الجزء التانى من تطفيش البنات من الحياة كلها هههههههه

[IORI]

دة الجزء التانى من تطفيش البنات من المنتدى ولكن بعد عدة اجتماعات ومشاورات موسعة بين حزب الرجال تقرر الاتى :

عدم الاكتفاء بتطفيش بنت حواء من المنتدى وبس لا من كافة مجالات الحياة ودة التطور الاستراتيجى الى هنبداءة النهاردة .

النهاردة هندرس تطفيشها من اهم مملكة ليها وهى بيتها .







-

الصبح وانت رايح على شغلك وهى نايمة تعمد اسقاط اى شيئ او خبط الباب
بصوت عالى علشان تصحيها هى كمان 00 اشمعنى انت ؟ ولو حاولت ترجع تنام
تانى قالها مادام صحيتى حضري الفطار بقى
2-
اذا كنت بتتفرج على التلفزيون وهى عايزة تغير القناة 00 قالها معلش
الحلقة دى مهمة جدا واحد صحبى شافها على القناة الفضائية وقالى ان
الحلقة دى هى
المسلسل كله 00 ولو كنت بتتفرج على ماتش كورة هيبقى
الموضوع اسهل 00 كل ما حد من اللاعبين من اى فريق يمسك الكورة قالها
معلش ثوانى بقى انا حاسس ان الكورة دى جون حتى لو كان حارس المرمى
ماسك الكورة والماتش واقف لان فى واحد مصاب
( ملاحظة : اغلب النساء ذو ثقافة كروية ضعيفة )

3-
اصح يوم الجمعة بهمة ونشاط وجهز الافطار لزوجتك بس متنساش انك تستخدم
15 طبق واكبر كمية من الملاعق والشوك و 5 حلل من اللى عندكم فى المطبخ
و 10 كوبيات لاعداد طبق بيض وسندوتش جبنة

طبعا
يراعى ترك اثار سمنة على الارض مع ترك التلاجة مفتوحة وقشر البيض
فى الحوض

4-
فى عيد ميلادها زينلها تورتة عيد ميلادها بخمسين شمعة ولو سألتك لية
خمسين رغم ان عندها 15 سنة بس ؟ اتحجج بضعف الاضاءة فى البيت وانت
بتبص على النجفة اللى عندكم اللى فيها 30 لمبة مع ابتسامة صفراء خفيفة
5-
لو عملة ريجيم اجرى على السوبر ماركت ومحلات الحلويات واملى التلاجة
شكولاتة وحلويات وجاتوهات 00 يرعى التجول وانت مستمتع بأكل الجاتوة
امامها

6-
متنساش رأيك فى طبيخها لو عاملة لحمة قالها حلو اوووى الفراخ دى 00ولو
طبخة بامية 00 جميلة اوى الملوخية دي ياحياتي حطة عليها اية ؟؟ ولو
عملة كيكة قالها انا بحب اشرب شاى مع البسكويت الحلو دة !!

7-
لو طلبت منك تنشر الهدوم قالها حاضر مع ابتسامة حانية وبعد ما تخلص
نشر الهدوم ادخل عليها وقولها انا نازل اجيب الهدوم اللى وقعت منى فى
الشارع ولو سألتك هو اية اللى وقع ؟ اذكر لها كل هدومها اللى كانت
مغسولة مع فردة شراب من بتوعك علشان متبقاش مقصودة منك !


8-
لو الزوجة قررت مسح الارضيات فى البيت حاول انك تروح وتيجى على
المناطق المبلولة متحجج بأنك محتاج تتصل ضرورى بواحد صحبك ومرة عطشان
ومرة تانية بتجيب الجرنال ومفيش مانع انك تقول انك حاسس ان التليفون
هيرن كمان شوية


9-
لو كانت
مشغولة فى نظافة البيت او مع الاولاد وطلبت منك تغسل كوبتين
الشاى بتوع الصبح الموجودين فى الحوض ارجعلها كمان دقيقة من دخولك
المطبخ وانت ماسك كوبية من الاتنين وهى مكسورة واسألها فى براءة ارمى
دى فين ؟؟

