{{... كوفي شوب منتدى شقاوة ...}}

[barbie]

متمللين عطشانين في بالكم حاجه


......................


عيزين تفضفضون وترتاحون


أنتـــــــــو معزومين هــــــــــــنا


على كوب من القهوه الصباحيه الطازجه


والعصائر والحلويات اللذيذة !!!!

وماعليكم الاالجلوس في المكان اللي يريحكم

ومشاركتنا بأي موضوع انتم تختاروه

حكــــــــــمه ..خبر ..دعاء ..كركاتير ..نكته ..ابيات من الشعر ..سلام

حتـــــــــــى لو سلام



المهم انكم تشرفونا كل صباح وكل مساء هنا عشان نشوف اسمائكم ومشاركاتكم

تنور الصفحه دي ..

"" الكوفي مفتوح 24 ساعــــــــــه ""



فمتحرموناش من الشرف ده





و ياريت الكل يشارك بأي حاجه لاني شفت الموضوع ده في منتدى تاني فحبيت انقلو






مع تحياتي ............ barbie

[joya]

باربي ميرسي علي الموضوع اللذيذ

الأول عايزه الكافي بتاعتي ولو اني مش بشرب قهوه ههههههه هاتي بيبسي أحسن

فكره الموضوع حلوه وانا دلوقتي جه علي بالي خبر وحكمه

الحكمه هي للامام الشافعي :

" أحب الصالحين ولست منهم ... لعلي أن أنال بهم شفاعه
وأكره من تجارته المعاصي .. ولو كنا سويا في البضاعه "


والخبر الغريب هو :

" ممارسه الجنس مع الحيوان ما زال مسموح به قانونا في الدنمارك "
لا تعليق الا ........ ربنا يلعنهم

[جنات]

صباح الخير ياحلوووين


باربي توبيك رائع ياعسل


انا هشارك بجمله شفتها الصبح اول ما شغلت النت
وعجبتني اوي


الطموح بلا تحقيق أشبهـ بــ قارب على اليابسه


flowers.gif

[اودونا]

ياسلام حاجة جميلة خالص بس هل انا ممكن اطلب مشروب؟
عايزة مج نيسكافيه سكر زيادة

[joya]

أودونا أكيييد ليكي نسكافيه

,,
,,
,,
,,

بس علي حسابك هههههههههه

أخر خبر قريته النهارده هو :

سفير الدنمرك ورئيس الوزراء والقناة الدنماركية يسعون إلى إيقاف المقاطعة ، وصلت الخسائر إلى2 مليار يورو وإذا استمرت المقاطعة فمن المتوقع أن تصل بعد 7أشهر إلى40 مليار يورو،

ليعلموا قدر ديننا

[جنات]

مساء الخير \ صباح الخير


وتبقى الأحلامـ فطرة قلوبنا حتى ولو لم تتحقق ..!!

[joya]

خبر قرأته النهارده في الجرنال

علاج احباط الجنود الامريكيين العائدين من العراق وأفغانستان يتكلف أكثر من 6 مليار دولااار

[برنسيسه الحزن]

الفكره جميله اووى يا باربى انا ممكن اشارك فى عبارات حزينه شويه

من الصعب ان تبكي بغير دموع ان تذهب بغير رجوع ابتسامتك من الصعب ان تصرخ من جرح بين الضلوع وصوتك للناس غير مسموع ولكن الاصعب ان تحب انسان وتكتشف انك في حبه لك كنت مخدوع
لاتندم علي من باع هواك انساه مثلما استطاع ان ينساك

أصعب ساعة اللقاء

حين ترى من أحببت وعشقت يتجاهلك

ويتهرب من النظر اليك


ممكن اشارك كمان فى تفسير بعض كلمات من اسماء الله الحسنى
الرحمن:
من ذكره 100مرة بعد كل فرض زال عنه النسيان وقساوة القلب ومن صلى عصر يوم الجمعه ثم استقبل القبله وقال "يا الله يا رحمن" الى ان تغيب الشمس وسال الله تعالى شيئا الى اعطاه الله اياه
السلام:
من قال (السلام عليك يا ايها النبى ورحمه الله وبركاته) مائه مرة لا يذوق حراره الموت
الصبور:من ذكر الصبور 100 مرة قبل طلوع الشمس لم تصبه نكبه
الوارث:من قراه 100 مرة قبل طلوع الشمس لم يضره شئ فى حياته وبعد مماته
الباقى:من قراه 100 مرة كانت اعماله مقبوله

[M7mod 7osni]

السلام عليكم

ايه ده ؟

الكافيه ده حريمى وللا ايه؟

انا جيت غلط ؟

اكيد ماعندكوش شيشه

الله

و كاتبين ع الحيطه اخبار و شعر

جميل اوى المكان هنا

طيب ازاى نحط فيل فى الكوبايه على 3 مراحل ؟

[جنات]

طيب ازاى نحط فيل فى الكوبايه على 3 مراحل ؟




surrender[1].gif

[M7mod 7osni]

1- نحط ورقه على الكوبايه من فوق

2- نحط الفيل على الورقه

3- نسحب الورقه بسرعه

***** الفيل هايقع فى الكوبايه *****



و على ضمانتى على فكرة



جربوها لو مش مصدقين

[برنسيسه الحزن]

ههههههههههههههههههههههههههه birgits_giggle.gif
فكره حلوة انا هجربها

ام عادل عندها 4 عيال (مطر,برق,رعد) يبقى الرابع اسمه ايه ؟

اللى هيحلها الاول ليه ربع جنيه msn-wink[1].gif

s16.gif

[Clickme]

الفزورة صعبه جدا المفروض الجايزة تكون مليون جنيه مش ربع جنيه يبخيل

يلا هو الحل عادل معنى المفروض يكون ثلج علشان تبقى العيلة بتكمل بعض flex.gif

قبل حكمة اليوم ايه رائيكم بالمحافظتين الجداد محافظة حلوان ومحافظة 6 اكتوبر



حكمة اليوم



يبني قصراً ويهدم مصراً


كالإبرة تكسي غيرها وهي عريانة

[M7mod 7osni]

ياباشا دى لقمة عيش زى الفل

سعر المتر فى 6 اكتوبر قبل البيان كان 700 جنيه

بعد البيان بدقيقتين وصل 3000 جنيه

و بعدين يا كليك خلينا نشغل الشباب العاطل

مش فيه يا اخى محافظين جداد هايتعينوا ههههههههه



حكمة اليوم





أن قابلك اعمى

كل غداه

انت مش احن من اللى عماه

[joya]

هههههههه ايه يا محمود حتاكل أكل الأعمي يا مفتري ؟؟؟

أنا رأيي ان 6 أكتوبر كان لازم تبقي محافظه دي مساحتها أكبر من القاهره

...........................

جمله قريتها وعجبتني

"النساء مصابيح البيوت "

5_1_123v.gif احنا مصابيح

[حنفى]

اللذين يقولون أن الفلوس هى كل شئ

لم يجربوا المرض

" أنيس منصور "

[lava girl]

انا حبيت بس اصبح عليكم
واقولكم لولا المنتدى و الاصحاب الحلوة دى مش عارفه الواحد كان عمل ايه

[joya]

لافا ميرسي يا حبيبتي علي الكلام الجميل
واحنا الي حظنا حلو انك معانا

آخر خبر سمعته

وأرجو انه مينزلش عليكم زي الصاعقه

الرئيس حسني مبارك من عائله معمره ... جده عاش لأكثر من 100 عام

ولو الرئيس دلوقتي يبلغ ال 80 من عمره المديد

فقد يكون باق أمامنا حوالي 20 عاما اخرين معه girlwerewolf.gif

الرجل بااااق .. باااااق ... باااااااااااااااااق الي أن يأذن الله

وحسبي الله ونعم الوكيل

[جنات]

لافا ميرسي يا حبيبتي علي الكلام الجميل
واحنا الي حظنا حلو انك معانا

آخر خبر سمعته

وأرجو انه مينزلش عليكم زي الصاعقه

الرئيس حسني مبارك من عائله معمره ... جده عاش لأكثر من 100 عام

ولو الرئيس دلوقتي يبلغ ال 80 من عمره المديد

فقد يكون باق أمامنا حوالي 20 عاما اخرين معه girlwerewolf.gif

الرجل بااااق .. باااااق ... باااااااااااااااااق الي أن يأذن الله

وحسبي الله ونعم الوكيل



ههههههههههههههههههههههههههههههههه

باق باق

الله يعينكم

[M7mod 7osni]

يبقى بأذن الله هايعملهم 50 محافظه

و يقلبها ولايات

و نبقى الولايات المصريه المتحده

و نحط خمسين نسر فى العلم

على رأى هنيدى

هم الرجاله كده ... لما بيكبروا بيتهطلوا يا ابو نسمه


********************

طاوله يا عزت

[M7mod 7osni]

انا عايز ابارك للأهلاويه

الف مبروك الدورى رقم 33 و عقبال الـ 100


يللا يا جماعه اتفضلوا

http://img231.imageshack.us/img231/5799/49999475hl3wq1.jpg (http://imageshack.us)



أووووووووو اهلاااااااااااااوى

أوووووووووووو أهلاااااااااااااااااوى

يا أهلى يا حبى

أهى أها

يا حته من قلبى

أهى أها

**********************

مش هاتذيعوا الماتشات فى الكافي بقى وللا نروح نشوفها ع القهوه ؟

[جنات]

clap[1].gif

مبروكـ للاهلي وان شاء الله من فوز لفوز

لا محمود نشوف الماتش هنا bash.gif

[totaa]

هاى

صباح الخير


clap[1].gifclap[1].gifclap[1].gifclap[1].gif

شوفو انهارددة انا طايرة من الفرحة bf_new.gifbf_new.gif

فقلت اتدخل الكوفى شوب اقالبلكم


واعزمكم كلكم على

حاجة ساقعة و كرواسوة كمان http://up.qatarw.com/u/files/z9uqneq1pcg1t0bstgo8.jpg (http://up.qatarw.com/u/)


عارفين انهاردة اية الى حصل

انهاردة بس

واخيرا بعد طول انتظار

اتأكد حجز تذاكر الطيارة girlwerewolf.gif


اة والله هرجع مصر ان شاء اللهdance1.gif dance1.gif


يوم 7 مايو الفجر


انتو فاهمين 7 مايو يعنى اية

يعنى خلاص هانت


هانت اوى


ادعولى بقى اوصل بالسلامة



angel5.gifangel5.gifangel5.gif


على فكرة حلو اوى فكرة الكوفى دة

[joya]

بييييييييب بيييييييييب أهلي

بس مش بحب البلاك فورست .. عايزه تورته تانيه

.........

