عرض الإصدار الكامل : اسأل سؤال واللى بعدك يرد عليه بس بصراحه عاليه
تيتو المصرى
07-12-2006, 04:40 PM
اللعبه جميله وفيها تقرب من بعض
والمطلوب ان كل عضو يسال سؤال واللى بعده يجاوب
عليه ويحط سؤال جديد
وهبداء انا
ايه اكتر حاجه سعيد انك انجزتها؟؟؟
elhabib
07-12-2006, 05:18 PM
الغالي
تيتو المصري
بجد تسلم وتشكر
رائع منك ما تقدمة من مواضيع
تسلم يا غالي
اسعد شئ انجزتها
هو اني انضميت للمنتدي الغالي
منتدي شقاوة
تيتو المصرى
07-12-2006, 05:27 PM
فين سؤالك يا محمد صحصح كده
اسال انا بدل منك
انت ايه رايك فى مستوى البرازيل المونديال ده؟
elhabib
07-12-2006, 05:31 PM
مستواها مش قد كده السناتي
السؤال
هل تعتقد بان الحركة اللي عملها زيدان كانت تستحق ان تعمل بالمبارة ؟
تيتو المصرى
07-12-2006, 06:01 PM
هى تستحق لان انا عرفت ان الواد شتم العرب والمسلمين
راح زيدان اتنرفز وراح ضربه
ايه رايك فى افلام السينما الصيف ده؟؟؟؟؟؟؟؟؟؟
Clickme
07-12-2006, 09:07 PM
تقصد افلام اية طبعا
لو عربى انا مبتفرجش عليها لانها زبالة بمعنى الكلمة
لو افلام اجنبى فية شوية افلام رهيبة نزلت ولسة بتنزل الموسم دة
وان شاء الله كلهم طبعا عندنا هنا فى المنتدى
الى بعدى
اية رائيك فى الحب الغبى الموجود بين الشباب الايام دية
وهل تطلق علية لقب حب ام لقب تسلية افضل
وتحياتى لكم
تيتو المصرى
07-13-2006, 12:43 AM
من رأى تسليه يكون الاسم المناسب ليه
اصل دالوقتى مفيش حاجه اسمها حب للاسف
سؤالى بقي :-
مين اكتر انسان متقدرش تزعله ؟؟
elhabib
07-13-2006, 11:39 AM
طبعا هما الوالدين عمرنا ما نقدر نزعلهم
السؤال بقي
هل تعتقد باننا نستمتع بالحرية الشخصية ؟
Clickme
07-13-2006, 03:56 PM
اذا كانت حرية الرائى بتختلف
من ناحية رايك
لو فى السياسة مفيش غير النت
بس على العموم الحرية مفهوما غلط عندنا
ومن رائى انا واخد حريتى الشخصية
ما هو رائيك فى المنتدى ؟
elhabib
07-13-2006, 04:07 PM
المنتدي يجتمع به كل له فكر وراي
المنتدي بيت اللقاء والنقاش
واتمني ان يكبر ويزداد مواضيع جاده ونقاش مستمر
هل تعتقد بان المنتدي وصل للمستوي المطلوب ؟
Clickme
07-13-2006, 04:22 PM
لا طبعا
لسة بدرى جدا وممكن ميوصلش
هل يوجد فى رايك عيوب فى المنتدى وما هيا ؟
elhabib
07-13-2006, 04:41 PM
طيب ليه النظرة التشائمية يا غالي
وانشاء الله هيوصل وينافس
العيوب هي عدم المشاركة من الاعضاء
لا بد سماع وجهات نظرهم ومناقشتها باي طريقة
هل تعتقد بان الابتكارات اصبحت تخدم البشرية بالصورة المطلوبة ؟
Clickme
07-13-2006, 04:48 PM
الابتكارات اصبحت تخدم الحروب فى المقام الاول
هل يوجد عضو يشارك فى المنتدى وتريد ان توجة له انتقاد؟
تيتو المصرى
07-13-2006, 09:02 PM
مفيش بصراحه
انت ايه رايك بالاعضاء فى المنتدى؟؟؟
Clickme
07-13-2006, 11:55 PM
مفيش اعضاء عندنا
كلهم مشرفيين ونصهم مش شغال
هل يوجد عندك اقتراح تقدمة لتقدم المنتدى؟
!! ايــديــا فـــ جـيـوبـى !!
07-14-2006, 10:51 AM
السلام عليكم
عن جد عجبنى الموضوع كتير اوى اوى
الاقتراح وهوا مجرد اقتراح
المنتدى محتاج لدعايه اكثر من كدا مش دعايه لعنوان المنتدى بل دعايه لعناوين المواضيع بلمنتدى بمعنى الموضوع الجامد او اللى يستحق الدعايه يعنى هيشد القارىء يضاف لجروب او اى ميل عبر البريد الاليكترونى ,,,
ســـؤالى واتمنى ان اسمع راى
وهوا انى سمعت جمله عجبتنى اوى
" انا مليش فى الحب انا بعلق وبس "
اية رايك فيها ؟ ينفع يكون مبدأ ليك
Sh2ee
07-14-2006, 07:48 PM
السلام عليكم ورحمة الله وبركاته
اولاَ اود ان اشكرك اخى الغالى على الموضوع الرائع الذى من خلاله
نتبادل ثقافتنا وخبرتنا بالحياه
وبالنسبه لسؤال الاخ ESoFT
" انا مليش فى الحب انا بعلق وبس "
اخى الفاضل
الجمله مبنيه على اساس مقبت واغلبنا يرفض ان يكون هذا مبدئه وانا
واحد من الناس ارفض ذلك
" انا مليش فى الحب "
تدل على ضعفى وعدم ثقتى بنفسى
وانا اكره ان يقول على الاخرين هذه الكلمه
" انا بعلق وبس "
تدل على انه انسان لا فائدة منه وعدم اهتمامه بحياته العاطفيه وذلك النوع
لن ينجح ابدا فى زواجه .
اخوانى الافاضل بجد موضوع مبهر واسئلتكم كلها رائعه
تمنياتى لكم جميعا بدوام التوفيق
ســـــــــــــؤالى
هل تقبل ان يكون لك علاقة حب عن طريق الانترنت او التليفون
وهل من وجهة نزرك انها ستستمر وتنتهى بالزواج ....!!