10-
وانت قاعد تتفرج على التلفزيون وهى طالع عينها فى تنظيف البيت وبعد ما
تخلص وتيجى يدوبكك تقعد تستريح جنبك بصلها وقالها حبيبتى معلش ممكن
كوبية مية علشان ضهرى بيوجعنى



يالا يا جماعة ربنا يقدنا على الشر ههههههههههههههههه s23.gif

[elhabib]

ايوري

باين انك ماحرمتش من المره اللي فاتت

وننتظر لك كل الم ووجع

[IORI]

الغالى الحبيب
مشكور يا غالى على مرورك الرائع
ومشاركتك الجميله

[Che]

ايوري

باين انك ماحرمتش من المره اللي فاتت

وننتظر لك كل الم ووجع

[yasmeen]

كل دي اذية حرام عليك crry.gif
يامفتري ياجبار
بس اكيد انا مش هسكت
انا بعلن قريبا
هنزل موضوع
ازاي تتطفش الاولاد من المنتدي

[IORI]

الغاليه ياسمين
مشكوره يا غاليه على ردك الجميل ووراكم
لحد ما تمشوا من المنتتدى

[أحمد الروش]

كل دي اذية حرام عليك crry.gif
يامفتري ياجبار
بس اكيد انا مش هسكت
انا بعلن قريبا
هنزل موضوع
ازاي تتطفش الاولاد من المنتدي

هتكتبى الموضوع انفسك أكيد مفيش ولا بت شجعتك فى الموضوع
يلا يا رجالة هانت كلها موضوعين وهنطرد البنات من المنتدى ونرتاح بقى
ويا سلام لو المنتدى يمنع دخول البنات فى المنتدى

ألف شكر يا أيورى ع الموضوع

[مصري كايدهم]

جامد اوى اوى ربنا معاك واحنا معاك boxing4.gif انتا تتعلم بقى بوكس علشان البنات اكيد هيغتالوك يابنى استخبى اليومين دول7_5_128.gif تحياتي : مصري كايدهم

[elsahly]

وحياة ربنا انت دماغك عالية اوى وانا اول الناس الى هتكسر اطباق وكبايات البيت على دماغ البنات دى وربنا يقدرنى ومرميش الهدوم بتعاتها بس لا هرميها بالغسالة ذات نفسها واخر ما هزهق ممكن اوصل سلك الكهربا بالبلاط واخبى شباشب البيت كلها ماعادا الشبشب بتاعى الى همشى بية هههههههههههههههههههههههههههههههههههههههههههههه s17.gif

[IORI]

الغالى احمدالروش
مشكور يا غالى على مرورك الجميل

[IORI]

الغالى مصرى
مشكور يا غالى على مشاركتك الجميله

[IORI]

الغالى elsahly
مشكور يا غالى على مشاركتك
ومتسخنش الموضوع اكتر ما هو سخن

[ahmed ELPRANSE]

http://www.asmilies.com/smiliespic/txtsmall/st3asmilies-com.gif

[maya_sh2ee]

ميااااااااا وصلت وسمعا كلام غريب ايه دهsly[1].gif مين يقدر يمنع البنوتات من دخول المنتدى
باين عليك بتلعب فى عداد عمرك وحفرت قبرك بايدك والاولاد الغلابه دول هيروح فطيس
بسببك ورونا شطرتكم كده وبلاش تتحدونا slap_1gtk.gif
اصل فيه عمليات اغتيال شغاله فى المنتدى وربنا يستر عليكمtriniti.gif

شكرا للنصيحه الى مش هيلحقو يعملو بيها

vincent.gif



خااااااااالص تحيااااااااتى لك

[أحمد الروش]

هى لسة البنات موجودة
عايزين الجزء التالت يا
أيورى لو عندك

[غلسه موت]