توتاااااااااا تيجي بالسلامه يا قمر

مصر حتنور

وميرسي علي البيبسسسسسي

[جنات]

صباح الورد

ازيكم ياحلوين ......؟


توتا هههههههههههه
مبروك يختي

عقبالي الحق بيكي هنبقى نتقابل بعد طول الانتظار

هانت يابشر انا كمان شهرين ^_^ الله يسهل

[totaa]

تسلمى ليا جويا


جنات

ربنا يجيبك ليا بالسلامة

ياختى واشوفك

دنتى وحشانى مووووووووت يا كند------

هههههههههههههههههههههههههههه

[Mr-LOrd]

لالالالا كدا مينفعش

انا محدش قالى انه فى كافى هنا

دا انا لقيته بالصدفه وياعينى كلكم هنا وسايبنى بره فى الحر

طيب انا اخدت واحده بيبسى ياتوتا


ومبروك الاهلى يامحمود


وحمد لله على سلامتك مقدما ياتوتا


والدبه جنات معاها لما تنزل برضو


ومنورين جميعا وليا عوده

[barbie]

اولا عوزة اشكركم كلكم الي شاركو في الموضوع و انا اسعد واحده دلوقتي ان الموضوع اتثبت و ميرسي اووووي للي ساعدني اني اوصل للدرجه دي




بوجه ليكو اجمل هديه و عزماكو في الكافي كلكو و ببلاش بس لمده اسبوع بس الي يلحق ايوة مهو انا مش فتحاه عشان اخسر



و الشاطر الي يلحق بعد كده هنزل قايمه الاسعار

[barbie]

اول رساله شكر عوزة اوجها لجويا اختي و حبيبه قلبي و عوزة اقلها ميرسي اوووي على المشاركات الجميله
دي و انتي بس تأمري بصي في كل حاجه انتي عوزاها بيبسي عصير حتى لو شيشه


و ميرسي عالحكم و الاخبار الجميله الي بتخلينا نستفيد جدا في حجات كتير يا رب تتوصلي على طول معانا


و ابقي تعالي الي ييجي اكتر بنعملو دسكونت


و خلينا نشوفك

[barbie]

جناااات انتي فين محدش بيشوفك ليه عاش من شافك يا عسل يعني محدش بيشوفك غير في الكافي بس



ميرسي يا حياتي على الردود الي تجنن و بصراحه جملك جميله


ابقي الحقي العروض بتاعت الدسكاونت عشان الي يلحق بسسس


و ميرسي يا قمر

[barbie]

ميرسي اودونا نورتي الكافي انتي بس تامري على فكرة في غير النسكافيه هوت شوكليت و نسكويك و حجات كتير ده غير الحجات الساقعه


و حجات خفيفه كمان كرواسون و رولز و حلو قهوة و كل الي انتي عوزاه


بس ابقي نورينا يا عسل و ميرسي

[barbie]

كل حاجه منك حلوة برنسيسه الحزن على فكرة اسمك جميل و ملفت و تسلمي يا قمر على الرد الجميل


و ابقي شرفينا هنا تاني و كل ما تيجي هتلاقي اصحاب اكتر تتعرفي عليهم بس تعرفي ان احنا بنرحب


بكل الناس متحرمناش من مواضيعك و الحقس الدسكاونت


استغلي الفرصه بقا


و ميرسي يا قمر

[barbie]

محمووود حسني مساء الفل يا جميل نورت الكافي و انا بقول هوا منور ليه عشان بس انتا فيه


في يا عسل كل الي انت عوزو كل حاجه شيشه بس بشرط تشرب برة انت عارف العضوات


مش بيحبو الكلام ده و احنا مش عوزين نزعل حد حتى شوف مكتوب ايه " ممنوع التدخين "


يعني عاوز تزعل الناس مننا


على العموم خلينا نشوفك و ميرسي يا قمر

[barbie]

click me ميرسي يا جميل على مداخلتك كنت سمعت ان انت موجود فجيت على طول عشان مكلمتكش من زمااااان


ابقا خلينا نشوفك و الكافي انا عملاه عشان كلنا نشوف بعض متحرمناش من شوفتك و الحق الدسكاونت اوك


و ميرسي يا عسل

[barbie]

مساء الفل يا حنفي منور يا جميل و ميرسي على ردك العسل بس اطلب حاجه متخفش لمده اسبوع ببلاش

و ابقا خلينا نشوفك و ميرسي يا عسل

[barbie]

lava girl ميرسي يا عسل كلنا هنا اصحابك و محدش غريب و منورة ياعسل و اللع بموضوعك و ردك

العسل اطلبي كل الي انتي عوزاه مش عوزينك بس تيجي عشان عبارة او حكمه بس خلينا نتواصل معاكي يا قمر


و ميرسي يا جميل

[barbie]

totta يا حياتي ميرسي عالعزومه و طبعا انا اول واحده هاجي لاني انا اول واحده تلاقيني في اي مكان في اكل علطول

بس بشرط تعزمينا على حاجه تقيله


على فكرة توتا انا كمان برة مصر و نزله يوم 24 \ 6 خلاااااص انا كمان نزلله هاااااااانت طبعا و تنوري مصر و
و انا كمااان



و ميرسي يا جميل

[barbie]

MR-lord تنور يا جميل الكافي بجد منور لوورد بقلك ايه انا عوزاك تعزم كل الي بتحبهم و عارفهم
هنا في المنتدى عشان ييجو يشاركو اوك و ليييك الحلاوة




و نورت الموضوع و ميرسي يا عسل

[barbie]

شكرااااااااااااااا ليكو كلكو يا جماعه ايه رايكو نعمل اعلان في كل منتدى على كوفي شوب شقاوة على اساس لسه مش كل الناس تعرف انو اتفتح و كده يعني

طبعا انا الي كسبانه هكسب فلوس كتييييييييييييييير بس الي يساعدني ليه نسبه من الارباح اوك


عوزة اقول حاجه


"" و ما من كاتب الا سيفنى و يبقى الدهر ما كتبت يداه

فلا تكتب بخطك غير شيء يسرك في القيامه ان تراه ""]

[joya]

باربي وانا مستنيه الديسكاونت هههههههههه

الفكره جميله وكنا لازم نثبتها

حكمه عجبتني بتقول /

من جعل نفسه عظما .. أكلته الكلاب

وبالنسبه للاعلان عن الكافيه .. انا فعلا كنت بفكر ازاي نقدر نوجه الناس له

عموما حسأل الاداره ازاي نقدر نعمل له اعلان

[barbie]

و الله انتي عسل يا جويا يا سلام خدي يا ستي الكافي كلوو مني ليكي انت تستاهلي اكتر

و الله كلك زوق يا عسل و تستاهلي كل خير


بصي ليكي انتي على اساس واسطه يعني بيني و بينك من غير ما حد يشوف

ليكي اسبوع زياده


هي فعلا حكمه عجيبه انا مش فهماها اوي بس تقدري تقولي اني ها صورتها طبعا كلامك صح


و ميرسي يا عسل

[totaa]

باربى حبيبتى
انا اسفى انى اهنيكى

على افتتاح الموفى شوب

من فرحتى بنزولى
انتى كمان فى الغربة لتقولى
واكيد حسة نفس احساسى

عموما ملحوقة

الف مبروك يا عسل

ولما تنزلى الاسعار انا حاجزة اغلى حاجة عشان اعزم المنتدى كلة عليها يا قمر

[joya]

ههههههه ميرسي باربي
انا حاكون زبونه مستديمه هنا

بصي يا ستي معني المثل
" من جعل نفسه عظما .. أكلته الكلاب "

يعني اللي تهون عليه نفسه تهون على غيره أو الي يذل نفسه ويقل من قيمتها محدش حيعمل له حساب

[M7mod 7osni]

أنا شايف فى ركن الكافيه

تخت شرقى

سامعين

سيد درويش




سالمه يا سلامه

رحنا و جينا بالسلامه

دى الغربـــــــة ياما بتــــــــــورى

بتخــــــلى الصــــنايعى (بيـــرطن)

مطـــــرح ما يـــروح المصــــرى

برضــو طـــول عمــره ذو ( توفونن )

وحيـــــــاة ربنـــــــــا المعبـــــــود

We Are Very Good

ياسطى محمود

قــدها وقــدود

و يا سالمة ياسلامة

رحنا و جينا بالسلامه

[joya]

حلو اوي يا محمود التخت الشرقي
آخر روقان clapping.gif

[جنات]

السلام عليكم

مساء الخير \ صباح الخير

عاوزه رد بول اذا ممكن

hysterical.gif


اجه الصيف وودعنا النيسكافيه ودخلنا على الحاجات الساقعهsmoke.gif


عجبني مثل قلت اكتبه هونـ



الصبر صبران: صبر على ما تكره وصبر على ما تحب


عجبني بجد فعلا لزم نصبر على الامور الحلوه بحياتنا
والمره حتى وان شاء الله اخر الصبر خير

shiny[1].gif

[barbie]

يا جاااااااااااااااامده يا جويا د انتي طلعتي فيلسوفه و انا مش عرفه

فعلا عندك حق بس انتي عرفه ممكن الناس نفسهم يحطوكي في الموقف ده

اساسا الناس دي بتحسسك بكده و انا دي اكتر حاجه بكرها في ناس كتير

خصوصا لو كانو اصحابك او زميلك يعني كلنا في نفس المستوى




بس عوزة انقشك في حاجه و عوزة اجابه ب ايوة او لا و السؤال ده لكل الاعضاء عوزة اعرف رأيكم بس

ايوة ............ لا (( هل في حب في سن المراهقه )) ؟؟؟؟؟؟

[barbie]

توتا حبيبي الله يبارك فيكي و ولا يهمك و ميرسي اوي على زوقك يا عمري

خلاص و انا عليا اعمل اعلان ان انتي عزمانا كلنا على حسابك .... مصلحه يعني واخده بالك .....