فى انتظاركم
Clickme
07-14-2006, 10:06 PM
شقى يشقى
مفيش حاجة اسمها حب اذا كان فى الواقع او على الانترنت او التليفون
دة اسمة تسلية او جرى ورا الشهوات
مينفعش غير كدة
واظن يعنى انت ادرى بموضوع حب النت
وطبعا الى بيتسلى مع حد مش هيتجوزة لانوا عارف انى دة بيحصل مع غيرة كتير
دة رائيى انا
سؤالى للبعدى اية رائيك فى ردى على الاخ شقى؟
Sh2ee
07-14-2006, 11:13 PM
السلام عليكم ورحمة الله وبركاته
اخى الغالى
clickme
اسعدنى تواجدك
ولكن افذعنى ردك كثيرا
انت بتقول
مفيش حاجة اسمها حب اذا كان فى الواقع او على الانترنت او التليفون
اخى الغالى بجد اندهشت كتير لكلامك انت معنا كلامك ده اننا بنعيش
حياه بدون حب ودى من وجهة نظرى متبقاش حياه تبقا غابه حتى الغابه
بيكون فيها حب بين الحيوانات لا يمكن ان يمحى الحب من الحياه
انت ممكن تكون مقبلتش الانسانه اليه تعرفك معنى الحب وتبادلك حننها
وتخاف عليك وانت تخاف عليها اخى الحياه بدون حب = صراع دائم
ادعو الله ان يوفقك وتلاقى اليه تسعدك وتحسسك بمعنى الحب
الحب شىء كبير وعظيم وعمرنا منقدر نكون فى غنه عنو سواء عن
طريق الحياه او اى طرق اخرى .
تسلم اخى على ردك
واتمنى ان تكون اخذت كلامى بصد رحب
اختلاف الرئى لا يفسد للود
Clickme
07-14-2006, 11:22 PM
اختلاف الرئى لا يفسد للود قضيه
فعلا اختلاف الرد لا يفسد القضية
لكن رد ساعدتك بيجى لانى مفيش ثقافة التربية الاسلامية موجودة عندك
وبعدين انا مغلطتش فعلا لما قولت مفيش حاجة اسمها حب
تيجى نتكلم عن الحب
تقدر تقلى علاقتك مع البنت المزعوم انك بتحبها عاملة ازاى
تخرجوا مع بعض وكلام فاضى تكلموة
وفسح ومش عايز اذكر حاجات تانية كفاية دولت يعنى
اصلا محرميين فى شريعتنا
بلاش يعم نتكلم فى الدين
تقدر تقولى فين الحب الى موجود
تقصد حب انك تخرج معاه ومش عارف تعمل فيها اية
بلاش من دة
انت موافق ان اختك او اى فتاة من عيلتك تتحب وتعمل الى انت بتعملة مع اى بنت بتقول انك بتحبها
وبعديين خلاص يعنى البلد مفهاش حاجة غير الحب
الشعب كلوا نازل حب فى بعضة
يحبيبى فوق
الى مترضهوش لنفسك مترضهوش لغيرك
والحب الى انت بتقول علية دة هو حب الحيوانات
لانة حب شهوة جنسية لا اكثر او اقل
وبعديين انت شكلك حبيب كبير
طيب يعمونا
تقدر تقولى انت بتحب كام واحدة دلوقتى
المفروض يعنى لو انت تقصد انى الحب موجود وهو مش شهوة
لية كل شوية نشوف الشاب مع واحدة جديدة
والبنت كل ساعة مع شاب جديد
ولا حب الشات تمنعها من كلام الناس وتكلمك انت بس وتفتحلك كاميرا
فعلا ما اعظم من هذا حب
ربنا يوفقك اخى العزيز ويهديك فى دنيتك حتى تللاقى ما ينفعك من اعمال فى الاخرة
!! ايــديــا فـــ جـيـوبـى !!
07-15-2006, 07:03 AM
يعجبنى كتير ملاحظاتك كليك مـى وردك الجميل فى الموضوع وبجد بحترم ارائك
وهستنى امه الاخ الغالى شقى يرد على سؤالك ويطرح لينا سؤال
طيب يعمونا
تقدر تقولى انت بتحب كام واحدة دلوقتى
المفروض يعنى لو انت تقصد انى الحب موجود وهو مش شهوة
elhabib
07-15-2006, 01:05 PM
ESOFT
منور يا غالي اللعبة
الحب مش بالكم والعدد
الحب ممكن يكون لشخص معين ويكون حب بمعني الحب
اما الايام دي الكل بقي يستخدم الحب للتسلية
السؤال بقي
هل تعتقد بان الشباب اصبح في حياة ليس لها قيمة ام هدف
!! ايــديــا فـــ جـيـوبـى !!
07-15-2006, 03:48 PM
حبيب لا يعجبنى رايك ولا ينطبق عليك
يعنى على سبيل المثال انته انسان متجوز ومن قريب يعنى فى زمنا دا او
وقتنا الحالى تقدر تقلى ان واحد زيك بيستخدم الكمبيوتر والانترنت متجوز
زواج تقليدى اعتقد لاء يعنى متجوز على حب >>>> يعنى فى حب الايام
دى صح ولا لاء
وطبعاً دا مجرد رايى الخاص
elhabib
07-15-2006, 03:58 PM
حبي
ESOFT
شكرا للرد الجميل
بس فين لاسؤال
وليه هتغيب عنا خير باذن الله
السؤال تاني
هل تعتقد بان الشباب اصبح في حياة ليس لها قيمة او هدف
Sh2ee
07-15-2006, 04:57 PM
اختلاف الرئى لا يفسد للود قضيه
فعلا اختلاف الرد لا يفسد القضية
لكن رد ساعدتك بيجى لانى مفيش ثقافة التربية الاسلامية موجودة عندك
وبعدين انا مغلطتش فعلا لما قولت مفيش حاجة اسمها حب
تيجى نتكلم عن الحب
تقدر تقلى علاقتك مع البنت المزعوم انك بتحبها عاملة ازاى
تخرجوا مع بعض وكلام فاضى تكلموة
وفسح ومش عايز اذكر حاجات تانية كفاية دولت يعنى
اصلا محرميين فى شريعتنا
