مد إيــدك..تذوق.. طــعم البــيــوت !!

[untouchable]

السلام عليكم ورحمة الله ,

أزيكم عاملين ايـــــــه ؟ ,

عــمــرك فكرت ان لبيتك طعم؟ , طيب عمرك تذوقت طعم البيت ده ؟

الفكرة جميلة اوى وراقية اوى , ومتطلعش غير منه , هو المطرب الوحيد اللي غنى لكل ماهو جميل


غنى لحاجات واشياء محدش غنى ليها غيره

"محمد منيــر " ذلك الرمز والكاريزما , بلونه الأسمر الجميل

بمصراويته التى لا حدود لها , لا يقدم الا ما يؤمن به

فقد " علي صوته بالغنا " , وصرخ وغنى " للحرية " وبحرية قالها " ممكن" ,

تغزل في " الفرحه " و " الفرصة" , وتغنى "ببلح الابريم", وصرخ " يا اسكندرية"

فكان بحق " حدوتة مــــصريــة " .

يقول أحد عشاقه : "محمد منير المطرب الوحيد الذى جعل من الوطن حبيبة, ومن الحبيبة وطن "

وهو بالفعل كذلك ...........artist.gif

ولما كنا في انتظار أحدث روائعه وتحفه الفنيه , التى تغرقك بحق في بحور كلماته

فتصعد وتهبط مع موجات انغامه , استوقفنى بشده المعنى الذى يحمله في البومه " طعم البيوت "

بكلمات الاغنيه الجميلة , فأستأذنكم سأكون ضيفا ثقيلا أتحدث عن خواطرى وما وصلنى من هذه التحفه القادمة من الاراضي المنيرية ,

اراضي " محمد منير"

الالبوم القادم من منير اسمه " طعم البيوت" انا سمعت السيمبلز من فترة
أد ايه تحفه , أد ايه جميلة , وفعلا فيها اغانى محتاجه مواصفات خاصه علشان تسمعها

لكن تعالوا نتكلم عن الفكرة , فكرة طعم البيوت ,

كل منا لبيته طعم و نكهة , مذاق يختلف عن مذاق اى مكان أخر في الكون

وانت في مشوار وراجع عالبيت بتشم نسيم جميل , ورائحة محببة , وتجد في فمك طعما مميزا

هو طعم بيتك ,

لما بتصحى من النوم , طقوسك وتقاليدك , حركتك ,

لو رحت افخم فنادق , أجمد شاليهات , حتى لو شاليه في المصيف أشيك بكتير من بيتك

بيفضل بيتك هو بيتك ,

نومك فيه ليه طعم تانى ,

الطعم ده كله بيحسوا وزى ما قال منير :


"جدران بتحضن جوا منها قلوب كتير

و أبواب بتقفل عالجناينى وعالوزير

شباك موارب من وراه واقفه الصبايا

قضوا النهار في الوقفه قدام المرايا

اسرار كتير علم البيوت

في الشارع الطيب يا ناس

ميبانش منها غير اللي يطلع منه صوت "


طبعا الكلمات تحفه بجد , وبسيطة وعميقة وبتتكلم عن نفسها



المهم نيجى بئا ليكو ,

يا ريت كل واحد يحكيلنا ايه طعم بيته بالنسبة له ؟ وإمتى بيدوقه ؟


يلا العزومة النهاردة علي مائده طويلة شهية

والاصناف هى " بيوت اعضاء شقاوة "

[M7mod 7osni]

قول يا نجم يا جامد و انا اقول وراك

"اللمة لما تحلى في ساعة العصاري

تفتح مزاد ع الحب تلقي الف شارى

شاهد بيشهد من البداية للنهاية

وكل ركن في قلبه يحكيلك حكاية

وكفاية لما تلاقيه فاتح دراعه بيناديك

ويقول تعالا في حضني ده انت واحشني موت"


