لماذا نتمسك بالاشياء بشده ؟ ونحن نعلم اننا لن نستطيع ابقائها في ايدينا ؟


من منا لا يحتفظ برسائل قديمه من شخص عزيز , قصاصات ورق كتبها لنا الاصدقاء علي كشاكيل المحاضرات , صور تضم أعز الأشخاص الينا

لماذا نحتفظ بهذه الاشياء اذا كنا نعلم ان أصحاب تلك الذكريات سيرحلون .. وماذا سيخلفون لنا بعد الرحيل ؟؟ قصاصه ورق عليها بضع حروف ؟ صوره قد تبلي وتبهت ألوانها مع الأيام ؟

ماذا سيفيدنا التمسك بتلك الاشياء اذا كان الاشخاص أنفسهم رحلوا ؟

لماذا نتمسك بالحبيب ونحن لدينا شبه يقين ان العلاقه لن تستمر ؟

لماذا نتمسك بالاصدقاء اذا كنا نعلم ان الاصدقاء دائما ما يتفرقون ويبتعدون عن بعضهم البعض بسبب مشاغل الحياه



نحلم ونأمل ونرسم ملامح المستقبل السعيد ثم نصدم بتكسر أحلامنا علي الشاطيء الصخري الصلب فلماذا اذا نوهم أنفسنا أننا نستطيع تحقيقها ونحن نعلم مدي صعوبه هذا في الزمن الصعب الذي نعيشه


احيانا أفكر انه لا يجب ان نتمسك بشده بأي شيء أو أي شخص حتي لا نواجه الفراق وحتي لا نشعر بالألم واليأس والاحباط

ما أصعب أن تتحمل هم الآخرين وتتألم لألمهم وتعاني لضعفهم وتقف عاجزا أمام معاناتهم

وما أجمل ان يعيش الانسان وحيدا لا يفكر الا بنفسه ولا يحمل هما الا همه فقط ... وليوفر علي نفسه الاحساس بألم الفراق حيث أنه لن يكون هناك لقاء في الأساس ... ولن يكون لديه شيء أوأحد يبكي عليه

أليس من الأسهل والأفضل أن يعيش كل منا في صومعته الخاصه ويضع سياجا شائكه بينه وبين العالم حوله ؟ حتي لا يتأذي ولا يتسبب في أذي الآخرين


قد يعتقد البعض ان هذا حديث الفاشلين ولكن من منا لم يقابل الفشل

من منا لا يخاف المستقبل وما يخبئه له ؟ من منا لا يخاف أن يضيع منه أعز الاشخاص اليه؟

آسفه أن أطلت عليكم بحديثي اليائس هذا , وأنا لست يائسه بطبعي , ولكن قد تأتي علي كل منا لحظات يشعر فيها بالعجز ويفضل لو لم يكن له علاقه بهذا العالم القاسي

لماذا نحتفظ بهذه الاشياء اذا كنا نعلم ان أصحاب تلك الذكريات سيرحلون .. وماذا سيخلفون لنا بعد الرحيل ؟؟ قصاصه ورق عليها بضع حروف ؟ صوره قد تبلي وتبهت ألوانها مع الأيام ؟


لانه الحاجه دي حتى لو كانت ورقه او كلمه او هديه بسيطه

بتصبر على ألم فراقهم وبتذكرنا بأيام مضت


ماذا سيفيدنا التمسك بتلك الاشياء اذا كان الاشخاص أنفسهم رحلوا ؟

مش عارفه بس يوم نحب حاجه كتير كتير بينا وبين حالنا عارفين

انه هتزول الحاجه دي مع الايام بس صعب نبعد عنها

لانه بنحبها واتعلقنا بيها


لماذا نتمسك بالحبيب ونحن لدينا شبه يقين ان العلاقه لن تستمر ؟

بس تحبي انسان كتير وعارفه بينك بين حالك انه مصيركم تتفارقو

بكون صعب تبعدي عنه لانه في لو شويه أمل بسيط بكون عايش

جواكي وبتفضلي متمسكه بلانسان ده


لماذا نتمسك بالاصدقاء اذا كنا نعلم ان الاصدقاء دائما ما يتفرقون ويبتعدون عن بعضهم البعض بسبب مشاغل الحياه