بلاش يعم نتكلم فى الدين
تقدر تقولى فين الحب الى موجود
تقصد حب انك تخرج معاه ومش عارف تعمل فيها اية
بلاش من دة
انت موافق ان اختك او اى فتاة من عيلتك تتحب وتعمل الى انت بتعملة مع اى بنت بتقول انك بتحبها
وبعديين خلاص يعنى البلد مفهاش حاجة غير الحب
الشعب كلوا نازل حب فى بعضة
يحبيبى فوق
الى مترضهوش لنفسك مترضهوش لغيرك
والحب الى انت بتقول علية دة هو حب الحيوانات
لانة حب شهوة جنسية لا اكثر او اقل
وبعديين انت شكلك حبيب كبير
طيب يعمونا
تقدر تقولى انت بتحب كام واحدة دلوقتى
المفروض يعنى لو انت تقصد انى الحب موجود وهو مش شهوة
لية كل شوية نشوف الشاب مع واحدة جديدة
والبنت كل ساعة مع شاب جديد
ولا حب الشات تمنعها من كلام الناس وتكلمك انت بس وتفتحلك كاميرا
فعلا ما اعظم من هذا حب
ربنا يوفقك اخى العزيز ويهديك فى دنيتك حتى تللاقى ما ينفعك من اعمال فى الاخرة
اخى الغالى
clickme
اولا اود ان ارحب بك من جديد وعلى اهتمامك بسؤالى وردك عليه
ثانياَ انت بتقولى انا معنديش ثقافه اسلاميه
انت وجهتلى الكلام ده بنائن عن ايه انت واخد موضوع الحب بفكرك انت
بفكر الشهوه والعلاقات المحرمه ليه متقولش ان الانسان ممكن يتجوز
انسانه عن حب طاهر ومحترم نبينا عليه الصلات والسلام كان بيحب
زوجتو السيده خديجه هل تسمى الحب ده حب شهوه واليعوذ بالله
حبك لله هل تسمى شهوه
حبك لوطنك هل تسمى شهوه
حبك لاخيك هل تسمى شهوه
حبك لصديقك وحبك لمحبوبتك وغيره انت لو فعلا حبيت انسانه
حب طاهر وحسيت بالحب ده هتخاف عليها اكتر من نفسك ومش هتفكر انك
ممكن تأذيها بشهواتك او بغيرها
وانت بتقولى تعاله نتكلم عن الحب
وتكلمت فى مضمون واحد هو حب الرجل للمرأه
وتكلمت عنه من المفهوم الخاطىء فقط ولم تذكر اى صفه من صفات الحب
النقى هو انا علشان احب انسانه لازم انى اخرج معاها واعمل حاجات تانيه
من اليه انت مش عايز تذكرها
اخى انت معقد اعزرنى بس لازم تراجع نفسك فى حاجات كتير انواع الحب
كثير وليسة جميع انواعه حب شهوه ولا حب من الغرض الجنسى
وربنا يهدى الشباب كلو وانا هقولك على حاجه صغيره لو زى مانتا مبتقول
ان اليه بيجرى وراى الحب علشان شهواته و الاشياء المحرمه اسئل نفسك
فى محرمات كتير الواحد بيعملها وهو مش دارى لو هتمشى على دينك صح
فى اشياء كتير لازم تغيرها فى نفسك ابداء بمعلجة اخطائك اولا
بعد كده فكر فى موضوع الحب وخلافه .
فى نهاية كلامى احب ان اشكرك على متابعتك ورئيك الذى احترمه
لكن لا تسىء بأحد بدون وجه حق انت اتهمتنى بعدم ثقفتى الدينيه
وانا احترمت رئيك على الموضوع كعام وليس كشخص محدد
دومت اخى وفى انتظار باقى الاعضاء
elhabib
07-15-2006, 05:19 PM
الغالي
شقي
الحب معانيه صادقة وجميلة
ولكن متي يتم استخدامة بصدق
فقط قل استخدام الحب بصدق واصبح عملة رخيصة
شكرا يا غالي وتسلم
Clickme
07-15-2006, 05:39 PM
اخى الغالى
clickme
اولا اود ان ارحب بك من جديد وعلى اهتمامك بسؤالى وردك عليه
ثانياَ انت بتقولى انا معنديش ثقافه اسلاميه
انت وجهتلى الكلام ده بنائن عن ايه انت واخد موضوع الحب بفكرك انت
بفكر الشهوه والعلاقات المحرمه ليه متقولش ان الانسان ممكن يتجوز
انسانه عن حب طاهر ومحترم نبينا عليه الصلات والسلام كان بيحب
زوجتو السيده خديجه هل تسمى الحب ده حب شهوه واليعوذ بالله
حبك لله هل تسمى شهوه
حبك لوطنك هل تسمى شهوه
حبك لاخيك هل تسمى شهوه
حبك لصديقك وحبك لمحبوبتك وغيره انت لو فعلا حبيت انسانه
حب طاهر وحسيت بالحب ده هتخاف عليها اكتر من نفسك ومش هتفكر انك
ممكن تأذيها بشهواتك او بغيرها
وانت بتقولى تعاله نتكلم عن الحب
وتكلمت فى مضمون واحد هو حب الرجل للمرأه
وتكلمت عنه من المفهوم الخاطىء فقط ولم تذكر اى صفه من صفات الحب
النقى هو انا علشان احب انسانه لازم انى اخرج معاها واعمل حاجات تانيه
من اليه انت مش عايز تذكرها
اخى انت معقد اعزرنى بس لازم تراجع نفسك فى حاجات كتير انواع الحب
كثير وليسة جميع انواعه حب شهوه ولا حب من الغرض الجنسى
وربنا يهدى الشباب كلو وانا هقولك على حاجه صغيره لو زى مانتا مبتقول
ان اليه بيجرى وراى الحب علشان شهواته و الاشياء المحرمه اسئل نفسك
فى محرمات كتير الواحد بيعملها وهو مش دارى لو هتمشى على دينك صح
فى اشياء كتير لازم تغيرها فى نفسك ابداء بمعلجة اخطائك اولا
بعد كده فكر فى موضوع الحب وخلافه .