انا بقى اكتر وقت بحس فيه بطعم بيتى لما باكون مسافر

تحس فعلا ان البيت بيقولك انت واحشنى

السلالم اللى اتكعبلت عليها و انت صغير

باب الشقه اللى ماتغيرش من ساعة ما اتولدت

الصاله و كركبتها بلعب ولاد اخويا

و نضافتها لو مش موجودين

اوضتى و الهدوم فى كل حته

مكتبى

سريرى المهيب

صوت العصافير على الشجره بتاعتنا

البلكونه

بنت الجيران اللى اتجوزت دلوقتى و بقت أم ( راجع - الجيره و العشره )

الاوضه اللى فى الدور الارضى و الاشباح اللى فيها

السطوح و اعقاب السجاير اللى كنت بخبيها من ابويا

قطع الاثاث السبعيناتى اللى اكبر منى فى السن

المطبخ و علب الشاى و السكر اعز اصحابى فى السهر

الجدران اللى يا ما شخبطت عليها شخابيط و انا صغير

قبل مايخترعوا نانسى عجرم

ايه يا عم الفضايح دى

ينفع كده

طب و الله منا ماسح حاجه

علشان خاطر الملك

و حبايب الملك

شكرا يا باشا

و انا جاى تانى اكيد عشان مش عارف اوصفلك بيتى

الصبح و للا بالليل

فى الشتا و للا فى الصيف

فى الحزن و للا فى الفرح

يبقى لازم ارجع تانى

[جنات]

[B][CENTER]

السلام عليكم ورحمة الله ,

أزيكم عاملين ايـــــــه ؟ ,




وعليكم السلام

الحمدلله وانت ازيك..؟


موضوع جميل وتعبير احلى واحلى

فعلا الانسان مش بحس بطعم بيته
غير لمه يبعد عنه


انا بس اطلع عند بيت اهل بابا مثال
بتخنق وبكون عاوزه ارجع بيتنا

بتحس براحه بيه وأمان

وبكفي اشوف جاراتنا العجائز bf_new.gif بفرح اوي

وبجد كل بيت ليه طعم خاص وزي ما بقولو البيوت اسرار
وحكايات مخبايه جواها msn-wink[1].gif

زي ماما بس تبعد عن البيت بتتخنق وبتقول امتى نرجع
اول ما نوصل حتى اول البلد بتقول حاجه كل ما نخرج ياه مافي زي البلد
وبيتنا




يعني كلنا بنقول امتى نسافر او نهاجر من البلد
بس يوم نسافر بنحس بقيمه البيت واهل البيت
وده الحال عند الكل

مهما نلف وندور مافي زي بيتنا واهلنا
مستحيل نحس بأمان وراحه غير ببيتنا
لانه فيه اتولدنا وفيه عشنا



ههههههه ليا باك اوصف بيتنا clap[1].gif


تسلم احمد عالتوبيك

bf_new.gif

[totaa]

منير بجد ملك فى الوقت اللى احنى فيه و اهم حاجه فى منير

انه بيغنى تحت شعار اسمع و فكر يعنى بتسمع الاغنيه و

تفكر فى المعنى و دايما بتلاقيه له علاقه بالحياه

انه مش عايز يفرض وجهه نظره على حد هو عايز كل

واحد يسمع و يفكر فى الكلام اللى بيسمعه


مثلا اد اية الكوبلية دة اثر فيا

يمكن لان دة اللى عايشاة
بغض النظر عن مضمون الاغنية



جاى من بلاد البعيدة
لازاد زلا ميا وغربتى صاحبتى
تحوم حوالياحواليا


ياااة منير دة فعلا حكاية

ملك فعلا



طعم البيوت فعلا حلوة وجديدة

ومين فينا مش بيحس بجمال طعم بيتة

او بشوق لية لما بيبعد عنة

انا عن نفسى اد كدة وحشنى بيتنا اووى

اول كلمة بقولها لما بدخل

يااااااااااااااة ما احلى الرجوع الية

مهما كنت هنا فى اجمل اماكن الدنيا

فانا باردو بستنى اليوم اللى هدخل فية

مكانى اوضتى الصغننة

اللى ياما شافت مصايب

بينى انا وصاحباتى

سريرى اللى ياما شاف دموعى


اشم ريحة اكل مامتى من وانا على السلالم

ابقى مستنية ادخل عشان اقلع الكعب اللى تعبنى من طول الطريق

او اشرب ميا من الازازة الازاز

اللى بقالها عمر

لكن طعمها فى شفايفى لما افتكرتها

والله احلى طعم ميا شربتها


بيتنا دة المكان الوجيد اللى محدش يقدر يفرض علينا شئ نعملة فية

بجد بجد

مستنية اليوم اللى هدخلة فيو

واحدف شنطتى وارمى نفسى
على كنبة الانترية واقول ما احلى الرجوووووووووع الية

انتاتش كنت هنسى اقولك شكرا على الذكرى الحلوة

قصدى الموضوع الحلو دة

[untouchable]

