عملة السجن .. السجاير ... عملة المنتديات .. الجنيه المشكورى [الأرشيف] - مـنـتـديـات شـقـاوة طريـقـكـ نـحـو الابـداعـ والـتـمـيـز

عرض الإصدار الكامل : عملة السجن .. السجاير ... عملة المنتديات .. الجنيه المشكورى

M7mod 7osni

04-11-2008, 08:59 PM

مقدمة :
عدد كلمات ( مشكور ) التى يمكنك كتاباتها يوميا ... هى مقدار ما يسمح لك بالحصول عليه من اصحاب الحصريات

اذن العمله داخل المنتديات هى

الجنيه المشكورى

************************************************** **************

لما تحب تدور على حاجه على النت

و ليكن أغنية مثلا

بتعمل ايه؟

بتدور على الجوجل

بتلاقى الاغنيه فى منتدى

بتدخل المنتدى

تلاقى مكتوب ( عفوا لايمكنك الاطلاع على الموضوع لانك غير مسجل )

طبيبعى جدا

و مفهوم جدا

انا عندى منتدى عليه حاجه انت عايزها

يبقى لازم تشترك عندى علشان تاخدها

انت توزد عدد الاعضاء عندى و بالتالى تزودلى شعبية الموقع

و انا اديلك الاغنيه اللى انت عايزها

تشترك فى المنتدى

تفتح الموضوع

تلاقى مكتوب

( عفوا لا يمكنك الاطلاع على الروابط ... صاحب الموضوع تعب فى احضار الرابط ... من فضلك اضف رد لتتمكن من التحميل )

ده بقى مش طبيعى خالص

اسئلة كتير تدور فى دماغك
------------------------------------------------------------------------
1- ارد اقول ايه ؟

( اكيد هاتقول شكرا )
-----------------------------------------------------------------------
2- طب صاحب الموضوع عايزنى اشكره ليه ؟

( اكيد عشان تعب و جاب الاغنيه
-----------------------------------------------------------------------
3- هو تعب نفسه ليه ؟

( عشان الناس تشكره )
-----------------------------------------------------------------------
4- هو عايز الناس تشكره ليه ؟

( اكيد عشان شعبيته تزيد )
-----------------------------------------------------------------------
5- هايستفيد ايه ؟

( اكيد هايبقى مشهور )
-----------------------------------------------------------------------
6- ده نفسيا يعتبر شخص سوى ؟

( ليه لأ )
-----------------------------------------------------------------------
8 - ازاى الانسان يقدر يستمتع بمديح و شكر وهو عارف انه بيجبر الناس على كده ؟

( ماهو لو ماعملش كده الاعضاء هاتحمل الاغنيه و ماحدش هايشكره )
----------------------------------------------------------------------
9 - طب لو الناس حملت الاغنيه او الفيلم اللى العضو اشترط الرد لتحميله بعد ما شكروه و طلع بيضحك عليهم او اللينك بايظ او اى حاجه مين هايشيل المسؤليه ؟

- ( ماحدش ... هاتسيب الموضوع و تدور فى حته تانيه و غالبا الموضوع بيكون مسروق من مكان تانى اصلا )
----------------------------------------------------------------------
10 - فى المنتديات الاجنبيه بيحصل كده بردو ؟

( لأ )
----------------------------------------------------------------------

اسف

كنت بكلم نفسى

لانى فعلا اتخنقت من التعامل مع حد عنده اضطرابات نفسيه بالشكل ده

لو فيه حد عنده اجابات على الاسئله دى احسن من الاجابات دى يا ريت يقولها

لانها بجد حاجه تخنق

و موجوده فى كل مكان

و للاسف حتى هنا فى المنتدى

************************************************** *

حد معاه فكة ( شكرا جزيلا )

moonlight

04-11-2008, 10:55 PM

معقول يا محمود كل الناس دي عندها اضرابات نفسية

انا هرد من وجهة نظري لاني اعتبر كدا من هؤلاء المضطربين نفسيا shootme.gif

الكتاب بجيبه من مكتبات الكترونية متخصصة و انزله و ارفعه على الموقع هنا

و ساعات بتكون حاجات نادرة و مش متوفرة في المنتديات التانية

و دا بياخد وقت كتير و مجهود في البحث و التحميل و الرفع

و كمان اي حاجة من ادوات الفوتوشوب بجيبها من مواقع متخصصة مش مسروقة من منتديات تانية