فى نهاية كلامى احب ان اشكرك على متابعتك ورئيك الذى احترمه
لكن لا تسىء بأحد بدون وجه حق انت اتهمتنى بعدم ثقفتى الدينيه
وانا احترمت رئيك على الموضوع كعام وليس كشخص محدد
دومت اخى وفى انتظار باقى الاعضاء
الغالى شقى
انا قولتلك انك معندكش ثقافة اسلامية لانى دة واضح جدا من ردودك
وبخصوص الرسول صلى الله علية وسلم
وحية للسيدة خديجة رضى الله عنها
دة حب وجد بعد الزواج اخى العزيز
وليس قبلة
وبعدين اياك ابدا ان تقارن نفسك او شباب هذا الزمن بالرسول علية الصلاة والسلام
حبيبى هاتلى حد من اصدقائك بيتسلى بواحدة او الحب الى بتقول علية
واتجوزها
اسئلة كدة
هيقولك انت اتجننت اتجوز واحدة عرفتها وعملت معاها كذا وكذا
وانا معقد
ههههههههههههههههه
لا يحبى انا الحمد الله مش معقد
بس بنظر للامور بواقعية جدا
يعنى انا الحمد الله مسلم
والحب الى انت بتقول علية دة حرام طبعا فى الشريعة الاسلامية
وكمان يعنى انا لو عملت كدة مع واحدة دة هيتردلى ويحصل معا بنات اخواتى
طيب لية انا اعمل كدة اصلا
الى مرضهوش لنفسى مرضهوش لغيرى
وبعدين يعزيزى
الواحد يعنى مش فاضى للكلام الفاضى والهلس والمسخرة الى بتحصل باسم الحب
انا مش فاضى اتسلى يغالى
انا عندى دراستى ومستقبل لسة عايز اوجدة
علشان اقدر اعيش فى الزمن دة
والتسلية يغالى مش هتنفع
وبقولك طالما انت بتقول الحب مش تسلية روح اتجوز الى انت بتسلى معاها دلوقتى
اة اسف الى تحبها
ههههههههههههههههه
يلا كفاية كلام فى موضوع فاضى
مش هضيع وقتى فى كلام فى الهوى ال حب ال
ههههههههههههههه
قول تسلية يعسل
السؤال الجاى
ما هو تقييمك للوضع الحالى الذى تعيشة البلد؟
elhabib
07-15-2006, 05:48 PM
البلد تمر بمرحة صعبة ودقيقة جدا
وما تواجهه من ازمات ومواقف صعبة
لا بد ان يكون هناك فكر جيد واداره جيده
والخروج من النفق المظلم الذي تعيشة من فتره طويلة
السؤال
هل ما تواجهه الامة العربية يستحق الصمت والتكتف
Clickme
07-15-2006, 10:43 PM
ما تواجهة الامة لا يستحق الصمت
ولكن كل الرؤساء جبناء ويلهسوا وراء مصالحهم الشخصية
سؤال:
هل انت مع قيام المظاهرات للتعبير عن الرأى؟
تيتو المصرى
07-16-2006, 02:16 AM
للتعبير عن الراى فقط طبعا معاها
لكن للتدمير لا والف لا
ايه رايك فى توقيعى الجديد ( الرجل الاخضر ) هههههههههههه؟؟؟؟
elhabib
07-16-2006, 11:18 AM
تيتو
التوقيع جميل بس مخيف
يعني انت عاوز تخوف الاعضاء يعني
السؤال
هل تعتقد باننا صادقين مع انفسنا ؟
Clickme
07-16-2006, 03:39 PM
لا اظن
هل انت مع اسلوب المقاطعة ام تفضل المواجهة المباشرة؟
elhabib
07-16-2006, 03:44 PM
انا افضل المقاطعه وايضا المواجهه
فالاتنين هما سلاحين مطلوبان
هل تعتقد ما تفعلة ايران من تحديات هو الطريق الصحيح
Clickme
07-17-2006, 06:47 PM
نعم اعتقد ذلك
فاظهار القوة يرهب الاخريين
وخير دليل كوريا الشمالية
ما رايك فى موقف الدول العربية مما يحدث الان فى لبنان؟
elhabib
07-18-2006, 11:58 AM
موقف السلبية وخوف المصالح
هل تعتقد اننا شعب مستسلم للواقع
Clickme
07-20-2006, 10:06 PM
اكيد طبعا
بس بردة الحكومة بتعرف تلعبها صح وبتلهى الشعب بحاجات كتير
هل تؤيد هجوم مصر والسعودية على حزب الله وتحميلة مسؤلية ما يحدث فى لبنان؟
elhabib
07-24-2006, 05:02 PM
لا والف لا
ماذا تعتقد الي اين ستصر الحرب هل سينتصر حزب الله
Clickme
07-24-2006, 08:49 PM
ستتوقف الحرب وبدون خسارة لحزب الله
هل انت مع الاصوات التى لماذا نقف مع حزب الله وهو شيعى؟
elhabib
07-25-2006, 11:08 AM
لا فرق بين سني وشيعه
الكل مسلم وموحد الله
هل تعتقد بان غلاء البنزين هي صورة من انشغال الشعب عن الحرب
Clickme
07-25-2006, 11:30 PM
لا طبعا دة صورة للحكومة لكيفية اختير توقيت اعلان هذا الخبر
هل ترى ان المنتدى بدا ينشط ام ماذا؟
elhabib
07-26-2006, 11:25 AM
نعم بتوفيق من الله
تم المنتدي في النشاط والتالق
وننتظر المزيد دوما من الاعضاء والمشاركين
هل تعتقد هل يوجد افكار جديدة ممكن ان تضاف للمنتدي لكي يكون في تقدم مستمر
Clickme
07-31-2006, 05:42 PM
جارى البحث اخوى
ما هو رايك بالتعديل الاخير فى المنتدى ؟
elhabib
08-01-2006, 11:20 AM
كل ما هو جديد يضاف للمنتدي هو مكسب للمنتدي ولنا
ما هي الافكار الجديدة التي تجدها من الممكن ان تضاف للمنتدي
اسف اخى و لكنى لن ارد هذه المرة اخوك بالله سامى
elhabib
08-19-2006, 04:14 PM
رونالديينو
ولما تم المشاركة اذا لم تود الرد علي الاجابة
السؤال
هل تعتقد بان القرار الخاص بلبنان هو القرار الصواب ؟
Mr-LOrd
08-20-2006, 05:49 PM
هو ليس بالصواب الصحيح
ولكنه حل مؤقت
ليعيد حزب الله تكوين نفسه
وايضا لتخفيف الضربات على الشعب اللبنانى
هل تعتقد ان امريكا سوف تنسحب من العراق ؟
Clickme
08-20-2006, 08:35 PM
نعم اعتقد ذلك وسيحدث قريبا
ما رائيك بمستوى المنتدى الحالى هل يحتاج تعديل فى رائيك ؟
redtiger
08-20-2006, 08:51 PM
الأجابة: المنتدى لا يحتاج الى شىء الى مركز لرفع الصور و الملفات كبيرة الحجم مثل الفلاش حتى يتمكن الأعضاء من سرعة وضع المواضيع
السؤال:من من اعضاء شقاوة يعجبك مواضيعة كثيرا
elhabib
08-21-2006, 11:05 AM
الاعضاء الاكثر نشاطا واكثر تالقا هو العضو الاول الذي يعجبني
السؤال
ما هو رايك الحقيقي بمستوي التعليم بالعالم العربي ؟
وهل وصلنا حقا للعالمية ؟
وما هي الافكار التي من الممكن ان تساهم بتقدم التعليم بالعالم العربي ؟
Clickme
10-17-2006, 01:21 AM
ما هو رايك الحقيقي بمستوي التعليم بالعالم العربي ؟
مستوى هابط جدا
وما هي الافكار التي من الممكن ان تساهم بتقدم التعليم بالعالم العربي ؟
يجب تغيير نظام التعليم بالكامل
وترك الطالب يختار ما يريد ان ينجح فية
وارجوا ان من يقوم بوضع مناهج التعليم
ان يعلموا نفسهم اولا
سؤالى
ماذا تعلمت من الحياة حتى الان؟
elhabib
10-17-2006, 12:42 PM
تعلمت من الحياه
ان اتعامل مع الاخرين بكل صدق ومحبة
وان لا اعاملهم بمعاملتهم الغير محبوبة في بعض الاشخاص
هل تعتقد بان انشاء مفاعل نووي في مصر خطوة جريئة ومطلوبة الان ؟
Mr-LOrd
10-19-2006, 04:08 AM
اكيد مطلوووبه
لانه بيكون سلاح رااادع
اللى بعدى
كم مرن انطردت من البيت
هههههههههههههههههه
maya_sh2ee
10-19-2006, 06:03 AM
ههههههههههههههههههههه
ولا مره طبعا مين يقدر يطردنى انا اطفش بلد
بس غلبانه فى حالى مش بعمل حاجه لحد علشان انطردbaby.gif
السؤال
ماهى امنيتك من الدنيا؟
Mr-LOrd
10-20-2006, 08:20 AM
اكون انسان صالح
عندى شغل كويس
وواسرة سعيده
بس ايه هو السوال يا لورد تحياتى
elhabib
10-22-2006, 11:43 AM
السؤال للي بعدي
هل في اعتقادك ما نحن فيه من تفكك وانهيار دولي وعربي
هل سببه هو الغرب ام السبب الحقيقي هم العرب انفسهم ؟
طبعأ يا اخى حبيب هو السسب سبب العرب اكيد تسال نفسك لماذ اشان احانا تخليتى عن الدين ولسنا متوحدين اذا كنا متوحدين و متمسكين بديننا الكريم وسنة الرسول وهل تعرف السسب الوحيد الاخر ان نحن العرب غيورين منهم لذالك نتبع سياستهم ونتبع تقاليدهم ولكنة هدا ما امرنا به الرسول هد هو نحن نقول عن انفسنا مسلمين بس نحن لسنا مسلمين متى نكون مسلمين عندما نتوحد و نترابط ونتمسك بالدين الاسلامى عندها سنكون منتصرين علميأ واخلاقيأ وسياسيأ .............
