؟
؟

لا ماخلاص طردناه قبل كده

[joya]

محمود

ههههههههههههههه

انت فيه ثأر بينك وبين أسامه منير ؟؟ ده الراجل كرامته ضاعت خالص من كتر الطرد --- يلا هو يستاهل عموما

وبعد ما انت تطرده ابقي سيبهولي اطرده مره من نفسي انا كمان victory.gif

وبعدين انت جيت عند انجلينا ومقدرتش تطرد اممممممم يا تري ايه السبب .. أل غلبانه ومنكسره أل هههههههه

أنا معاك في كل الي طردتهم ... توفير برضه

ميرسي لمرورك

[Mostafa Salah]

لو كنت مستقبلا هؤلاء في بيتك ...

من منهم سترحب به وتكرمه كضيف غالي ؟ ومن سيشرب قهوته وتحاول التخلص منه فورا ؟

من منهم ستطرده شر طرده ؟؟ وأي منهم ستود أن تناقشه وتحاوره ؟





ولنبدأ بالشخصيات

(( ماذا ستسأل كل منهم ؟؟ ))


^
^
^
^
^
^



* جورج بوش

روح يا شيخ منك لله bash.gif


* عمرو دياب

نورتنى يا كينج >> حاجه ساقعه هنا يا بنى bf_new.gif


* حسني مبارك

طبق فول للريس اصله ميعرفوش carl_please.gif


* نانسي عجرم


سمعت كده ان فى واحد متقدملك smiley_wedding.gif


* بيل جيتس


اشرب القهوة واتفضل ورينى عرض كتافك smokem2.gif

* عصام الحضري

ليه يا بنى سبت بيتك وهربت warning.gif


* أسامه بن لادن


دمر بس اوعى تعور admin1.gif


* عمرو خالد


مبيفهمش فى الدين ومينفعش يكون داعيه :: ده راى :: لا تعليق exclamationpoint[1].


* عمر الشريف

فين ايامك shootme.gif


* أبو تريكه


الدنيا منورة بيك ودايما رافع راسنا clap[1].gif

* وزير التعليم ( معرفش اسمه بصراحه )


قوم تابع شغلك وشوف الخراب اللى فى التعليم flex.gif

* المذيع اسامه منير


بكرهه مش عايزه يجيلى ranting.gif


* أنجلينا جولي

اسطوره السينما العالميه icon30[2].gif


* اقبال بركه

* وأي الشخصيات الأخري كنت تود ان تستقبلها ولم تذكر في الموضوع ؟


كفايه كده حلو اوى هى حفله bleh[1].gif

[joya]

هههههه ماشي يا مصطفي كفايه عليك ال 3 الي حتستضيفهم - حيكلفوك 3 بيبسي بحالهم bleh[1].gif

عموما أنا زيك مش ححب أستقبل طبعا لا جورج بوش ولا اسامه منير

بس كتر خيرك انك حتجيب لحسني طبق فول ،، أنا لو منك أدلقه فوقه hysterical.gif

ميرسي مصطفي لمرورك