IORI
07-13-2006, 01:28 PM
أهلاً بيكم
عذراً على التأخير
أحب افكركوا بالنقط اللي بنناقشها في الجزأ الأول واتمنى انك تساعدوني وتشوفوا لو في نقطة ناقصاني ولا حاجه
************************************
المشكلة التعليمية في مصر
قررت أبدأ بالمشكلة التعليمية في مصر لأنها بتخص النشء الصغير اللي فيهم الأمل ان شاء الله في الإصلاح
ده غير ان امة من غير تعليم لن تتقدم
رأيي إن أول خطوة للتقدم تبقى هي التعليم
يمكن الموضوع تقريباً لا ينقد الشعب المصري وهو نقد للمسئولين عن العملية التعليمية ..... لكن انا شايف انه يكون الأول نظراً للأسباب اللي ذكرتها في الأول
مشكلة ضخمة ومتفرعة بطريقة فظيعة ونقدر نحط نقط ليها :
1- مشكلة المعلمين ... رواتب ... إجهاد بدون فائدة ( تم بحمد الله )
(ومشكلة المعلم هي البداية لأنه هو اللي بيحقق العملية التعليمية)
2- مشكلة الأماكن التعليمية ... مدارس عامة ... خاصة ... انترناشيونال ... جامعات ...
3- مشكلة المناهج التعليمية
4- مشكلة تقسيم العملية التعليمية ... علمي ... أدبي .....
5- مشكلة الدروس الخصوصية
6- مشكلة طريقة الالتحاق بالجامعات وطرق الدراسة
أكيد في مشاكل تانية بس دول اللي جم على بالي
وكل هذه المشاكل بتؤدي إلى فشل العملية التعليمية
************************************************** *************
2- مشكلة الأماكن التعليمية :
بالنسبة للمدارس العامة
والله المشكلة دي تنقسم لقسمين ... الأماكن التعليمية كماً والأماكن التعليمية كيفاً
هنشرح كل حاجه
نبدأ بالأماكن كماً
الكم هو العدد
تكمن المشكلة في نقص الوحدات التعليمية في بعض الأماكن
بعض المناطق تنقصها مدارس ثانوي وبعض المناطق محرومة من خدمات التعليم أصلاً
بيقابلني كتير في الجرايد استغاثة أهالي قرية .... عشان معندهاش مدرسة ثانوي مثلاً وبيضطر الطلبة انهم يروحوا مدارس على بعد كيلومترات وبيتعرضوا لمخاطر كبيرة
المشكلة دي سببها في الأول إهمال وفي الثاني كثرة النسل
مش عاوز ادخل في تفاصيل المشكلة السكانية بس عاوز اقول ان الجهل والعادات والتقاليد الغبية هي السبب
وبالأصح فهم الدين بطريقة خاطئة وانا مضطر اشرح وجهة نظري
يقول الرسول صلى الله عليه وسلم " انكحوا الودود الولود فإني مباه بكم الأمم يوم القيامة "
والولود هي المرأة اللي بتنجب كتير ... لكن مش المقصود هنا الكترة العددية بس
لازم يكون الفرد متأهل صح احنا مش أرانب وهيندبحوا
بالنسبة لمشكلة الأماكن التعليمية كيفاً
الأماكن التعليمية غير مجهزة بالمرة
دكك مخلعة وهوريكوا صورة واكيد كله عارفها وقعد عليها سنين
اهمال الجانب الترفيهي ... مفيش ملاعب نضيفة ... حصص الألعاب ان كانت حصص بجد ممكن
تتاخد وتبقى حصة فيزياء
اهمال الجانب الابداعي ... المعامل غير مجهزة وان كانت غير مجهزة ممنوع حد يلمس حاجه في المعمل
حتى لو كنت في 3 ثانوي ... يقولك المعامل دي عهدة وطبعاً المتعهد بيخاف عليها
مفيش سبورة عدلة ... السبورة عبارة عن حيطة مدهونة أسمر
الطباشير جاي من الحجر الجيري على طول من غير اي تعديل غير عملية التشكيل على هيئة صوبع
ده غير البلاوي اللي بتسببها الطباشير اصلاً والغبار بتاعها
أكيد في بلاوي تانية ... ولو نسيت فكروني
..................................
