زيادة المرتبات ....اللى هندهولك باليمين هناخدة بالشمال [الأرشيف] - مـنـتـديـات شـقـاوة طريـقـكـ نـحـو الابـداعـ والـتـمـيـز

b soft

05-05-2008, 09:20 PM

السلام عليكم ورحمة الله وبركاته
عشاق شقاوة وخصوصا المصريين

اخوانى الكرام معظمنا عارفين ايه اللى بيحصل فى البلد وانتو شايفين لاضرابات والمظاهرات ....

ولما الناس طلعت وصورة حسنى مبارك انداست بالجزم زى مانتو شفتو فى المحلة...(ابقوا دوروا على الصورة على جوجل)
والله اعلى واعلم وانا اول ما هجيب الصورة هنزلها على شقاوة

جه احمد نظيف ومعاه شويه وزراء بعد 6 ابريل بيومين وقال :

فيه ايه ياجماعه انا فاتح التلفزيون سمعت ان فيه مظاهرات فى البلد ...طيب مش تتصلوا بيا وانا كنت احل المشكلة بتاعتكم..

معلش اصله رئيس وزراء الشعب المصرى الى عايش على المريخ......

شويه كده وقالوا هنزودلكم المرتبات....مش عارف الناس دى لسه فاكره الشعب مضحوك عليه ... هو فعلا مضحوك عليه ومغسول دماغه بس مش زى زمان والجيل الجديد دماغه صاحيه الى حد ما.. لان المظاهرات اللى طلعت كانت مليانه شباب صغير

فيه ناس زعلت من الزيادة فى المرتبات لانهم عارفين اللى هيحصل زى كل مرة وانتو عارفين الباقى....

طبعا البلد ما شاء الله داخلة موسوعة جينس فى زيادة الاسعر
ومتصدرة المركز الاول فى قلة المرتبات والبطااااااااااااااااااااااااااااااااااااااالة

مش عايز اقول حاجة معينة غليت لان بجد الاسعار ولعت وبعد ما فتحوا باب الاستراد الاسعار يعتبر منزلتش حاجة

عيد ميلاد الرئيس كان امبارح وعلشان كدة قال زيادة المرتبات
بالذمة هيا فين الذيادة دى؟

يا جماعة البلد كان مفروض تعمل اعتصام يوم الاحد ؟
ومش متاكد بالظبط

بجد يا مصروية عايزين نعرف رايكوا لان دى كل اللى وصلى عن البلد؟

joya

05-05-2008, 09:46 PM

هو فعلا 4 مايو محصلش فيه اي مظاهرات ويظهر الناس خايفه تعمل حاجه أحسن يرجعوا في رأيهم في موضوع العلاوه

وبعدين لازم يعني 4 مايو ؟؟ لازم نعكنن علي الراجل في عيد ميلاده ,, ده بدل ما نقول له سنه حلوه يا جميل ههههههه كل سنه وانت بخير وآرفنا

مش محتاجين يغلوا الحاجه علشان ياخدوا الي أدوه للموظفين في الزياده الأخيره
هي الحاجه غليت لوحدها الفتره الي فاتت ومهما كان فيه علاوات مش حتقدر تغطي علي الغلاء الفظيع الي في البلد

ربنا يستر من الي جاي
ميرسي بي سوفت للموضوع