الاصدقاء بفضلو اصدقاء حتى لو الدنيا اشغلتهم عن بعض

لكن بضلو جنب بعض وقت الشده او حتى لو بأتصال





بالنهايه مش لزم نتمسك بحاجه معينه كتير

عشان ما ننصدم وقت الفراق



تسلمي جويا توبيك رائع

والله ياجويا موضوع جميل

شخصيا لما بحتفظ بحاجه بيكون ليها معايا ذكريات حلوه

سيبك اذا كان الشخص رحل او لا

بس بفتكر وقت جميل قضيته معاه سواء صاحب الذكرى رحل بجرح او من غير جرح

فدائما اتذكر الذكرى

وانا مش شايف انه صح انه الانسان يكون عايش لوحده لانه دا هايبقى صعب عليه جدا

حاولى انتى كدا تقعدى كام يوم لا تتكلمى مع حد ولا تشوفى حد

شوفى حالتك هاتبقى ازاى

شخصيا انا جربتها صعبه جدااا

معتقدش انه حد يقدر يستحملها ياجويا

تسلمى على الموضوع الجميل

تحياتى ؛؛

صباح الخير

نايس توبيك جميل يا جويا


الانسان لازم يبقى عندوا ذكريات

حتى لو فعلاً مجرد صورة ولا ورقة ولا حتى محاضرة حد نقلهالوا بايدوا اى حاجه بسيطة بتسيب ذكرى فينا

وبنحتفظ بيها علشان اكيد ذكرى جميلة ومخع الوقت والفراق او الرحيل ولو حتى جرح بتبقى محتاجه تبصى فى الصورة وتفتكرى ايام جميلة اكيد عيشتيها والا مكنتش احتفظك بالذكرى دى .. طبيعى انوا تنجرح ويبقى فى فراق ورحيل

بس الاكيد انك بتحتاجى تفتحى البوكس بتاع ذكرياتك وتقرى ورقة او جواب او تملى عينك بصورة

وصعب اوووى تفكرى بنفسك وتعيشى لحالك وتنسى ذكرياتك وايام الجامعه والكلام دا كلوا


ميرسى على التوبيك الرائع

أكيد كلامكم صح
محدش يقدر يعيش من غير ناس حواليه يخاف عليهم ويحبهم ويبادلهم نفس الشعور
ومحدش يقدر يعيش من غير ذكريات كمان حتي لو كانت مؤلمه او حتي لو اصحابها فارقونا

أنا معرفش ازاي كتبت الموضوع ده اصلا .. تقريبا كنت في حاله من حالات الاكتئاب المزمنه الي بتجيلي ساعات

ميرسي جنات flowers.gif
و لورد واياد لمروركم

بجد موضوع جميل جدا كتير منا لهم ذكرى سواء حلوه او قاسيةوكتير مننا بيتمنى الايام ترجع علشانعوضها


بس بيكون عندنا امل اننا مش نفقدها


الدنيا كدة


بجد حصلت معايا حاجات كتير انى فقدت اشياء غالية عندى وبرجع ذكريات الايام دى


مهما كان كانت ايام جميلة حصلت فى حياتنا


تقبلى مرورى

كلنا بنمر بلحظات نشعر فيها باليأس و الاكتئاب و قتامة الحياة

لكنها بتكون لحظات ضعف و بتكون نتيجة ضغوط نفسية بنمر بيها نتيجة فشل او فقدان عزيز او فقدان حلم

لكننا ندرك بعدها انها امور تحدث و تحدث كثيرا و يمكن لولاها لما كان للقاء حلاوة و لا للنجاح طعم

اما عن الذكريات و ما يذكرنا بها فانا لست ممن يحرصون عليها كثيرا باستثناء الصور

لان الحياة دايما مليئة بالاحداث و الشخصيات و المستجدات و بتكون مسيطرة على تفكيرنا اكتر من الماضي

شخصيا تعودت على تلك المشاعر من حين لاخر .... و بتعدي و الحمد لله

اتمنى تكوني في حال افضل دلوقتي ... و دايما تكوني مبسوطة angel5.gif

احيانا أفكر انه لا يجب ان نتمسك بشده بأي شيء أو أي شخص حتي لا نواجه الفراق وحتي لا نشعر بالألم واليأس والاحباط


بصراحة جويا انا كتير اوى بحس فعلا بالموضوع دة

بحس اننا دايما بندور على السعادة عشان نهرب من لحظات اكتئبنا
وساعات بلقيها بس فى الاغلب دايما بنفقدها
ونرجع نندم اننا ارتبطنا بحاجة واحنا عارفين انها مش دايمة
ياة ما اكتر لحظات اليأس فى حياتنا
بس دة مش معهناة اكيد نهاية الحياة احنا اتخلقنا وانكتب علينا الحزن
يمكن عشان نحس بقيمة الللحظات السعيدة
ونحاول نعيشها من غير ما نزعل حد
لكن دايما انا عارفة ومؤمنة بحاجة واحدة
ان من المحال بقاء الحااااااال


تسلمى جويا بجد فكرة توبيك تجنن واتمنى تزول مننا كلنا اى لحظة حزن بسرعة

كتير منا لهم ذكرى سواء حلوه او قاسيةوكتير مننا بيتمنى الايام ترجع علشان عوضها
بس بيكون عندنا امل اننا مش نفقدها
الدنيا كدة