بس قول لنفسك فى هذه الايام هلى يوجد دوله عربيه قالت انها ستقاوم مثل السعودية انها ستحارب اليهود من الفسطينين او انها ستحارب من اجل المسجد الاقصى المذكور بالقران انا اقول لكل الدول العربيه باسم الشعب الفلسطينى حسبى الله ونعم الوكيل.
LoVe StOrY
10-31-2006, 10:08 PM
وانا معاك يا che بس فين سؤالى ركز شويه اللى واخد عقلك يا سيدى
وانا سؤالى للى بعدى
كام مره حبيت فى حياتك ؟ ومين اللى واخد عقلك حاليا ؟
maya_sh2ee
11-01-2006, 05:40 AM
طبعا حبيت عائلتى كلها انما الحب الحقيقى ولا مره
مقلتش الانسان الى ممكن يستاهل حبى واقدر احبه من غير متجرح من حبه
وحاليا محدش واخد عقلى غير المنتدى وكل الاعضاء الى حبتهم فيه
السؤال
ماهى موصفات شريكة حياتك او شريك حياتك ؟؟
elhabib
11-01-2006, 01:39 PM
يمنا سؤال جميل
ومواصفات شريك الحياة
اولا التدين ومخافة الله
وبعد كده مواضفات الاخري
من ادب طبعا قبل شئ والجمال واجمل شئ الجمال الداخلي
والتساوي بالمستوي المادي والاجتماعي والعلمي
السؤال بقي
في اعتقادك هل ما نراه من تدني بالاخلاق ما هو سبب
الاسرة ام التعليم او الوسائل المستخدمة من نت وتلفاز
LoVe StOrY
11-12-2006, 01:23 PM
انا رايى كل دول بيشاركوا فى تدنى الاخلاق
الاسره والتعليم ليهم دور مهم وكبير جدا
انما النت والتلفاز اكيد ليهم عامل اساسى بس
باختصار كل واحد بيستخدم الاجهزه على حسب رغبته هوه كل واحد عارف هوه بيعمل ايه
ودور الاسره والتعيم هنا الوعى والفهم لابنائهم
وكل انسان يقدر يتحكم فى الاجهزه مش الاجهزه اللى تتحكم فيه
السؤال للى بعدى
كام مره جتلك ورده حمرا فى عيد الحب؟؟27[1].gif
elhabib
11-12-2006, 01:28 PM
للاسف لمتاتي لي وردة حمراء في عيد الحب
ولكن كنت اهدي انا الوردة الحمراء لمن احبة
السؤال
هل الحب يحتفل به فقط في يوم واحد بالسنه ونتذكر انه حقيقي وله معاني صادقة وفي بقية السنة يزينة بالخداع والكذب ؟
maya_sh2ee
11-13-2006, 03:30 AM
الحب فى القلب مش مجرد ورده بتهديها للتحبه كل سنه مره
الحب احساس مش كلمه بتتقال معنديش كلام تانى كفاااااااايه كدهblushing[1].gif
الى بعدى
ياترى كدبت مره بحسن نيه وقلبت لمصيبه ؟
gogoman_2020
11-13-2006, 03:50 AM
ايوة وكانت مصيبة بس ماكنش قصدى غير كل خير
ســـــــــــــــــــــــــــؤااااااااااااااال
هل انت صريح فى حياتك وصادق مع الاخرين !
Mr-LOrd
11-13-2006, 03:52 AM
بصراحه اه
حصلت مرة وخسرت فيها كتير اووووووووووى
يمكن اكبر خسارة فى حياتى
ايه اصعب وقت مريت بيه فى حياتك ؟
Mr-LOrd
11-13-2006, 03:53 AM
انا وجوجو ردينا مع بعض
هههههههههههههههههههههههه
الحمد لله بشوف نفسى صريح
وبسأل الى بعدى
ايه اصعب لحظه مريت بيها فى حياتك
اه في الثانوية العامة ساعة اعلان نتيجة التنسيق دى كانت اصعب لحظة في حياتى لحد دلوقت
للي بعدي
ايه هي علاقتك مع ربنا وهل انت راض عن نفسك؟
Mr-LOrd
11-13-2006, 05:30 AM
الحمد لله بحاول اعمل اللى عليا
واذا انا راضى عن نفسى لا مش راضى
اللى بعدى
هل واجهت فى حياتك الحب الحقيقى
elhabib
11-13-2006, 12:32 PM
الحب الحقيقي يوجد بالقلب وبكلمة الصادقة
هل تعتقد بان في هذا الزمن يوجد صداقة حقيقية
alkobtan
11-13-2006, 02:36 PM
نعم بين الاسود
ههههههههههههه
نعم يوجد صداقة حقيقه
والصديق هو الذي يصدقك وقت الصدق
ايه الكلام الكبير الي انا بقوله ده
الي بعدي
7
7
7
7
7
معاك قطعة فحم اسود وحائط نظيف ابيض................