يا حودا يا جامد تصدق فرحتنى اوى انك من عشاق منير

زع فكرة بقيت الكوبليهات دى مرضتش اكتبها علشان نتكلم عن بيوتنا مش عن الاغنيه


بس انت اثبت انك منيري جامد يا جامد

وأد ايه طعم بيتك جميل وجميل اوى , وطبعا محدش بيدوقه زيك

في انتظار "الباك" بتاعك , بس يكون باك شريف , وانت فاهمنى صح ؟

[untouchable]

الحمد لله يا جنات انك بخير ,


وفعلا أكيد طعم البيوت ده حالجه تانيه خالص خالص

حاجه كده زى البصمة , لكل واحد غير التانى


وفي انتظار عودتك ووصفك يا قمر

[untouchable]

ولا يهمك يا توتا , انسي براجتك الواحد لما بيدوق طعم بيته بينسى اى حاجه في الدنيا

وعن كلامك عن منير , فأنتى اخترتى دهلة "يــــــــونس"

يونس دى بأه قصه , حكاية وروايه وجنان

يونس دى انا اكيد هعمل علشانها موضوع لانها بالفعل بالفعل بالفعل موضووووووووووووووووع


وبتمنالك تدوقي طعم بيتك تانى وتغنى باعلي صوتك "ما احلي الرجوع اليه "

وتترمى علي الكنبه , والكنبه تتكسر , والنجار يبوظها اكتر وتنطردى من البيت

2smiley.php.gif 2smiley.php.gif 2smiley.php.gif

ان شاء الله يا توتا تدوقي الطعم قريب , بس كنت عايز اسألك , بيتك اللي في الغربه , ملوش طعم؟

[untouchable]

وطبعا مادمت اقترحت اقتراح وطلبت طلب كان لازم أبدأ بنفسي

وفعلا والله كنت كاتب الرد ده مع الموضوع , بس حسيت انى بكلم نفسي ,

وكنت متوقع ان الموضوع مش هيعجبكوا , فقلت استنى شوية ,

بس تفاعلكم الجميل شجعنى ,

طعم بيتنا بحسه في :

في قعدتنا , مع اخواتى واحنا بنهزر ونضحك ونمسك كل واحد شوية نفضل كلنا

نشتغل فيه وطبعا لاننا اخواته عارفين نقطه ضعفه ,نفكره بيها بلذاذه

وهو بيعترف بيها بلا خجل , وبنفتكر مواقفنا , ذكرياتنا , احزاننا , افراحنا

وصوتنا بيبقا جايب اول الشارع,,,,,,,,,,,,,,,,,,,,,,,,,,,


في الفطار يوم الجمعة –بس للأمانة بئاله فترة غايب- كلنا برضه بنجتمع ميقومناش غير ضلاة الجمعه


في خلافات بابا وماما , اللي لازم اى حد فينا موجود يقومهم علي بعض

ويحاول بأقصى جهد شيطانى عنده يزيد الصراع

فقد يهمس في أذن ماما : " كان فين عقلك لما اتجوزتيه " ..... وحاجات كتير من الشكل ده

بتنتهى في النهاية بابتسامات وضحكات وقهقهات محفورة في الوجدان .................


في العصير اللي كل ما اختى تعمله أخلصهولها مسيلهاش شوية تشربهم ..........

في ولاد اخواتى لما يتخانقوا واجى اضربهم كلهم ...


وابن اخويا اللي زى القمر وازاى اتعلم الشتيمة

ومحاولات امه وجهودها المضنية علشان تنسيهاله , وبعد فترة أجى انا وبكل بساطة افكره ...........