ميرسي يا عسل

[barbie]

محموود انا هغير انا هجيب عبد الحليم موعود .......... اوك


و بعدين مالك قاعد من الصبح مطلبتش حاجه و لاااااااااازم تطورط ثواني هجيبلك قهوة

[barbie]

مسااااء الخير جنات منور يا جميل اوك ثواني و يكون عندك


و عندك حق و الله احنا في الجو ده محتاجين حاجه ساقعه

[joya]

السلام عليكم

مساء الخير \ صباح الخير

عاوزه رد بول اذا ممكن

shiny[1].gif

رد بوول ده منكر ولا ايه :eek:
هههههههههههه

بصي جنات الاصناف الغريبه دي مش هنا ,, هاتيها معاكي وانتي جايه
وهاتيلنا معاكي hysterical.gif

[joya]

(( هل في حب في سن المراهقه )) ؟؟؟؟؟؟[/size]

ايوه فيه

بس بيكون شكله مختلف عن الحب بتاع الناس الكبيره msn-wink[1].gif

[جنات]

ههههههههههههههههه جويا


جبتلكم شي مسابقه هع

وهنسهر للصبح clap[1].gif

حد يجبلي صوره البنت من بين الزهور

http://alsaif999.jeeran.com/photos/555935_o.jpg



dance1.gif اللي هيجبها هياخذ 100 جنيه هع

[joya]

ههههههههههههههههههه حرام عليكي جنات

مش كانت الخضه تيجي في هابي علشان نرد له شويه من تعذيبه فينا علي كرسي الاعتراف ههههههه

انا كنت حاموت فيها يا مفتريه chair.gif

[جنات]

hysterical.gif

شفتي فيلم افريقي مرعب smoke.gif


ماهووووووووووووووووه

هابي

هابي

هابي

هابي


بس نكون عاوزينه ما بنلقاه ranting.gif

[joya]

هههههههه جنات

~~~~~~~~~~~~~~~~

خبر حلو ،، الكافيه حيكون له اعلان جميل علي الصفحه الرئيسيه للمنتدي قريب جدااا good.gif

[M7mod 7osni]

"جويا أديب "

بتمارس شغلها كمذيعه يا جماعه و بتنفرد بالاخبار الحصريه من خلال مصادرها الخاصه داخل مجلس الاداره

هههههههه




و ايه يا ست باربى

مش عاجبك سيد درويش

ع العموم يا ستى التخت موجود و قاعدين ليل نهار اللى انتى عايزاه يغنوه

و اى حد عايز اغنيه يغنوهالو و ماتنسيش تغديهم

اما بالنسبه للمشاريب

انا مش بشرب غير شاى






و كل سنة و انتم طيبين بمناسبة تحرير سينا و يا رب نهنى بعض يوم تحرير القدس و بغداد




يللا يا عم عبدو

واحد

اتنين

تلاته


" و صباح الخير يا سينا

و رسيتى فى مراسينا

تعالى فى حضننا الدافى

و ضمينا و بوسينا يا سينا

يا سيييييييييييييينا "


اهوه يا ستى عبد الحليم اهوه

[totaa]

هههههههههههههههههه

جامد يا جنات ااصورة

منك لله





جويا جامد الخبر دة




محمود

بما ان التخت موجود

ونبى نفسى اسمع اغنبة

يا حلو صبح يا حلو طل


دور شاى بقى

عشان نصحصح كدة 7_5_136.gif


ودة بقى ينسون عشان اللى هيغنى الاغنية اللى عاوزاهاhttp://up.qatarw.com/u/files/qvavzdr2qbnv191le2ag.jpg (http://up.qatarw.com/u/)



ودية اغنية منى تحية لكل اللى على الكافى


http://http://www.2shared.com/file/3197177/917cc584/___online.html




clapping.gifclapping.gif

[جنات]

صباح الخير هع

كيفكم عالصبح ان شاء الله بخير

[totaa]

عايشين

وتمنى اخبار فوازيرك اية

هههههههههههههههههههههه

[جنات]

هههههههه جنات

~~~~~~~~~~~~~~~~

خبر حلو ،، الكافيه حيكون له اعلان جميل علي الصفحه الرئيسيه للمنتدي قريب جدااا good.gif


خبر حلوو كتير جويا كده احلى بكون ليه بنر victory.gif


توتا هههههههه خلصتهم لقيت مون وجويا كاتبين قبلي surrender[1].gif

[joya]

مووون حبيبتي ميرسي علي الاعلان الجميل عن الكافي شوب

بانر جميل وذوقك يجنن

وليكي واحد كابتشينو فري علي حساب باربي هههههههههه

[moonlight]

تسلمي يا حبيبة قلبي انتي و باربي و كل اعضاء شقاوة الحلوين

و خاصة طبعا رواد الكافيه الجميل دا

و دايما يارب متجمعين على كل حاجة حلوة



angel5.gif

[joya]

خبر هام للشباب

الرجال المتزوجون من قبيحات هم الأطول عمرا لانهم لا يعانون من مشاكل الغيره وما يتبعها من مشاكل نفسيه وصحيه .. أما الرجال المتزوجين من جميلات فانهم أكثر عرضه للاصابه بضغط الدم المرتفع

ودي دعوه لشباب المنتدي انهم يدوروا علي عروسه وحشه ty_ty.gif

taz.gif taz.gif taz.gif

[جنات]

بس الجمال جمال الروح
وحتى لو زوجته مش حلوه او العكس حلوه
فأكيد الراجل بتزوج لانه حبها لشخصيتها مو لشكلها
والغيره هتكون موجوده بكل الحالات

هههههههه وكل يوم بطلع دراسه عجيبه

icon26[1].gif


تسلمي جويا عالخبر

[totaa]

هههههههههههه


حلو الخبر دة يا جويا

بس انا شايفة

انهم يتجوزو بنات حلوين

عشان نخلص منهم بدرى بدرى هههههههههههه


جنات وحشتينى يا بت انتى فين

خلاص مش بتقعدى غير على الكافية

[Mr-LOrd]

هههههههههههههههههههههه

اصلا ياجويا محدش عارف يتجوز

هههههههههههههههههههههههه
بعدين ياتوتا ايه الحقد الى فى قلبك دا

للدرجه دى عايزه تخلصى من الشباب

دا احنا عسل هههههههههههههههههههههههه

[joya]

بس طبعا لو الرجاله كلها مشيت علي الدراسه دي
احنا _ البنات الحلوين - مش حنلاقي نتجوز 2smiley.php.gif
هههههههههه

[totaa]

هههههههههههههههههه


اة والله على رائيك يا جويا

احنا الحلويين

هنقعد فى بيت مهماهتنا ههههههههههههه


لورد دة مش حقد يا عسالات

دة معازة هههههههههههههه

[M7mod 7osni]

لالالالالالالالالا

اللى عملت البحث ده دكتورة وحشه و معنسه

و بعدين لو اللى بيتجوز واحده حلوه عمره بيقصر

فاللى بيتجوز واحده وحشه بيتعذب فى عمره الطويل

و عموما اللى بيتجوز اصلا بيطلع عينه

و اللى مش مصدقه تقرا عمود عم انيس اللى فى الاهرام يوم الجمعه


بس خلو بالكو يا حلوات

عم انيس بيقول

ان المرأة الدميمه ذكيه

و المرأة الجميله ؟؟؟؟

هههههههههههههههههههه





ميه ساقعه للهوانم يا عزت

تتتتتتشششششش

[joya]

هههههههههه محمود

لا لا محدش يقرأ أنيس منصور ده متحيز ضد المرأه وبيفضل يتريق علينا ويهاجمنا علي طول

بس علي فكره موضوع المرأه الجميله غبيه ده مش صح ابدا

فكره التعميم اساسا فكره فاشله

وخليلك المياه الساقعه shotgun_killer.gif أنا عايزه سبرايت

[M7mod 7osni]

مين اللى قال غبيه ؟

انا قلت غبيه؟

ماحدش قال غبيه


انتوا زينة البنات

السلاح يطول يا جويا




لمون للاستاذه يا عزت

[totaa]

تتتتششششش

ههههههههه

حلوة تش دية اوى على فكرة

وبصراحة انا من رائ جويا

هو فعلا دايما متحيز ضدنا

هات رائ حد محايد

وبعدين ابقى هات الميا الساقعة

عشان ناخد برائية

هههههههههههههههههه

وعلى فكرة درتسات كتير اثبتت ان المرأة اكثر ذكاء من الرجل

وكمان ربنا سبحانة وتعالى

قال ان كيدهن عظيم

اظن ان الكيد دة اساسة التفكير والتخطيط اذن

نقدر نقول ذكاء المرأة عظيمblush-anim-cl[1].gif

[M7mod 7osni]

طيب بما ان كيدهن عظيم

يبقى هابى شم النسيم

و الدنيا ربيع و الجو بديع ( قفلى على كل المواضيع )

هانيجى بكره نلاقى المشرفين قفلوا المواضيع كلها

هههههههه

[M7mod 7osni]

هيه هيه هيه هيه هيه

اخدت وسام

معانا وسام معانا وسام


تميز عال و مش بطال


تلالالا تلالالا

[Clickme]

هههههههههههههه

معايا ريال معايا ريال احسن من الوسام حتى ههههههههه
انا عايز وسام انا كمان ليه مخدتش وسااااااااااااااااااااااام crry.gif

ابقى سلملى على حنفى vincent.gif

عايز شوب قهوة دوبل افوق شوية crry.gif

http://sh2ee.com/01AwcAX1CiRygAAAABAAAAAAAAAAA_.jpg

حبيب الملايين بيصبح عليكم smoke.gif

3[1].gif

[joya]

ههههههههههههه حبيب الملايين ده محتاج حد ينفضه أحسن العنكبوت كده ملي الدنيا

ده ناوي يقعد بأه لسه بصحيح ,, ما احنا قلنا انه من عيله معمره وجده عاش 120 سنه

ربنا يدينا الصبر

[M7mod 7osni]

صباح الفل ع السهرانين بعد نص الليل

النهارده بس اكتشفت ان فيه كابوتشينو بطعم الموز و الكرمله و الموكا و الفانيليا و القرفه

و انا كان اخر علمى البندق و اللوز

عموما انا هاشرب شاى و اقول فزوره و امشى


" ما هو اصعب شئ على اى رجل فى العالم "

[joya]

صباح النور عليك محمود

فيه دلوقتي كابتشينو بكل حاجه بس يتهيالي اللي غاوي كابتشينو بجد بياخده ساده من غير أي نكهات

انا بأه مش بشربه .. عايزه فريز بالتوت shiny[1].gif

.........

