"~_~" المطبخ الاسكندرانى "~_~", متجدد يوميا من رامى

[ramy]

http://www.9oo6.com/upload/uploads/2006-11-01/9oo6_net_b179450461a.gif


اخواتى الاعضاء والمشرفين لمنتدى مطبخ حوا

انا جتلى فكرة حلوة

وهيا انى اعمل مطبخ اسكندرانى بيضم كل الاكلات الاسكندرانية المعروفة وغيرها من الحلويات و والمقبلات والسلطات

ولكن بشرط انها تبقي كلها مجربة واتاكلت قبل كده علشان تبقي نتائجها مضمونة

الموضوع حيبقي متجدد وكل مرة فيه اكلة جديدة وطبعا اخواتى الاعضاء الاسكندرانيات لو حابيت تضيفوا من عندكم براحتكم

بحيث اننا نعمل مطبخ ونتشارك فيه كلنا وننافس بعض فيه كمان

ويالا نشوف اشطر واحدة فينا

ويا ريت الموضوع يتثبت يا جماعة علشان نستفيد كلنا من خبرات بعض

[ramy]

http://www.graaam.com/up/Pic9/d6bf0097e5.gif

(( السمــــــــــك السنجـــــــــــــارى ))

ما تتخضيش من الاسم على فكرة طعمة حلو اوى وغير كل السمك اللى كلتيه قبل كده

وطريقته سهلة وبسيطة جدا ومقاديره كمان من المطبخ

بصي بقي


المقادير : -

- سمك بورى كبير
- بصل وقطعيه قطع صغيرة خالص
- طماطم وبرضه قطعيها مكعبات صغيرة
- بقدونس وكرفس وكمون
- وقطعى حبات الليمون حلق رفيعة
- زيت وملح


الطريقة

1 - نضفى السمك البورى
2 - وقفى السمكة على ضهرها وشقيها نصين من عند البطن بس ما تفصليش النصين عن بعض يعنى شكل السمكة حيبقي مسطح كده قدامك وشيلى الراس والديل مالهمش لازمة
3 - رصي قطع السمك دى بقي في صنيه
4 - اخلطى الطماطم والليمون والكمون والبقدونس والكرفس والبصل مع بعض
5 - حطى الخليط ده على وش كل سمكة
6 - رشي زيت على الوش بسيط بعد ما تحطى الخليط وكمان الملح رشة بسيطة
7 - دخليه الفرن للشوى وحياخد في الفرن نفس الوقت اللى بتعملى فيه صنيه السمك

التقديم

قدمى كل سمكة بالخليط اللى عليها في طبق وحطى السوس بتاعها معاها

ودوقي بقي احلى سمك كلتيه في حياتك

ما تنسيش تدعيلى لما يقولولك تسلم ايديكى

[yasmeen]

موضوع جميل اوي ويستحق التثبيت
وبما اني اسكندرانية
وبما اني كمان معرفش اطبخ هادخل المطبخ مع ماما واشوف الموضوع ده

والنهاردة جيبالكم النهاردة اكله اسكندرانية100%
وحلووة اوي بموت فيها
الملوخية بالجمبري

المقادير
ربع كيلو جمبري صغير
لتر ماء
نصف كيلو ملوخية خضراء طازجة ( مغسولة ومخروطة ناعم او مجمدة)
نصف ملعقة صغيرة كمون
ملعقة كبيرة كسبرة ناشفة
بصلة صغيرة الحجم مفرومة
1 فلفل أخضر متوسط الحجم
ملعقة كبيرة ثوم مفروم
1 فص كبير ثوم مقطع
ملعقة كبيرة سمن
ملح - فلفل أسود