بالنسبة للمدارس الخاصة الأميري
عيبها يكمن في انها تقريباً عالم من المثالية يعيش فيه الطالب من الطفولة لحد الجامعة
ويخش الجامعة طفل مش عارف أي حاجه في أي حاجه
و مفيش مكان في العالم مثالي ... الكمال لله وحده
بالتالي بيعيش الطالب في قوقعة لما يخرج منها بيستهوى ويموت ... وان حاول يتأقلم بيبوظ
..........................
بالنسبة للمدارس الانترناشيونال
هدفها الخفي تدمير الثقافة العربية الإسلامية بادعاء الدعوة نحو التقدم
المدرسة الانترناشيونال اللي كل الإدارة فيها أجانب كل همهم تحويل مصر إلى دولة علمانية
وهنتكلم عن الموضوع ده بالتفصيل بعد كده
انا مش عارف ازاي ولي الأمر يستأمن أبنائه وخصوصاً البنات في ايد أجانب ؟؟
هناك الأطفال بيتعلموا يبوسوا بعضهم ولما يكبروا يفهموا يعني ايه البوس ده و النتيجة معروفة
.....................
بالنسبة للجامعات
عالم من الهجص وليس عالم من المعرفة والتعليم المتخصص
بنات وشباب وصحوبية و خروجات و جواز عرفي و حتى من غير جواز
أكيد أغلب اللي في الكليات في أحد المراحل دي وطبعاً مش الكل
في مراحل زي الصحوبية ضرورية بس الأهم ان المرحلة متتطورش
************************************
في انتظار مناقشتكم وانتظار تفكيركم في الحلول ... وورونا الإبداع يا شباب ويا بنات
nosweat[1].gif
عذراً على التأخير
أحب افكركوا بالنقط اللي بنناقشها في الجزأ الأول واتمنى انك تساعدوني وتشوفوا لو في نقطة ناقصاني ولا حاجه
************************************
المشكلة التعليمية في مصر
قررت أبدأ بالمشكلة التعليمية في مصر لأنها بتخص النشء الصغير اللي فيهم الأمل ان شاء الله في الإصلاح
ده غير ان امة من غير تعليم لن تتقدم
رأيي إن أول خطوة للتقدم تبقى هي التعليم
يمكن الموضوع تقريباً لا ينقد الشعب المصري وهو نقد للمسئولين عن العملية التعليمية ..... لكن انا شايف انه يكون الأول نظراً للأسباب اللي ذكرتها في الأول
مشكلة ضخمة ومتفرعة بطريقة فظيعة ونقدر نحط نقط ليها :
1- مشكلة المعلمين ... رواتب ... إجهاد بدون فائدة ( تم بحمد الله )
(ومشكلة المعلم هي البداية لأنه هو اللي بيحقق العملية التعليمية)
2- مشكلة الأماكن التعليمية ... مدارس عامة ... خاصة ... انترناشيونال ... جامعات ...
3- مشكلة المناهج التعليمية
4- مشكلة تقسيم العملية التعليمية ... علمي ... أدبي .....
