نشـــــــــــــــــــــــــوف الحـــــــــــــــــــــــــــــوار

ذهب الاسطى (سمسم فوطه)الحلاق الى القهوه فوجد المعلم ( ريموعكوه )الجزار جالسا هناك فدار بينهم هذا الحوار )


الاسطىسمسم فوطه : صباح الفل يا معلم ريمو عكوه . كويس انك جيت في ميعادك . انا افتكرتك ها( تحلقلي ) زي كل مره .
المعلم ريمو عكوه : يا راجل دا كلام . هو فيه حد يقدر يحلقلك . دا انت بركتنا . احنا من غيرك زى العرب من غير (جدى ) .
الاسطى سمسم فوطه : جرى ايه يا معلم . الملافظ سعد . دا انا كنت جاى( استشورك) في حاجه مهمه .
ريمو عكوه : خير يا صاحبي . فيه حد مضايقك ولا حاجه قولي عليه وانا ( أعلقهولك ) من رجله .
سمسم فوطه : كتر خيرك يا معلم . يا ( مزين ) الحته ومنورها . بس انا كنت جاى في موضوع تاني خالص . موضوع جواز .
ريموعكوه : الله الله . انت خلاص نويت تعملها وتتجوز ويا ترى مين ( الضحيه )
سمسم فوطه : ضحية ايه يا معلم هو انا بقولك نويت أقتل . انا بقولك نويت اتجوز . هاتجوز البت ( صبغه )جارتنا .
ريمو عكوه : يا زين ما اخترت دا البت زى الغزاله وعليها فردتين ( كوارع ) ما تقولش لعدوينك عليها .
سمسم فوطه : ( قصر ) يا معلم وخلي ليلتك تعدي .
ريموعكوه : خلاص خلاص . انت ( هاتنطحني ) ولا ايه . يا راجل انا بهزر معاك انا كل قصدي ان البنت جميله و( تقاطيعها ) مسمسمه وتتاكل اكل .
سمسم فوطه : بصراحه يا معلم البت ( مكانتها ) كبيره قوي عندي . وحاسس اني من غيرها عامل زى( المشط ) من غير سنان .
ريمو عكوه : والله وبقيت رومانسي يا واد يا فوطه . وانا اللي كنت فاكرك ( جاموسه ) لا ليك في ( التور ) ولا في الطحين .
سمسم فوطه : استغفر الله العظيم يا رب . يا راجل هو انت لسانك متبري منك . حسن ملافظك بعد كده . بدل ما أخدك ( مقص ) أجيبك الأرض .
ريمو عكوه : طيب روق دمك . بدل ما ( مواسيرك ) تضرب . إلا قولي انت ناوى تزورهم امتى ؟
سمسم فوطه : ( بكرة) بإذن الله .
ريمو عكوه : بقولك ايه اوعى تكون بتلعب بالبنت وناوي تمشي معاها يومين وبعدين ( تبرطع ).
سمسم فوطه : عيب يا عكوه . دا انا كلمتي زى ( الموس ) .
ريمو عكوه : ايوه كده . حاكم احنا رجاله ( جديان ) قوى . ونفهم في الاصول . يعني لازم نحط النقط على ( الخروف ).
سمسم فوطه : طبعا امال ايه .. بقولك ايه يا معلم ما تيجي نطلع على السينما . حاكم انا سمعت ان فيه فيلم جديد موجود هناك اسمه ( الحلقه ) الجهنميه . ونفسي اشوفه حاكم انا هاموت واعرف إيه نوع الحلقه ده بالضبط .
ريموعكوه : طب وليه المشوره . انا عندي فيلم فيديو اسمه المرآه و( الساطور ) حاكم الفيلم ده انا بعشقه وبحس ان فيه حاجه بتربطني بيه . إيه هيا مش عارف .
سمسم فوطه : اقولك احسن حاجه انا هاروح انام علشان بكره بدري هاطلع على ( الشعر ) العقاري . علشان اجل شوية روايات ليه لسه كتبها جديد .
ريموعكوه : مش معقول . أهي ده ( كبدة ) إبريل . بقي انت يا معلم فوطه بتكتب روايات . ما بقاش إلا انت . على رأى المثل ( بعد ما شاب أكلوه كباب )
سمسم فوطه ك انت مالك مش مصدق . ونازل فيه ( غسيل ) كده . ايوه انا بكتب روايات . وروايات ناجحه كمان . عندك مثلا رواية ( المقص والكلاب ) و ( الصلع خير ) و ( الحلاقون في الأرض ) .
ريمو عكوه : غريبه ولا عمرى قريتلك حاجه . تكونش بتكتب بالحبر السري .
سمسم فوطه : هو انت اساسا بتعرف تقرا دا انت جاهل وما تعرفشى الفرق بين الألف و( ماكينة الحلاقة )
ريمو عكوه : الله الله . انت ما تعرفشي ان اصحاب( العجول) في راحه . يعني العمليه مش مسألة علام وقرايه . المسألة مسألة فكاكه وفهلوه. وانا فكيك وفهلوي . دا انا مسميني في المنطقه المعلم ( ابو جاموس ) علشان بفهمها وهي طايره .
سمسم فوطه : دا انت كلامك ( يحلق ) الدم . انا سايبهالك وماشي . ( فوطتك ) بعافيه .
ريمو عكوه : إذنك معاك يا معلم فوطه . موبايلات بقى . إوعى تكون نسيت رقمي ( زيرو بقرتين اربع جواميس عجلين تور ) إوعى تنسى



ههههههههههههههه
اتمنى انه يعجبكمwaterskiing.gif

طبعا سمسم فوطة اتجوز البنت صبغة وهو مروح بيتو لقه مراتو صبغة طبخالو فتلة بالخل والتوم وكل يوم ينكد عليها لانها بتمشى على حل شعرها وبستشور فى الرايحة والجاية ويقول لحماتو انا احب مراتى تمشى قدام او تمشى على جمب دايما كدا مرجعاتى لوارا دة دايما بتحلق فى دمى

اسلام المزروع كل الشكر على الموضوع الطريف
تحياتى لك