الطريقة

يتم غلي كمية الماء مع الملح والفلفل الأسود والكمون والبصلة مع فص الثوم المقطع.
يضاف الجمبرى بعد تقشيره وغسله جيدأ إلى الماء المغلي على نار هادئة ويترك لمدة دقائق حتى ينضج.
يضاف اليه بعد ذلك الملوخية المخروطة وتقلب جيدأ حتى تتجانس الملوخية مع الشوربة وتترك لمدة 5 دقائق على نار هادئة مع التقليب من حين لآخر.
يفرم الفلفل الأخضر ويهرس مع الثوم المفري. يقدح السمن على نار هادئة (يحمى) ويضاف إليه الفلفل الأخضر والثوم مع قليل من الفلفل الأسود والملح مع التحريك المستمر حتى يذبل الثوم ثم يضاف اليه الكسبرة الناشفة مع التحريك لمدة 1 دقيقة ثم يضاف الخليط إلى الملوخية يقلب الجميع جيدأ على النار دون أن يغلي لمدة دقيقة واحدة، يرفع من على النار ويقدم بعد ذلك وبالهنا والشفا

مراسلتكم ياسمين من امام المطبخ الاسكندراني المحترقclap[1].gif

[أحمد الروش]

ده أكلتى المفضلة السمك السنجارى

أنا أسكندرانى

يلا أما أكلتى أنا بقى فهى الكبدة الإسكندرانى

والطريقة
7
7
تنزل على إسكندرية وتروح تشترى من الراجل كبدة جاهزة
وبالهناء والشفاء

أنصحكم لو حبيتم تاكلوا كبدة يبقى

من سلسلة محلات فهمى
تخصصه كبدة وبس

[elhabib]

رامي


متالق يا غالي

ولك في كل مجال لمسة تميز

كل الشكر لك يا غالي

[yasmeen]

طبخة اليوم
كفتة الجمبري

المقادير:

1 كيلو جمبرى -
2 بصله متوسطه + 1 كوب رز مغسول و منقوع لمدة ساعتين -
6 فصوص ثوم مهروس -
بقدونس + شبت + كزبرة ( خضرة المحشى المعتادة ) -
ملح + فلفل اسود + حبه فلفل حار + قليل من الزعتر + فصين حبهان مطحون + نصف معلقه قرفه + ليمونه .




الطريقة:

نقسم كيلو الجمبرى إلى نصفين ( النصف الأول حجم معقول و النصف الثانى الجمبرى ذات الحبات الصغيرة )
نقوم بفرم الخضرة مع الجزء الثانى من الجمبرى ( الحبات الصغيرة ) و الأرز و البصل و الثوم و التوابل تفرم جميعها فى ماكينة فرم الكبه
سنجد عندنا مزيج يشبه الكفته ثم نقوم بخلط هذا المزيج مع النصف الآخر الحجم الكبير و نعجنهم بايدينا حتى يتجانسوا و تشكلى أصابع من الكفته حسب الشكل المطلوب ثم تحضرى
قليل من الدقيق و تغمسى فيها هذة الأصابع ثم تقليهم فى الزيت و يقدم مع الأرز و بالهنا و الشفا .................................................. ...

ودى طريقة تانية للجمبرى (( جمبرى بالصوص))

المقادير:
جمبري مقشر ومجفف - 2ملعقة طعام ز يت - 4 فصوص ثوم مهروس- 3 اعواد بصل اخضر مقطع -ملعقة طعام صويا صوص - ربع ملعقة صغيرة ملح- ملعقة طعام كاتشاب- ملعقة طعام ماء - رشة فلفل

الطريقه :

ننقع الجمبري في الثوم و الكاتشاب و الصويا والماء ونضعه جانبا نسخن المقلاة الواسعة على درجة حرارة عالية ونضع الزيت و نقلب معه الجمبري و نحمر الى ان ينضج ثم نضيف التتبيلة والملح و البصل الاخضر المقطع ورشة الفلفل يقدم مع الرز ..

