~ هــل تواجـهكـ مشـكـلـة ؟؟ ادخـل وضعها ... لنـجد لهـا الحـل .. بإذن الله ~

[Mr-LOrd]

ايمانا منى .. بأن العضو .. أو الشخص في حياته العامة ..
يعاني من مشاكل تواجهه .. مشاكل تنغص عليه سير حياته ..
مشاكل قد تسبب تحطمه وانهياره .. وعدم قدرته على مواجهة
مصاعب الحياة .. او عدم القدرة على مزاولة الحياة بشكل طبيعي ..!!


~


تلكـ المشاكل والتي قد يعتبرها البعض .. تافهة .. قد تعني لصاحبها
الشيء الكبير .. وتسبب له قلق وانزعاج حتى يقوم بحلها والتخلص من جميع
الرواسب التي خلفتها تلكـ المشكلة .. في داخله ..


~


إذن


~


تم استحداثـ هذا الموضوعـ .. لكل الأعضاء .. ليضع أي عضو ..
أي مشكلة تواجهه .. ولنحاول نحنـ جميعا .. من أعضاء ومشرفين
مساعدته على الوصول إلى حل لمشكلته هذه .. والتغلب عليها ..



~


ملاحظة ..
*أي عضو لا يرغب بنشر مشكلته باسمه الشخصي .. يستطيع ارسالها لي
عبر الرسائل الخاصة .. وأعرضها له في الموضوع .. بدون ذكر اسمه
وذلك حفاظا على السرية والتي ينشدها بعض الأعضاء ..

* أرجو طرح المشكلة بشكل وافي .. ومركز .. لنتمكن من الوصول لحل لها ..



~

ننــتظركمـ .. فهذا الموضوع لمـ يوجد الا لكم .. واليكمـ ..

~


تحـــياتي للكل وأمنياتي للجميع بحياة سعيدة خالية من المشاكل
والهمــوم ..


لورد الرومانسي

[elhabib]

لورد الرومانسي


كما تعودنا منك دوما

موضوع رائع وجميل ومفيد

وياليت كل من يبحث عن حل لمشكلة ما

لا يخجل ويبوح بما في اعماقة

نشاركة احزانة والامة ومشاكلة

فكلنا في عالم واحد

نتقارب ونتجانس

فلا تخجل اخري العضو

فاننا نمد لك ايادي المساعدة

فلا تخجل منا

[محمود السنباطى]

شكرا لك يا لورد

بجد الموضوع رائع
بس الحمد لله حاليا مفيش مشاكل لكن لو فيه حاجه طبعا هرجعلك
تحياتي حوده
كل سنه وانت طيب

[Mr-LOrd]

العفو حبيب قلبى

وتسلم على المرور

واتمنى ما يكون فى مشاكل عند الجميع



تحياتى

[SWEET HEART]

السلام عليكم ورحمه الله وبركاته

اخي في الله لورد الرومانسي
موضوعك في غايه الاهميه والروعه
هذا ماتعودنا عليه منك
مشكور جدا علي الموضوع الرائع

[Mr-LOrd]

تسلمى مون على المرور المميز



وتسلمى على تثبيت الموضوع



والاهتمام به


تحياتى ؛؛

[Mr-LOrd]

دى اول مشكله معانا بالمووضوع
هو عضو معنا بالمنتدى
وطالب رايكم فى مشكلته
واتمنى الجميع يساعده
اولا احب اقولك بلاش تقول اسمى
ثانيا مشكور لطرحك الرائع ده
نخش فى صميم الموضوع
انا اولا بدرس فى الصف التانى الثانوى
كان ليا اخت تؤام بس ربنا افتكرها من خمس
سنين كده
المهم كانت هيا ليا كل حاجه فى دونيتي
اهل واصحباب واحباب واخت بمعنى الكلمه
انتا عارف التؤام بيحسو ببعض اوى
المهم اما توفت حسيت انى افتقدت الحنان
والصحوبيه والحب والحنان وكل المعانى الجميله ده
المهم بقيت احاول ان انا ابنى اى صداقه مع اى شخص
مهما كان حلو او وحش لانى متعودش انى افرق
بين الصاحب الوفى والصاحب بتاع مصلحتو
بقيت اتخدع كتير اوى فى حاجات ملهاش اى اساس
وبنى ادمين ملهاش اى مشاعر الصداقه او معاييرها
بقيت اقرب من الناس واحاول ان انا اتكلم كتير
وكده بس والله اما بكلم حد بكون فرحان انى بكلم حد
ولقيت اهتمام بيا من حد ولما الاهتمام ده ينعكس
ويبقى من ناحيتي انا اللى مهتم بيه
احس ان هوه كان بيعطف على حاله ادامو مش اكتر
والاقيه بيقول عليا رغاى وممل وكده
وانا اما بتعلق بحد بيكون من قلبي والله
يعنى بكون عاوز اتكلم معاه كل شويه
اتصل بيه اشوفو فايت عالايميل اكلمو
الاقيه فجأه عملى بلوك ودليت بدون سابق انذار
احاول اتصل بيه من تليفوني ميردش
اتصل بيه من بره يتصل واما يسمع صوتى
يقول مين معايا او النمره غلط
مع انى والله بجد بعاملو بكل مصداقيه وكل
شفافيه
المهم المشكله جت هنا بقى
انا صح فى عواطفى ده ولا غلط
هل الشخص ده او غيرو اللى بيبانو
كويسين فى الاول ومهتمين
واما يلاقونى انا اللى محتاجلهم
يستاهلو كلامي معاهم ؟
واما حد منهم يحتاجلى بدل ما يخش الايميل
يقولى ازيك
يقولى......ممكن طلب
اقولى ائمرنى ياخد طلبو وكده
والاخر يسيبنى ويقفل او يرجع البلوك تانى
يتكلم معايا شويه على اساس انو كان مشغول ومكانش
بيدخل الاخر اكتشف انو عاملى بلوك
وبصراحه انا بتعصب بسرعه
وخلقى داق من ساعه وفاه المرحومه
وبسبب كده اهملت دراستى وحياتى الشخصيه
عشان ادور على صديق وفى يكون محتاجلى انا
مش لخدماتى
قولى ازاى اتحكم فى عواطفى وفى اعصابي
ياريت لو عندك حل تقولى عليه
تحياتى
فى انتظار حلولكم