ماذا سوف ترسم عليه؟
وان رسمت ماذا ستكتب تحت الصورة؟؟؟؟؟
؟
gogoman_2020
11-13-2006, 05:23 PM
انا هاكتب واقوووووووووول يارب ارحمنااااااااااااااااا
الى بعدى
لو معاك مليون جنية هاتتجوز
نيااااااهههههههههههههوووووووووووووو
alkobtan
11-13-2006, 11:48 PM
فين اتلمليون الجنيه الاول وا نا كنت كل يوم اجوز وااااحدة
فلاتي انا ههههههههههههههههه
7
7
7
7
7
7 لو امك وحماتك ومراتك بيغرقوا وانت قدرة تنقز اتنين بس ممين الي هتنقزهم
جااااااوب ياااحلو؟؟؟؟؟؟؟؟؟؟؟؟؟؟؟؟؟؟
Clickme
11-14-2006, 12:03 AM
انا هنقذ امى واسيب الاتنين يغرقوا
الى بعدى
لو معاك مسدس فية طلقة واحدة هتقتل بية مين؟
alkobtan
11-14-2006, 12:45 AM
الي هيطلع سواء مرااااتك ولا حماااااااااتك
هههههههههههههههههههههه
ايه طموحك في المنتدي؟
LoVe StOrY
11-14-2006, 12:05 PM
طموحى اجنن الحبيب وميا وياسمين وجوجو مان
اللى بعدى
ايه رايك فى اغنية العنب ومشتقاتها؟؟ يعنى البلح والقصب............
Clickme
11-14-2006, 03:51 PM
تخاريف العصر
زمن غدار
اية رائيك فى مستوى المنتتدى الحالى؟
alkobtan
11-14-2006, 05:38 PM
جميل علي منتدي جديد النشأة
وانا اتنباله بمستقبل جميل
الي بعدي
ما هو رايك بالتنازل عن بعض المبادئ للوصول الي المال؟
maya_sh2ee
11-14-2006, 07:56 PM
طبعا مبدء مرفوض والمبادئ مبتتجزئش
وطبعا المال بيروح وبيجى لكن الانسان لازم يكون عنده مبدء يؤمن بيه
الى بعدى
ايه هيا نظرتك للدنيا وبتتمنى ايه منها؟
gogoman_2020
11-16-2006, 05:35 AM
اتمنى اكون راجل كويس واحقق احلامى
انت
لو راكب عربية وقدامك طريقين واحد فى نار والتانى فى بحر
هاتعمل اية
جاوب
نيااااههههههههههووووووووووووووو
elhabib
11-16-2006, 11:35 AM
هرجع من مكان ما جيت
السؤال
ما هي الافكار الجديدة التي ممكن ان تضاف للمنتدي
الافكار الجديده نتمسك بعضنا البعض وان نكون جميعنا اخوة
الى بعدى ما رايكم باخنا العزيز شقى الى ما بنذكره
LoVe StOrY
11-17-2006, 07:05 PM
شقى عضو متميز ومثالى بس هوه فين ؟؟مختفى ليه؟؟
ايه رايك فى المثل اللى بيقول
البعيد عن العين بعيد عن القلب؟؟؟؟؟
maya_sh2ee
11-19-2006, 04:42 AM
طبعا المثل ده مش صح الواحد لو بيحب بجد يبقى الى بيعيد عن العين ساكن فى القلب
ومستحيل يفرقه مهما كان بعيد عن عينه
السؤال للبعدى
ياترى ممكن الحب الحقيقى الصادق يتحول لكره فى يوم من الايام ؟
Mr-LOrd
11-20-2006, 01:56 AM
والله يميا
هو مممكن كل شىء جايز بالدنيا
ودلوقتى الواحد ما يقدر يفرق بين الصادق والكاذب
اللى بعدى
ما اهى احلامك؟
مفرفشة و مهيصة
11-22-2006, 10:36 PM
حلمي اني ادخل الجامعه بنسبه عاليه عشان اخش القسم الي عوزاه
واني اطلع القمر
الي بعدي ايش موقفك ادا احد قلك انا اكرهك ؟؟
LoVe StOrY
11-23-2006, 01:35 AM
ولا حاجه براحته
اللى بعدى ايه الحاجه اللى انت مش قادر تحققها ونفسك تحققها؟؟
نور الحياه
11-28-2006, 12:22 PM
انى اسافر دبى
اللى بعدى
هل فى حب حقيقى اليومين دول؟؟
zidane
11-28-2006, 03:53 PM
اكيد .
اية صفاتك فى الانسان الى بتحلمى بية؟
بس ميكونش من الخيال.
maya_sh2ee
11-28-2006, 05:24 PM
اولا الاخلاق والادب ويكون انسان مرح متفاهم طيب
واهم شئ يكون فيه حب بينا بعد كده كل شئ ميهمنيش
السؤال
ياترى انت راضى عن نفسك ؟
Clickme
11-28-2006, 05:28 PM
اكيد لاطبعا
الى بعدى
مين اكثر الاشخاص لو غاب عنك تحس بالام لذلك؟
مفرفشة و مهيصة
11-28-2006, 08:35 PM
من دون اي تفكير
سوسو اختي
طيب
مين اكتر شخص قريب منك في المنتدى ؟؟؟
نور الحياه
11-29-2006, 12:53 AM
رامى لان رامى اخويا
نفسك تعمل ايه دلوقتى؟؟
maya_sh2ee
11-29-2006, 03:33 AM
نفسى اقفل الجهاز وادخل اناااااام لانى تعبت اوووووى
السؤال
اكتر شخص عزيز عليك فى الدنيا بعيد عنك ونفسك تقبله؟
Mr-LOrd
11-29-2006, 04:02 AM
والله مقدرش اقول اعذورونى
ايه هى احلامك فى الحياه ؟
نور الحياه
11-29-2006, 04:33 AM
نفسى اسافر دبى
هل فى حب على النت زاى الحب الحقيقى؟؟؟
Mr-LOrd
11-29-2006, 04:45 AM
شوفى لو قعدت اتكلم عن الحب
ما راح اعطيه حقه
بس اقولك حاجه بسيطه
الحب هو تلاقى ارواح
روحين يتلاقو
على النت فى الحقيقه
فى اى مكان
بس يكون فى صدق بين الروحين
تحياتى ؛؛
حبيبت من على النت قبل كدا ؟؟
نور الحياه
11-29-2006, 05:06 AM
لا
انت حبيت من على النت كام مره؟
Mr-LOrd
11-29-2006, 05:16 AM
هههههههههههه
هى حفله
حبيت مره
نور الحياه
11-29-2006, 05:25 AM
طب فين السوال ولا نسيت يالورد
كان نفسك تدخل كلية ايه؟؟
Mr-LOrd
11-29-2006, 05:26 AM
اه والله نسيت معلش
كان نفسى ادخل كليه
ادااب انجليزى
اللى بعدى
مين هو قدوتك فى حياتك ؟
نور الحياه
11-29-2006, 06:11 AM
الرسول عليه الصلاة والسلام
لو طلعت القمر هتختار صديق اية وتختار كتاب اية؟؟
Mr-LOrd
11-29-2006, 07:03 AM
لو طلعت القمر
هختار صديق امممممممممممم
صعبه لانه اصحابى كتير
بس الكتاب
راح يكون القران
ايه رأيك فى منتديات شقاوة وبصدق؟
نور الحياه
11-29-2006, 07:13 AM
بجد والله منتدى حلو اوووووووووى
لو تحب تتعرف على حد جديد فى المنتدى هيكون مين............؟؟؟
Mr-LOrd
11-29-2006, 07:37 AM
نور الحياه
وباربى
اللى بعدى
ايه لونك المفضل
نور الحياه
11-29-2006, 07:54 AM
الاسواد
ايه الاكله ال انت بتحبها؟؟
LoVe StOrY
11-29-2006, 10:10 AM
المكرونه بالباشاميل
كام مره عاكست فى التليفون؟؟؟
maya_sh2ee
11-29-2006, 06:10 PM
ولا مره طبعاااا
السؤال
مين اكثر شخص عزيز عليك وقريب ليك فى المنتدى ؟
alkobtan
11-29-2006, 08:49 PM
اللورد وميا
طبق عسل في سم تحب مين الي ياكل منه
ثم الذي ياليه
Mr-LOrd
11-29-2006, 10:52 PM
كل اعداء الاسلام
اللى بعدى
تعرف ايه عن العولمه ؟
alkobtan
12-02-2006, 12:07 AM
العولمة:
اللورد يسال: ماهو التعريف الأكثر حقيقيةً للعولمةِ؟
القبطان: موت الأميرةِ دايانا.