ساعة العصارى وانا "مأنتخ" بتفرج علي mbc2 , مع بابا بالاكراه حتى لو الفيلم وحش ,

ولما احاول اقلب يصرخ فيا متجيبش ولا عربي ولا اغانى

وانا داخل علي بيتنا ومن بعيد اشوف حد من ولاد اخويا يجريلى من بعييد واخده في حضنى , رهيبة بجد



حاجااااااااااااااااااااااات كتييييييييييييييييييييييييييييير لو اتكلمت مش هبطل, وخدوا دى بئا

حاجه تانيه بجد , (مــــاتش الزمالك )

انا وبابا وابن اخويا " الفنان" نضال وممكن هشام واى حد موجود حسب الصدفه , بس عصبيتنا مع الماتش, فرحتنا بالجول , اخويا الاهلاوى يدخل , وفعلا بابا يطرده بكل قوة لأنه عميل و " وشه وحش"
لسان نضال اللي عبارة عن صندوق زباله متحرك امام اى ماتش ,ولو اتغلبنا وطبعا ده بئاله كتير بيحصل , تليفون اخويا الاهلاوى التانى اللي في السعودية , وميقولش غير "اييييييييييييييه" واحنا بنرضهاله في الافراح برضه ........ بجد حاجه تانيه , تعرفوا انى مش بعرف اروح الاستاد بجد بسبب الطعم ده , ولما ببئا في الاستاد ببئا مفتقده اوى

وطبعا ماتشات البطولات الافريقية وكاس العالم الحاجات دى اللمة بتبقا اكتر وطعمها بيبقا رهيييييييييب

كلها حاجات صغيرة بس بجد بتحسسنا بطعم بيوتنا , اللي محدش يقدر يحس بيه الا احنا , في انتظاركم .........

[moonlight]

انا طعم البيوت عندي متعدد النكهات

يعني في بيت اسرتي بحسه في الروتين اليومي بتاع والدتي لما بتصحى بدري و تشغل الراديو و هي بتعمل شغل البيت

في نكهة القهوة لما بنشربها سوا الصبح بعد الفطار و احنا بنتكلم و نحكي في موضوعات مختلفة ... امتع وقت دا في النهار كله

في مكتبة والدي الكبيرة اللي واخدة غرفة لوحدها ... و اللي كانت صديقة حميمة ليا في مرحلة من عمري

في لمتنا في الاجازات انا و اخواتي و نسهر بالساعات نرغي و نجيب حواديت السنة كلها

في شجيرات الفل اللي بتطرح في الصيف كتير و يا ما عملت منها عقود

في صوت القرآن اللي كنت بسمعه بعد العصر في رمضان جاي من برا مع نسمة هوا جميلة

و في صوت الاذان


اما عن بيتي الشخصي فاكتر حاجة بتميزه الخصوصية الكاملة و الهدوء

و بحب مراياتي اللي برسم عليهم بنفسي و كتبي و الواني

و بحب كل قشة فيه لاني اخترتها على ذوقي و بحس التركيبة كلها فيها من روحي

و بحب مشاكساتي لزوجي كلما اراد مشاهدة ماتشات الكورة .... لانه بيحب الكورة زيكم

و انا ماليش فيها خالص ... المهم بسيبه في الاخر يتفرج في هدوء بس بعد ما ازهقه شوية devil.gif

لكن في الاخر و بشكل عام طعم البيوت بيبقى جميل باحساس الحب اللي بين سكانها

و الذي يمنحنا الشعور بالامان و الاستقرار و يجعلنا نستشعر تلك اللذة كلما دخلناها او اقتربنا منها

او حتى تذكرناها

وكالعادة بتغيب علينا و ترجعلنا بتحفة

تسلم untouchabl على الموضوع المميز ...good.gif

[M7mod 7osni]

باك شريف ايه يا ريس

ده بعد الكلام عن الكوره

يبقى باك شمال

و بمناسبة الكوره احكيكلك

زمان و احنا صغيرين انا و اخواتى ايام ما كنا لسه فى المدراس و بالتحديد فى اجازة نص السنه