[moonlight]

اول حاجة لازم أشكر لورد على اتاحة الفرصة لنا للتواصل بينا عن طريق هذا الموضوع

و مشاركة بعضنا في مشاكلنا في محاولة لايجاد حلول او شعاع نور يساعدنا في طريق الحل



أما عن اخي صاحب المشكلة فانت هاتواجه النوع دا من الناس طول حياتك و لازم تتقبل وجوده من غير غضب

لكن كمان تعرف ازاي تتعامل معاه... يعني ما تسمحش لحد انه يستغل صاقتك بيه لمصلحته

صحيح الناس لبعضها لكن بمعنى اننا بنحتاج لبعض مش يكون واحد على طول ياخد مصلحته من غير ما يعطي

لصديقه حق الصداقة عليه

و انت مش غلط في عواطفك ناحية الناس و لا حاجة.... الاصل ان احنا نتعامل مع الناس بود و اخلاص

علشان في يوم هاتلاقي الصديق المخلص اللي هايبادلك المشاعر دي

اما عن اهمالك لدراستك علشان تدور على صديق وفي فدا كلام غريب

الاصدقاء يا اخي مش احنا اللي بنلاقيهم ... دي ارواح و قلوب بتتجمع بامر الله من غير ترتيب منا

و انت يعني لما تكون انسان ناجح في حياتك اكيد كمان هايكون لك اصدقاء كويسين

اهم حاجة خليك قريب من ربنا وكلمه من قلبك هاتلاقيه اقربلك واحن عليك من اي صديق

و استمر في معاملتك الحلوة للناس و استمتع بيها و اكيد في يوم هاتلاقي صديق العمر

دعواتـــــــــــــــــي ليك بالتوفيق في حياتك و صداقاتك إن شاء الله

[yasmeen]

السلام عليكم ورحمة الله وبركاته

انا اولا بشكر لورد علي الفكرة الجميلة والموضوع الاكثر من رائع

بصراحة فكرت كتير قبل ما اجاوب

انت مش غلط اصدقائك اللي تعرفت عليهم هما اللي غلط

لانهم في الحقيقة مش اصدقائك وبيستغلوك

انت الغلط الوحيد اللي عملته انك مفكرتش انك تختارهم كويس

الصداقة مش مجرد كلام وخروج وكده

انت المفروض تفكر قبل ما تختارهم تشوف اخلاقهم وتصرفاتهم وزي ماقالت مون لايت مش احنا اللي بندور عليهم

ربنا لو اراد ان يكون ليك صاحب في لحظة واحدة هتلاقي احسن صاحب قدامك

انا متاكدة ان حواليك اصحاب كويسين بس انت ممكن متكنش واخد بالك منهم او زي ماقلت انت مبتفرقش

اهم حاجة دلوقتي انك في ثانوية عامة المفروض تركز في مذاكرتك وان شاء الله ربنا يوفقك في دراستك وحياتك

ربنا سبحانه وتعالي قال:{وَإِذا سَأَلَكَ عِبادِي عَنِّي فَإِنِّي قَرِيبٌ أُجِيبُ دَعْوَةَ الدّاعِ إِذا دَعانِ فَلْيَسْتَجِيبُوا لِي وَلْيُؤْمِنُوا بِي لَعَلَّهُمْ يَرْشُدُونَ}

ادعي ربنا انه يوفقك ويهديك لصديق كويس وباذن الله هتلاقيه

تحياتي لك

[Mr-LOrd]

تسلمى ياسمين ومون على المرور


انا متفق معاهم فى الكلام


اللى قالوه


بس احب اضيف حاجه

بس طبعا انا مش عايزك تزعل


انت قولت المشكله واحنا بنحاول نساعدك


ممكن من نظرى انك تكون بتتكلم كتير مع اصحابك


لدرجه انه يمل منك

واحب اوضح لك حاجه

لما تتعرف على حد على النت غير لما يكون زميل فى الحياه او الدراسه الخ


لانه على النت

بيكون عنده حاجات كتير بيعملها

شات مثلا لعب

شغل

اى حاجه من الحاجات دى

فحاول انك تكون خفيف عليهم عشان ميملوش منك


تحياتى ؛؛