اللورد: كيف ذلك؟
القبطان: أميرة إنجليزية مع عشيق مصري بحادث إصطدام في نفق فرنسي، في سيارة ألمانية تعمل بمحرّك هولندي، يقودها بلجيكي والذي كان مخمورا بالويسكي الإسكتلنديِ، متبوعة مباشرةً مِن قِبل المصورين و الصحفيّين الإيطاليينِ، على الدراجات البخاريةِ اليابانيةِ؛ عولجوا مِن قِبل طبيبِ أمريكيِ، يَستعملُ أدويةَ برازيليةَ
هذا الموضوع يُرسَلُ إليك مِن قِبل هندي، يَستعملُ تقنيةَ بيل جايتس، وأنت من المحتمل َتقْرأُ هذا على حاسوبِكَ، الذي يَستعملُ الرقائقَ الالكترونية التايوانيةَ، و شاشة كورية، جمّعَ مِن قِبل العُمّالِ البنغلاديشيينِ في مصنع سنغافوري، و نَقلَ مِن قِبل سواقِ شاحنةِ باكستاني، إختطفَ مِن قِبل الأندونوسيين، و أفرغَت حمولتها مِن قِبل ملاحين صقليين، و شحن إليك مِن قِبل المكسيكين بصورة غير شرعية.
هذه هي، يا صديقي، العولمةُ
هههههههههههههههههه
Mr-LOrd
12-02-2006, 08:55 AM
ههههههههههههههههههههههههه
طيب فين سؤالك
اللى بعدى
ايه احلامك فى السنه الجديده
2007 ؟
نور الحياه
12-02-2006, 12:18 PM
تكون حلوه عليه وعلى الجميع
هتعملى او هتعمل ايه فى العيد
Mr-LOrd
12-04-2006, 09:15 AM
هههههههههههههه
هاقعد اذاكر
امتحاناتى بعد العيد على طول
اللى بعدى
ايه مواصفات فتى احلامك ؟
ونفس السؤال للشباب
ايه مواصفات فتاه احلامك ؟
نور الحياه
12-04-2006, 01:15 PM
يكون رجال يس
نفسك تدخل او تدخلى كليه اييه؟؟
Mr-LOrd
12-04-2006, 03:53 PM
نفسى ادخل تجاره
فاضل لى سنه بالمعهد وادخلها
اللى بعدى
احساسك ايه وانت بتتفرج على نشره الاخبار؟
barbie
12-04-2006, 04:19 PM
و الله حسب حالتي النفسيه بس بحب اسمعها لو كان فيها رياضه او مظاهرات
بتحس بايه و انت في منتدى الكائنات الفضائيه سوري قصدنا الرقيقه ؟؟؟؟
maya_sh2ee
12-05-2006, 03:47 AM
طبعا بكون سعيده جدااا
خصوصا ان فيه كل شئ جديد وفيه موديلات لاول مره اشوفها
السؤال
مين اكثر واحد قريب ليك ؟
نور الحياه
12-05-2006, 12:22 PM
نفسى
ايه اكتر حيوان بتحبه او بتحبى؟؟
والله القطه
الى بعدى
هل حسيت مره فى الحياه بانك او بانكى لا تريد او لا تريدين اكمال حياتيك
نور الحياه
12-05-2006, 03:13 PM
لا
اكتر حاجه بتحبيه او بتحبه فى حياتك؟؟
maya_sh2ee
12-05-2006, 06:13 PM
بحب كل شئ جميل فى الدنيا
السؤال
متى تشعر بالسعاده ؟
لما يتححق اللي بتمناه طبعا
اللي بعدي
من الشخص الذي تكون حريص على سعادته دائما؟؟
الفرعون
01-03-2007, 08:10 PM
الشخص الذى يحرص على سعادتى
من اكثر انسان تتمنى ان تعيش بقربة
.SMART
01-03-2007, 08:28 PM
اكتر شخص احس انه يضحي عشان يحميني
اللى بعدي؟
هل يوجد عيب في بشارنو؟
ahmed ELPRANSE
01-04-2007, 10:47 AM
لأ لأ لأ لأ
مارايك باحمد البرنس وهل انا مقصر ؟؟؟؟؟؟؟؟؟؟؟؟
.SMART
01-04-2007, 01:33 PM
لاء والله ده انت من افضل المشرفين
مين اكتر مشرف او عضو تحبه بصراحة؟
المنتدى جميل جدا اكيد
وصل المنتدى للمستوى المطلوب
سؤالي انا
متى يصبح العراق امنا؟ هل يعود اليه الامان ؟
اي رئيكم
ليالينا
01-04-2007, 06:12 PM
كل بدايه لها نهايه واكيد عمر ماربنا يرضى للمسلمين الاهانه واكيد قريب جدا النهايه للكفره
.SMART
01-04-2007, 08:29 PM
ليتلينا انت ما سالت
انا هجاوب العراق يصير امن لما تقوم الساعة
mostafazein
01-04-2007, 10:53 PM
وانت كمان يا بشارنو ما سألت
اسمحلي اسال انا
ومحتاج جواب السؤال ده جدا جدا جدا
ايه رايك في مصطفى زين؟
مميزاته وعيوبه من خلال صورته اللي كونتها عنه من خلال مشاركاته في المنتدى؟
بايه تنصحه؟
ليالينا
01-05-2007, 12:35 AM
يا سلام انت هماك اوى الحكايه دى والله انا شايفه ان مصطفى محترم جدا ومتدين وجزاه الله خير
طيب ايه رايك فى اعدام صدام حسين
حسبى الله ونعم الوكيل
saminageh
01-05-2007, 12:41 AM
ليست مفاجئة لاعدام صدام حسسين
ولكن المفاجاه اعدامه فى اول ايام عيد الاضحى
هؤلاء اليهود لا يراعون حق لمسيحى او لمسلم
ولا يراعون شعور الاخرين
واعتقد ان اعدامه فى اول ايام العيد هو عن قصد
وحسبى الله ونعم الوكيل
saminageh
01-05-2007, 12:42 AM
ليست مفاجئة لاعدام صدام حسسين
ولكن المفاجاه اعدامه فى اول ايام عيد الاضحى
هؤلاء اليهود لا يراعون حق لمسيحى او لمسلم
ولا يراعون شعور الاخرين
واعتقد ان اعدامه فى اول ايام العيد هو عن قصد
وحسبى الله ونعم الوكيل
السؤال
ماذا تتوقع ان يحدث فى العالم من جديد بعد رحيل 2006 وهلول 2007؟
ليالينا
01-05-2007, 12:49 AM
مزيد من علامات القيامه الصغرى واهانات للعرب لو فضلوا يخافو كده وربنا يستر
ايه اسواء حاجه حصلت فى 2006 غير اعددام صدام
والله ما انا عارف
الى بعدى
هل انا كيف تعتبرنى كعضو او ما رايك فى..............