يتهيالي أصعب حاجه علي الرجل ان حد يشوف دموعه
لان الدموع دليل ضعف والراجل دايما يحب يكون قوي في نظر الناس

[barbie]

الله الله الله على الاعلان بجد يجننننننننن ميرسي اوي يا جويا و جنات و توتا على المجهود ده ربنا

يخليكو ليا يا رب ليكو عصير فري و كمان خصم 50 % على اي حاجه


و بعدين مالهم البنات لورد البنات كلهم حلوين الولاد بس شويا بيبقو غلسين



و كل سنه و انتو طيبين على تحرير سينا و شم النسيم



انا زعلانه اوي عشان محضرتش حاجه خالص بجد يا خسارة بس هي الغربه كده ربنا يصبرني

[barbie]

ملاحظه :


معلش يا جماعه بس الموضوع ده للكل مش بس المنتدى العام ياريت الي يحط موضوع عالمنتدى يحط موضوع واحد بس

لان لازم نستفيد من كل حاجه بنقراها هنا اوك و لو حبيت تحط موضوع تاني خليها بعدها باربع خمس ايام

عشان حتى الاعضاء يخدو فرصه انهم يقروه و عشان الكل يستفيد معلش انا اسفه بس ياريت الي عرف يقول

للتاني لان دي من اساسيات المنتدى الناجح





و شكرا

[M7mod 7osni]

باربى

انا فكرتك عندك فروع تانيه للكافى بتمرى عليها علشان كده ناسيانا

طيب يا ستى حاضر هانلتزم بالقوانين


انا كنت حطيت فزوره و تقريبا ماحدش خد باله منها

" ما هو اصعب شئ على اى رجل فى العالم "




الحل













انه يحدد الدوجلاس بالموس و هو بيمضغ لبانه



يااااااااه صعبة جدا




فين الشاى يا عزت

[joya]

هههههههههههههه يا نهار ابيض يا محمود .. انتو بتتعبوا أوي

انا رديت علي سؤالك الصفحه الي فاتت بس مكنتش فاكره الموضوع كده

[joya]

ملاحظه :
معلش يا جماعه بس الموضوع ده للكل مش بس المنتدى العام ياريت الي يحط موضوع عالمنتدى يحط موضوع واحد بس

لان لازم نستفيد من كل حاجه بنقراها هنا اوك و لو حبيت تحط موضوع تاني خليها بعدها باربع خمس ايام

باربي هو فعلا الكافيه للمنتدي كله علشان كده عملناله بانر علشان الي يحب شارك

أنا مش فاهمه تقصدي محدش يكتب حاجه علي الكافيه الا كل 4 ايام؟؟ يتهيالي هو اللذيذ اللي فيه ان ممكن الواحد يدخله أي وقت ويضيف الي يحبه .. مافيش داعي نحط عليه قيود وخللي الي يحب يضيف حاجه يشارك في أي وقت

ولا ايه رأيك ؟

[M7mod 7osni]

لا بيتهيالى باربى قصدها تقول ان لما نفتح موضوع نبقى نستنى عليه شوية قبل ما نفتح موضوع جديد

علشان هى مثلا كانت غايبه كام يوم و فاتها مواضيع كتير

و فعلا لو رجعنا هنلاقى فكرة حد طرحها للمناقشه و يادوب اتكلم فيها زبون ييجى الزبون اللى بعده يفتح موضوع جديد

يعنى هي من الاخر قلقانه و قاعده تقول يا ترى مين اللى هاينضف وراهم بعد مايمشوا

ههههههههه

ممنوع مواضيع اللب و السودانى يا جماعه عشان القشر

[joya]

اوكي وانا مع باربي ان لو فيه موضوع معين نستني عليه شويه لغايه ما الكل يتكلم فيه

بس الفكره ان الكلام بيجيب كلام وبيفتح موضوعات تانيه يعني صعب نحكم الموضوع ده

............

يا شماته كل الناس فيك يا محمود هههههههههه انت تعتزل كوره أحسن

[جنات]

هههههههههههههه ده توقيع محمود حكايه

[M7mod 7osni]

اللهم لا شماته

فيه حد نحس ؟

يا ترى مين ؟

هاعرفه يعنى هاعرفه

[mostafa salah]

هههههههههههههههههه
بجد انا داخل الموضوع بس عشان اقولك يا محمود يا حسنى انت تواقيعك حكايه
بجد تحفه
اعذرونى يا جماعه لو كنت خرجت عن الموضوع
تحياتى "

[totaa]

ههههههههههههههههههههههههههه






هههههههههههههههههههههههه






























ههههههههههههههههههههههههههههههههههه







وحياة ماما مش قادرة امسك نفسى من الضحك




لدرجة ان بنت اختى كنت شايلاها



والله وقعت من سور البلوكنة




ههههههههههههههههههههههههههههه



من كتر منا معرفتش امسكها من الضحك












بجد حكاية يا محمود التوقيع




اية دة مشكلة مشكلة





وكلة كوم وظاظات كوم تاااااااااااااااااااااانى





هههههههههههههههههههههههههههههه

[جنات]

ههههههههههههههه دول الظاظات شدو شعرهم منك

[barbie]

جويا يا عمري مش قاصدي حاجه و الله هوا زي ما قال محمود بالظبط ان الاهميه في ده كلو ان الكل يستفيد


و لازم اكبر عدد من الاعضاء يقرو الموضوع مش اكتر فهماني بس على اساس ان من كتر المواضيع


تلاقي رادد عليه 2 او 5 بالكتير طيب ليه ميقرأهوش كتير و يردو عليه فهماني





هههه ههههه هههههههه هههههههههه تحفه يا محمود بيتهيقلي انت تشجع نادي مش موجود اصلا




محمووود بص ..... انا من رأيي ان اكتر حاجه بتموت الرجاله الوقوف قدام المرايه

[M7mod 7osni]

يا جماعه انا توقيعى مايجيش حاجه جمب توقيعاتكوا

توقيعاتكوا بسم الله ماشاء الله بتغنى و ترقص و حاجات حلوة و فى المستقبل هاتقول بابا و ماما

اما انتوا طلعتوا كلكوا ظاظات و شمتانين فيا .... حتى أنت يا باربى

ماشىىىىىىىى ... عموما السؤال انا جاوبت عليه فى الصفحه اللى ورانا بصى عليه كده

طيب

اما بالنسبه لتوتا فأنا مش صعبان عليا غير البنوته الحلوة اللى وقعت من سور البلكونه

بعد كده هاكتب فى التوقيع يحفظ بعيدا عن متناول الاطفال

او " هكذا هى الدنيا ... يولد الانسان ليدفع ثمن أخطاء خالته "


ههههههههههههههههه

[joya]

خبر قريته غريب جدا

" سرقة الكابل الكهربائي الرئيسي المغذي لأوناش صيانة الشبكة الواقية لأنفاق محطة كهرباء السد العالي "
بس غريب ليه ما هم سرقوا قبل كده الونش العملاق بتاع مترو الأنفاق yikes.gif

[mostafa salah]

يا جماعه بصوا بقا
انا كل لما ادخل الموضوع ده ادخله الفجر او الصبح بدرى وبكون سهران
يعنى من الاخر ببقا مش مركز الموضوع بيتكلم فى ايه
والنصيبه انى مش عارف اشارك فى الموضوع
وواضح انه موضوع مهم او عليه اقبال
يرضيكوا الموضوع ده يفوتنى
لالالالالالا
حرام
والنبى عايز حد يفهمنى الموضوع بتاع الكافيه ده بيتكلم فى ايه
بس شرح مبسط عشان لما اشارك اشارك وانا فاهم
مش اكتب اى حاجه وخلاص
واللى هيتريق عليا او يضحك
هيتعلق على باب المنتدى
يلا مستنى اى حد يفهمنى احسن انا متغاظ لانى مش عارف اشارك

[M7mod 7osni]

نياااااااااااهاااااااااااههههههههااااااااااااااااا ااااs17.gif

مصطفى مش فااااااااااااااهم

نيااااااااااااهاااااااااااهااااااااااااااااs17.gif


بص يا درش

الشوفى كوب ده حاجه كده زى ماتقول قهوة يعنى بس بالبناتى


لما تلاقى نفسك فاضى تيجى تقعد مع الناس اللى موجوده و تطلب مشاريب و تدردش فى الموضوع اللى بيتكلموا فيه2strangle.gif

لو مالقيتش موضوع ممكن تفتح موضوع

ممكن تكتب حكمة قريتها

بيتين شعر

لو عندك نكته حلوه

فزوره

عايز تقوم تضرب شقلباظ فى الهوا عادى جدا7_5_125v.gif

و فيه مشروع ماشى فيه و بحاول اقنعهم يدخلوا الشيشه و انت معايا بقى نقنعهمvincent.gif

بس يا سيدى

يعنى دلوقتى الموضوع اللى شغال الحوار فيه

المفروض سرقة السد العالى اللى جويا فاتحاه

[M7mod 7osni]

" سرقة الكابل الكهربائي الرئيسي المغذي لأوناش صيانة الشبكة الواقية لأنفاق محطة كهرباء السد العالي "

بس انا سمعت يا جويا انه كمان مش اول مره يتسرق

و المفروض ان الكابلات دى بملايين يعنى مش كام متر سلك و خلاص

دى فضيحه فعلا

فيه واحد قال فى مره

ان اى حد فى مصر ... ممكن يعمل اى حاجه ... و مايحصلوش حاجه

مرة واحد صحفى فى المصرى اليوم أخد انبوبة بوتاجاز و نزل بيها المترو عادى جدا و ركب بيها و اتصور جنبها