شوف يابني لو كنت بتفرج وهو بيقلب القنوات قال يعني بيتابع ماتش ولا مسلسل حاخد الريموت
حقولو ايه كمان لا تخرجنى ولا تفسحنى وقارفني بوشك طول اليوم واخدتني من بيت اهلي وانا متعوده هناك على الخروج تيجي انت تحبسني لا وايه بتتفرج على كيفك هي انت بتذلنا عشان هو بيتك واسمعو دوش كلام عمرو ما سمعو فا هو من نفسو حيسيب ال جهاز ولو ما سابش يبقى اتنكد عليه وماعرفش يتفرج حاجه والسحر كدا اتقلب على الساحر ..
ولو طبخت باميه وقالى الملوخيه لزيزه اوى حقولو ما ال**** الى طلبتو باميه راح جاب ملوخيه منا متجوزه واحد ما يفهمش حاجه لو كنت متجوزه ابن خالتى كان واد زكي وبيعرف حتى يفرق بين البقدونس والكزبره ..
ولما اعوز انظف البيت احبسو في غرفه واحده واقفل عليه الباب لحد ما الارضيه تجف اخرجو .. ولو قولتلو انشر الغسيل ورمى ملابسي بره حقولو بسيطه يا روحي فداك كل الغسيل بكره حبيبي ينزلنى السوق واشرتي غيرها ماهو مش معقول يخليني روحي من غير ملابس ..
ولو عملى الفطار يوم الجمعه وعدم المطبخ حقولو المهم انك فكرت فيا يا حبيبي وانده لمرات البواب تنظفو كلو وهو يدفعلها من جيبو .. وفي حالة عيد ميلادى يحطلي اربعين شمعه اهيص وافرح واكمل عيد ميلادي واغيظو انى مازعلتش ولا بيهمني اذا كان كبرني ولا صغرني واقولو تصدق كنت في فرح وجات واحده خطبتي لاخوها عندو 23 سنه لا وايه شوفت صورة الواد والله كان حلو اوىىىىىىىىى يجنن مش قادره ادور وشي من جمالو ندمت انى اخدتك والله.. لما يقلب وشو اقولو بس انت عندي بمية راجل ولو رجعونى يخيروني حختارك انت برضو .. ولو خلصت شغلي هلكانه وتعبانه وقالى هاتي ميه يااعمل نفسي ما سمعتش يا اقولو ايه يا روحي انا تعبانه اوى المفروض انت الى تجبلي معليش قوم اشرب انت واعملى كوباية عصير معاك والمره الجايه انا اعملك مش كفايه انا بغسل وامزح وانظف والمفروض تجبلي شغاله زى ماكان في بيت اهلى عندنا شغاله انت اخدتنى عشان تبهدلنى ولا عشان تستتنى هو انا مش متجوزه راجل ولا ايه ومن الكلام دا حنيام منكد زى ماحاول ينكد عليا ..
انا اديا تعبت كفايه عليكو كدا
سلام

[أحمد الروش]

إيه ده إيه ده هو الراجل فيه خلق عشان يستحمل ده كله

هى من أول كلمة يلا على بيت بابى وتانى كلمة أنتى طالق بس كده

والتالتة أتصلى بالحنوتى ييجى يشيلك

[LoVe StOrY]

مش هاتقدروا تطفشونا ابدا ولا من المنتدى ولا من البيت

احنا اللى هانطفشكوا من الحياه كلها

[غلسه موت]

بالظبط يا نانسي ونجوم السما اقربلكم قال تطفشونا قال كان غيركم اشطر
بنااااااااااااااااااااااااااااااات قولو معايا معا ضد الارهاب ( الرجاله) وقطعو الرجاله وسيرتهم

[maya_sh2ee]

ههههههههههههههههه
بجد حلوووه وكل وحده فينا كفيله انها تدى مطش اعتذال للراجل من حياته
بلاش تتحدونااااا

[baia2]

يا راجل عاوز تطفشهم ليه كده ومين ينكد عيك عشتك حرام عليك





بايا

[khlik_fakrny]

انت كده بتلعب في عداد عمرك
خاف على نفسك بقى هههههههه
شكرا على الموضوع المكحرت ده

[EMINEMM]

موضوع جميل بنتظار كل جديد بالتو فيق والمزيد انشاء الله
تحياتى Eminemm

[كول اوي]

هههههههههههههههههههههههههه
شكرا على الموضوع الظريف ده
دمو خفيف