كنت انا و اخواتى بنصحى بدرى و اول امى و ابويا ماينزلوا يروحوا الشغل

نفتح الصاله ع الليفنج ع السفره ماتفهمش ازاى

و نشيل الانتريه و السفره و كل قطعة اثاث من اى نوع و ندخلهم الاوض بتاعتنا

و نفضى الصاله تماما تماما

و نجيب كورة تنس و نقسم و هات يا لعب

كورة طبعا مش تنس

وجوووووووووووووووووووووووون

واول ما نسمع صوت بوابة البيت بتتفتح فى خلال نص دقيقه يكون كل حاجه رجعت زى ما كانت بالظبط

و بردو ماتفهمش ازاى

امى تدخل من الباب

تلاقى كل حاجه زى الفل

ما عدا طرف السجاده متحرك شويه مش زى ما هيا كانت سايباه

تعرف على طول اننا كنا بنلعب كورة

و عينك ماتشوف الا النور

ماتفهمش ليه لازم نلعب جوه البيت

جايز علشان ليها طعم

يا ريت اى حد ماجربش يلعب كورة فى البيت يجرب يا جماعه

دى حاجه تانيه خالص

خاصة بكورة تنس

بس خلى بالك من الاصابات

و صباع رجلك الصغير

دلوقتى بقى الفريق كبير بعد تصعيد الناشئين ولاد اخويا

و

اوووووووو بيتاوى

اوووووووو بيتاوى

و ليا باك يمين

[totaa]

ان شاء الله يا توتا تدوقي الطعم قريب , بس كنت عايز اسألك , بيتك اللي في الغربه , ملوش طعم؟


الغربة

يعنى غريب

والغريب مالو ش مكان

وعمر ما بيكون لة بيت حتى لو كان صاحبة

يبقى ازاى يكون لية طعم وهو مش موجود اصلا


بصراحة انا ماليش بيت غير اللى فى بلدى وبس

وبجد شكرا تانى على الاغنية

وعلى الموضوع

انتاتشيبل دايما مميز

زى ما قالت مووون

[untouchable]

moonlight ,

طــــعم بيتك جميل اوى , بجد حسيت بيه أوى

كنتى بارعة فعلا في توصيل الطعم لينا ولا برنامج " طبق اليوم"good.gif


جـــميل أوى طعم بيتك , وعجبتنى اوى الجزئية دى :

"في نكهة القهوة لما بنشربها سوا الصبح بعد الفطار و احنا بنتكلم و نحكي في موضوعات مختلفة ..."

بجد زى ما قلت في موضوع قبل كده , انا لو بعرف ارسم كنت سمتها لانها في خيالي بورتريه جميل اوى

(بلكونة مفتوحة , ومنها تتسلل آشعة الشمس الدافئة الحنونة بلا استئذان لتغمر أسرة جميلة نقية

تعلو ضحكاتهم وابتساماتهم في جلستهم الهادئة , وكل منهم يحمل بيده فنجانا من القهوة , يرشف رشفته

وما ان يفارق فنجانه اطراف فمه ,

حتى تعود البسمة الصافية الي ثغره لا تشوبها شائبة تصنع او ضيق , وأكاد اراه هذا الرجل الكيان

استطاع بحكمته وبتربيته وبغرسه للمبادئ والقيم وتعامله الحكيم مع افراد اسرته ان ينسج هذا الثوب

الجميل من خيوط الحب والنقاء والصفاء )

وأسمحى لي بقليل من التطفل فلو تخيلنا زووم اوت هتشوفينى قاعد ماسك ريشه امام لوحة وبرسم طعم شهى لأسرة "مصرية" بكل ما تحمله الكلمة من معانى ..............artist.gif


و طعم بيتك الخاص أد ايه جميل , اتمنى لك المزيد والمزيد من السعادة والتوافق مع هذا الزوج الطيب

" الطيبون للطيبات"وياريت تاتش وود بئا علشان الزواااااااارs17.gif

وفعلا سعيد ان الموضوع عجبك , لانى مش عارف ليه كنت حاسس انه مش هيعجبكم

لانى مفتقد حساسية المواضيعgrindance.gif


تسلمى ع مرورك المميز والمهم فعلا, تقبلي وافر تحياتى وتسبقها سلاماتى محملة علي عروش احترامى .................