و نفس الكلام بتاخد وقت في التحميل و بعدين الرفع تاني على الموقع

فما بالك باللي بيرفع البوم اغاني او فيلم

و بما اننا هنا في شقاوة المنتدى مفتوح للجميع الناس ممكن تدخل تحمل من غير اشتراك

علشان كدا لازم نعمل اخفاء علشان مش نبقى عاملين شغل خاص و يبقى المنتدى كأنه مهجور av-2.gif

و بعدين هقولك حاجة دي المفروض تبقى حاجة ذوقية من الناس انها تحسسك انك قدمت ليهم حاجة بيدوروا عليها

و دا بيحصل كتير في الكتب ان الناس بترد بردود غير مشكور ... ردود تحسسك انك عملت حاجة كويسة و تشجعك تعمل اكتر

و اي انسان محتاج يحس بالتشجيع و الا هيفقد حماسه و دا امر طبيعي مفيش فيه اي اضطراب نفسي lac.gif

و بالنسبة للمواقع الاجنبية فانا بتعامل معاها كتير واغلبهم لازم تسجل قبل ما تحمل اي حاجة

و التسجيل عندهم ممل جدا و مليان تفاصيل... و بعضهم لازم تحط رد او تقييم للحاجة قبل تحميلها

دي وجهة نظري ارجو تكون مقبولة و مقنعة triniti.gif

و مشكور على طرح الموضوع دا للنقاش bye1[1].gif

جنات

04-11-2008, 11:39 PM

موضوع عجيب بصراحه

انا مع المضطربين نفسيا

اولا بس تجيب موضوع عاوزلك وقت تحمله عن الموقع ده وقت اضافي

يعني كل حاجه عاوزلها تعب وشغل

عشان كده في بالمنتديات في اللنكات المخفيه لانه لو جينا للحق
كلمه شكرا مش هتأخذ من وقتك حاجه كلها ثانيه

بس التحميل وترتيب الموضوع عاوزله كتير وقت وجهد

زي ما قالت مون في مواقع عاوزله تسجيل عشان تنزل لو حاجه بسيطه منها

واللنكات المخفيه بتحافظ على حقوق المنتدى وبتزيد
عدد الاعضاء وفي منهم بعجبهم المنتدى وبفضلو بيه

يعني كل حاجه ليها لزمتها

والله الواحد بفرح يوم حد يقله شكرا blushing[1].gif

شكرا ليك على الموضوع

عجبني التشبيه اللي بالتوبيك ^_^

M7mod 7osni

04-12-2008, 03:18 AM

السلام عليكم

اولا : مون و جنات منورين الموضوع

ثانيا : انا اسف لأن لهجتى فى الحوار كانت over شويه

معلش

بس انا كنت حاسس باستفزاز جامد اوى

بس بردو انا شايف ان لو انا حاسس انى هاتعب علشان احمل حاجه للاعضاء يا اما اعمل ده بغض النظر عن الشكر من عدمه يا اما ماتعبش نفسى اصلا

لكن انى اطلب رد من حد ده صعب اوى

بتوصل فى اوقات ان صاحب الموضوع مش بيطلب ردود ... لا .. ده بيطلب شكر بالتحديد

انا لما ارفع اغنيه ارفعها عشان دى اغنيه حلوه و عايز الناس تسمعها و تقول رأيها مثلا مش عشان يقولولى شكرا

و اخر موقف حصل معايا

كان هنا فى منتدى شقاوه بالتحديد فى منتدى الافلام

زميل ادعى انه رافع فيلم ( الماجيك) dvd و مأكد على كده و حاطط انضف صورتين فى الفيلم و طالب رد