و نزل بيها فى كذا محطه

و لا اى حد قال له انت رايح فين

فعلا فعلا

اى حد ... ممكن يعمل اى حاجه ... و مايحصلوش حاجه

لان مافيش قوانين بتحاسب حد

مش عارف اذا كان كلامى له علاقة بالموضوع و للا لأ

بس انا شايف ان السبب غياب القانون و تطبيقه على مزاج السلطه

و لذلك مش بندهش لما بلاقى حد من السياح الاجانب فى مديان رمسيس بينط على السور الاخضر علشان مايلفش

و هو طبعا عمره ما يعمل كده فى بلده لانه بيحترم القانون بتاعه

[mostafa salah]

سد عالى
يالهوى هما هيسرقوا السد العالى وربنا يا عمونا ما اعرف
على العموم انا مشتكر جدااااااا على الافاده يا عمونا
وباذن الله وانا جاى المره الجايه هجبلك هوكا معايا
ونقعد انا وانت على ترابيزه لوحدينا ونطلب 2 عناااااب
هههههههههههههههههههه
ثانكوس على المعلومات يا عمونا

[joya]

فيه قوانين يا محمود بس المشكله مش بتحاسب حد
وطبعا الاجانب ليهم حق يعملوا الي عايزينه في بلدنا طالما احنا مش بنحترم نفسنا ولا بنحترم قوانينا

بس الي منرفزني ,, كابل زي ده أكيد حاجه ضخمه جدا
ازاي فكوه وشالوه ونقلوه عادي كده بدون اي مشاكل ؟؟

مصطفي .. منور الكافيه
طالما انت جديد معانا يبقي الحساب عليك النهارده s17.gif

[M7mod 7osni]

سورى يا درش نسيت اقولك موضوع الحساب ده

نياااااااااااااااااهاااااااااااهاااااااااا

[barbie]

هااااااااااي مصطفى منور

حاجه ساقعه لمصطفى معلش يا جماعه خليه عليا النهارده


جويا يعني هيا جت على ده بس على فكرة يا جماعه في حجات كتيييير جدا بتحصل بس احنا مش حسين

بيها او مش عرفنها سواء كانت سرقه حجات من المهمه دي او كمان اثار يعني حجات في مصلحه البلد

بس لعلمك ده اهمال المفروض لم يحصل حاجه القانون و البلد تعاقب عشان متتكررش

[barbie]

كانو جيبين من كم يوم عالمحور مساعد وزير الداخليه السابق و الله الراجل ده عجبني اوي و اتفائلتلو اوي

ان تاني يوم هيخدوه امن دوله كان بيشكك في الوزرا خصوصا احمد نظيف انو راجل مش بتاع وزارة و ميعرفش حاجه في اي حاجه




بس عندو حق و الله بس عجبني اوي و معتز بقا فظيع بيولعها و يقولو يعني من الاخر انت بتوصل الكلام ده للريس


قالو ايوة بوصلو للريس



زي الفل و الله .......... اتنين سحلب يا محمد

[mostafa salah]

موافق
مش هادفع اكتر من 3.5 جنيه
شاى وسحلب وتجيبوا الباقى
استنوا بقا هروح ادور على موضوع كده وجايلكم عشان نقعد ونحكى

[M7mod 7osni]

صباح الخير

حد صاحى؟

يعنى هاخد الشاى لوحدى وللا ايه ؟

عايزين ناخد اصطباحه عشان نتوكل على الله و نشوف اشغالنا

يا فتاح يا كريم يا رزاق يا عليم

توكلنا عليك يا رب

تى كومبلى سيلفو بلى بسرعه يا عزت

[joya]

أهلا محمود

محسسني ان حتفتح الدكانه ههههههههه

يلا حد يتطوع يعمل لنا واحد شاي علشانك وواحد مياه ساقعه عشاني

[mostafa salah]

يااااااه والله الواحد قاعد قرفان ومش عارف يعمل ايه
كويس اوى
هاتولنا بقا حاجه نشربها فى السريع كده
انا هاشرب شاى سكر زياده عشان دماغى هتفرقع
وتعالو بقا ندردش فى موضوع جيه فى بالى

بما ان الامتحانات قربت و 99 % من الشعب المصرى مبيذاكرش ومش فاهم اى حاجه
قولوى نعمل ايه
لو جيت كلمت واحد وتقولو مبتذاكرش ليه يقولك يا عمونا هغش وهتعدى
طب تقوله يا بنى الغش حرام يقولك يا عمونا الغايه تبرر الوسيله
تقولو يا بنى وسيله ايه وغايه ايه يقولك يا عمونا نام وارتاح ياتيك النجاح
تقولو يا بنى الله يحرقك خش ذاكرلك كلمتين ينفعوك وسيبك من النت ده
يقولك يا عمونا متخافش انا هاعمل برشام واخده معايا الامتحان وانشاله هترزق
الله الله الله الله
ايه الواد الرخم ده
مش عايز يذاكر ومعتمد اعتماد كلى على الغش ولو قعد كمان قدام الكتاب هيعمل نفسه بيذاكر بس
لكنه فاشل تلاقيه بيتفرج على الصور ودمتم
تفتكروا هل الغش بينفع
طب لو قلتو اه افتكرو معايا كده
الرسول عليه الصلاه والسلام قال ايه
:: من غشنا فليس منا ::
طب انا مش عارف اقول ايه اكتر من كده
بجد حاجه مؤسفه الطلبه مش بتذاكر وكمان ايه اقسم بالله ان نص المتخرجين
متخرجين بالغش ومش عارفين اى حاجه فى مجالهم
هتقولولى ازاى يا مصطفى
هقولكو لان معظم المتخرجين بيشتغلو فى مجال غير دراستهم
طب ايه الحل قولولى
اللى هيجاوب برد مقنع هجبله سحلب هههههههه
تحياتى "

[M7mod 7osni]

مية ساقعه ؟؟؟؟؟؟ ايه ده انتى مش معاكى فلوس وللا ايه؟no[1].gif
طيب خلاص خلاص الناس لبعضيها هاعزمك على عصير
يللا يا درش مد ايدك قبل الشاى


http://img146.imageshack.us/img146/7341/skshcool2465wc8.jpg (http://imageshack.us)


و صباحكو فل

شد الحزام على وسطك غيرو مايفيدك
لابد عن يوم بردو و يعدلها سيدك
ان كان شيل الحمول على ضهرك يكيدك
اهون عليك يا حر من مدت ايدك

ماتيللا بينا انتا وياه
و نستعان ع الشقى بالله
و اهو اللى فى القسمة جبناه
و اللى مايجيش ان شالله ماجاه
مادام بتلقى عيش وغموس
يهمك ايه تفضل موحوس
ماتحط راسك بين الرؤوس
لا تقوللي لا خيار ولافقوس


حقولك ايه واعيد لك ايه كله له آخر
دى خبطة جامدة وجت على عينك ياتاجر
ياوحستك دلوقت لا وارد ولا صادر
يحلها الفين حلال ربك قادر

قل لي في عرض النبي ياحسين
رايحين نلاقيها منين ومنين
و الأش متجوز اثنين
يادنيا روقى جاتك البين

شوفوا البخيل يفضل منحوس
ولو علقوا على بابه فانوس
فلوس دي ايه اسكت ياجاموس
ديه السعادة في غنا النفوس

شد الحزام على وسطك غيره مايفيدك
لابد عن يوم برده يعدلها سيدك
إن كان شيل الحمول على ظهرك بيكيدك
أهون عليك ياحر من مدت إيدك

ماتيالله بينا انت وياه ونستعان ع الشقا بالله
واهو اللى فيه القسمه جبناه
واللى مايجيش انشا لله ما جاه
مادام بنلقى عيش وغموس
يهمك ايه تفضل موحوس
ماتحط راسك بين الرووس
لا تقوللي لا خيار ولافقوس

قرب شيلنى شيل
عمر الشدة متطول
قرب شيلنى شيل
بكره نهيص زى الأول
لا تقولى كتير وقليل
بكرة نهيص زى الأول
لا تقولى كتير وقليل
عمر الشدة متطول

هيلا هيلا هيلا هيلا . . هيلا هيلا هيلا ليصة

[mostafa salah]

هييييييييييييييييييييييه
الله عليك يا سيدى الله الله الله الله
هيييييييييييييييييييييه

اشجينا يا عمونا يا سلام عليك والنبى فنان والنبى شاعر
والنبى عايز عصير كوكتيل
ولو ملقتش هاتلى انا تمر هندى
هع هع

[محمد ثروت]

السلام عليكم ورحمه الله

صباح الخير يا شباب المنطقه الحلوه

ياريت موز بلبن



بليز يا جماعه

ورايه مشورر

ضرورى

[جنات]

وعليكم السلام


ازيك يا محمد منور

فينك من زمان ان شاء الله نشوفك على طول

[barbie]

صباح الفل يا محمد منور يا جميل و نورت المنتدى من بعد غياب و كمان الكوفي



انا سمعت ان محمود بقا شاعر !!!! سبحان الله



مصطفى يا جاااااااااااااااااااااااااااااامد صباح الفل يا ريس مقلتليش ليه انك بتحب عمرو


انا كمان بحبو اوووووووي ..... و رجعين نعشق و ندوب و نعيش مع بعض حياتنا .....

[mostafa salah]

مصطفى يا جاااااااااااااااااااااااااااااامد صباح الفل يا ريس مقلتليش ليه انك بتحب عمرو


انا كمان بحبو اوووووووي ..... و رجعين نعشق و ندوب و نعيش مع بعض حياتنا .....


اشطا اللى مبيبحبش عمرو يبقى مبيعرفش يسمع اغانى msn-wink[1].gif

وانت الغالى يا حبيبى والليله انا قلبى اختارك هع هع هع

تحايتى "

[M7mod 7osni]

شاعر ايه يا جدعان

هو انا اعرف اكتب الكلام الجامد ده بردو

دى اغنية لسيد درويش

( طبعا كل واحد بيقول فى سره ....... "انا قلت كده بردو ")

هههههههه

طيب يلا بما ان الناس كلها بتحب عمرو

هاتولنا قهوة ع الريحه

بس تكون من ريحة الحبايب

[joya]

المتفائل إنسان يرى ضوءاً غير موجود ..