[untouchable]

محمود حسنى ,

ايوا كده ياباشا ادينى في الباكات علشان احنا فعلا عندنا مشكله في الباكات اليومين دووووووول

وخصوصا الباك اليمين ده , من ساعه ما اسلام الشاطر سابنا واحنا بنخبط blind.gif

جميلة اوى الصورة اللي انت حكيتها دى فعلا ,

وع فكرة انا جربتها كذا مرة , واخر مرة كنت بمرن الناشئين ووقعنا "سبوت" عالحيطة .....

يعنى حاجه كده علي ادنا .........

ويلا مبروك عليكم ماتش الاتحاد , واللي عايز نقطة الاهلي رقبته سدادة


في انتظار عودتك وطعم بيتك الجميل والمميز فعلا ,

تقبل تحياتى يا جميل

[untouchable]

توتــــــا ,

جميل أوى عودتك تانى , ويؤسفنى فعلا افتقادك لطعم بيتك

وان شاء الله هتدوقيه قريب ,

بس انتى حاولي تطلعى لنفسك نكهة حاليه في الجو اللي انتى عايشاه

صدقينى هتفرق معاكى , فتشى حواليكى هتلاقي حاجات جميلة اوى نقدر نعيشها

تحياتى ليكى يا توتا يا قمر

ومتشكر اوى ع كلماتك

[yasmeen]

ايه يابني الافكار الجامدة ديه

علي فكرة انا مش بحسد انا بقر بس dance1.gif

كنت لسه بسمع السمبل بتاع الاغنية رووعةdance.gif

بالنسبة بقي لماي هوم ممكن نلخصه في كلمة واحدة الامان

مهما رحت جيت مشيت وقفت اي حاجة مش هحس بالامان غير جواه

كل الذكريات فيه الحزن والهم والفرحة واللمة s41.gif

بحب اصحي علي صوت القران اللي ماما اول متصحي بتشغله

بحب اناكف في اختي الصبح وتقلب الحكاية بغم واحيانا دمhandbags.gif

بس في اقل من 5 دقايق الاقينا قاعدين نضحك وهزار وكده

ونبتدي انا وهي نناكف في ماما لغاية ما الست يعني خلاص هتطلع مسدسbigsmile[1].gif

وتقتلنا هي مش بتعملها كتير بس ممكن يجيي يوم تتهور بس برده بعد شوية تلاقينا كلنا بنضحك

ولاكان حاجة حصلتdance1.gif

بحب لما كلنا نجمع ونقعد نحكي علي اللي حصلنا طول اليوم بقعد اضحك متواصل لغاية مش بقدر

خالص اتنفس بس بتعدي علي خيرicon1366[1].gif

علي قد ما بحب اخرج مع اصحابي بره بس باجماعنا كلنا بتكون احلي فسحة لما يجولي

البيت ونقعد ننم مع بعضينا ونقعد نفكر في اللي هيحصل في المستقبل ونهزر ونقعد نراقب جارتي

اللي بتذاكر 24/24 دي عادة كل يوم خميس ربنا ميقطعها ابداااااااااا(دع الخلق للخالق)

بنكون مبسوطين اووي اننا في بيت ومجمعين فيه

ايه كمان ياياسمين ايه كمان؟؟؟

اوضتي طبعا بلاش شك ولا دبوسnosweat[1].gif بحب كل جزء فيها علشان

انا مختارة كل حتة قد كده فيها رغم اعتراض الشعوب عليها بس عملت اللي كان في بالي

دي طبعا فيها ذكريات كتيرة حصلت وبتحصل وهتحصل ان شاء الله

فيها ذكريات الفرحة والتنطيط علي السرير ==>>مش تاخد في بالكclapping.gif

وضرب المخدات والخطط الحربية الفاشلة واحيانا الناجحة وفيها الحزن والوحدة ساعات




بص بقي انا طولت اووي وقولت فضايح بس يلا مش مشكلة بس طبعا مش ده كل الكلام
ليا باك ان شاء الله بذكريات البيت وكمان البيوت اللي حسيت فيها نفس احساس بيتي
بس ادعيلي النت يتصلح قبل 2010 chair.gif

سلام