الذكريات دايما مؤلمه سواء حلوه أو وحشه
أحسن حاجه الواحد يستمتع بوقته الحالي لانه مش عارف بكره مخبيله ايه
ميرسي دودو لمرورك

moon
انا الحمد لله أحسن :)
كلنا بتعدي علينا لحظات يأس كده واحساس بالعجز بالذات لو كان الموضوع متعلق بناس قريبين لنا
ويمكن الاحساس ده نفسه هي الدليل علي ان محدش يقدر يعيش وحيد ولا منعزل عن الناس

ميرسي يا قمر لمرورك flowers.gif انا كمان مش بحب احتفظ الا بالصور بس

بس دة مش معهناة اكيد نهاية الحياة احنا اتخلقنا وانكتب علينا الحزن
يمكن عشان نحس بقيمة الللحظات السعيدة


معاكي حق توتاا ,, أكيد عمرنا ماحنحس بحاجه الا لما نجرب عكسها
يعني مش حنحس بالسعاده الا لو جربنا الحزن

ميرسي يا قمر لكلامك الجميل وان شاء الله محدش يمر بلحظات حزن زي دي s24.gif

وما أجمل ان يعيش الانسان وحيدا لا يفكر الا بنفسه ولا يحمل هما الا همه فقط

ياااااااه ايه التفاءل ده كله يابنتي birgits_giggle.gif

امال فين المقولة اللي بتقول الانساان اجتماعي بطبعه لا يستطيع ان يعيش بمفرده chair.gif

ليه تحكمي علي كل حاجة انها تننتهي بالفشل مش ممكن الصداقة تدوم او الحب يكمل

وساعاتها هتبقي الذكريات سعيدة bf_new.gifbf_new.gif

طب نفترض ان كل حاجة فشلت وباظت واتدمرت وضاعت وكل ده icon1366[1].gif

برده الذكريات بتكون جميلة لانها بتفكرنا بمرحلة معينة في حياتنا

انا عن نفسي بحب احتفظ بحاجات بتفكرني بالناس اللي بحبهم حتي لو كانت بسيطة

لانها دايما بتفكرني بيهم خصوصا لو الاشخاص دول بعاد عني

حتي لو افترقنا عن ناس معينين بنحب دايما يكون معانا اللي يفكرنا بيهم

مش هنكر اننا ساعات بنحس اننا ساعات بنحس بالياس والاحباط واننا مش عايزين

نشوف حد ولا نتعرف علي حد بس لما نرجع لطبيعتنا بنلاقي اننا محتاجين نتعرف علي ناس

جداد ونكمل حياتنا عادي وبرده نفضل فاكرين الناس اللي عرفناهم زمان

يااااه ده انا بقول حكم birgits_giggle.gifbirgits_giggle.gif

تسلمي ياعثولة علي الموضوع الجميل
وان شاء الله مش تكتئبي ولا تزعلي تانيcupidarrow[1].gif

الامل يجعلنا ديما شاعرين بالخوف على من نحب مما لانحب...... لكن احيانا يكون من نحب محبون لمالانحب.....وعند الاختيار ...وزننا يقل فى ميزان الاختيار فتهوى خانه ميزاننا ...ونهوى معها وفى طريق السقوط....نتمسك باشياء (ذكريات) لتخفف عنا السقوط ...وعند الوسول الى الهاويه...نكتشف انا قد جلبنا الالم معنا....... الفراق

شكرا على الموضوع الذى ادخلنى لعالم قد حاربت للهروب منه...وعندما قد بدات ارى النصر..... تذوقت طعم الهزيمه.....فعلا قد هزنى موضوعك...شكرا لك ...وله

أكيد ياسمين مش كل حاجه بتنتهي بالفشل
ومينفعش نعيش من غير ناس حوالينا .. بس يمكن ساعات لما الواحد بيكون متضايق بيجيله الاحساس ده

ميرسي يا قمر لمرورك

ميرسي باكي لمرورك
واسفه لو ضايقتك بموضوعي .. يمكن كلنا بنمر بالاحاسيس دي احيانا لكن المهم نكون أقوي منها ونقدر نخرج من الاكتئاب ومنوصلش اننا نيأس من الدنيا

الذكريات دي شيء جميل جدا سواء كانت حلوة او مرة المهم ازاي نقدر نحافظ عليها ونتعلم منها لانها بجد بتنفعنا في الوقت لما الدنيا بتقفل في وشنا شوية ولو ان كل انسان مش حافظ على ذكرياته يبقى حياته هتتحول لفراغ ممل دا غير ان الذكريات بتعلمنا تجارب جديدة طبعا وعموما دا شيء مفيد للزاكرة يا ستي

اهلا نادو
الحمد لله ان الذكريات عندك شيء جميل وبيهون عليك لماتكون متضايق

أكيد مينفعش الحياه من غير ذكريات بس المهم انها متضايقناش

ميرسي لمرورك