والله ما انا عارف
الى بعدى
هل انا كيف تعتبرنى كعضو او ما رايك فى..............
ليالينا
01-05-2007, 02:06 AM
عضو متميز ومنور والله
اللى بعدى مساء الخير الاول ايه اخبارك بئه بصراحه
الى بعدى انتى ليه دائمأ بتردى وراى على طول
ليالينا
01-06-2007, 09:19 PM
قدرى اعمل ايه يعنى اللى بعدى ليه شى مردش على سؤالى
alkobtan
01-06-2007, 09:29 PM
معلش انا اخباري اخدت دور انفلونزة وعقبال دور البطولة وانا موقعي بيتعرض للهكرز من مواقع اجنبية وعربيه وارجوا العزر لعدم دخولي المنتدي وانا عايااااان جدااااااا
الي بعدي انت عزرني ولا لا؟؟؟؟؟؟؟؟؟؟؟؟؟؟؟؟؟
ليالينا
01-06-2007, 09:32 PM
الف سلامه طبعا معذور
maya_sh2ee
01-14-2007, 11:36 AM
ايه اكثر قسم بيشدك فى المنتدى وكمان بتحبه ؟؟
عاشق الدم
01-15-2007, 01:00 AM
احسن قسم بيشدنى هو قسم الرياضه لان معضم موضيعى فى القسم ده
عاشق الدم
01-15-2007, 01:01 AM
مين هو الشخصيه الواحيده اللى تحبه فى المنتدى؟
maya_sh2ee
01-15-2007, 03:52 AM
والله انا بحبهم كلهم ومفيش حد معين يعنى
السؤال
ياترى انت راضى عن نفسك ؟
محمد ثروت
01-15-2007, 08:51 AM
الحمد لله طبعا
السؤال انته عامل كل الاربنا قال عليه وبتصلى بصراحه؟
maya_sh2ee
01-15-2007, 11:00 AM
بكل تاكيد بصلى والحمدلله
والصلاه هى الصلة بين العبد المؤمن وربه
السؤال
ياترى انت جرحت شخص غالى عليك قبل كده
محمد ثروت
01-15-2007, 11:54 AM
[size=5]بصراحه اه
احالى حاجه فى حياتك ايه
حياتي
اممممممم
صفه بتكرها بالمجتمع العربي
NONO_MOON
12-30-2007, 08:56 PM
مين الشخص اللى انت حبيته جدا بس للاسف هوة خانك وسابك وانت مش قدرت تنساه؟؟؟؟
اممم واحد كان اول حب في حياتي وخاني . . بس
ايه اكتر حاجة بتحبها في حبيبك او حبيبتك ؟؟
Mr-LOrd
01-08-2008, 11:12 PM
معنديش اجابه على السؤال
ايه هو حلمك فى الحياه ؟!!
اسافر اكمل دراسه بمصر
وحلم تاني بفضل احتفظ بيه لنفسي
نفسه
Mr-LOrd
01-09-2008, 12:30 AM
جنات انا تقريبا خانقك
ههههههههههههههههه
كله نفسه نفسه
حلمى اخلص دراستى
ويكون عندى شغل فى المجال اللى احبه
وبس
اللى بعدى
قرار اخدته وندمت عليه ؟!!
هههههههههههههههههههه
دخول عالم النت بندم عليه وما بندم
نفسه هههههههههههههههه
سلطان الغرام
01-09-2008, 05:54 PM
اني اكره شخص عزيز علئ قلبي
طيب
شيئ اتخذته وعارضو عليه اهلك؟
هــ يم ـــــا
01-10-2008, 08:29 AM
اني احب
نفس السؤال
Mr-LOrd
01-15-2008, 04:31 AM
حاجات كتير
لانى دايما مختلف وليا افكارى الخاصه
اللى بعدى
ايه مش عاجبك فى منتدى شقاوة
واللى يجاوب ميقولش مفيش لانه مفيش منتدى كامل!!
هههههههههههههههههه ان الكل مجاريح ياعيني مجاريح
نفسه
Mr-LOrd
01-15-2008, 05:18 AM
بصراحه انا متفق مع جنات
مشفتش حد فى المنتدى
بيقول انا مبسوط وسعيد
كل مجروح وكله حبيبته او حبيبته خانوه
اللى بعدى
افضل الاسماء المقربه اليك ؟
Mr-LOrd
01-15-2008, 05:26 AM
ههههههههههههههههههه
نفسه
فارس
يوسف
ادم
منى
صفااء
نغم
سريتا
01-19-2008, 03:10 PM
السؤال يا معلم ؟؟؟؟؟؟؟؟؟
اوكي اسال انا .......... اخر مرة اضحكت فيها من قلبك و اذكر لينا الموقف ؟
النجم الحائر
01-19-2008, 04:39 PM
اوكي اسال انا .......... اخر مرة اضحكت فيها من قلبك و اذكر لينا الموقف ؟
امبارح كنت سهران انا واصحابى ومقضينها نكت
ايه اسوا يوم فى حياتك وايه موقفه؟
vBulletin v3.7.0, Copyright ©2000-2008,, sh2ee