رديت عليه انا وسبعين واحد و حملنا الفيلم و طلع الفيلم نسخته سيئه جدا جدا اضطريت ارجع للموضوع و اكتب رد تانى للناس اللى بعدى و اقولهم يا جماعه خلوا بالكوا ان الفيلم نسخته وحشه جدا

اكيد اشتراط الرد له مميزات و بيحفظ حقوق صاحب الموضوع بس يا جماعه له عيوب كتير

و فيه حلول تانيه ممكن تحفظ لصاحب الموضوع حقه

يعنى مثلا ممكن اطلب منك علشان تقدر تشوف اللينك انك مثلا تقول رأيك مبدئيا او انه يصلى على النبى مثلا لو كنا فى منتدى اسلامى

و فى تجارب كتير فى منتديات بدون ذكر اسماء بيعملوا افكار جميله جدا

زى انك لازم تشارك بشكل ايجابى فى الموضوع علشان تحمل اللينك عن طريق معلومه عن الموضوع او رفع حاجه تانيه بحيث الموضوع يبقى فى شكل مكتبه او موسوعه مجمعه عن موضوع معين

كمان فيه منتديات كسرت القاعده دى تماما لدرجة انك ممكن تحمل اى حاجه من الصفحه الرئيسيه مباشرة و الفكره نجحت جدا و افلام المواقع دى موجوده فى كل جهاز كمبيوتر عربى و الشعبيه اتأثرت بالايجاب

يعنى العمله بتاعتهم اصبحت ... الدعايه

شكرا ليكم

و اسف بجد بجد و الله ما كنت اقصد تجريح فى حد

joya

04-12-2008, 03:31 AM

محمود.. مش حكدب عليك انا من ساعه ما قرأت " الجنيه المشكوري " وأنا بضحك علي التعبير ههههههه
بجد أفكارك خطيره shiny[1].gif

نيجي بأه لفكره الموضوع

انت - علي حسب ما فهمت - بتتكلم عن اخفاء المرفقات أو اللينكات ودي حاجه بتضايقك

طيب لو في قسم الأغاني مثلا مافيش اخفاء مرفقات.. تفتكر حتلاقي كام رد علي الاغنيه الي انت تعبت في رفعها ؟؟

أراهنك لو لقيت أكتر من 5 ردود وتاني يوم حتلاقي الأغنيه اختفت في الصفحه التانيه أو التالته

بصراحه دي حاجه بتجيب احباط وممكن ده يفقدك حماسك انك ترفع أي حاجه تانيه - وحصلت معايا زمااان علي منتدي تاني اني رفعت أغنيه وحطيتها علي منتدي بس من غير اخفاء ... بعد يومين لقيت الأغنيه تقهقرت للصفحه الخامسه و دي كانت نهايه رفع الأغاني بالنسبالي هههههه

بصراحه " الجنيه المشكوري " ده بينرفزني لكن في الأقسام الحواريه .. يعني ساعات أكتب موضوع يكون فيه فكره وموضوع للنقاش وتلاقي يوزر ظريف يقولك (( مشكوووره علي مجهودك )) طيب انا استفدت ايه من مشكوره ده؟؟ فين رأيه ؟ ولو هو مش متفاعل مع الموضوع بيرد ليه أصلا ؟

عموما

مشكووور علي موضوعك هههههه

Mr-LOrd

04-12-2008, 04:42 AM

ههههههه

مشكور يالغلا :)

شوف انا متفق معاك انه ممل

بس تقدر تقول شر لابد منه

اول ما اتفتح الموقع كنت انا وكليك

انا ماليش فى اقسام التقنيه والافلام وكدا اوووى زى كليك

يعنى انا كان شغلى فى الاقسام العامه وكليك الباقى وكان شقى معاه

ومجموعه كمان

المهم

كليك كان بيتعب فى رفع برامج وافلام واستايلات منتديات

وبينزل الموضوع

تعرف مين اللى بيرد عليه

انا وشقى
هههههههههههههههه

وتشوف المشاهدات 255 وانت طالع

طبعا انا كنت بزهق وكليك اكتر لانه اللى بيتعب

بعد كدا ركبنا هاك اضف ردا لترى المرفق

وعشان تضيف رد الطبيعى انك لازم تبقى مسجل

وعندك عضويه تضيف بيها الرد

هستفاد ايه لما يزيدو الاعضاء عندى

المنتدى هايبقى مشهور ولما يكون مشهور منتديات تانيه هاتعمل اعلانات عندى

هاكسب اعضاء اكتر غير المكسب المادى طبعا اذا المنتدى اصبح له ترتيب قوى بين المنتديات الاخرى