والمتشائم أحمق يرى ضوءاً و لا يصدق

http://img403.imageshack.us/img403/705/thumbpic09aae1.jpg

[Oka]

صباحو لذيذ


احم احم



انا حبيت بس اعدى اقول


msn-wink[1].gif nice for Signed

[barbie]

hi chink how are u

thank u for

[joya]

Chink
مش معقوول ؟ كنت فين كل ده ؟

منور المنتدي ويا ريت نلاقيك علي طول معانا

[Oka]

حبيت النهاردة اعدى واقول


I miss YoooooooooooooooooooooooooooooU My LoVe

[b a k y]

سلامو عليييييكووووو
انا حبيت اعدى (قبل مايعدى اوكا) واقول زى ما قال ......
صباحو لذيذ

[sh2eetobesso]

موضوع جميل جدااااااااااااااااااااا

[joya]

خبر قريته النهارده غريب

عامل بناء وقع من الدور ال 13 وربنا ستر محصلوش حاجه الا اصابات طفيفه

زي القطط بسبع أرواح bf_new.gif

[شجن الشربينى]

اماعايزه واحد كابيتشينو عشان افوق وبعدين افضالكو

[شجن الشربينى]

انا كنت طلبه اغانى جت

[Prince of doom]

السلام عليكم ورحمة الله وبركاته
موضوع جميل جدا وانا عاوز واحد شاى حبر سكر زياده ممكن

انا محمد صلاح من مصر

[joya]

شجن .. كل طلباتك جايه في السكه بس استني شويه أد شهرين كده good.gif

اهلا محمد صلاح .. الكافيه ده يظهر محدش بيجيب فيه طلبات
الي يجي يجيب طلباته معاه .. وهات لنا معاك shootme.gif

[maya_sh2ee]

صباح الورد علي عيونكم

حكمة اليوم

ليس الانجاز ان تصنع الف صديق في السنه ولكن الانجاز ان تصنع صديق لالف سنة..

[محمد ثروت]

صباح المؤفجات

انا معايه احسن حاجه

ومفيش حد هيصدق

كفايه عليكم الصوره

والباقى بعدين

اه صباح الخير
http://www5.0zz0.com/2008/06/04/03/980148824.jpg (http://www.0zz0.com)

قريــبــااااااا هنا وبــــــــــــــس

[joya]

بانتظار الشريط الجديد يا محمد
وتسلم ايدك مقدما علي الحصريات

[Che]

بجد الكوفى فى المنتدى مهم لولاه لما نقدر نعرف كل واحد فينا ايه الى جواة ... حلوة منك رهام

[Oka]

حبيت النهاردة اعدى اقول

ما من طير طار وارتفع ال كما طار وقع

[المشاغب الصغير]

يقول القلب الضائع
اذا احببت فتا فسئل متى موعد الخيانة
مع تحياتى عازف على اوتار الاحزان
المشاغب الصغيير

[محمد ثروت]

طول ما فى حب من القلب بجد

مفيش خينه صدقنى والله

وبالتوفيق

s16.gif

[gopa]

مازال داخل كل مأزق نافذة للخروج وفى جوف كل عقدة خيط مفكوك (من اجمل الجمل اللى قريتها فى حياتى)

[Mr.MaGoOoOo]

شـكــ وبارك الله فيك ـــرا لك ... لك مني أجمل تحية .

الحمدلله والصلاة والسلام على رسول الله وعلى آله وصحبه أجمعين

ألف مبروك .. لقد سعدت بهذا الخبر

[Che]

شـكــ وبارك الله فيك ـــرا لك ... لك مني أجمل تحية

شـكــ وبارك الله فيك ـــرا لك ... لك مني أجمل تحية .

شـكــ وبارك الله فيك ـــرا لك ... لك مني أجمل تحية .

شـكــ وبارك الله فيك ـــرا لك ... لك مني أجمل تحية .

شـكــ وبارك الله فيك ـــرا لك ... لك مني أجمل تحية . .

active.gifclap[1].gifthumbdown[1].giflac.gifhemiCoupe.gif شـكــ وبارك الله فيك ـــرا لك ... لك مني أجمل تحية . مشكووووووووووووووووووووووووووووووووووووووووووووووو ور جدا يا مانwaterskiing.gif
شـكــ وبارك الله فيك ـــرا لك ... لك مني أجمل تحية .

الحمدلله والصلاة والسلام على رسول الله وعلى آله وصحبه أجمعين

ألف مبروك .. لقد سعدت بهذا الخبر

وعليكم السلام ورحمة الله وبركاته وعليكم السلام ورحمة الله وبركاته وعليكم السلام ورحمة الله وبركاته وعليكم السلام ورحمة الله وبركاته وعليكم السلام ورحمة الله وبركاته وعليكم السلام ورحمة الله وبركاته وعليكم السلام ورحمة الله وبركاته وعليكم السلام ورحمة الله وبركاته وعليكم السلام ورحمة الله وبركاته وعليكم السلام ورحمة الله وبركاته وعليكم السلام ورحمة الله وبركاته وعليكم السلام ورحمة الله وبركاته وعليكم السلام ورحمة الله وبركاته وعليكم السلام ورحمة الله وبركاته وعليكم السلام ورحمة الله وبركاته وعليكم السلام ورحمة الله وبركاته وعليكم السلام ورحمة الله وبركاته وعليكم السلام ورحمة الله وبركاته وعليكم السلام ورحمة الله وبركاته وعليكم السلام ورحمة الله وبركاته وعليكم السلام ورحمة الله وبركاته وعليكم السلام ورحمة الله وبركاته وعليكم السلام ورحمة الله وبركاته وعليكم السلام ورحمة الله وبركاته وعليكم السلام ورحمة الله وبركاته وعليكم السلام ورحمة الله وبركاته وعليكم السلام ورحمة الله وبركاته وعليكم السلام ورحمة الله وبركاته

بسم الله الرحمن الرحيم بسم الله الرحمن الرحيم بسم الله الرحمن الرحيم بسم الله الرحمن الرحيم بسم الله الرحمن الرحيم بسم الله الرحمن الرحيم بسم الله الرحمن الرحيم بسم الله الرحمن الرحيم بسم الله الرحمن الرحيم بسم الله الرحمن الرحيم بسم الله الرحمن الرحيم بسم الله الرحمن الرحيم بسم الله الرحمن الرحيم بسم الله الرحمن الرحيم بسم الله الرحمن الرحيم بسم الله الرحمن الرحيم بسم الله الرحمن الرحيم بسم الله الرحمن الرحيم بسم الله الرحمن الرحيم بسم الله الرحمن الرحيم بسم الله الرحمن الرحيم بسم الله الرحمن الرحيم بسم الله الرحمن الرحيم بسم الله الرحمن الرحيم بسم الله الرحمن الرحيم بسم الله الرحمن الرحيم بسم الله الرحمن الرحيم بسم الله الرحمن الرحيم بسم الله الرحمن الرحيم بسم الله الرحمن الرحيم بسم الله الرحمن الرحيم بسم الله الرحمن الرحيم بسم الله الرحمن الرحيم بسم الله الرحمن الرحيم بسم الله الرحمن الرحيم بسم الله الرحمن الرحيم بسم الله الرحمن الرحيم بسم الله الرحمن الرحيم بسم الله الرحمن الرحيم بسم الله الرحمن الرحيم


ردك وكلامك جميل ولكن من دون مبالاة وكلام عشوائى , الرجاء الانتباه ..

[Oka]

فى العجلة الندامة وفى التئنى السلامة

[joya]

مممممممم ورجعنا فتحنا الكافيه من تاني
الي يحب يتفضل بس يجيب الي حيشربه معاه 5_1_123v.gif

------------------


فظيعه حادثه القطر الي دخل في نقل في عربيتين ؟؟
حادثه شكلها فظيع وعدد كبير مات
لو حد عنده اخبار عنها يقول لنا

[MidoOoOo4u]

وليه الزعل دا بقى يا جويا أيه جيب اللى حتشربه معاك

دا انا قولت اجى دلوقتى فى الرواقه علشان اتعزم بنفس على قهوتكم اللذيذه بمناسبه انى اول مره اجى

و قولت حتجيبولى لازنيا و جاتوه و حتطلبولى ديلفرى ماشى يا جويا خليكى فكره دى اول مره تستضيفينى فيها

المهم اللى احب اقوله و دى عن تجربه

ذاكر و اجتهد لكى تنسى و تفوق .... و ضع امامك هدف ...... بدل من ان تتوه

دى من تحاربى و يارب تفيدكم

[joya]

ههههههه ميدو
اولا انت تنور الكافيه
بس لازانيا ايه ومحشي ايه ؟
هنا فيه كابتشينو ،، امريكان كافي ، شاي بلبن ...
انت جاي علي طمع ؟؟ 2strangle.gif

""ذاكر و اجتهد لكى تنسى و تفوق .... و ضع امامك هدف ...... بدل من ان تتوه ""

حلو المبدأ الي انت ماشي عليه ده
دايما الواحد لو متضايق ،، مافيش حاجه بتخرجه من الاكتئاب الا الاجتهاد وانه يشغل نفسه في حاجه مفيده

[MidoOoOo4u]

مرسى يا جويا على استضافتك

ويا ستى انا حشرب اى حاجة على مزاجك بس تكون بلبن و ميكونش داخل من مكوناتها أى حاجة لونها أبيض

وعلى فكرا المبدأ دا حلو لحجتين أول حاجة اللى انتى قولتيها انه يشغل نفسه بحاجة مفيده

و التانيه انه حيريح من كلام الأباء روح ذاكر يبنى ...... روح أفهملك كلمتين ينفعوك يا فاشل ..... ألخ ألخ

يعنى راااااااااااااااااااااااااااحه من وجع الدماغ صح ولا انا غلطان

و مرسى مره تانيه على ترحيبك بيا

[MidoOoOo4u]