5- مشكلة الدروس الخصوصية
6- مشكلة طريقة الالتحاق بالجامعات وطرق الدراسة
أكيد في مشاكل تانية بس دول اللي جم على بالي
وكل هذه المشاكل بتؤدي إلى فشل العملية التعليمية
************************************************** *************
2- مشكلة الأماكن التعليمية :
بالنسبة للمدارس العامة
والله المشكلة دي تنقسم لقسمين ... الأماكن التعليمية كماً والأماكن التعليمية كيفاً
هنشرح كل حاجه
نبدأ بالأماكن كماً
الكم هو العدد
تكمن المشكلة في نقص الوحدات التعليمية في بعض الأماكن
بعض المناطق تنقصها مدارس ثانوي وبعض المناطق محرومة من خدمات التعليم أصلاً
بيقابلني كتير في الجرايد استغاثة أهالي قرية .... عشان معندهاش مدرسة ثانوي مثلاً وبيضطر الطلبة انهم يروحوا مدارس على بعد كيلومترات وبيتعرضوا لمخاطر كبيرة
المشكلة دي سببها في الأول إهمال وفي الثاني كثرة النسل
مش عاوز ادخل في تفاصيل المشكلة السكانية بس عاوز اقول ان الجهل والعادات والتقاليد الغبية هي السبب
وبالأصح فهم الدين بطريقة خاطئة وانا مضطر اشرح وجهة نظري
يقول الرسول صلى الله عليه وسلم " انكحوا الودود الولود فإني مباه بكم الأمم يوم القيامة "
والولود هي المرأة اللي بتنجب كتير ... لكن مش المقصود هنا الكترة العددية بس
لازم يكون الفرد متأهل صح احنا مش أرانب وهيندبحوا
بالنسبة لمشكلة الأماكن التعليمية كيفاً
الأماكن التعليمية غير مجهزة بالمرة
دكك مخلعة وهوريكوا صورة واكيد كله عارفها وقعد عليها سنين
اهمال الجانب الترفيهي ... مفيش ملاعب نضيفة ... حصص الألعاب ان كانت حصص بجد ممكن
تتاخد وتبقى حصة فيزياء
اهمال الجانب الابداعي ... المعامل غير مجهزة وان كانت غير مجهزة ممنوع حد يلمس حاجه في المعمل
حتى لو كنت في 3 ثانوي ... يقولك المعامل دي عهدة وطبعاً المتعهد بيخاف عليها
مفيش سبورة عدلة ... السبورة عبارة عن حيطة مدهونة أسمر
الطباشير جاي من الحجر الجيري على طول من غير اي تعديل غير عملية التشكيل على هيئة صوبع
ده غير البلاوي اللي بتسببها الطباشير اصلاً والغبار بتاعها
أكيد في بلاوي تانية ... ولو نسيت فكروني
..................................
بالنسبة للمدارس الخاصة الأميري
عيبها يكمن في انها تقريباً عالم من المثالية يعيش فيه الطالب من الطفولة لحد الجامعة
ويخش الجامعة طفل مش عارف أي حاجه في أي حاجه
و مفيش مكان في العالم مثالي ... الكمال لله وحده
بالتالي بيعيش الطالب في قوقعة لما يخرج منها بيستهوى ويموت ... وان حاول يتأقلم بيبوظ
..........................
بالنسبة للمدارس الانترناشيونال
هدفها الخفي تدمير الثقافة العربية الإسلامية بادعاء الدعوة نحو التقدم
المدرسة الانترناشيونال اللي كل الإدارة فيها أجانب كل همهم تحويل مصر إلى دولة علمانية
وهنتكلم عن الموضوع ده بالتفصيل بعد كده
انا مش عارف ازاي ولي الأمر يستأمن أبنائه وخصوصاً البنات في ايد أجانب ؟؟
هناك الأطفال بيتعلموا يبوسوا بعضهم ولما يكبروا يفهموا يعني ايه البوس ده و النتيجة معروفة
.....................
بالنسبة للجامعات
عالم من الهجص وليس عالم من المعرفة والتعليم المتخصص
بنات وشباب وصحوبية و خروجات و جواز عرفي و حتى من غير جواز
أكيد أغلب اللي في الكليات في أحد المراحل دي وطبعاً مش الكل
في مراحل زي الصحوبية ضرورية بس الأهم ان المرحلة متتطورش
************************************
في انتظار مناقشتكم وانتظار تفكيركم في الحلول ... وورونا الإبداع يا شباب ويا بنات
nosweat[1].gif