وفى منتديات كاتبين بدل اضف ردا لترى المرفق

اضف رد يليق بشخصيتك او انا تعبت فى رفع الفيلم لك قيمنى او قدرنى

تخيل الردود بتكون كدا fdgdfgdfgdf يعنى سواء انت قولت لهم قيمنى قدرنى

ادعى لى او عليا حتى هى فى ناس كدا

بس هى فى الاول والاخر تشجيع للى بيتعب فى الموضوع

زى ما قالو

واسف لو طولت فى الموضوع يعنى :)

تحياتى ؛؛

mostafa salah

04-13-2008, 07:28 AM

اسمحلى انى اشترك فى الموضوع ده

اولا هى حاجه ممله بس احنا مطرين ليها

لان العضو او الزائر لو لقا الحاجه قدامه سهله مش هيسجل

ولو سجل اللينك مش مخفى مش هيرد

طب تعمل ايه لو انت قعدت بالساعه ترفع فى اغانى

ومعطل حاجات كتير على جهازك عشان ترفع الاغانى

وبعد ده كله متستحقش حتى كلمه شكر ده حتى يبقى حرام

بالبلدى

انا كنت مشرف الاغانى وكنت يوميا برفع الاغانى

فى البدايه مكنتش بخفى اللينكات لكن لقيت نفسى اتخنقت

خفيت اللينكات

تعالى شوف دلوقتى اى موضوع هتلاقى الردود عليه بالالف

انت واحد من مليون واحد على النت بتفكر كده

انما غيرك مبيفكرش زيك

ومشكور على موضوعك

تحياتى "

M7mod 7osni

04-13-2008, 04:55 PM

ازيك يا جويا ميرسى لمشاركتك الجميله

انا معاكى ان استفادة الاعضاء بالمادة المرفوعه دون ابداء رأى بتجيب احباط

انا بس بفكر فى طريقه نحل بيها المشكله ده و ده اللى مستر لورد اتكلم فيه

مستر لورد ازيك منور الموضوع

فعلا الردود بتكون dfdfdfdfdfd و انا واحد من اللى بيعلموا كده ساعات لانى بكون اتخنقت فعلا من التعقيدات دى

عموما

واضح ان دى سياسة عامه

و لو كان ده موضح فى شروط الاشتراك اللى المفروض اقراها قبل ما اسجل يبقى خلاص اوكى مافيش مشكله

بس غالبا بيبقى مطلوب من ضمن الشروط انى ما اردش بمشكور و شكرا

ازيك يا مصطفى منور الموضوع

مادمت شايف ان دى طريقة كويسه ... خلاص اعمل كده

بس على فكره يا مصطفى انا رديت عليك مره فى موضوع و حملت الاغنيه على انها لمحمد فؤاد و طلع مش محمد فؤاد و زعلت جدا جدا جدا

خلاص بقى مادام هى عمليه صعب تنظيمها

يبقى كل واحد يراعى ضميره فى جودة المادة المرفوعه و فى تجنب رياء الناس

شكرا

joya

04-14-2008, 05:06 AM

خلاص بقى مادام هى عمليه صعب تنظيمها

يبقى كل واحد يراعى ضميره فى جودة المادة المرفوعه و فى تجنب رياء الناس

فعلا هي عمليه صعب تنظيمها .. حتي علي برامج زي limewire تلاقي حالات بالشكل ده برضه
تحمل اغنيه تلاقيها اغنيه تانيه .. أو فيلم ويطلع مالوش صوت