أيه يا جماعه وقفتم نشاط الكافيه ولا أيه

ايه البن خلص والشاى على الشجره

يله عايزين زوار الكبتشيونا حيبرد يا جماعه تعالوا ومتخفوش

المصاريف عليا المره دى

يلللللللللللللللللللللللللللللله مستنيكم

[Che]

أيه يا جماعه وقفتم نشاط الكافيه ولا أيه

ايه البن خلص والشاى على الشجره

يله عايزين زوار الكبتشيونا حيبرد يا جماعه تعالوا ومتخفوش

المصاريف عليا المره دى

يلللللللللللللللللللللللللللللله مستنيكم

تدرى "ميدو" جوك حلو ونشيط ..
s17.gif

[MidoOoOo4u]

أعمل ايه طيب يا che بقالى تلت أيام محدش بيدخل على الكافيه

شكل الأعضاء لقلهم مطعم أو كافيه تاانى غيرنا

لازم نسوق للكافيه شويا

[Che]

عايز رائيكم يا جماعه بالموضوع !!
http://www.sh2ee.com/vb/showthread.php?t=24996
schmoll[1].gif

[MidoOoOo4u]

صباح الخير على جميع الأعضاء

يله تعالوا نتم بس دا فى فقرات جميله فى الكافيه

جايبلكم الساحر و عم شطاطه اللى بيلعب بالنار

يله مستنيكم

[joya]

تشي
حلو اوي الموضوع
تسلم ايدك علي مجهودك الرائع

ميدوو حلو السيرك ده
عايزين بيت المرايات كمان harhar1[1].gif

[joya]

يا تري حد بيتفرج علي مسلسل نور التركي ؟

علشان انا ناويه أكتب موضوع علي الهوس الي عامله الايام دي عند أغلب الناس
ولا ميستاهلش اتعب نفسي وأكتب عنه ؟

[MidoOoOo4u]

بصى يا جويا انا عن نفسى مبشفهوش و مسمعتش عنه

أصلى مليش فى التلفيزيون ............زو نصيحه اكتبى سؤالك فى وضوع تانى

لأنه بجد بقى نادر لما الأعضاء يجوا الكافيه

أنا اظن ان الكافيه حينشر افلاسه و حيتباع فى المزاد
..


أهئ اهئ اهئ

[moonlight]

انا شوفت منه مشاهد بصراحة مش متابعاه

بس قريت عن الهبل و الطلاقات و مهند الحاجات دي

و عندي تعليقات على حاجات كمان شوفتها من انبهار الاعلام العربي بابطاله

كانهم جايين من المريخ

ربنا يهدي ... اكتبي يا بنتي و نحن معكي clap[1].gifclap[1].gif

و بعدين ليه يا ميدو الياس دا خليك متفائل victory.gif... احنا هنلم فلوس من بعض و ندعمه

[mostafa salah]

المسلسل ده يا جويا عايز اقولك انه عامل ضجه اوى

مش عارف ليه تقريبا اغلب مواقع النت حاطه اعلان عنه

وبوسترات ليه ده فى ناس اصحاب مواقع بتدفع فلوس فى بنرات اعلانيه باسم المسلسل

بجد مش عارف ليه

وللاسف انا متفرجتش عليه هع

بس عايز اعرف ايه حكايته ده

[Che]

يا تري حد بيتفرج علي مسلسل نور التركي ؟

علشان انا ناويه أكتب موضوع علي الهوس الي عامله الايام دي عند أغلب الناس
ولا ميستاهلش اتعب نفسي وأكتب عنه ؟

احترماتى الشديدة للجميع , ولكن الكثير ينكرون وينكرون مشاهدتهم لهذا المسلسل ..
ما ادرى السبب ,وكم اتمنى ان تكتبى موضوع عن عن المسلسل اذا حبيتى يجويا !!

icon28[1].gif

[joya]

ميدو ان شاء الله حكتب موضوع عن نور .. لما نشوف آخرتها ايه مع مهند ده

وان شاء الله الكافيه تشتغل كويس
مع الحر ده الناس بتبقي عايزه تهج من بيتها وتروح اي مكان فيه هوا
بس عايزين نجيب مراوح جديده هنا fruits_cherry[1].gif

[joya]

موون .. فيه حالات طلاق وفيه حالات جنان
يعني بتحصل حاجات غريبه مع عرض المسلسل
تعالي نكتب موضوع مشترك بيني وبينك عن المسلسل ده هههههه احسن انا مش عارفه ابتدي منين active.gif

مصطفي يا ريت تشوف جزء منه كده علشان لما نكتب عنه تبقي متابع ولاحظ الناس الي بيتفرجوا عليه أد ايه بيكونوا مشدودين كأن مهند ونور دول من باقي قرايبهم 4_1_72.gif

تشي .. مش عارفه ليه حد ينكر انه بيتفرج عليه
هي أذواق يعني انا مثلا مش عاجبني بس غيري ممكن يعجبه وده ميقللش من قدر حد
ولو كتبنا موضوع عنه مش حيكون في الموضوع تجريح في الناس الي بتشوفه بس انا عايزه اعرف اشمعني المسلسل ده عليه الاقبال الرهيب الي شايفينه

يلا عايزين حد يجيب سبرايت في الحر ده good.gif

[خجلانه]

مساكم فل وورد وياسمين ممكن ترحيب فيني عشان انا يديده ع المنتدى


ابي اتعرف عليكم شقايلين

تقبلوووووووووني بينكم ياحلى اعضاء وابي ع الطريق كبتشينو

أختكم خجلانه

[joya]

خجلانه

اهلا بيكي يا جميله في المنتدي
ان شاء الله يعجبك ونشوف مشاركاتك دايما

واحد كابتشينو لخجلانه علي حساب صاحب المنتدي
ده علشان أول مره بس ليكي عاالمنتدي blush-anim-cl[1].gif بس بعد كده حتدفعي الحساب هههههههه

[خجلانه]

ولا يهمتش حبيبتي المره اليايه علي انا
فديتتش dance1.gif

[جنات]

wavetowel.gif مساء الخير جميعا
اخباركم..؟

خجلانه هلا بيكي ياعسوله منورانا
blush-anim-cl[1].gif

[joya]

مساء النور جنات
واحد نسكافيه لجنات مع تشيز كيك

الحساب علي ميدووو النهارده 7_5_129.gif

[جنات]

4_1_72.gif جويا ممكن نيسكافيه عادي

بس ابعدي الحلويات عني ههههههههه مش ناقصه دهون وشحوم

احم shiny[1].gif كده كده مش باكلها كتير

شوفتي ازاي خففت عن ميدو المصاريف هع

مش اتفكري وزني 100 كليو اوعي اه انا كلي 58 هع

harhar1[1].gif

[joya]

ههههههه جنات
مش حنوفر لميدوو ولا حاجه
هو حيدفع برضه
وانا حاخد التشيز كيك هه هه هه

[joya]

نشرت مؤسسة الاستخبارات الأميركية إعلانا في الجرائد تعلن فيه عن وجود وظيفة خالية لمخبر سري عالي المستوى.

‏بعد الانتهاء من جميع الاختبارات الاولية، رسى الاختيار على رجلين و امرأة فتم استدعاؤهم للإختبار الحاسم و الأخير، الذي سيتقرر بموجبه تعيين واحد من الثلاثة في الوظيفة

‏جاؤوا بالرجل الأول و قالوا له ‏سوف نمتحن ولاءك لنا، ‏لقد قمنا باختطاف زوجتك و ربطناها بكرسي في داخل هذه الغرفة المغلقة. ‏نأمرك بالدخول عليها و قتلها الان. ‏معك دقيقة واحدة. ‏هاك مسدسا."
‏أجابهم الرجل: "‏هذا فظيع! ‏لن أستطيع أن أتابع معكم. ‏أنا منسحب."

فجاؤوا بالرجل الثاني و قالوا له نفس الكلام. ‏فدخل الغرفة، و بعد عدة ثواني خرج باكيا و لم يستطع أن يقتل زوجته. ‏فقالوا له إن قلبه ضعيف و هو لا يصلح.

فجاؤوا بالمرأة و قالوا لها أنهم خطفوا زوجها و أعطوها مسدسا و طلبوا منها أن تثبت ولاءها لهم بقتل زوجها. ‏فدخلت الغرفة، فسمع الحاضرون صوت صياح و ضرب و تكسير، و بعدها خرجت المرأة. ‏فقالوا لها، "‏ماذا حدث؟" ‏قالت، " ‏تبين أن المسدس ليس حقيقيا، فاضطررت لضربه بالكرسي ضربا مبرحا حتى مـــــات

دي نكته لازم الكل يضحك

[kaka14]

goooooooooooooooooooooooooooo

[totaa]

هههههههههههههههههههههههههههه
جامدة موووووت

بس دية اكيد مواطنة مخلصة جدا لوطنها

عشان الرجالة تصدق ان الاخلاص معناة انثى

هههههههههههههههههههههههههههههههههه

[totaa]

اة على فكرة انا كنت همشى من غير ما اطلب حاجة

بس الحمد لله انى افتكرت

عموما انا سامعة كلام عن عزايم ميدو عاملها

انا كمان بقى هاخد تشيز كيك

معاكى يا جويا

ومش هاخد درينك عشان نوفرلو اهوة هع هع هع

[joya]

مواطنه مخلصه جدا لوطنها وأكيد طالع عينها من جوزها ههههههه ما صدقت

توتاا كده 2 تشيز كيك
بس ميدو اختفي تقريبا من ساعه ما عرف ان الحساب عليه s41.gif

[M7mod 7osni]

ههههههههههههه جامدة جدا يا جويا

صباح الخير ع الصحيانين

يللا يا جماعه اللى لسه صاحى يقوم يشوف ماتش منتخب اليد بتاعنا فى بكين

محتاجين تشجيعنا

و لو كسبنا الحساب عندى

مصر بيب بيب بيب مصر بيب بيب بيب مصر

**********

[M7mod 7osni]

انسوا الموضوع

مصر خسرت وودعت البطولهcrazy[1].gif

يا ترى ميدو اتاخر ليه؟

[جنات]

صباح الخير جميعا

ازيكم ... نفر نفر

معلش يا محمود تتعوض ان شاء الله ههههههههه




جويا دي النسوان وله بلا لزم على طول نكون قدها
هههههههههههههههه

[joya]

جنات هي الست دي تقريبا كانت مغلوله اوي من جوزها happydance.gif يلا يستاهل ههههههه

محمود .. احنا مودعين البطوله من قبل ما نروح blushing[1].gif س هو مش لسه فيه آيه مدني حتلعب يوم الخميس ولا كده خلاص ؟ tomato.gif

ميدوو خرج ولم يعد 2strangle.gif

[b a k y]

.............