وبس كده انتظروني في طبخة جديدة

[ramy]

ميرسيييي يا ياسمين على الرد والاهتمام

وحكاية المطبخ الاسكندرانى دى علشان بيتنا بس المطبخ اللى فيه اسكندرانى
ههههههههه

مستنية مشاركتك بقي علشان نشوف مين اشطر انا ولا انتى

ومستنية مشاركات بقيت البنات علشان المسابقة

والاشطر ليها جايزة عندى

[ramy]

نـــكـــمـــــــــــــــــــــل بقي
المرة دى الحلو
وبرضه على ضمانتى

(( عيـــــش السرايــــــــــــــــــــــا ))


لازم ده تجربوه بجد مش كلام لان طعمه بجد حلو اوى


المقاديـــــر

- 1كوب زبادى ( قولى علبتين صغيرين )
- معلقة كربونات ( بيكربونات صوديوم )
- 1 كوب دقيق
- 1 كوب سكر
- 2 بيضة
- كيس قانيليا
- نص كوب سمن
- شربات ( حقولك مقاديره وطريقة عمله في الاخر )


الطريقــــــــــــة

1- نضع السمن + السكر + البيض + الزبادى + الفانيليا في وعاء واخلطيهم جامد اوى بزمة يعنى
2 - وبعد ما يمتزجوا جامد حطى عليهم الدقيق
3 - حطى بقي الخليط كلو في صنية مقاس 28
4 - دخليها الفرن لحد ما تلاقي لونها بقي عسلى كده وممكن تختبريها بالسكينة
5 - خرجيها واسقيها شربات على الوش على حسب ما تحبي درجة حلاوتها

التقديـــــــــم

قطعيها مربعات وقدميها في اطباق صغيرة بس ما تاكلوش منها كتير يعنى كفايا مربع واحد علشان ما تتخنوش
وبلاش تاكلوا صوابعكم المرة دى

مقاديـــــــــر وطريقــــــــة عمل الشربـــــــــات

حطى 2 كوب سكر + 1 كوب مية على النار لحد ما يغلى وبسوسبيه يبرد براحته يعنى اعمليه قبل ما تبتدى في عمل عيش السرايا ابقي اسقي الصنية اول ما تطلع من الفرن بالمقدار ده


والهنا والشفا
ورونى همتكم انتم بقي

[ahmed ELPRANSE]

http://www.asmilies.com/smiliespic/txtsmall/st17asmilies-com.gif

[ramy]

ahmed ELPRANSE

العفو

[محمد ثروت]

رامي


متالق يا غالي

ولك في كل مجال لمسة تميز

[احزان الحقيقى]

شكرا يارامى على الموضوع الجميل

[ramy]

الف شكر على الردود يا جماعة

[ramy]

البيتز ا السريعة مالناش دعوه بالاسم المهم

المقادير:

عيش اشامى - صلصة طماطم - جبنة تركى - الحشو على حسب الرغبة( بسطرمه - سدق -لنشون)- جبنة مثلثات

حجات ممكن تتحت وممكن لا للى مابيحبهاش(طماطم- زتون -فلفل كبى)

التحضير: نقطع العيش الشامى بحيث يبقى فىجزئين من الداخل

نخلط 2جبنة مثلثات مع كمية كافية من الصلصة

ندهن العيش بالصلصة ونضع علية البسطرمة ونقطع الجبنة التركى وبعض كدة ممكن نضيف شرائح الطماطم و الزتون والفلفل

وطبعا هنحط العيش فى صنية ونحطها فى الفرن اوعى حد يكلها كدة ونسبها 10 دقايق ويمكن اقل شوية لحد ماتستوى
وياريت تعجبكم اظن مافيش اسهل من كدة

[memmokarim]

تسلم ايدك يا قمر
جوعتيني

[ramy]

memmokarim

ميرسى يا عسل على المشركه الجميل

[وحدى انا]

موضوع تحفة
وانا بفكر اهو فى اكلة احنا بس الاسكندرانية بنعملها بس لسه ما وصلتش لحاجة
حاقلب المطبخ واغش من ماما واجيلكم
تسلم ايدكم ونفسكم فى الاكل يجنن

[ramy]

وحدى انا

ميرسى على مرورك

[red man 0]

ايه ياعم الطعامة دى تسلم ايدك
لا وريحتها جامدة كيك

[red man 0]

لللللللللللللللللللللللللل