زي ما انت قلت بتكون معتمده علي ضمير كل واحد

totaa

04-23-2008, 08:58 AM

محمود بجد موضوع جامد دة
ومصطلح الجنية المشكورى وهمية زى ما قالت جويا icon30[2].gif
تموت من الضحك وكمان سردك للفكرة جديد

انا بس عاوزة اقول انى شايفة كل اللى ردو على الموضوع

مؤيدين الخفى يا ريت دة شئ ميزعلكش
بس صدقنى لو بصينا فعلا لاسلوب الناس حاليا فى المعاملة
هتلاقية غريب جدا
هتلاقى كل واحد يهمة ان ياخد اللى عايزو بس

من غير ما يفكر فى اللى هياخدة منة
انا معاك جدا ان المفروض ان الواحد لما يقرر
يعمل شئ لغيرة ميستناش شكر
بس كام واحد بيقدر دة دلوقتى
كلة عاوز ياخد مجهود وتعب غيرة ويجرى
اظن اللى بيتعب فى عمل شئ مش بيستنى شكر
اد ما بيكون عاوز يحافظ على استمرار اللى تعب فية
لان الاغانى او الافلام من غير رد فعلا بترجع صفحات بعيدة مهجورة

اعزورنى للاطالة
انا بصراحة كنت عاوزة اكتب اكتر من كدة

بس خوفت تقول عليا رغايةbirgits_giggle.gif

M7mod 7osni

04-28-2008, 03:54 AM

يانهار ابيض

من 15 سطر كتبتيهم هاقول عليكى رغايه

دنا ساعات بكتب ردود فى 40 سطر

يا ترى اصحاب المواضيع بيقولوا عليا ايه دلوقتى

ههههههههههه

عموما يا ستى شكرا جدا لمشاركتك و لكلامك الجميل

و عموما احنا بدأنا نتفق على حق صاحب الموضوع فى الحفاظ على مجهوده

و لكن تبقى نقطة الخلاف بس هى الطريقة اللى يحافظ بيها على مجهوده

و انا متاكد ان الجماعه بتوع استايلات المنتديات دول هايفتكسوا افتكاسه جديدة كالعادة بشأن الموضوع ده

متشكر يا توتا

يا ترى هاتقول عليا رغاى وللا ايه؟

Mr.-.FaY

05-12-2008, 11:23 PM

تسمحلى انا كمان ادخل فى التوبيك

انا كلامى هيكون زى مصطفى ومون وجويا وجنات بالظبط

وهقولك تجربه مرت بيا بردوا

يعنى انا اول لما سجلت فى المنتدى ده يعنى وكده حطيتلى كام اغنيى كده حلوة وجامدة

ههههههههههههه المفأجأ جيت تانى يوم بدور عليها ه لقيتها فى الصفحة رقم 3

ولاخت موبيزون لو تسمع عنها فى المنتدى كانت تحط الاغنيى فى نص ساعة تلاقى الردود معديه الميه

هي كانت بتخفى الملفات اما انا كنت بسيبها وفى الاخر النتيجة ايه 5 ردود وولا 6 هههههههههههههه

بجد تسلم على التوبيك يا مان

dream_nado

05-18-2008, 12:10 AM

الف الف شكر يا محمود حسني على الموضوع ده بجد دي من المواضيع اللى بتقابلني في كل المنتديات وبتضايقني بجد وبعدين انا شايف ان النسبة اللى بتتعب علشان تجيب المادة المرفوعة مش كتيرة يعني لانهم ساعات مش بيبقو على المستوى الاحترافي اللى يخليهم يعملو كده وطبعا الغالبية العظمى بتبقى مسروقة وبالنسبة لحكاية شكرا او مشكور دي بقة ترجع للمستخدم نفسة وعلى حسب اخلاقة بقة وشخصيته يعني انا هستفيد ايه لما واحد يكتبلي مشكور وهو من جواه بيلعن فيا مثلا ......... على فكرة انا معايا اتنين جنيه مشكوري وعاوز انزل خمس اغاني تفتكر هيكفو ؟
ولا المفروض المنتديات تطبق نظام سلفني شكرا