واحد قتل اتنين ظباط ...... واتصل ب 122
قالهم
انتوا بقيتوا 120 بس

قريتها فى الدستور المصرى ......

العدد بتاع السنه اللى فاتت

[joya]

.............

قريتها فى الدستور المصرى ......
العدد بتاع السنه اللى فاتت

علي كده الدستور اتغير خالص
خلوه مسلي ،، علشان زمان كان رخم birgits_giggle.gif

************

فات من الزمن اسبوعين علي تطبيق قانون المرور الجديد
ومافيش اي جديد في الشوارع ،، مشفتش أي ظابط واقف بيدي مخالفات
الميكروباسات بتقف في مطلع أي كوبري ومحدش رابط أي احزمه ولا فيه التزام بالسرعه

اعتقد الشوارع أصبحت اسوأ من الاول ranting.gif

[M7mod 7osni]

الميكروباسات ؟

هههههههه

طالعه من كيبوردك زى العسل


انا كنت معترض على القانون قبل ما يتطبق

و بعدين نزلت فى يوم مسافر و بالتحديد على طريق اسكندرية الزراعى

فوجئت بالطريق ده و يأكنى ماشى فى طريق أوروبى

بجد

كله ملتزم بالسرعه

النقل ملتزم اليمين

الناس كلها نضاف و مسرحين شعرهم و رابطين الحزام

و لاول مرة امشى على الطريق ده من غير حوادث

و حتى الان الحوادث قلت جدا ع الطريق ده و هو قبل كده كان طريق كارثى

بس ده مصير اى قانون جديد فى البداية زى الفل و بعد كده خلاص

كل اللى استجد

ان الرشوة زادت

بدل ماكنتى تدفعى للعسكرى 5 جنيه عشان مايعملش مخالفة استخدام محمول بقت 20 جنيه

عرفتى بقى رجال المرور الشرفاء اختفوا من الشوارع ليه؟

عشان بيصيفوا فى مارينا

[جنات]

مساء الخير \ وصباح الخير

كيف حالكم ياشعب

[M7mod 7osni]

مساء \ صباح النور

الشعب بخير يا جلالة الملكة

بس مش لاقيين ياكلوا

يا ترى ياكلوا ايه ؟

[جنات]

وهيه دي عاوزه سؤال يامحمود

اكيييييييييييييييييييد وبكل تأكيد



















harhar1[1].gif





































جبنه وبس

[joya]

جنات طبعا مش حتعزم علينا الا بــ جبنه هههههههه

محمود bf_new.gif الناس كمان مسرحين شعرهم علي الطريق الزراعي ؟
ويكأني بحلم كده ههههههه

[joya]

-اقتباس من مكان ما -

"ذكر تقرير حديث ان ترتيب مصر في قائمة الدول الفاشلة شهد بعض التحسن، حيث
احتلت المركز الـ 40 عام 2008 بعد أن كانت في المركز 36 العام الماضي "

هههههههههههه عقبال ما نوصل رقم 1
قريب ان شاء الله علي ايديهم

[ضيوء]

شكرا يا منتدى

[joya]

لا تأسفن على غدر الزمان لطالما .... رقصت على جثث الأسود كلابا
لاتحسبن برقصها تعلو على اسيادها ..... وتبقى الأسود أسودا والكلاب كلابا
تبقى الاسود مخيفة في اسرها ....... حتى وان نبحت عليها كلابا

[b a k y]

هههههههههههههههههههههههههههههههه
جويا انا قصدى جريده الدستور

.................................................. .....................
قريبا .... القصه بتاعتى ....( من مذكرات العم صاحب البنزينه )

[angel way]

صبااااااااااااااح الفل على احلى اعضاء بالأول انا داخله جعااااانه اوى وعايزة اكل بيتزا مع كولا وزبطونى بقه
نيجى بقه على موضوع ان مصر بقت فى المركز الأربعين يا سلاااااام شوفى الفخر بقينا فى الاربعين يا جماعه ازعرط لالا انا خلاص هزغرط هم اكيد اكيد ظلمنا هم اكيد ماشافوش ولا راحوا عند طريق اسكندريه الزراعى عشان يشوفوا الناس اللى مسرحين شعرهم دول لو كانوا شافوهم كانت النتيجه اتعدلت انا كنت اتفرجت امبارح على مسلسل نور المهم يعنى كانت مرات فجر راحه وهم بياكلوا عشان تقولهم ان هى حامل تقوم تعمل ايه بقه
تطلع جزمه بتاعه اطفال وهم على الترابيزة يبصوا للجزمه ال يعنى بقه الجزمه يعنى هى حامل والله قعدت اضحك زمانكم مافهمتوش حاجة اكيد بما ان البيتزا لسه ماخلصتش ومش لاقيه حاجة اتكلم فيها غير الناس اللى مسرحين شعرهم مش كنت تصورهم يا ابنى نفتخر برده اخيرا الشعب بدء يتقدم عقبال لما يحافظ على نظافه مدينته اهى البيتزا خلصت يالا هقوم بقه عشان اتاخرت الحساب اهو وخلى الباقى عشانك يالا بالاباى

[angel way]

هاى يا جماعه تانى انا دخلت وانا بسمع خبر اكيد كلنا عرفنا عنه الحريق اللى فى المبنى بتاع مجلس الشورى والله الواحد زعلان جدا وخايف انه ممكن يكون بين الضحايا اللى ماتوا او غرقوا فى العبارة او القطر اللى اتحرق الحوادت كتير ربنا يعافينا يالا انا عايزة كابتشينو

[joya]

انجل ازيك

بقينا في المركز الأربعين birgits_giggle.gif عقبال المركز الاول حناخده بجداره ان شاء الله قريب ههههههه

طبعا كلنا سمعنا عن حريق مجلس الشوري ، حريق فظيع والحمد لله ربنا ستر

انا شايفه فيه مشكلتين في موضوع الحريق ده
الاولي حيجيبوا فلوس اصلاحات المبني الرهيب ده منين ؟؟ مننا طبعا

والتاني انا شفت شماته ف عيون أغلب الناس وكان الكل بيسأل " كان فيه اعضاء من المجلس جوه ؟؟ " كأن بيتمنوا يتحرقوا

وده احساس مضايقني جدا ،، يعني احنا ديننا بتسم بالسماحه ،،، والشماته دي أبعد ما يكون عن صفات المسلم
قال صلى عليه وسلم ((لا تظهر الشماتة لأخيك ، فيرحمه الله ويبتليك ))

كمان لو الحكومه منحرفه نقوم احنا ننحرف عن تعاليم ديننا ونتمني الأذي للناس حتي لو كانوا الناس دول فاسدين ؟؟؟

[MidoOoOo4u]

مجلس الهيبره اتحرق طب امتى و فين و ازاى كل دا علشان غيبت فترا و الله مقولت لصحابى يعملوا كدا

و انا من هنا و بوجه لصديق مستر لورد و أختنا فى المجموعه قمرايه و جويا و توتا و أنجل و جنات أنهم يسلموا نفسهم و اوع اوعوا يجيبوا سرتى فى اى حاجة

على فكرا انا شبعت خلاص

وشحتونى موت ههههههههه او باللغه العاديه و حشتونى موت

[angel way]

هااااى ازيكم يالا الكابتشينو بتاعى بص ياميدو من الاول كده احنا لو اتمسكنا هنقول انت اللى زققنا الذنب ذنب اصحابى هم اللى رمونى عليه واييييييييه وبعدين اكيد يعنى يا جويا اكيد طبعا الفلوس هتيجى منين غيرنا احنا اللى بنصرف على البلد والشماته اكيد فى حاجة مضايقاهم من الناس اللى فى المبنى ده كلوا بيتعمل فيهم يا عينى يالا كل شويه حوادث افتكرت فيلم مرجان احمد مرجان نمسك فى الحوادث ونسيب القطر؟؟؟؟؟؟

[M7mod 7osni]

حد شاف صورة الغرفة بتاعت صفوت بيه رئيس المجلس ؟

الغرفه كلها سليمه زى الفل ماعدا فتحه فى السقف

!!!!!!!!!!!!!!!!!!!!!!!

[joya]

حد شاف صورة الغرفة بتاعت صفوت بيه رئيس المجلس ؟

الغرفه كلها سليمه زى الفل ماعدا فتحه فى السقف
!!!!!!!!!!!!!!!!!!!!!!!

الغرفه عليها حارس bigsmile[1].gif

[angel way]

انا ماشفتهاش عموما انا داخله اقلكوا كل سنه وانت طيبين ويارب رمضان ده يكون احلى واحسن واريح رمضان وبمناسبه المناسبه الكميله دى المشروبات بتاعه المنتدى كله فى رمضان من الساعه 5 الفجر لحد الساعه 6 المغرب على حسااااابى يالا محدش واخد منها حاجة

[joya]

انجل
ايه الكرم ده ... s17.gif
كل سنه وانتي طيبه يا قمر

[عصفورة الحب]

كل سنة وانتم طيبين يا اصدقاء
انا عضوة جديدة معاكم فى المنتدى
و اتمنى ان اتعرف عليكم
يلا بقى عايزة نسكافية و سندويتش

[joya]

عصفوره منوره المنتدي يا قمر
النسكافيه جاي في السكه
بس السندوتش ممممم احنا داخلين علي رمضان ونتعود من دلوقتي علي الصوم احسن ههههههه
احنا هنا كرما جداااا

[Clickme]

صباح الخير

كل سنة وانتم طيبين رمضان كريم

[joya]

وانت طيب كليك
ولكم باك

تسلم ايدك علي التوقيعات الرمضانيه لاعضاء المنتدي
بجد فكره جميله